韓屋

营业中

休息中

#薯仔豬排骨湯，人氣大熱韓食🍖🐖 濃郁湯底充滿豬骨香，薯仔煮到融化起沙，排骨肉質軟嫩到一夾就散～ 重點係湯底加入大量青陽辣椒🌶️，飲完成個人即刻醒神！ #炒豬肉石鍋芝士拌飯簡直係芝士控天堂🧀，拌飯嘅時候拉起嚟有成10cm高嘅芝士絲📏，拌勻後每粒飯都包住濃郁芝士，邪惡到極！ 餃子絕對要雙拼👯♀️#原味餃子王肉餡鬆軟多汁#泡菜餃子王餡香辣開胃～ 最驚喜係餃子皮勁薄💡，咬落卻異常彈牙，仲帶淡淡麵粉香！

尖沙咀韓式餐廳有很多，😁今日來到依間原來是韓國人主理嘅韓國餐廳小店👩🏻‍🍳🧑🏻‍🍳因為廚房是開放式，看到兩年青廚師說著韓語倍感地道正宗👍🏻值得分享一下📝🥘泡菜湯有菇，芽菜豬肉片豆腐，泡菜湯調味得很好，唔會太酸微辣，加了$20元一碗韓國紅米飯 （香紅米的紅米飯份外健康）🍚🍲炒豬肉石鍋拌飯石鍋拌飯亦都係用咗紅米飯，飯焦比用普通米顯得更香脆，因應個人口味自家調味料，就算完全唔落醬汁這個鍋飯都很有味道🌟尖沙咀來說價錢上算適中🌟重點好味😁

如果你鐘意韓國料理，又想喺尖沙咀搵一餐暖笠笠又健康嘅午餐，呢間餐廳真係唔可以錯過！🍲🍜 🤩蔘雞湯 係必試之選，湯底濃郁，帶有淡淡嘅人蔘香氣，雞肉嫩滑入味，仲有滋補功效，飲完成個人都精神晒！😆😆😆 🤩牛膝骨湯 另一款暖胃之選，牛骨熬製嘅湯底充滿膠原蛋白，啖啖濃香，仲有陣陣牛骨嘅甘甜味，配埋啲醃蘿蔔，味道更加醒胃！🫶🫶🫶 🤩韓國素麵 麵條煙韌有嚼勁，仲有豐富嘅蔬菜配搭，清新又開胃，非常適合追求健康飲食嘅朋友。仲附上清爽嘅醃蘿蔔，食完更加滿足！👏👏👏 輕鬆享受一餐暖心又滋味嘅韓國料理～👍👍👍

之前旅行去釜山 一直對豬肉湯飯念念不忘 可惜喺香港唔係咁容易食到 偶然知道呢間 #韓屋 有得食！呢度「釜山豬肉湯」味道幾正宗 嗰湯好鮮甜 一啲都唔味精 令人想將成個湯飲哂 配埋豬肉片 韭菜 素麵 食完好滿足 冬天嘅時候會再想嚟食額外加左2款餃子：🥟蒸餃子皮薄帶小小煙靭口感 豬肉與韭菜比例剛剛好 韭菜味相當濃郁🥟🥟好驚喜醬牛小排煎餃 薄薄外皮煎到金黃酥脆 但一啲都唔油膩 裡面包滿牛肉餡 啖啖肉 肉質嫩滑多汁 比較特別而且好食滄海遺珠喺店內免費供應泡菜蘿蔔 味道甜甜地辣辣地好爽脆 好想買返屋企配白飯🤤

如果你鍾意韓國料理，呢間餐廳絕對值得一試！餐廳環境舒適，食物水準穩定，今次試咗牛排骨湯、炒豬肉石鍋拌飯同韓國紅米飯，每款都充滿地道風味，令人回味無窮。牛排骨湯湯底濃郁但唔會過重，充滿牛骨熬煮後嘅鮮甜味，飲落好暖胃，牛肋骨燉得夠腍，輕輕一咬就骨肉分離，肉質嫩滑又入味。炒豬肉石鍋拌飯係另一個亮點，豬肉炒得夠香，醬汁微辣又唔會太搶味，拌勻紅米飯一齊食，口感豐富，仲有微焦飯粒添香。餐廳環境乾淨企理，坐位安排合理，唔會太迫，適合同朋友聚餐或者自己慢慢歎。服務員態度親切，落單迅速，食物質素有保證。價錢方面亦算合理，以呢個水準嚟講，性價比高，食得滿足。如果想試正宗韓式料理，呢間餐廳真係值得推介，無論係暖胃嘅湯品定係香氣四溢嘅拌飯都唔會令你失望

