韓屋

营业中

休息中

148蚊一個蔘雞湯，加碗飯15蚊，雪濃湯138蚊送咗4粒泡菜蘿蔔，加碗飯都係15蚊。最神奇坐低連水都冇杯要叫才有居然要收10%服務費，坐位十零個真係勁嘅小店。至於好味與否，見仁見智啦⋯⋯

聽同事講金巴利道又有新開人氣韓式料理小店。六點多去到門口已經坐滿人， 餐廳兩旁的韓式小店也未至於滿座，果然受歡迎，😍😍韓國大廚坐鎮炮製零味精，冇添加的家常熱湯。 絕對是韓國平民養生美食～牛膝骨湯$138濃厚的牛骨湯底， 大量嘅牛筋， 又腍又滑， 牛膝骨充滿大量骨膠原， 入口黏黏的， 濃香鮮甜， 熱辣辣的喝一碗 ，立刻充滿能量。 隨湯附送一款泡菜:  辣蘿蔔， 爽口香脆， 入味又唔會太辣。😋👍 湯還可以另加紅糙米飯或麵成湯泡飯， 但各人都比較喜歡專注飲湯！😋差不多每枱都會叫的「餃子王」$16，  原籠蒸起， 餡料超爆， 蔬菜切得幼細，調味啱啱好唔會太鹹～ 差不多一個拳頭咁大～炒豬肉拌飯$98配料顏色好靚， 韓式辣豆醬可以自由添加。菠菜，蘿蔔，蛋絲， 芽菜和碎紫菜伴均味道豐富， 帶點麻油香， 米飯軟硬適中， 炒豬肉香口惹味。韓式煎餃子$68煎得好乾身，皮夠脆又唔會油膩👍餃子餡料脹卜卜， 唔會好乾， 調味適中。估唔到外出用餐一碗熱湯令你成晚都好滿足!

Sorry, 用咗OpenRice 咁耐，第一次寫食評就比咗呢間野。真心想叫大家唔使去試，唔好哂錢又貴又唔好食，叫咗個海鮮大醬湯勁垃圾，勁咸，仲有陣怪味，唔識形容。仲要係唔跟飯，飯要另外order <~ 真係未試過咁嘅價錢唔洗食佢啦唯一想讚下個女Staff 態度好友善😊

想食韓國菜最啱黎尖沙咀金巴利道，夠晒多餐廳選擇。見呢到都幾多人食，人氣唔錯，於是今次就揀食呢到，落ORDER叫左蔘雞湯($148)、韓國麵條蕎麥麵(+$20)、炒豬肉石鍋芝士拌飯($128)、可樂ZERO($22)店鋪裡面嘅霓虹燈裝飾好搶眼😄可樂ZERO：天氣咁熱，飲返罐可樂GUR下降降溫😉另外仲有碟免費泡菜蘿蔔前菜食下，醃得幾夠味好開胃👍🏻蔘雞湯：我至愛嘅韓國菜式之一，所以一定點黎食下😄睇MENU有介紹喺雞裡面填入人蔘、大棗、板粟、松子仁、糯米、大蒜等食材，真材實料非常足料，再經過長時間熬煮而成，所以個湯味道係非常之甘香同濃郁😍而雞係用小雞，肉質唔會老夠嫩滑，吸收晒湯同食材嘅精華，幾正🤤韓國麵條 蕎麥麵：麵條份量唔少，口感唔錯，夾D再放入去蔘雞湯點湯黎食，掛起D湯令蕎麥麵更加香口😄炒豬肉石鍋芝士拌飯：雖然天氣熱熱地，但口痕好想食石鍋拌飯😝 飯上面放滿豬肉、芝士、大豆芽、紫菜、紅蘿蔔絲、菠菜、脆肉瓜、菇菌等，再加埋韓式醬落去撈勻佢，可以見到D芝士拉絲效果😍石鍋嘅熱力可以保持到食晒成碗都熱辣辣，仲可以令到D飯有少許焦脆效果，更加惹味🤩大合照🥰整體黎講食物質素都唔錯，本身想叫D小食餃子王黎

店內設計充滿住少女心 好Pink💕 十分吸精⸝ʚ̴̶̷̆ʚ̴̶̷̆⸝ 我地試咗個蔘雞湯同拌飯🍚 雞湯味道十分濃郁 真係落足料去煲😍 仲可以食埋隻雞同湯飯🥣 雞肉嫩滑鮮味 食落好濃稠👍🏻 個拌飯都好出色 熱辣辣嘅石鍋 加上不同的拌菜🤤 有甘荀🥕◦紫菜◦芽菜◦翠玉瓜同菠菜等🍃 仲有超邪惡嘅芝士🧀 將配料同飯攪拌均勻嚟食 口感超級豐富同好味🙈 底部仲可以食到飯焦 脆卜卜▫️十分推介大家食๑॔˃̶◡ ˂̶๑॓ 仲有大大隻餃子🥟 用一個小蒸籠裝住 好可愛🫓 餡料係菜同豬肉碎🥬 咬落好juicy同滿足.ᐟ 呢間性價比高嘅韓式料理 大家要去試下哦♡✨

