韓屋

营业中

休息中

好耐冇食韓國野啦~炸雞太熱氣我比較少食 所以今次一於試下呢間好多人排既地道家常韓國菜😆✨蔘雞湯 $148蔘雞大大隻 上枱聞到好香人蔘味😌飲落個湯唔會好油 蔘味唔會濃到苦 個人覺得啱啱好 飲落舒服 冇味精☺️ 雞肉軟腍都算嫩 入面既糯米都煲到好腍!😆整體都唔錯係略嫌唔算好熱~✨醬炒牛肉石鍋芝士拌飯 $128個醬可以放心落哂都唔會覺得辣😎撈既時候好有拉絲效果 味道調得啱啱好 唔會太鹹😋喜歡飯焦既人記得嗌個石鍋拌飯啦！✨帝皇蟹膏蟹肉煎餃子 $78本身對呢個好高期望 所以就覺得爭啲蟹味🙈但值得一讚係餃子煎完塊皮好煙韌有種Q彈既感覺 幾得意😆記得沾埋個醬會更加分！

又嚟思鄉病發，同朋友一早揀咗呢間韓國小店試試佢😍🤤一嚟就係豬肉拌飯😍熱辣辣上檯！放埋醬料撈撈撈，個拌飯係用糙米🤤都幾多料，撈埋大啖食真心正😂🥳都未食過糙米嘅拌飯，感覺其實同普通白飯口感都冇分別，反而仲覺得幾夾幾好食😂👍🏻👍🏻之後人參雞😍一隻雞！好足料，好香人參味，底下亦有好多糯米😍個湯好濃雞味呀！好飲😍🤤可以加配飯或者麵，我哋就揀咗飯😍都係糙米飯，感覺健康又唔會肥😆😆之後叫咗2個餃😍🤤一款係牛小排煎餃，另一個係蒸餃子🤤🤤煎餃味道都食到牛香😍幾脆口，唔錯！👍🏻另外蒸餃都唔錯，點埋醬汁食！好食👍🏻🤤另我諗起韓國嘅明洞餃子呀🤤😍可以止一止思鄉嘅食癮😭-炒豬肉石鍋拌飯 $108-蔘雞湯 $148-煎醬牛小排餃子 $78/5隻-蒸餃子 $68/5隻

韓國小店 尖沙咀最多！今次過到黎呢間叫韓屋，小小一間店，就係最多韓國人開餐廳金巴利道！有好多款韓式主食,湯品,仲有餃子咁兩個人叫左款人蔘雞湯同餃子試下！出奇地美味，仲同韓國食到既味道幾乎一樣！味道超正宗，住家味道，不落味精！越平凡越見真功夫！餃子大隻飽滿，皮身薄嫩，包住超巨份量餡料，食到有泡菜同粉絲蔥碎等食材,食落口感豐富,泡菜味酸帶辣,好開胃！煎餃子皮脆餡少，但肉味濃郁！純粹食脆口！人蔘雞湯 味道清甜 啖啖都係雞肉精華, 湯色少少白,濃湯加嫩雞！雞肉骨少肉多，燉煮到已經溶化邊緣！一絲味精咸味都沒有！值得一試～#韓屋 #韓式 #韓國菜 #小店 #尖沙咀 #尖沙咀美食 #堂食 #外賣地址：尖沙咀金巴利道69-71A號美園大廈地鋪電話：2638 2832 

星期五晚上經過尖沙咀金巴利道， 附近有很多韓國餐廳都食過， 今次就試下韓屋✨。小店裏面坐滿客人， 我大約等了十分鐘可以入座。 店內以粉紅色霓虹燈牌做裝飾， 餐廳主打韓式熱湯和餃子， 🔺我點了蔘雞湯$148、 蕎麥麵$20、 醬炒牛肉石鍋芝士拌飯$128、 餃子王$16。🔻 🔸蔘雞湯🍲＋蕎麥麵🍜～ 每次都韓國必食蔘雞湯，熱滾滾的人蔘雞湯，湯的味道清淡，有一點點的人蔘味，雞肉用筷子一撥就散開。加$20追加蕎麥麵， 放到湯裏一起吃， 味道更佳。🔸醬炒牛肉石鍋芝士拌飯🍛～濃郁醬香炒牛肉， 配上菠菜、紅蘿蔔、芽菜和翠玉瓜， 還有主角芝士和拌飯醬， 底部脆脆的飯焦，好吃。🔸餃子王🥟～ 中式點心籠裏的餃子王大大隻，食一隻都幾飽， 即叫即蒸， 可以一試。食完人蔘雞湯成個人暖笠笠， 未有得去韓國唯有在香港食住先。😁

