韓樂 (海之戀商場)

营业中

休息中

行驚新商場海之戀，周圍望下睇下有咩好食，最後就簡左呢間韓國野，價錢唔貴 平均每樣野都係$50-$70，酸甜雞超抵食$3x一份都好多件，人參雞煲仔好好食$7x，撈飯一流，個薄餅就唔建議叫，我個人覺得麻麻地，牛肉炒粉絲都好好食，環境都好，座位都夠闊落坐得好舒服，走出去賣單嗰時，出邊仲會有啲韓國小食，買咗一筒韓國紫薯薯片，甜甜地幾得意，韓國嘢來講呢間算係好平價錢又貼地唔會特別貴，下次一定會再嚟幫襯。。。。

呢間餐廳其實食過兩三次，之前疫情比較嚴重，還經常有做晚間外帶優惠，例如48蚊一隻燒春雞。可能連鎖餐廳關係，水準穩定。《人參雞湯》 穩陣之選，每次都有叫。《 韓式炒年糕》《momoko 手工薄餅》星期四優惠必選《 芝士焗西蘭花》 份量比較少但係價錢只須$28《 韓式溫泉蛋石鍋飯》驚喜晚市優惠，我試過三款，每款同原裝一模一樣，冇因為特價而偷工減料。食物賣相＝(滿分20) 16食物味道＝(滿分20) 16服務質素＝(滿分20) 15裝修整潔＝(滿分20) 17性價比率＝(滿分10) 8回頭指數＝(滿分10) 8總評分。（滿分100) 80分

好味指數😋回頭指數 - -開心指數 - - 去咗呢間買下午茶餐返公司食，實在好唔開心，首先個外賣等咗23分鐘， 仲要係真心難食！🙅🏼‍♀️真係唔可能再俾機會！🍴牛肉溏心蛋飯($40) + 熱咖啡好難食呀🥵 牛肉，又硬又「鞋」，飯應該似珍珠米，但係好奇怪，係一粒粒嘅但又好笠口，溏心蛋睇相都知已經一D都唔溏心，已經係接近全熟，好難收貨！成碗嘢冇一樣嘢好食！🍴熱咖啡正常🍴柚子蜜糖雞翼(+$10)呢個係比較okay, 味道係okay, 只係個皮有少少硬，正常咁啦

OPPA 燒雞炒年糕唔知係因為我同女朋友嘈交定係還是食物本身質素差，其實我入到餐廳係冇叫嘢食呢個都係我女朋友食嘅，但係總係唔知咩味不過始終價錢唔貴所以要求都係唔好咁高啦

韓燒三部曲之三，韓德攰醉飽P爺的韓燒三部曲最終回竟以韓德攰醉飽作終結，很奇幻的標題，但看到尾大家會明白韓樂，地點是荃灣海之戀，平時行經見到長期排隊本來相當抗拒，但今日不用排，可能是早上11:00的關係，竟然可直出直入，一於坐低看看店內風格充滿新潮活力，原來價位相當友善。點了小碟辣墨魚仔，香濃刺激，醒神醒胃主菜是雞肉石頭飯，配以特色韓醬，味道豐富，香氣撲鼻，啖啖驚喜還有炸雞烏東，相當滿足，下次轉試米粉作麵底。期後中午已見排隊，可見是有相當人氣的食店，水準當然有保證，下次必會再發掘他其他食品。中午約了P爺的長老們happy hour， 地點是韓樂對面的德餐，本身諗住飲少少就回家，點知係酒精，友誼，笑聲下，進入忘我境界，是日先試韓餐，再食德餐，當日就以韓德攰醉飽作結。

習慣叫開個一餐 就叫番同一個餐但今次的午餐肉超咸 但樓面同事話 正常一向都用呢隻午餐肉（完全沒有問過廚房） 失望 其他食物都無問題 😑😑😑😑😑😑😨😵😵唔理人客的意見 隨意回答就當無事

今日去海之戀商場行下donki同行下呢個商場路過呢間餐廳外面已經見到入面好多人就喺外面睇下原來係間韓式餐廳又有炸雞食見個menu 又岩食 價錢又尚算合理跟住就入左去了叫左個龍蝦汁帆立貝意大利飯，d 汁入味， 夠鮮味， 好足料，又有硯又有蝦又有帶子，risotto 都煮得剛好，正！！！！！炸食夠香脆又夠入味，d 汁好好味，推介！跟住仲有order 左雞扒焗飯，本身諗住應該要等好耐，因為焗既野，但佢上餐時間都唔算耐。

成個場間間都好多人，最快有位，價錢合理，就試試啦！睇餐牌唔只傳統韓國餐食物，有fusion嘅韓式西餐兩個人叫左芝士炸雞球，溫泉蛋煙肉pizza，牛肉石鍋飯，涼拌菠菜，兩杯飲品芝士雞球，芝士醬係分開上，唔會整林啲炸雞，芝士味道ok，但估唔到炸雞竟然有雪味......煙肉pizza 係薄脆型配埋溫泉蛋，食落唔會好乾，正正常常牛肉石鍋飯等得比較耐，飯面有好多配料同牛肉，加埋醬汁，拌勻食熱辣辣，味道唔錯唔會失手嘅食物