第一次食呢間餐廳，今次主要係講食物質素同價值，我哋兩個人食，叫咗1個釜山豬肉湯，同1個血腸湯，1份蒸泡菜餃子，1份煎粉絲餃子完全唔值個價，好難食，得個泡菜餃子係正常，不過應該不是自家製 ，個湯真心嬲左.... 睇下餐牌，再睇翻實物，個粉絲煎餃子都好難食總數$430，好唔值呢個價錢

-🔸蔘雞湯 $148🔸醬牛小排餃子 $78🔸韓國蜜桃梳打 $27-最近因為工作關係多咗時間喺尖沙咀出沒，lunch就多咗好多選擇喇。天文臺道有好多韓國餐廳，依間就食湯飯、餃子類為主。蔘雞湯用石鍋呈上，熱辣辣而且超香甜嘅湯頭，配埋成隻煲到爛晒入晒味嘅雞，仲有紅棗、糯米等配料，足料好味又夠養生。另外加5隻蒸餃子，餃子皮薄得嚟又唔易穿，內餡揀咗牛小排，咬落有牛味亦有肉汁，果然係皮薄餡靚，值得再encore！

眾所週知 尖沙咀有一條韓食街所以每次想食韓國菜都會到那邊找今次同朋友揾開韓食見到一間佈置有點少女心的店舖就吸引咗我地試試海鮮大醬湯 加配了喬麥麵 海鮮有半隻蟹仔、青口、蜆等 味道濃郁 配上清淡嘅喬麥麵 口味剛剛好喬麥麵比較健康又低卡食落無負擔😌帝皇蟹膏煎餃一客有5件韓式的煎餃口感豐富除了有蟹膏 仲有粉絲 入口更有層次熱辣辣嘅煎餃 香脆可口配上醬汁更讚餃子王 🥟🥟用了少少蒸籠蒸煮大大舊 肉味香濃餃子皮薄餡靚 👍🏻

尖沙咀韓國街多好食韓國菜就係人都知冇諗過試新野 仲要係多正評嘅鋪會中伏一坐低個侍應同我講入座計起75分鐘要走 心諗咁受歡迎？試試佢先！坐低打開menu 食物種類少到嚇我一跳湯（要飯另加錢） 石鍋飯 拌飯 餃子不過唔使煩惱食啲咩都好嘅我地叫咗個海鮮湯 牛拌飯 本身有啲想加個餃子 驚唔飽 但係朋友話唔夠再叫 咁我都認同嘅事後 我好感！激！佢制止咗呢個idea到個湯上嘅時候 佢地開始放啲食具俾我地 當中包括大湯羹我一睇就見到枝野上面有啲紅色嘅漬 食開韓國野都估到係辣湯漬啦... 頂唔順 叫佢換過枝再用紙巾抹...見到咁嘅款 我梗係即刻抹埋其他餐具啦然後 圖中左下嘅白色碗 我一攞上手又見到啲湯漬究竟有冇洗碗？？？燥燥地又叫同一個侍應換隻碗俾我點知 佢新俾我隻碗 又係有漬！！！！！仲要隻碗摸上手癡笠笠 我個心即刻慶恰恰究！竟！有冇洗碗？？？？？？？？衛生情況極其愖憂 未食野已經唔開胃然後又望吓個海鮮湯 正常呢就應該係辣湯嚟 佢上到嚟啡色嘅？佢話係大醬湯喎咁點解menu 圖示係紅色嘅？？？？？我色盲定你誤導？都算 你都上咗菜 唔嘈飲咗啖 再撩吓個湯個湯一飲就知係清淨園開水溝 落多啲其他配料調味都懶

好多人都知尖沙咀有好多韓國餐廳，你又知唔知邊間好食呢？今次我就試咗金巴利道嘅 @hanook.tst ， 性價比都幾高，又可以頂下想去旅行條癮🥲炒豬肉石鍋芝士拌飯 ($128)呢個拌飯好豐富，除咗豬肉之外仲有紅蘿蔔絲、翠肉瓜、芽菜、菠菜、紫菜同蛋絲😋撈勻晒佢每一啖都食到好多料，仲有拉絲芝士，最後食到底仲有飯焦添，好正🤤蔘雞湯 ($148) 韓國人相信以熱治熱，天氣越熱佢地就會食返啲熱嘢解熱。呢排咁熱食返個蔘雞湯就啱曬啦👍🏻啲雞肉係離曬骨超級淋身肉質都好嫩。有時有啲人蔘雞湯係會苦，但呢度就係好甘甜，幾啱我口味。

