韓樂 (海之戀商場)

营业中

休息中

長假期, 我們這一家終於可以一齊食個飯, 對上一次飯聚係新年! 因為 Donki 附近好多食肆都未試過, 決定沿海旁走走再到商場搵食, 最後選定韓式! MoMoKu手工薄餅 $68 ~ 因為有溫泉蛋在薄餅面, 所以成件薄餅完全無切開, 備有薄餅刀, 由食客親自感受溫泉蛋流落薄餅的瞬間! 味道不錯, 餅底有點太厚及少硬! 溫泉蛋 + 豚肉 口頭鍋珍珠飯 $62 ~ 有飯焦, 辣及醬油自行加上, 味道不錯! 韓式豚肉野菜炒粉絲 $58 ~ 最欣賞的一道, 粉絲軟硬適中, 爽口彈牙, 濃香麻油味, 菜及豚肉也多, 如豚肉切細一點更好! 韓風香酥炸雞 + 豬骨濃湯 (粉絲 / 烏冬) $52 ~ 甜辣味炸雞, 湯頭清淡! 註: 凍飲 +$3, 冷榨檸檬茶, 無乜特別! 座位有點狹窄, 4份食物全放枱有點不夠位罝!

海之戀商場開左之後荃灣西多左好多食飯既地方今日就同我同事試左係海之戀商場地下"韓樂"人蔘雞湯配飯好味指數 😋😋😋人蔘雞湯食落同超市賣既包裝人蔘雞湯好似湯既甜唔係黎自雞 係糖既甜雞肉無咩味同太淋芝士一口炸雞好味指數 😋我只比一個lam lam脷係因為佢既芝士同炸雞都做我唔好個芝士好硬身 完全沾唔到上雞上面個炸皮偏油 而且一夾起就同雞肉分開另外仲有幾舊係肥膏無肉所以呢個一口炸雞我唔推薦大家去試以韓國菜黎講佢價錢唔算貴所以一分錢一分貨😌甘既價位 唔可以要求太高了

我本身係住樓上嘅，見到商場開咗呢間舖頭，一直都好想試下，本身都鐘意食韓國野。終於搵日有機會入去食個lunch，發現個Menu選擇好少，最後揀左個鐵板牛柳餐，等左好耐終於上菜，點知鐵板嘅食物完全唔夠熱，味道非常古怪，舊肉咬落去凍冰冰。身邊既朋友叫左道冬陰功炒意粉,食咗一半就食唔到落去，難食到作嘔。小食反而好味過主菜，而飲品嘅選擇實在太少喇，最後差唔多$200，又貴又唔抵食而且好失望。整體唔合格要檢討。

來到海之戀商場行完街 順便食埋晚飯 今次就食左新派韓國菜Momoku 其實之前桃子已經到過將軍澳分店好幾次了 最鍾意就係Momoku嘅半融芝士脆炸薯條🍟 香脆的薯條配上拉絲的芝士味道超正 喜歡芝士嘅朋友們不要錯過啦～ -另外還點了韓式燒汁豚肉炒年糕和野菜牛肉炒粉絲 兩個主菜份量都幾多 味道不錯 性價比挺高 但還是最推薦芝士薯條😆

疫情下被放假，只好宅係屋企🤣星期一突然唔想煮夜晚，就去左行得到既海之戀搵野食地下個層開左勁多餐廳，以為價錢同樓價有得揮，點知...原來有好多都好親民🥰未食過韓樂，聽個名以為係主打韓式快餐...點知其實係韓菜港式茶餐廳🤣🤣即係乜都有...冇雲吞麵但有辛辣麵...是日特價...冇湯冇飲品...抵食味道唔差加多個pizza, 正👍🏻埋單原來唔使加一...200百蚊有找我諗好耐都未試過呢個價錢係商場食晚飯🥣最後，同老公講，入左韓國餐廳但一樣韓國野都冇食到

今日又到了海之戀的DONKI DONKI 朝聖。下午茶時間就在海之戀商場找食。這裡有很多新餐廳，很多都很吸引。最後選擇了這間以食物為主打的MOMOKU韓樂。餐廳裝修是工業風，不太似韓式餐廳，反而似西式餐廳。餐廳頗大，平日下午茶時間不算多人，不用等位。餐廳坐位算寬闊，我們選了窗口位置，雖然有點曬，但可見到外面的平台花園。　下午茶的選擇都很多。有多士，牛角包，小食，湯麵，炒粉麵，焗飯等。今天選了較為韓式的幾款。一口炸雞湯麵 ($39)炸雞是韓式款，很脆，脆漿不算厚。醬汁味道很好，很香濃，有點辣。雖然辣，但我這個不吃辣都可以接受。麵是即食麵，湯底很似日式拉麵的豬骨湯，湯內加了炸過的乾蔥和蔥，非常香。不過吃完口氣很大，哈哈。湯麵內還有一隻溏心蛋和菠菜，都很豐富。野菌豚肉炒讚岐烏冬 ($40)炒烏冬很好，不太油膩，烏冬不太硬或太腍。調味也剛好，不太鹹。豚肉是薄切，很爽口。牛肉溏心蛋飯 ($38)牛肉醬汁味道很好，很濃郁。牛肉調味也不錯，這個牛肉加牛肉汁伴飯很好。ｒ唯一不夠好是不夠熱，只是暖的。下午茶餐是跟飲品的。奶茶咖啡都很份量，味道都很正常，所以沒有影相。整體來說，下午茶餐份量不算少，賣相和味

