韓屋

营业中

休息中

首先，成餐嘢食落去除咗餃子比較好食其他都係一般，冇乜特別，接近$300一位嚟講真係貴過頭，完全唔值呢個價錢。餃子味道比較特別，而其他湯飯類，感覺上都係味精溝出嚟，另外所有配料只有幾舊其他都係肥肉，$150一碗湯真係唔係好值，飯再額外加$20。今日34度咁熱，餐廳竟然開晒大門，冷氣又唔夠力，坐到成身汗。最離譜係門口有架大貨車不停排廢氣，成間舖都係嗰陣味。我哋同店員講可唔可以關門，但遺憾嘅係店員拒絕關門，因為未滿座。

炒豬肉石鍋拌飯在這次的用餐體驗中，我品嚐到了幾道美味的菜餚，首先是炒豬肉石鍋拌飯。這道菜的米飯在石鍋中煮至微脆，豬肉炒得香氣四溢，搭配新鮮的蔬菜，每一口都充滿了豐富的口感和層次感。雪濃湯牛肉鮮嫩滑口，湯底味道溫和卻濃郁，讓人感受到一種暖心的舒適感。牛肉的鮮美與湯的濃郁完美結合，絕對是一道讓人難忘的佳品。蒸醬牛小排餃子這道餃子的外皮薄而彈牙，內餡的牛小排肉質鮮嫩，味道同樣溫和濃郁，讓人一口接一口，欲罷不能。整體而言，這次的用餐體驗不僅滿足了味蕾，還讓我深刻感受到每道菜的用心與美味。

韓屋位於金巴利道，可以係尖沙咀站行過去都方便~個條街好多韓國餐廳/烤肉店~依間好易認，有隻飛天豬霓虹燈公仔，而且環境都幾韓國feel~播著韓國女團既MV，幾有氣氛。餐廳主打石鍋飯及湯鍋~炒豬肉石鍋芝士拌飯熱烘烘拌上，店員會細心地幫你拌好，而且提供韓式辣醬。不過原味都已經夠味，特別加左芝士好惹味~炒豬肉質感彈牙。底部會有D飯焦脆脆地~泡菜豆腐湯 （可加配蕎麥麵/素麵）湯類可以選擇加配蕎麥麵/素麵; 泡菜豆腐湯比平時食開既較辣，如果未必食到辣可以同店員講微辣/ 叫其他湯。豆腐配上濃味既湯係特別好食。麵係分開上，個人喜歡趁熱時直接放麵落鍋內當成一碗熱麵~有些人則喜歡將麵放少少湯當撈麵食。我係蕎麥麵同素麵中比較喜歡素麵, 質地較幼身同埋爽滑~餃子王，有辣有唔辣！豬肉餡好好食，餃子王比平時食嗰啲餃子相對大隻，一籠一粒。

有一段時間沒有去尖沙咀韓國街今次特登去食韓國嘢 🇰🇷嗰度有好多間韓國餐廳我哋揀咗一間由韓國人開辦嘅餐廳餐廳為小店，裝修簡潔牆上面有韓文字店員親切有禮我哋揀咗：先嚟一碟泡菜，係醃蘿蔔，非常好吃，真係想問店員攞多一碟🤭🐓 人蔘雞湯 $168人蔘雞湯有一隻細size嘅雞，入面釀咗人蔘、大棗、板栗、松子仁及糯米等雞湯味道鮮美，好夠人蔘味，帶有大棗嘅甜味，我們另外點了一碗韓國紅米飯$20，搭配一起吃，紅米飯有咬口，非常好吃🍚 原味拌飯$98 有翠玉瓜、菠菜、大豆芽、紅蘿蔔、腐皮和菇類等素食材料，全部切成絲，加上紫菜，韓式辣醬，跟白飯撈在一起吃，非常美味🥟 餃子王 $18餃子王真係好大隻！😮 用韓國傳統包法，圓圓哋好可愛，餃子皮厚薄適中，餡料飽滿的人入面嘅菜同肉嘅比例非常好，餃子軟硬適中，味道唔錯，食得好滿足！🥤 飲品點了可樂$22及韓國檸七$25韓國檸七都唔錯今餐感覺好味得來又健康，菜式用蒸同煮嘅方法，冇乜油份，感覺好健康呢

我同朋友去咗尖沙咀金巴利道食韓國菜，揀咗韓屋做lunch，感覺好似去咗韓國旅行咁！😋 鋪頭有小菜、石鍋拌飯、部隊鍋、炸雞樣樣都有，選擇都多！人蔘雞湯湯底清甜帶人蔘回甘，雞肉軟嫩易脫骨，糯米吸盡湯汁精華，啖啖溫暖滋補，紅棗栗子添香甜，蒜香中和油膩，飲完全身暖笠笠，好有元氣！牛膝骨湯膠原蛋白超豐富，湯頭濃郁滑順，牛筋軟糯、入口即化，喝落骨香四溢，暖胃又養顏，飲完嘴唇都覺得黏黏的！韭菜餃子王韭菜香撲鼻，咬落春天氣息滿口，齒頰留香！