疫情下想去韓國旅行都幾難，好在香港都有唔少韓國菜館，今日就去咗尖沙咀金巴利道韓屋，餐廳主打正宗韓國菜， 提供多款熱湯、石鍋拌飯、餃子等等。餐廳裝修風格時尚，地方整潔。前菜係辣醃蘿蔔，食落小辣辣，口感爽口。韓國人喜歡夏天食蔘雞湯進補，所以我們都order咗一鍋，用石鍋上枱，溫度勁熱，飲落熱辣辣。湯底又鮮又甜。啖啖都散發出蔘味。原隻雞夠份量，肉質嫰滑，啖啖肉，雞內的糯米，紅棗，白果，混合湯底，增添口感。炒豬肉石鍋拌飯，個飯材料好豐富，有紫菜、菠菜、紅蘿蔔、大豆芽菜同炒豬肉等，絲絲的芝士溶入飯粒，惹味又滋味。如果食得辣，再混入韓國辣醬，層次感豐富。餃子王，韓國餃子大大隻，皮薄同香，餡料份量又足，有肉碎和蔬菜，好味！

人蔘雞湯落左原個人蔘落去 加埋成隻雞 人蔘加埋雞湯既精華令到成個湯嘅味道好香濃 雞肉嫩滑而且好大隻 仲有少少飯粒係入面 令到個湯多左d口感 好味得來又夠補身辣豬肉石鍋拌飯石鍋熱度十足 加埋醃製過既五花腩同泡菜 令到個飯勁香 而且佢炒完之後 係有飯焦係底 將飯焦加埋少少泡菜一齊食 夠曬開胃又脆口 五花腩經過醃製 少少辣 幾過癮 加埋其他配菜 例如芽菜等等 口感幾獨特 成個飯既配答幾正餃子王／泡菜餃子王：一個迷你蒸籠一件巨size既餃子王 原味同泡菜味size一樣 都係皮薄餡香 原味餃子王 有粉絲等等做配料 都係豬肉餡 食落去好滿足 味道都唔錯 而泡菜餃子王個餡就係泡菜豬肉 辣度唔算高 酸酸甜甜咁幾開胃

金巴利道出名係多韓國野食所以又名韓國街🇰🇷雖然選擇好多 不過見韓屋成日都排哂隊試完覺得性價比又真係幾高🤩🌟炒豬肉石鍋芝士拌飯中意食石鍋飯夠哂熱辣辣佢地用健康既紅米同糙米代替左白飯配料有豬肉,菠菜,蘿蔔絲,紫菜,蛋絲等加埋大醬汁撈勻 仲有好多🧀所以拉絲效果💯🌟醬炒牛肉石鍋芝士拌飯配料上都係差不多但牛肉食落就惹味啲😋🌟煎醬牛小扒餃子餃子皮煎得好香脆 又唔會好油膩入邊嘅餡料 肉質嫩滑多汁👍🏻😋

相信大家對pinkupinku嘅韓屋唔陌生😎因為佢地嘅廚師係韓國人 出名夠哂地道好彩今日早收工 晏少少就已經成條人龍👀-🍲蔘雞湯 $148著重養生嘅我嗌咗依款傳統韓國菜😛佢地喺雞嘅腹填入人蔘 大棗 糯米 大蒜等然後長時間熬煮 十分入味😚加$20配上蕎麥麵 健康又飽肚👍🏻-🐮醬炒牛肉石鍋拌飯 $108友人鍾意重口味 就嗌咗石鍋飯😏將牛肉 野菜 醬汁拌勻 非常惹味!!食到底再有啲飯焦 正👍🏻-最後再每人叫咗個餃子王($16/one)🥟竹籠載著巨型餃子 非常可愛😚入面嘅餡料有疑似粉絲 肉碎 菜漲卜卜咁口感一流又好味👍🏻今餐真係好地道啊😗

1️⃣⭐️薯仔豬排骨湯️ $148 ⭐中意韓國野嘅都知감자탕 薯仔排骨湯絕對係韓國人最愛之一😍 勁足料，好多排骨但都仲有好多肉🍖 湯底辣得黎又有啲胡椒味，味道層次豐富❤️ 薯仔好淋，不過多啲就更滿足啦🥳 香港好少地方有得食，黎到緊係要叫哩款🥺2️⃣ 泡菜湯 (7/10)呢個泡菜湯都煮得好出色😍入面啲泡菜多到夠你每啖都有👍🏻湯底好濃郁🤤辣度適中☺️豆腐質地比較結實，夾起唔會散，但又幾滑🤤仲有少少豬腩肉，加紅米飯食泡菜湯都係第一次😗但個組合又幾match😳紅米好在咬感🤓3️⃣⭐️餃子王/泡菜餃子王 $16 ⭐今次Pooh成功荼毒埋Olaf愛上韓式餃子🥰 同上次食一樣咁juicy🤤 原味更加食到原材料嘅味道😆 泡菜味又香口又唔太辣🥟 大家去一定要試餃子🤟🏻