好難食眼見openrice 都幾多正評，諗住試新野，充滿期待，點知就中伏餐具一睇就有跡，碗筷羹都唔掂，叫佢換完再換都唔掂，好恐怖我地點左大醬湯同牛肉拌飯，上菜時，湯顏色同餐單有好大差異，經過再三確認，唯有默默認命點知湯味道淡而無味，蜆同青口份量少，真心，白灼都好味過呢個湯...但原來差都仲會有更差，拌飯都可以更難食，肉都差d 搵唔到...完全唔明點解可以入5月好評餐廳十強，2個餐都難食冇味，而且價錢唔係平，埋單都要$276,根本逼人寫食評，希望立此食評以警世人，唔想再見到無辜既人受罪

昨天在金巴利道一帶，一心想吃一頓美味的韓國料理。吃過其他，想試吓新的便入了這間餐廳。長話短說，相比附近的韓國餐廳，價錢貴但食品令人失望，如雪濃湯、海鮮大醬湯等，水汪汪唔夠熱，冇乜料但收人百幾蚊。前菜泡菜只是一小碟，真小家。出品和餐牌好大出入。兩個人花了四百幾元只是感覺一陣風😤。至於地方不大，比較逼，空調談不上夠涼，門口打開所以走曬冷氣。服務麻麻地，水都冇杯，可能要問才有。吃過附近的餐廳，就會明白以上是真心中肯比較。不是刻意負評但真心覺得中伏。希望有改善但相信不會再去。

放假前夕去咗尖沙咀覓食！今晚同朋友黎到金巴利道的「韓屋」品嚐韓式晚餐🇰🇷店內裝修簡約，熱播著韓國K-popMandu Guk餃子湯熱辣辣嘅湯底中有洋蔥、牛肉、紫菜碎等等，鮮甜味美。韓式餃子有五粒，每件都飽滿有大隻，味道同口感都好豐富芝士炒豬肉石頭鍋飯食韓國野又點少得石頭鍋飯，賣相好吸引！五式韓國前菜，配上半溶拉絲芝士、炒五花豬肉及健康紅米飯🍚勁足料，充滿豬肉脂香！將石鍋飯拌勻後加少許韓式辣醬更加美味哦帝皇蟹膏煎餃子🥟一客有五隻，外層煎到脆脆的，內餡飽滿，有粉絲、豬肉、蟹膏等等，味道不錯呢

星期五的夜晚到了尖沙咀的韓國街用膳，還好提前預訂了，看到門外長長的人龍真的有點嚇人，相反隣店的顧客也沒有韓屋般誇張。鮑魚人蔘雞湯，雖然天氣有點熱，但由於太耐沒有到過韓國，所以想再嚐嚐韓國的味道。雞湯呈上時熱辣辣，香氣十足，湯上看到不少雞的精華。原隻雞放進鍋，大得驚人。雞肉十分稔亦都好嫩。喝一口湯，有濃濃的雞精華及人蔘雞味，人蔘味剛好，不會太苦。鮑魚煙韌，湯內頭也有少少雞飯，食得好飽。韓國人十分愛吃餃子，點了個招牌餃子王。雖然是king size，但依然皮薄餡靚，內裏有滿滿的肉及菜。用蒸籠裝著，打開熱辣辣，是新鮮蒸好。另外點了帝皇蟹膏煎餃，煎餃比蒸餃香口脆卜卜，點上餃子醬味道更佳。蟹膏味剛好，不會太鹹或者油膩。韓色湯有地道風味，而且有數種，下次有機會一定要再嚐嚐其他湯。

簡直一試難忘 因為係香港居然可以食到韓國人煮地道家常菜 而且係零味精 無防腐劑 啱曬d鐘意清淡飲食同養生嘅朋友 。今次黎到試左釜山豬肉湯 呢個係當地最常飲嘅豬肉湯 飲嘅時候有好濃郁嘅豬肉味，而且湯亦加左d蔬菜、蝦醬同埋一d辣調味料，好惹味 。最鍾意食嘅就係原味芝士石鍋拌飯。佢嘅芝士真係非常多，同啲飯撈埋一齊，啖啖芝士。加埋有魷魚粒同埋一啲蔬菜。魷魚配埋芝士真係非常香，材料亦都係非常充足。只不過佢嘅醬汁比較淡，但係勝在芝士份量夠多。

金巴利道有好多韓國食店經過時被韓屋超搶眼嘅粉紅豬燈牌吸引到餐牌亦令我諗起喺韓國時一個人咪就係成日食尼d囉見到有得點令我最有回憶嘅血腸湯 血腸好味 仲有唔少豬肉片冇味精嘅濃湯非常好飲 所有湯都附有唔同嘅伴菜而我尼份血腸湯就會有鹹蝦醬加咗碗紅米飯倒入當湯飯食仲有得揀素麵或蕎麥麵㗎試埋醬炒牛肉石鍋拌飯 有爽口嘅醃蘿蔔各色蔬菜夠晒豐富覺得食石鍋拌飯最緊要就係有飯焦同埋個辣椒醬尼個飯滿足到我 幾好味最後以蒸泡菜餃子作結尾 細細隻都幾飽滿

