韓屋

营业中

休息中

如果你鍾意韓國料理，呢間餐廳絕對值得一試！餐廳環境舒適，食物水準穩定，今次試咗牛排骨湯、炒豬肉石鍋拌飯同韓國紅米飯，每款都充滿地道風味，令人回味無窮。牛排骨湯湯底濃郁但唔會過重，充滿牛骨熬煮後嘅鮮甜味，飲落好暖胃，牛肋骨燉得夠腍，輕輕一咬就骨肉分離，肉質嫩滑又入味。炒豬肉石鍋拌飯係另一個亮點，豬肉炒得夠香，醬汁微辣又唔會太搶味，拌勻紅米飯一齊食，口感豐富，仲有微焦飯粒添香。餐廳環境乾淨企理，坐位安排合理，唔會太迫，適合同朋友聚餐或者自己慢慢歎。服務員態度親切，落單迅速，食物質素有保證。價錢方面亦算合理，以呢個水準嚟講，性價比高，食得滿足。如果想試正宗韓式料理，呢間餐廳真係值得推介，無論係暖胃嘅湯品定係香氣四溢嘅拌飯都唔會令你失望

地道韓國美食，令人一試難忘！昨日到尖沙咀的韓屋韓國餐廳用餐，整體體驗十分令人滿意！餐廳環境舒適，裝潢充滿韓國風情，讓人彷彿置身於首爾的韓屋。這次品嚐了血腸湯飯（Sundaegukbap），湯頭濃郁醇厚，帶有微微的胡椒香氣，內含（豬血腸）和柔嫩的肉塊，每一口都充滿層次感，搭配的紅米飯口感軟糯又帶點嚼勁，十分健康又美味。另外，我還試了沙豬肉拌飯（Dwaeji Bibimbap），色香味俱全！豬肉入味，與各種爽口的蔬菜、香濃的韓式醬料融合在一起，充分展現韓式拌飯的魅力。簡直是一場美食享受！餐廳的服務也值得讚賞，店員親切有禮，樂於提供建議，而且上菜速度快，令人印象深刻。最後，價格方面屬於中等水平，但以食物的質素來說，絕對是物有所值！推薦給所有喜歡韓國料理的食客，這家店值得回訪💯

落雨天氣濕濕笠笠咁☹️無咩胃口 想食啲濕濕地嘅野😬係門口見到個薯仔排骨湯 話係解宿醉就好似我而家個人嘅狀態咁樣入去試下佢先！落完單之後店員會上一份前菜比你係泡菜蘿蔔 酸酸地好開胃泡菜汁醃到舊蘿蔔好入味又多汁☺️等左一陣 個湯就黎左好大兜 迫爆左個碗😨搞到我無從入手😆要另外問店員拎多個碗嚟分開啲肉同埋湯個湯小小辣好開胃配埋個紅米飯 一啖飯一啖湯好正食到半路先至開始繼續食啲肉啲肉煮到好腍 睇得出係真係煮咗好耐嗰啲排骨嚟薯仔都煮得好入味 嚿薯仔同埋個湯一齊食係勁正😭😭😭如果可以加錢加多啲薯仔就好啦🥺🥺食完之後唔知係心理作用定係咩嘢真係覺得個人好似冇咁攰下次落雨或者真係飲醉酒經開呢邊一定會再嚟食多一次希望可以外加多啲薯仔啦😣😣真係好好味🤩

夜晚收工唔知食咩好咁岩經過韓國街諗住是但搵間餐廳食見到裝修幾靚就入左黎呢間食叫左兩樣野～牛肉石鍋拌飯拌飯既飯底係韓國人經常食既紅米飯有6款唔同既菜係上面加埋甜甜地既醬牛肉餐廳簡既菜全部都match得好好牛肉唔會做到勁大舊 撈埋之後每啖飯都可以食到菜同肉唔會好似全部野分開食咁加埋佢地自制既韓式辣醬十分好味餃子湯開頭以為佢係就咁一個湯底同埋餃子點知食食下有驚喜原來個底有海量既豬肉食過好多香港其他既韓國餐廳佢地d湯九成都係得幾塊肉呢間餐廳d肉好似唔洗錢咁 一半湯一半肉咁食完之後勁飽如果自己一個女仔食 可能真係會食唔曬湯底好濃 但又唔會太咸餃子個皮唔會因為浸得太耐而淋曬食到最尾都好煙靭總括黎講呢間餐廳都算我食過叫好味既韓國餐廳 會再黎～

話說喺OpenRice見到有成1000個like, 就諗住試吓，附近都有好多韓國菜，附近仲有個講英文嘅向我哋招手，我都冇理佢，一心就想試吓呢間韓屋，呢度叫個湯要百幾蚊，仲要冇飯，飯要加20，勁貴。然後就想睇吓佢味道如何，其實就好普通。又唔會好驚奇。但我聽有人係要專登book枱，同埋有啲遊客。我真係唔會再黎，然後原來隔籬嗰個先係韓國人開，有寫住韓國人協會。個個講英文叔叔，不斷在門外拉客，我決定下次要幫襯吓，仲要平啲。咁就三百幾蚊