地道韓國美食，令人一試難忘！昨日到尖沙咀的韓屋韓國餐廳用餐，整體體驗十分令人滿意！餐廳環境舒適，裝潢充滿韓國風情，讓人彷彿置身於首爾的韓屋。這次品嚐了血腸湯飯（Sundaegukbap），湯頭濃郁醇厚，帶有微微的胡椒香氣，內含（豬血腸）和柔嫩的肉塊，每一口都充滿層次感，搭配的紅米飯口感軟糯又帶點嚼勁，十分健康又美味。另外，我還試了沙豬肉拌飯（Dwaeji Bibimbap），色香味俱全！豬肉入味，與各種爽口的蔬菜、香濃的韓式醬料融合在一起，充分展現韓式拌飯的魅力。簡直是一場美食享受！餐廳的服務也值得讚賞，店員親切有禮，樂於提供建議，而且上菜速度快，令人印象深刻。最後，價格方面屬於中等水平，但以食物的質素來說，絕對是物有所值！推薦給所有喜歡韓國料理的食客，這家店值得回訪💯

落雨天氣濕濕笠笠咁☹️無咩胃口 想食啲濕濕地嘅野😬係門口見到個薯仔排骨湯 話係解宿醉就好似我而家個人嘅狀態咁樣入去試下佢先！落完單之後店員會上一份前菜比你係泡菜蘿蔔 酸酸地好開胃泡菜汁醃到舊蘿蔔好入味又多汁☺️等左一陣 個湯就黎左好大兜 迫爆左個碗😨搞到我無從入手😆要另外問店員拎多個碗嚟分開啲肉同埋湯個湯小小辣好開胃配埋個紅米飯 一啖飯一啖湯好正食到半路先至開始繼續食啲肉啲肉煮到好腍 睇得出係真係煮咗好耐嗰啲排骨嚟薯仔都煮得好入味 嚿薯仔同埋個湯一齊食係勁正😭😭😭如果可以加錢加多啲薯仔就好啦🥺🥺食完之後唔知係心理作用定係咩嘢真係覺得個人好似冇咁攰下次落雨或者真係飲醉酒經開呢邊一定會再嚟食多一次希望可以外加多啲薯仔啦😣😣真係好好味🤩

夜晚收工唔知食咩好咁岩經過韓國街諗住是但搵間餐廳食見到裝修幾靚就入左黎呢間食叫左兩樣野～牛肉石鍋拌飯拌飯既飯底係韓國人經常食既紅米飯有6款唔同既菜係上面加埋甜甜地既醬牛肉餐廳簡既菜全部都match得好好牛肉唔會做到勁大舊 撈埋之後每啖飯都可以食到菜同肉唔會好似全部野分開食咁加埋佢地自制既韓式辣醬十分好味餃子湯開頭以為佢係就咁一個湯底同埋餃子點知食食下有驚喜原來個底有海量既豬肉食過好多香港其他既韓國餐廳佢地d湯九成都係得幾塊肉呢間餐廳d肉好似唔洗錢咁 一半湯一半肉咁食完之後勁飽如果自己一個女仔食 可能真係會食唔曬湯底好濃 但又唔會太咸餃子個皮唔會因為浸得太耐而淋曬食到最尾都好煙靭總括黎講呢間餐廳都算我食過叫好味既韓國餐廳 會再黎～

話說喺OpenRice見到有成1000個like, 就諗住試吓，附近都有好多韓國菜，附近仲有個講英文嘅向我哋招手，我都冇理佢，一心就想試吓呢間韓屋，呢度叫個湯要百幾蚊，仲要冇飯，飯要加20，勁貴。然後就想睇吓佢味道如何，其實就好普通。又唔會好驚奇。但我聽有人係要專登book枱，同埋有啲遊客。我真係唔會再黎，然後原來隔籬嗰個先係韓國人開，有寫住韓國人協會。個個講英文叔叔，不斷在門外拉客，我決定下次要幫襯吓，仲要平啲。咁就三百幾蚊

見到好多食評 ，話呢間咩主打韓國地道正宗乜乜 .....見到價錢都唔平，真係會對佢有返咁上下期望！個餃子湯根本就係 超市雞湯再加超市餃子加一堆麻油，賣成百幾蚊一個。成碗野都係勁無heart咁畀人食，好心賣咁貴就畀多啲誠意。個釜山豬肉湯就得嗰兩塊肉，用餐體驗極差！！！！一定無下次！！！！！如果有得畀零粒星我一定會畀零粒星！到底香港邊度有真正有心好食嘅韓國嘢？？

