韓樂 (海之戀商場)

营业中

休息中

經谷友推薦，去食早餐，原本以為韓國餐廳怎麼會有早餐出現呢? 聽起來好像有點奇怪，地點是有點偏遠，但是早餐的選擇超級多，Quality也是很,就是一個早餐才$3X -$50 我覺得價值根本是比得上百元的早餐All Day Breakfast. 姐姐們也是很勤力，點歺上歺清潔！值得推呀

#荃灣 趁著呢幾日食唔到嘢，寫埋之前食咗又未寫嘅食評吧！ 🤪🤪.😌早個 （唔記得幾多個）星期，朝早開完會, 難得接近午飯時間唔喺公司附近, 梗係食埋午餐先返公司啦! .🧀🍝半溶芝士鮮茄肉醬肩意粉 $50 ~ 好評! 🧀芝士超足料, 肉醬味濃, 茄醬唔酸, 意粉軟硬度剛剛好! 雪耳人蔘雞脾配珍珠飯 🍚$59 ~ 聞到有人蔘味, 飲落就無喇! 煲得完全唔夠火喉, 🍗雪雞肶肉質滑, 我無咁貪心諗住有雞味! 🍗小食 ~ 韓風香酥炸雞 $36 ~ 超大碟, 不過肉質超級乾, 我有理由懷疑係食緊雞肉乾! 🤪💁‍♀️服務就個別人仕啦! 我哋明明叫凍飲, 單打咗熱飲😑, 叫侍應改返, 個侍應話: 你哋要特飲, 凍飲唔駛加 $3…..🙄🙄呢個係重點嗎?????? 到餐飲嚟到, 個侍應姐姐話: 2杯, 你哋改咗要凍飲! ……….😳😳😳😳

5、6月嚟食時覺得食物質素幾好，而且價錢合理，服務尚可以，坐位也很寬敞，但今個星期一再去因遲了11：30後無早餐order, 唯有選擇了炸雞粉絲湯麵食，因上前吃過味道唔錯，但今天味道改變了，湯底還非常之咸，很難吃，明白現時生意難做，但要做生意都必須保持質素，才可以留住客人？！非常失望！連拍照都不想拍！

疫情期間，限聚令，大部份人主攻外賣，這家韓店也推出優惠超值價豬手$38/烤雞$48.香草烤雞 ~ 外賣價$48逢3:00/4:00/5:00/6:00/7:00pm 即日新鮮出爐韓式烤豬手~外賣價$38去大型超市買特價急凍豬手一隻大若$4x，仲要自家製作烹調，即買即食，試得過.逢2:30/3:30/4:30/5:30/6:30/7:30pm新鲜出爐今次先試香草烤雞size ~ 中型 (2~3人份量)外皮~ 燒汁味濃，整體味道不錯肉質 ~嫩滑多汁

行完donki唔知食咩好見呢間都幾抵就食呢間2個人都有卡位坐 幾好叫咗一份扒一碟意粉一個小食兩杯嘢飲飽到傻左小食個芝士杰d 好d意粉我反而覺得啲魚仔唔算好夾扒就因為做緊特價都叫ok2杯野飲不過不失啦

我們於星期五下午差不多四點鐘左右進入餐廳，在限聚令下，2人一枱，坐得舒服，但也看見有3人一枱，枱中間放一塊紙板隔住，感覺上不太衛生。我們叫了流心芝士西多士及野菌豚肉炒讚岐烏冬，有跟餐飲品：奶茶/咖啡。店員重復一遍時，說得太快，加上有些口音，所以要求她再重覆一遍😅飲品先到，咖啡的顏色較淺，咖啡味淡；奶茶則茶味較淡。流心芝士西多士先到，外表與普通西多士無異，但切下去時，有驚喜。芝士流晒出來，感覺吸引，加上我們熱騰騰的吃，芝士味濃，值得推薦🤩至於野菌豚肉炒讚岐烏冬方面，野菌份量正常，雖是炒烏冬，但也不是太乾，有濕炒feel，配料足夠，搭配得宜。以女士胃口的下午茶來說，份量應該足夠。在吃下午茶期間，有服務員趕著收工，急忙到食客座位下拿東西，感覺上不太良好，食客可能會感到有點唐突🤨但總體來說，食物質素良好，服務員態度一般，還是可以一試。