見到好多食評 ，話呢間咩主打韓國地道正宗乜乜 .....見到價錢都唔平，真係會對佢有返咁上下期望！個餃子湯根本就係 超市雞湯再加超市餃子加一堆麻油，賣成百幾蚊一個。成碗野都係勁無heart咁畀人食，好心賣咁貴就畀多啲誠意。個釜山豬肉湯就得嗰兩塊肉，用餐體驗極差！！！！一定無下次！！！！！如果有得畀零粒星我一定會畀零粒星！到底香港邊度有真正有心好食嘅韓國嘢？？

餐廳環境細細 每桌座位都好貼近 🫣餐廳主打 石頭鍋飯 & 石頭鍋湯 落完單 店員就送上前菜 辣醃蘿蔔 蘿蔔味道辣辣地 🥘醬炒牛肉石鍋芝土拌飯 $138加埋辣醬撈勻食 味道濃郁😋😋 芝士份量夠多 做到拉絲效果🤩🥘薯仔排骨湯$168 +$20加配紅米飯 食材好足料 有好多排骨 蔬菜 湯底味道好鮮美濃厚😋 加埋飯食 係更加好味薯仔可以煮淋啲就更加入味啦🙈🫣 不過就太多骨 又無比多個碗裝骨就有啲🥲 🙆🏻‍♀️整體而言 🙆🏻‍♀️餐廳食物款式專一 主打石頭鍋菜式用料十足 排骨湯係好味😋 如果定價吸引啲 會再好嘅啲🙈

早兩個月去完韓國旅行心心念念韓國🇰🇷既蔘雞湯係Openrice 碌韓國菜睇下邊間蔘雞湯正點知比我睇相見到呢間叫⭐️韓屋既餐廳既蔘雞湯個樣最似🤩😍第一次去呢間餐廳我同朋友一行3人去食每人叫一個蔘雞湯自私食 再叫左d餃子share🥰落完單之後店員會比一個前菜蘿蔔比我地個蘿蔔少少辣好爽脆👍🏻👍🏻👍🏻👍🏻👍🏻蔘雞湯🥣完全係韓國個陣味 好濃郁既雞湯 雞又好滑 仲要入面塞滿曬糯米😍之前係香港食過d蔘雞湯都比較清淡 雞肉比較老呢個完全唔會 十分推薦🥰蒸牛小排餃子🥟呢個又係大推🤤🤤🤤牛肉餡超大舊 仲要有肉汁bit出黎架好食到要同朋友爭住食🤣韓式煎餃子🥟呢個餃子煎到兩面金黃入面係有粉絲同埋豬肉加埋佢地既秘製豉油 咸得黎又想一啖接一啖🥰最後我地3個女仔食到捧住個肚走下次思鄉終於可以唔洗等咁耐飛韓國🥹直接飛出黎尖沙咀就可以啦😝

小清新風格，搶眼嘅螢光粉紅光好有少女心🩷🩷小店雖然細但坐位置上空間感足夠☺️☺️嚟到要食呢幾樣上菜又快，一叫就即刻煮好用心上菜都係熱辣辣丫 👏🏼有熱野落胃暖暖胃好重要👏🏼💚醬抄牛肉石鍋芝士拌飯滿滿芝士仲有拉絲效果🤩石鍋飯特別選用，紅米既健康又冇油膩感底下充滿飯焦超正丫💚 人蔘雞湯飲落好香口，清雞紅棗味雞肉夾雜着嘅糯米好好味呀女仔食都好滋補架💚牛小排餃子皮薄餡又勁多丫好大隻咬落口好Juicy丫

來到尖沙咀金巴利道韓國菜林立的街道，揀來了一間以養生湯、石鍋飯、韓式餃子為主打。🇰🇷👫🍽️✨ 泡菜餃子王（$18/隻），以獨立的蒸籠裝住，大大隻，餃子皮薄餡多，滿滿的泡菜和豬肉，味道帶點辣辣，很惹味。🥟🌶️✨ 韓式煎餃子（$78）韓式煎餃子外皮煎得金黃酥脆，每一口都好脆口，一隻一口，內裡餡料豐富，點上少少醬汁更濃味惹味。🥟💥✨ 牛膝骨湯（$148），多款湯品中就揀了牛膝湯，湯品是經多小時熬製，味道清甜，香蔥味突出，牛膝肉粒粒嫩滑，佔整碗湯一半，湯底充滿膠質，整碗湯含豐富的骨膠原和鈣質，飲落去暖胃又滋補。🐮🍲✨ 醬炒牛肉石鍋芝士拌飯（$138），石鍋飯的配料豐富，由牛肉、芽菜、蘿蔔絲、翠肉瓜、韓式紫菜，當中的白飯用上了紅米飯，再加入了邪惡芝士組成，芝士用上了火槍燒過，食前加入韓式辣醬攪拌一下，飯已經做到芝士拉絲的效果，食到最後還有脆脆飯焦的口感，好味又滿足，真係必點之選。🫕 🧀