餐廳環境細細 每桌座位都好貼近 🫣餐廳主打 石頭鍋飯 & 石頭鍋湯 落完單 店員就送上前菜 辣醃蘿蔔 蘿蔔味道辣辣地 🥘醬炒牛肉石鍋芝土拌飯 $138加埋辣醬撈勻食 味道濃郁😋😋 芝士份量夠多 做到拉絲效果🤩🥘薯仔排骨湯$168 +$20加配紅米飯 食材好足料 有好多排骨 蔬菜 湯底味道好鮮美濃厚😋 加埋飯食 係更加好味薯仔可以煮淋啲就更加入味啦🙈🫣 不過就太多骨 又無比多個碗裝骨就有啲🥲 🙆🏻‍♀️整體而言 🙆🏻‍♀️餐廳食物款式專一 主打石頭鍋菜式用料十足 排骨湯係好味😋 如果定價吸引啲 會再好嘅啲🙈

早兩個月去完韓國旅行心心念念韓國🇰🇷既蔘雞湯係Openrice 碌韓國菜睇下邊間蔘雞湯正點知比我睇相見到呢間叫⭐️韓屋既餐廳既蔘雞湯個樣最似🤩😍第一次去呢間餐廳我同朋友一行3人去食每人叫一個蔘雞湯自私食 再叫左d餃子share🥰落完單之後店員會比一個前菜蘿蔔比我地個蘿蔔少少辣好爽脆👍🏻👍🏻👍🏻👍🏻👍🏻蔘雞湯🥣完全係韓國個陣味 好濃郁既雞湯 雞又好滑 仲要入面塞滿曬糯米😍之前係香港食過d蔘雞湯都比較清淡 雞肉比較老呢個完全唔會 十分推薦🥰蒸牛小排餃子🥟呢個又係大推🤤🤤🤤牛肉餡超大舊 仲要有肉汁bit出黎架好食到要同朋友爭住食🤣韓式煎餃子🥟呢個餃子煎到兩面金黃入面係有粉絲同埋豬肉加埋佢地既秘製豉油 咸得黎又想一啖接一啖🥰最後我地3個女仔食到捧住個肚走下次思鄉終於可以唔洗等咁耐飛韓國🥹直接飛出黎尖沙咀就可以啦😝

小清新風格，搶眼嘅螢光粉紅光好有少女心🩷🩷小店雖然細但坐位置上空間感足夠☺️☺️嚟到要食呢幾樣上菜又快，一叫就即刻煮好用心上菜都係熱辣辣丫 👏🏼有熱野落胃暖暖胃好重要👏🏼💚醬抄牛肉石鍋芝士拌飯滿滿芝士仲有拉絲效果🤩石鍋飯特別選用，紅米既健康又冇油膩感底下充滿飯焦超正丫💚 人蔘雞湯飲落好香口，清雞紅棗味雞肉夾雜着嘅糯米好好味呀女仔食都好滋補架💚牛小排餃子皮薄餡又勁多丫好大隻咬落口好Juicy丫

來到尖沙咀金巴利道韓國菜林立的街道，揀來了一間以養生湯、石鍋飯、韓式餃子為主打。🇰🇷👫🍽️✨ 泡菜餃子王（$18/隻），以獨立的蒸籠裝住，大大隻，餃子皮薄餡多，滿滿的泡菜和豬肉，味道帶點辣辣，很惹味。🥟🌶️✨ 韓式煎餃子（$78）韓式煎餃子外皮煎得金黃酥脆，每一口都好脆口，一隻一口，內裡餡料豐富，點上少少醬汁更濃味惹味。🥟💥✨ 牛膝骨湯（$148），多款湯品中就揀了牛膝湯，湯品是經多小時熬製，味道清甜，香蔥味突出，牛膝肉粒粒嫩滑，佔整碗湯一半，湯底充滿膠質，整碗湯含豐富的骨膠原和鈣質，飲落去暖胃又滋補。🐮🍲✨ 醬炒牛肉石鍋芝士拌飯（$138），石鍋飯的配料豐富，由牛肉、芽菜、蘿蔔絲、翠肉瓜、韓式紫菜，當中的白飯用上了紅米飯，再加入了邪惡芝士組成，芝士用上了火槍燒過，食前加入韓式辣醬攪拌一下，飯已經做到芝士拉絲的效果，食到最後還有脆脆飯焦的口感，好味又滿足，真係必點之選。🫕 🧀

想食韓國嘢，梗係要嚟尖沙咀韓國街啦！蔘雞湯蔘雞湯的湯底濃郁，雞肉鮮嫩多汁，與人參的香氣相得益彰。湯中的各種配料如紅棗和枸杞，增添了甜味和營養，讓整碗湯品味道層次分明，特別適合滋補身體，讓人倍感溫暖。 醬炒牛肉石鍋芝士拌飯香濃的芝士，口感令人驚喜。底部的米飯微微焦脆，與牛肉和芝士的柔滑形成了完美的對比，讓人欲罷不能。韓式煎餃子韓式煎餃子外皮金黃酥脆，內餡豐富多汁，每一口都能感受到鮮美的餡料。搭配特製的醬汁，味道更加出色，作為開胃小食或主菜都非常合適。