今日約左朋友交收一d野，在海之戀商場見到唸間下午茶都好似幾好甘，又便又多小食，所以就唸住試吓，點知又吾錯，人又吾系好多，坐得都幾舒服😌，我哋3個人叫左3個餐，3個小食，埋單都系150蚊有找

諗住去Donki購物，經過韓樂見到外賣promotion，一隻香草烤雞外賣價$48（原價$78），每小時整點出爐一次，眼見好多人排隊輪候，應該食得過，我又排埋一份買嚟做晚餐，隻雞果真新鮮熱辣，隔住紙袋都勁香，返家即食，雞肉嫩滑，雞皮仲有少脆，又冇咩脂肪，CP值爆燈！

疫情下的星期日，很想出街消費，又想幫助帶動經濟，所以諗住近近哋食個午餐，快快脆脆食完返屋企，以為冇乜人，誰不知週圍都很多人，可能因為這個商場是新開的原因。見到這間餐廳的午餐精選唔錯，價錢ok，有大約十個人正在等位，等咗大約十五分鐘便能入坐，很久沒有吃過韓式美食，今次的午餐算是 fusion韓式，所以很啱香港人口味，有韓風炸雞，烏冬，忌廉扁意粉，熱咖啡，凍奶茶，全部都啱食好味，價錢吸引，服務員也快手，地方清潔又乾淨，值得推薦。下次揾日嚟，要試下個早餐如何。

海之戀其實都開左幾多新既餐廳 呢間個格局同另一間意樂都好相似 唔知係唔係有關係呢🧐Anyway 講番野食先 我個人就覺得意樂好食d 呢間雖然有d韓式既野食但係有少少呃人 餐牌個人蔘雞湯有成隻雞但現實係得半隻 仲要冇糯米😩不過味道係ok既🤔

這間餐廳的最大特色就是性價比吧，48文烤雞已成為我家日常排隊項目，其他餐點的價格也都很適宜，韓式口味也還可以，比起旁邊高價格的餐廳來說算是樓下比較親民的選擇了👍

海之戀地下的韓國餐廳，環境幾大，食物選擇也是好多，每人一個牛肉石頭鍋飯，另加小食，午餐選擇也是好多。地方都算大，又空間感夠。熱檸檬茶，已經將檸檬汁加左係茶入面，幾好呀。OK夠方便。小食~芽菜，魚仔，芝士焗西蘭花。魚仔好脆好咮，芽菜也是爽，西蘭花的芝士唔夠均勻。也是夠多芝士的。石鍋牛肉飯，好colourful，牛肉啡色，葱粒綠色，紅蘿蔔白蘿蔔橙及白色，中間一隻半生熟雞蛋。好豐富的感覺。加醬汁撈勻一齊食。好夠熱好夠味道，牛肉也好淋。正呀！！

今日來新商場海之戀行街，順便食個下午茶。見<韓樂>排曬隊等位,下午茶menu好抵食好吸引，一於同朋友入去試下。<韓式芝士胡麻焗雞扒飯>下午茶焗飯屬於迷你size, 細細個鐵板甘上，有2件雞扒，雞肉好惹味，仲有好多拉絲芝士，芝士味好濃郁，焗飯惹味好食。<韓式芝士配炸雞>炸雞細細件，大約有5件左右，炸得香脆可口，鐵鍋入面有吾少芝士漿，將炸雞沾滿芝士漿來吃，味道不錯。不過我本身吾太鐘意呢隻略為帶甜既芝士味，反而喜歡焗雞扒飯個隻芝士味多d。另外加$10要左個炸薯條，炸得好脆好好味。港式熱奶茶及即磿咖啡，水準都吾錯。下午茶餐大約都係$40-$60 左右，茶餐廳價錢，算係抵食吖!!~

知道海之戀商場最近開左好多餐廳，所以就過黎試下。呢間叫＂韓樂＂好韓國餐廳位於海之戀商場G16號舖，而且有部分枱係可以望到海景。當日係早上過黎食早餐，坐左喺窗口位附近。雖然係韓國餐廳，但係竟然係有意粉食。叫左份香草雞扒湯扁意粉配鮮奶炒滑蛋＄35，雞扒都唔算太細，炒蛋幾香，另外叫左豬扒香草腸部隊麵＄36。呢度杯熱檸水好特別，係無一片片檸檬，係榨檸檬汁咁。服務方面普通。好處係唔洗加一。整體來說是普普通通。

全城抗疫，日日都留係屋企，今日去咗屋企附近OP Mall 入面嘅韓樂食早餐。牛角包好好味，又暖又鬆軟又香牛油味👍🏻厚切餐肉，配搭黑松露炒蛋 ，炒蛋入面仲有薯蓉 ，略嫌香草腸可以用粗d個款會更美味，沙律菜冇乜特別。但整體來講呢個早餐都算唔錯。*侍應姐姐警覺性及衛生觸角可以再改善一下更佳 會再幫襯👍🏻