究竟有無良心？有無諗人感受？疫情下將我點嘅嘢食放咗去隔離枱(隔離一家四口除曬口罩傾曬計，口沬橫飛）問下人哋有無叫過都無然後過咗至少五分鐘隔離枱突然就叫staff過去話個飯唔係佢好好笑地啲staff俾返嗰個飯我即係以前我都算而家日日幾十幾百人確診無可能係咁樣上返俾我仲要海之戀冷氣勁凍個飯已經凍哂仲問返我係咪要整個個新嘅將心比己 係咪仲要問？落單25分鐘隔離幾枱遲過我地落單啲嘢食都到左，我地一樣嘢都未到仲可以有staff問我地有無單不過個檸檬茶係好飲嘅

呢間餐廳同一般韓式餐廳有啲唔同出面望入去有啲以西餐行到入去既擺位又有啲似茶餐廳不過一入去就聞到好香餐牌星期一至五都有一款special今日星期三香草烤雞🍗一於試吓有驚喜 薯條好味😋連襯底既翠玉瓜都好味😋個炸雞出奇地嫩滑中間雞胸位置都一啲都唔鞋另外點左醬燒排骨上菜時跟左兩隻手套🧤真心⋯唔用手套🧤根本食唔到用咗手套🧤都食得好辛苦個排骨冇咩味 啲汁喺面但個味同排骨分開即刻好似烚熟左既排骨加左汁咁再揀一次 我一定唔會再叫記住呢間餐廳唔係食服務既所以唔好expect有服務

星期六外出前食個TEA 先, 因為要搭西鐵, 所以去韓樂食。多人到要等位, 大約等咗15 分鐘就可以入座了。下午茶都好多選擇。我哋叫咗脆炸雞脾及脆炸薯條同芝麻烤雞炒珍珠飯。我老公見到門面有個牌介紹有個餐飲係提高免疫力, 於是問店員係乜嘢, 店員: ERRR凍檸茶。我哋都覺得好疑惑, 於是我老公再問一次, 佢都話: ERRR 果個即係凍檸茶 。跟手到覆單時, 講到勁快, 根本聽唔到佢講咩。我覺得呢點需要改善。脆炸雞脾 脆炸薯條 - 薯條好少, 不過雞脾好食搭夠! 皮好脆, 食完即刻喉嚨痛! 芝麻烤雞炒珍珠飯 - 下午茶份量較細, 不過都好食, 飯炒得乾身。下午茶嚟講, 我覺得算抵食。整體嚟講, 食物質素OK, 不過某D 店員O既態度可以加以培訓。

我們一行人於週日約早上8時半光顧此餐廳，起初以為這麼早應該沒有什麼人，但原來也有很多家庭恵顧。圖一至四為餐牌，也有頗多選擇，讓人眼花撩亂，而我們也考慮了好一會兒。我們叫了火腿濃湯扁意粉配蒜香牛油厚多士；黑松露鮮奶炒滑蛋配香草豬肉腸、餐肉、牛角酥、田園沙律；香煎豬扒配餐肉、鮮奶炒滑蛋配蒜香牛油厚多士、田園沙律，一共三個套餐。圖五為香煎豬扒配餐肉、鮮奶炒滑蛋配蒜香牛油厚多士、田園沙律。圖六為火腿濃湯扁意粉配蒜香牛油厚多士。圖七為黑松露鮮奶炒滑蛋配香草豬肉腸、餐肉、牛角酥、田園沙律。2份炒滑蛋🍳下均有薯蓉，新奇配搭。黑松露鮮奶炒滑蛋則另有蘑菇，黑松露味也有，沒有很搶，相得益彰。而餐肉是一整塊圓形的，不像出面其他茶餐廳只有半塊，份量十足。蒜香牛油厚多士🍞皆是我們眾人覺得最好吃的，十分鬆軟，也有牛油🧈香味及香草🌿。火腿濃湯扁意粉也有粟米，湯底沒有味精，非常好喝。總括而然，早餐價錢合理，食物不錯，環境優美，座得舒服，真的值得一試PS 客人走後，職員也會及時清潔和消毒，讓顧客稍為放心。