我常去呢間食！聽講呢間係由正宗韓國廚師主理😄（可能係咁所以我覺得幾好食😋）環境唔算大，但提供地道嘅韓國家常菜，而且健康無味精無防腐劑！每次去我都要試嘅就係牛膝骨湯，長時間熬製成嘅滋補湯，好啱補鈣🥰，尤其對小朋友、婦女同老人家特別有益！我一般推薦配滑滑的素麵，咁一啖湯一啖麵，真係滋味無窮✨而且牛膝骨可以沾醬油食，味道更豐富，係一道連湯都可飲哂嘅菜式🤤另外，絕對唔可以錯過嘅就係石鍋芝士拌飯，傳統韓式拌飯加上芝士，味道邪惡又一流🧀🔥，再加上石鍋保持住溫度，仲有陣陣飯焦香味！飲品方面，我偏愛韓國甜米水，甜甜嘅口感令人回味無窮，而我女兒最中意韓國果肉提子汁☺️總結：如果你中意韓國湯鍋或者拌飯，呢間絕對值得一試！

餐廳設計以韓國傳統韓屋為主體,木質結構、古典擺設與暖 色燈光營造濃厚韓風氛圍,適合打卡影相，而且門口有隻好可愛嘅粉紅色豬仔，少女心爆棚💕！🍲蔘雞湯$168- 最鍾意就係人蔘雞湯，係雞嘅腹中填I入人蔘、大棗、板栗、松子仁、糯米、大蒜等食材後，經長時間熬煮而成,人蔘嘅香氣同雞肉融合，香醇又好味。係韓國傳統嘅夏季養生飲食😃🍲釜山豬肉湯$148- 呢個湯就算係韓國人到釜山都係必食嘅一個湯,味道清甜又吾辣 ,最正系用豬骨熬成嘅濃湯再放入 熟豬肉同蝦醬，我哋加配咗紅米飯(+$20)一齊食，真係食出湯嘅精華！🥟泡菜餃子王 $18- 大大隻傳統韓國餃子，入邊有泡菜同鮮肉餡料十足！

晏晝喺尖沙咀搵嘢食，行咗去韓國街經過幾次，其實都俾佢個飛天豬仔招牌吸引住，今次終於入去試吓。叫咗炒豬肉石鍋芝士拌飯，人蔘雞湯，餃子王，同埋韓式煎餃。石頭鍋飯係用咗健康嘅紫紅米飯，食落好健康，好有口感。人蔘雞湯就比較淡，不過入面啲雞肉同埋糯米都好好食。餃子王係一隻大大隻嘅餃子，好得意，一個蒸籠入面只係放一隻，食完之後都好飽。煎韓式餃子，係我喺韓國料理入邊都幾鍾意食嘅一款菜式，佢哋煎到好脆，入面有少少泡菜，點埋個醬汁之後真係好好味。雖然呢間店面比較小但係裝修都幾新淨同感覺好溫馨。一定會再嚟食。

唔重口味嘅韓國菜真係好少見🥹呢間就主打健康家庭式韓國菜有多款韓式燉湯、石鍋飯 全部都冇味精 而且配搭養生蔘雞湯 $168真係用咗一隻雞去熬製 雞肉已經燉到好腍 唔使用刀都可以分開啲肉湯頭好清甜 又唔會好泛油 人蔘味道又唔會好苦 真材實料 非常暖胃炒豬肉石鍋芝士拌飯 $138呢度嘅石鍋飯係用咗紫米飯🍚更加健康店員好體貼咁幫手撈勻 見到啲芝士好拉絲一路撈都聞到香味 仲會吱吱聲 個底會有啲飯焦 撈埋所有蔬菜、豬肉片、芝士食 味道好豐富餃子王 $18好大隻嘅餃子🥟用個迷你蒸籠裝住 保持熱辣辣有原味同埋泡菜味 入面有豬肉粉絲等等 口味好韓式 都唔錯