想食韓國嘢，梗係要嚟尖沙咀韓國街啦！蔘雞湯蔘雞湯的湯底濃郁，雞肉鮮嫩多汁，與人參的香氣相得益彰。湯中的各種配料如紅棗和枸杞，增添了甜味和營養，讓整碗湯品味道層次分明，特別適合滋補身體，讓人倍感溫暖。 醬炒牛肉石鍋芝士拌飯香濃的芝士，口感令人驚喜。底部的米飯微微焦脆，與牛肉和芝士的柔滑形成了完美的對比，讓人欲罷不能。韓式煎餃子韓式煎餃子外皮金黃酥脆，內餡豐富多汁，每一口都能感受到鮮美的餡料。搭配特製的醬汁，味道更加出色，作為開胃小食或主菜都非常合適。

一行六人打算喺尖沙咀搵個地方食晏見到呢間網上食評好似唔錯，咁就入去試吓我哋六個人都叫咗石頭鍋飯落咗單冇耐之後，發覺出邊門口鑽地修路又嘈又大塵，頭都痛埋，跟住叫店員可唔可以閂咗個玻璃門佢話我地唔可以閂門What 吃個晏要吃埋塵好啦，到個飯送上枱個石頭鍋系暖既，啲飯仲要系隔夜，結到一舊舊飯團咁，點搞丫。變左涼拌飯人頭連加一大約$146左右無前菜，無茶水，無服務，咁既食物質數，仲要吃塵真系80蚊都俾多左佢算我唔識欣賞，搵你媽黎食啦

📍Address: 尖沙咀金巴利道69-71A號美園大廈地舖💰Spending: $200 per head (Dinner)—————— ฅ՞• •՞ฅ ———————如果你鐘意飲韓國湯，咁就一定要試下呢間韓屋啦！雖然舖頭唔大，但裝潢充滿韓國氣氛，令人瞬間置身首爾街頭。人氣非常旺，經常需要排隊，建議早少少到，咁就唔使等太耐啦～ 🍗 蔘雞湯呢個係養生之選！雞肉份量非常多，湯底用人蔘同雞慢慢熬製，味道香濃又清甜，飲完即刻感覺滋補滿滿，特別岩啱需要補身嘅朋友～🍲 雪濃湯冬天必點推介！湯底以牛骨同精肉熬製，味道清甜濃郁，而牛肉都煮到非常腍，飲完一碗真係由內到外都暖晒！🍚 主食韓國紅米飯 (+$20)：傳統韓味，健康之選，倒埋落湯變成泡飯一齊食仲正蕎麥麵 (+$25)：我個人更鍾意蕎麥麵，麵條煙韌有口感，配搭湯品非常完美

自費 自己比錢呢間位於尖沙咀嘅食韓國嘢幾鬼正㗎，我幾鍾意食呀我同朋友一齊出去食食咗佢個煎鍋貼你知韓國啲餃子超級特別㗎嘛所以我哋亦都嗌咗嚟食即叫即整脆卜卜熱辣辣一碟都有好幾舊㗎食完都已經飽㗎啦，我哋都嗌咗佢嘅飯佢啲飯又係好好食嘅佢嘅飯又係有泡菜有雞蛋有紫菜勁健康，但係又好好味分量十足價錢適中環境幾好我都幾滿意嘅我同朋友鍾意食韓國嘢，所以都幾讚賞呢間如果有興趣喺尖沙咀行街又鍾意食韓國食物嘅朋友都歡迎你哋嚟呢間我都推薦嘅

好耐以前同一班朋友食過一次，今次嚟翻桌，出餐快咗，味道亦維持到！醬炒牛肉芝士石鍋飯醬汁建議要等耐啲先會有飯焦，而且今次唔小心落埋餃子醬汁，意外地又幾好食～芝士好多，每一啖都食到拉絲嘅效果！而且幾喜歡佢食到最後仲係熱辣辣，石鍋keep到溫度～叫咗餃王及泡菜餃王各一，超大隻，入面有好多料，好滿足，就算唔點醬汁都OK～人蔘雞湯清淡得來湯頭好濃，雞肉已經煲到骨肉分離，而且雞殼入邊係包住米飯，拆開撈埋啲湯一齊食幾好味～個人想個湯可以再滾啲，可以留住暖笠笠嘅溫度更好😊