✨又到聖誕又到聖誕復活節都過咗估唔到仲有聖誕裝飾😂話說其實我未去過韓國未食過韓國餐👉🏻👈🏻估唔到咁好食必定會再食💕韓國大廚班底 零味精 零防腐劑 好健康鮑魚蔘雞湯 $168😋香噴噴 好香嘅人蔘雞味 隻雞燉得好嫩 連d骨都溶晒 雞入面嘅糯米吸晒d雞汁😋😋我另外加$20叫咗個蕎麥麵扔落去唔想浪費啲雞湯😋炒豬肉石鍋芝士拌飯$128配菜豐富 加韓式辣椒醬再加芝士撈啖啖芝士 底層仲有飯焦 多重口感 好邪惡 好惹味 👍🏻泡菜餃子王 $15脹卜卜大大粒 餡料有豬肉 粉絲 泡菜 辣辣地好開胃 所有加埋連加1都只係$365必定會再食💕💕#hkfoodie#hkkol#kolhk#hkinfluencer#hkbeautyblogger#hkpr#hkevent#韓屋#尖沙咀必食#韓國餐廳#人蔘#泡菜

今日我和朋友中午光顧餐廳，坐低左之後order咗韓式大醬湯同蒸餃子，我哋光顧嘅時間係下午時段，我哋明白並且體諒侍應在中場休息，提早食飯，但佢哋連最基本嘅服務態度都冇，連水都冇上，上菜就咁放埋枱就急急腳坐返為埋位食飯吹水。態度我都體諒，但食物質素真係不得了。個大醬湯同埋入邊嘅配料呢個水平我，我自己係屋企都做到，仲要俾佢好食100,000倍，價錢仲要唔合理收成$130以上，另外素面仲要額外加錢。去到最後買單總共$250-$300。我同朋友感覺食咗陣風，其實呢個價錢喺尖沙咀韓國街有好太多俾佢好嘅選擇，強烈建議其他谷友唔好去再去呢間活受罪。

【尖沙咀韓國街人氣餐廳✨】/////尖沙咀金巴利道街有好多韓國菜嘅餐廳🤩韓屋裝修以粉紅色為主 有一塊比較大嘅霓虹燈牌 食物主打湯飯同埋餃子🥟聽講廚師係韓國人 會整到正宗嘅韓國料理 上星期去食 食物質素又真係幾好🤪而餐廳座位比較少 想食就要預番啲時間去排隊🤧.👉🏻牛排骨湯($138)我同朋友都好欣賞呢個湯😻湯嘅味道冇味精 牛味都好濃郁配料有粉絲 牛排骨同牛肉片 肉質都好腍叫多個紅米飯配牛骨湯都係唔錯嘅選擇～.👉🏻炒豬肉拌飯($98)豬肉份量都幾多 脂肪均勻最特别係用左紅米飯 健康又開胃☺️有好多菠菜 翠玉瓜蔬菜類 減低飯嘅膩度.👉🏻韓式煎粉絲素餃子($68@5隻)可能因為素嘅關係 餃子味道偏清淡餃子外皮香脆厚身 包住滿滿嘅粉絲😗.👉🏻韓國罐裝飲品($25/$27@1)我同朋友分别簡左柚子同蜜桃梳打果汁味道天然 酸酸甜甜 幾解渴(´▽｀)——————韓屋 (尖沙咀)尖沙咀金巴利道69-71A號美園大廈地舖

失望既用餐體驗。用餐當日中午正值33度高溫，店員卻叫我地坐門口位(店門是打開的)，而裡面有張2店枱正在整理，我們話想坐入邊佢才叫我們等等。 整個用餐體驗更冇服務可言。店員冇打招呼，冇講多謝。食物方面蔘雞湯$148非常似超市內買到的人蔘雞湯湯包加熱(應該真係) ，而且湯還不夠熱。芝士豬肉石頭鍋$128份量非常少，女仔都覺得唔夠飽。食食下發現職員冇跟到前菜俾我地。第一次食韓國野冇前菜，真係黑人問號？而且佢話自己零味精，係咪用即食包裝加熱所以冇再加味精？大家唔好再去食。完！

睇到網上面有好多好評，於是就同朋友慕名而來。我地叫左參雞湯（$148）+ 芝士豬肉石頭鍋拌飯（$128）參雞湯雞湯唔夠熱而且湯頭偏咸，而且雞既份量都比較細..芝士豬肉石頭鍋拌飯用左紅米做飯底幾特別，味道正常，不過份量都係偏少..見到網上海量好評，本身係滿心期待地試呢間餐廳，可惜試完之後真係幾失望，雖然味道不過不失，但真係比較普通，而且離開餐廳果陣先醒起職員冇跟到前菜俾我地。整體黎講，呢間餐廳既食物價錢偏貴，但質素一般，CP值唔高。如果以同樣或者更低既價錢，都一樣搵到比佢地更優勝既餐廳。