早餐8:30時段。一入到黎唔俾餐牌就叫你落單，問佢拎餐牌，就大大力咁掟係檯面。態度惡劣。等左30分鐘都未有早餐，問服務員，佢大大聲粗聲粗氣咁話「你等下，人地等最耐都未黎⋯」好嬲！佢唔係話幫你跟下，係叫你等，佢唔會跟⋯食到一肚氣！以後唔會再黎！太多差！野食又一般，蛋同包都唔熱，依家咩時期，唔加熱返就拎黎俾客食？清潔消毒又求其。可能佢唔夠人手，一係就姐姐本身就係咁既態度。好過份！以後都冇幫襯！Never never never!

約左朋友食晚飯，但又唸住早出嚟行陣街，吹吓水先，所以就想搵間就腳又坐得吓時間嘅餐廳，行到腳仔有d攰時，見到好間茶記，價錢尚算便宜，所以就入去試吓之前經過見到有外賣豬手同燒雞，賣相唔錯，價錢勁吸引流心芝士烤多士～唸住輕食，點知食落都幾大件，多士唔係一般嘅旦醬，而係好似炸雞脾嘅炸粉咁，雖然炸出嚟勁脆，但炸粉就有點厚，而炸粉就有點調過味，所以多士有點胡椒味，但都幾夾😅😅切開都有芝士流出，但食落就唔係全芝士，而係加左旦醬咁。唸住扮吓阿太食少少野，都食到有少少頂住😏熱奶茶～比一般茶記大杯，算抵飲，茶夠熱，但茶就未太夠香😅其實下午茶餐，又唸住唔洗太飽，我覺得都抵食，大大塊多士加飲品都係$29，仲係海之戀商場入面，又方便易搵😎

韓樂在海之戀地下，之前食過牛肉石鍋飯，覺得幾正，同事又話粉絲都好味，今日自機會再去，可惜已經冇牛肉石鍋飯，咁就叫豚肉，凍檸檬茶係冷壓的， 我覺得幾好飲，又唔係話好酸，又唔係好甜呀，啱啱好。幾大杯呀。溫泉蛋，豚肉，石頭鍋珍珠飯，好吸引，夠晒colourful又夠晒熱，加d醬汁及辣醬一齊撈，好正，一隻溫泉蛋，白蘿蔔同紅蘿蔔粒，菠菜，泡菜，豚肉，芽菜，魚仔，十分豐富，魚仔好香，全部嘢撈埋一齊食，好好味，仲有飯焦添。同事的韓式牛肉野菜炒粉絲，好大碟，好似好正咁，有一些菜， 牛肉，椰菜， 紅蘿蔔，粉絲吸曬啲汁好好味。不用加一，抵食及好吃

HAPPY FRIDAY 食好D! 今日想食韓國菜, 所以同同事去咗海之戀韓樂食LUNCH。去到唔駛等位, 直接就坐。LUNCH MENU 都算多選擇。除咗石頭鍋飯, 連人參雞都有, 仲要連藜麥飯, 好抵! 店內裝修比較摩登, 有霓虹燈同有D 工業風, 感覺不錯。咖哩炸雞珍珠飯 - 無論飯同雞O既份量都超多, 一向比較大食O既同事都食唔晒! 咖哩唔係日式咖哩, 而係好似咖哩魚旦果隻港式咖哩, 比較辣。韓式豚肉野菜炒粉絲 - 份量都係偏多, 豚肉同粉絲都入味, 如果可以再多D 菜就更好! 

😡有伏！注意！在平日下午茶時段2點光顧韓樂，點了下午茶牛肉溏心蛋飯，焗芝士肉醬意粉，加8蚊追加一碟泡菜。🚨牛肉蛋飯🚨份量😡少得可憐😡 只有聊聊幾片勁薄的普通牛肉，少過吉野家！無陰公😭😭😭😭味到普通吧！建议食客勿點此菜以免中伏。值得讚揚的地方是🤗焗芝士肉醬意粉🍝味道很好，份量也很令人滿意！抵吃之選。值得一讚！上菜速度很快，服務員是新移民姨姨，招呼真係一般般啦，但是這個價錢算了真的不能太高要求。