是日再來海之戀商場逛街，午餐時找到了這家韓樂，因客人多而前來試試店內環境舒適餐牌上的食物同樣吸引韓式牛肉野菜炒粉絲～～～～～～～～～牛肉味濃而粉絲亦很入味韓風香酥炸雞豬骨濃湯粉絲～～～～～～～～～～～～香酥炸雞很香韓式醬汁亦很不錯但豬骨濃湯明顯是出前一丁的濃湯味精湯底咖哩牛腩珍珠飯～～～～～～～咖哩出奇地濃味及辣，喜歡辣的朋友必點，牛腩份量亦不少半溶芝士脆炸薯條～～～～～～～～用鐵板上的芝士非常香濃，跟脆炸薯條十分配合，是日推介凍奶茶～～～普普通通，但濃味韓菜必配凍飲

今晚行經海之戀商場，見到一間韓式餐廳韓樂！聽說這是一間人龍店，常常有很多人排隊等位，平時喜歡覓食的我，當然同老婆入內試下，點咗5款食物(煙三文魚柚子沙律、牛肉石鍋飯、手工薄餅、人參雞湯、安格斯牛扒）上菜時間都算頗快，不用20分鐘，所有嘢食都已上齊，整體食物水準不錯，由其是嗰個手工pizza， 味道幾好，值得一讚的是，pizza配上流心蛋將芝士滑滑的口感提升，員工服務都算ok,因為真係幾忙！但留意到廚房員工沒戴手套，現在疫情其間應該注意衛生， 最好戴返手套整食物，保障食客健康！

這間新開張的韓式餐館經常排滿人龍，終於一家人去試試是否真的這麼吃貨。店內裝修是頗有格典的，食物種類也很多。滋味雪耳·人參雞 - 味道是不錯的，雞件很嫩滑，雪耳溶掉於湯中，整個湯少許黏黏的似糖水。韓式泡菜海鮮炒年糕 - 不過不失，略嫌不夠辣，多點泡菜會更佳。野菜牛肉炒粉絲 - 味道一般般，翻來翻去才找到幾片牛肉，實在太少了。蜜糖柚子雞翼 - 相當有驚喜，蜜糖加柚子調配的醬汁非常美味，雞翼又啖啖脆皮，兩者簡直是絕配。豚肉泡菜Pizza - 這個配搭很特別，如此重口味的好難唔好食。

去完激安Shopping當然食個下午茶醫肚啦😆由於太肚餓嘅關係，所以2個女人叫咗3個下午茶套餐，連Staff落單時都呆咗一呆🤣半溶芝士焗肉醬扁意粉幾大碟，芝士有拉絲，好好食🤤韓式燒汁焗雞扒飯比我想像中細碟😅 飯好少但面頭太多燒汁，所以成個飯都好鹹🥴一口炸雞配韓式粉絲湯非常推介！炸雞好脆口，而且酸酸甜甜好開胃呀❤️ 粉絲湯仲有半隻糖心蛋同埋菠菜👍期待下次再食過🤤

我們叫了芝士炸薯、泡菜腩肉炒飯、韓色辣醬海鮮年糕。侍應一送來芝士薯條，那香噴噴的芝士香味真令人不能抗拒。薯條份量充足，不過很快就淋了，但沾著濃濃的芝士真的很滿足啊！我們都十分讚賞泡菜腩肉炒飯，一點也不油，米飯是一粒粒，軟硬適中。配合充足的泡菜和調味調，每一啖都很香口哩！我們都食完又再添，好味到令人回味。大家都讚👍😋。至於炒年糕，我太怕辣，食了少少都頂不順了。但友人表示年糕味道不錯，不會過鹹，我覺得份量和質量都幾好。有八爪魚🐙、蜆（連殼😅）等。這店座位舒適，不過我略嫌款式少，如果多點選擇就滿分了。三樣野加埋，埋單只是156，太抵了，值得推介👍

工作到很晚， 打算叫一份外賣吃，休息一下。 點知收到嘅時候嚇咗一跳。叫左一份豬柳，沙律， 一個泡菜pizza。豬柳+沙律+ 薯條=$180泡菜pizza $83薯條好似比油浸住咁， 豬柳乾到不能再乾。泡菜pizza仲衰， pizza嚟到嘅時候凍曬， 啲toppings 又跌曬出來， 好似嘔吐物咁。。pizza餅底係外面買返嚟， 就咁整熱佢。 然後係咁以炒下呢泡菜豬肉， 放上pizza個面。咁就賣比人。 menu啲相全部假嘅。永遠不會再幫襯不會再幫襯。

呢間餐廳CP值好高雖然味道普普通通唔算好好味 但都不過不失勝在夠抵以下全是主餐牌正價價錢所以大多數都要等位入座🍕野菜牛肉炒粉絲偏甜略油 麻油太多但整體而言都算好味畢竟韓式炒粉絲本身就係多麻油🍕韓風香酥炸雞酸甜香脆但竟然聯想起生炒骨🤣🍕Momoku手工薄餅材料豐富香草腸+溫泉蛋+煙肉+肉醬即叫即焗 熱辣辣拉絲芝士特別誘人🍕人蔘雞湯浸娃娃菜似中式上湯浸時蔬完全冇人蔘味味道普通偏淡只係名不符實🍕鰻魚石頭鍋珍珠飯值得一試鰻魚好厚好足料如果鍾意食飯焦 就等一陣先撈醬汁咁就脆卜卜唯獨前菜全部都係另購雖然可以慳左前菜成本 但就扣左好多分畢竟係韓式餐廳嘅獨特像徵