香港而家真係越來越多韓國餐廳，尖沙咀呢一帶亦都係小韓國，所以當我想食人韓國菜嘅時候都一定係喺呢度搵食，今日約埋朋友一齊嚟，呢間都係佢介紹嘅，就係鍾意呢度有韓式小清新嘅感覺，嘢食亦都好好味，今日叫嘅嘢亦都冇令我失望。原味石鍋芝士拌飯份量好多，比一般嘅石鍋飯更加好食，因為加咗芝士碎，石鍋本身嘅熱力令到芝士溶咗之後，成件事更加邪惡，更加好食！而且用左紅米，感覺健康好多！薯仔豬排骨湯同韓國食到嘅一模一樣，呢間嘅價錢亦都比其他香港餐廳抵食。豬排骨啲肉一啲都唔鹹，加埋個辣湯真係好match，而薯仔都令到湯底更加濃郁，正！餃子王就係典型嘅韓國餃子，勁大隻，超紮實，好飽滿！

同閨蜜最愛嘅韓式餃子店，一直都係呢度。<泡菜餃子王>餃子皮厚薄適中，蒸得Q彈，泡菜餡料辣度十足，中意食辣嘅朋友必點🔥<薯仔排骨湯>排骨煮到非常軟腍，份量多亦啖啖肉🥰薯仔亦好入味，湯底微辣，味道開胃，好想撈一碗白飯。<炒豬肉石鍋芝士拌飯>炒豬肉肥瘦適中，店員十分細心幫我哋拌飯，芝士拉絲程度係十級邪惡級👹配芽菜、菠菜、翠肉瓜、蘿蔔絲、菇，再加甜辣自家醬汁，食唔到太辣嘅朋友都岩食，幸福感滿滿🫶🏻

#薯仔豬排骨湯，人氣大熱韓食🍖🐖 濃郁湯底充滿豬骨香，薯仔煮到融化起沙，排骨肉質軟嫩到一夾就散～ 重點係湯底加入大量青陽辣椒🌶️，飲完成個人即刻醒神！ #炒豬肉石鍋芝士拌飯簡直係芝士控天堂🧀，拌飯嘅時候拉起嚟有成10cm高嘅芝士絲📏，拌勻後每粒飯都包住濃郁芝士，邪惡到極！ 餃子絕對要雙拼👯♀️#原味餃子王肉餡鬆軟多汁#泡菜餃子王餡香辣開胃～ 最驚喜係餃子皮勁薄💡，咬落卻異常彈牙，仲帶淡淡麵粉香！

尖沙咀韓式餐廳有很多，😁今日來到依間原來是韓國人主理嘅韓國餐廳小店👩🏻‍🍳🧑🏻‍🍳因為廚房是開放式，看到兩年青廚師說著韓語倍感地道正宗👍🏻值得分享一下📝🥘泡菜湯有菇，芽菜豬肉片豆腐，泡菜湯調味得很好，唔會太酸微辣，加了$20元一碗韓國紅米飯 （香紅米的紅米飯份外健康）🍚🍲炒豬肉石鍋拌飯石鍋拌飯亦都係用咗紅米飯，飯焦比用普通米顯得更香脆，因應個人口味自家調味料，就算完全唔落醬汁這個鍋飯都很有味道🌟尖沙咀來說價錢上算適中🌟重點好味😁

如果你鐘意韓國料理，又想喺尖沙咀搵一餐暖笠笠又健康嘅午餐，呢間餐廳真係唔可以錯過！🍲🍜 🤩蔘雞湯 係必試之選，湯底濃郁，帶有淡淡嘅人蔘香氣，雞肉嫩滑入味，仲有滋補功效，飲完成個人都精神晒！😆😆😆 🤩牛膝骨湯 另一款暖胃之選，牛骨熬製嘅湯底充滿膠原蛋白，啖啖濃香，仲有陣陣牛骨嘅甘甜味，配埋啲醃蘿蔔，味道更加醒胃！🫶🫶🫶 🤩韓國素麵 麵條煙韌有嚼勁，仲有豐富嘅蔬菜配搭，清新又開胃，非常適合追求健康飲食嘅朋友。仲附上清爽嘅醃蘿蔔，食完更加滿足！👏👏👏 輕鬆享受一餐暖心又滋味嘅韓國料理～👍👍👍

之前旅行去釜山 一直對豬肉湯飯念念不忘 可惜喺香港唔係咁容易食到 偶然知道呢間 #韓屋 有得食！呢度「釜山豬肉湯」味道幾正宗 嗰湯好鮮甜 一啲都唔味精 令人想將成個湯飲哂 配埋豬肉片 韭菜 素麵 食完好滿足 冬天嘅時候會再想嚟食額外加左2款餃子：🥟蒸餃子皮薄帶小小煙靭口感 豬肉與韭菜比例剛剛好 韭菜味相當濃郁🥟🥟好驚喜醬牛小排煎餃 薄薄外皮煎到金黃酥脆 但一啲都唔油膩 裡面包滿牛肉餡 啖啖肉 肉質嫩滑多汁 比較特別而且好食滄海遺珠喺店內免費供應泡菜蘿蔔 味道甜甜地辣辣地好爽脆 好想買返屋企配白飯🤤