韓屋

营业中

休息中

人排我又排🤣，舖頭以年輕淺色木系風格，電視播住韓國mv，好似平時係屋企指定動作咁🤣，餐廳好多加入人蔘嘅食物，睇黎幾養生😮⭐️原味石鍋拌飯擺盤令人有食慾，而家感覺幾健康唔油膩，飯有口感唔會太爛，口味較清淡健康，加小小配埋嘅辣醬就啱啱好👍🏻幾惹味雪濃湯韓國人解酒專用，牛肉同牛骨煮到湯變白雪雪，湯入面嘅牛肉腍又唔鞋，加埋飯變湯飯幾有韓國feel帝皇蟹膏蟹肉煎餃子 餃子皮帶煙韌，入面有類似冬粉增加口感，蟹味出啲會更好配菜醃蘿蔔微辣夾脆幾開胃哩間係較健康嘅韓國餐廳，較清淡感覺對胃無咁大負擔👍🏻

📍韓屋味道：⭐️⭐️⭐️⭐️⭐️餐廳由韓國人廚主理 🇰🇷想一嘗正宗韓國口味嘅朋友仔就不用錯過啦💕韓式煎餃子$78餃子外層煎得好香口 又唔會好乾身🥟餡料滿滿 又帶點鮮香既肉汁😋整體味道都不錯👍炒豬肉石鍋芝士拌飯 $138拌飯入面非常足料 鋪得滿滿🌈除咗豬肉同芝士之外 仲有有紫菜碎、菇、翠肉瓜、紅蘿蔔絲、菠菜、芽菜、魚糕條作為配料✨大量嘅配菜令到入口清新 味道豐富😈雪濃湯$148牛骨同牛肉熬製而成 湯入邊仲有零散嘅碎肉🥩味道比較清淡 要黎配飯就最適合不過🍚

琴日見呢間鋪咁多好評 諗住試一試入到去想飲杯水都無，都算啦諗住野食會好食啦點知都係伏兩個人嗌左人蔘雞湯，豬肉拌飯，同蟹黃煎餃人蔘雞應該係三樣入邊最好既，人蔘味好足同係韓國食差唔多，可惜既係雞肉比較鞋同埋碗湯唔夠熱，同埋明明Menu 話會送小菜 正常韓國餐廳會比泡菜，芽菜，醃薯仔呢啲小菜你啦點知佢係比左個醃蘿蔔我，連泡菜都無 點叫韓國餐廳！！！豬肉拌飯好油。。。重要無咩味，豬肉分量又少 就收我118蟹黃煎餃完全唔知自己食咩肉 同埋又係無咩味，要點汁先有番啲味過程中我地想要兩個碗仔分一分啲野食 點知佢得隻韓國啲飲酒碗，勁細水又無碗又無 最後都夠膽收加一服務費 我都想知佢服務左係邊到

一入去就感覺到好有氣氛，木系裝潢簡約又有韓國風味，幾舒服! 我哋叫咗個「泡菜餃子王」，啖啖都係驚喜！餃子用蒸籠上，超可愛，擺咗一層層，睇落好有食慾。餃子皮厚薄適中，裡面嘅餡料又鮮又香，泡菜嘅味道唔會太重，反而係啱啱好，配上佢哋自家製嘅醬汁，簡直係完美！然後我哋仲試咗「香辣牛肉湯」，香香辣辣好惹味，湯底濃郁，牛肉煮到軟滑，啖啖都充滿咗香辣味，真係暖心又暖胃。至於「醬香牛肉石鍋芝士拌飯」，就更加令人驚喜！石鍋一上來就嗌到香味四溢，牛肉好嫩，芝士融化得剛剛好，拌埋飯食，真係好好味，每一口都充滿咗濃厚嘅滋味，食到最後仲有啲鍋巴，香口又好食飲品方面，我哋叫咗「果肉巨峰提子汁」同「雪梨汁」。巨峰提子汁果肉豐富，唔單止好飲，仲有啲咀嚼感，飲落去真係好清新。而雪梨汁就帶有淡淡嘅甜味，口感滑順，兩款飲品都好適合配餐。

天氣開始涼，想飲熱湯呢間野須然用石鍋裝住d湯，但係完全唔熱叫廚房加熱但係加完都係唔熱唔會再黎 想試既都可以唔使試湯味精湯味，今時今日仲要有限時用餐時間相信下年今日呢間唔會再存在體驗真係好差$168一碗唔連飯，真係好多進步空間完全冇係其他韓國餐廳食鍋物嘅感覺

🌟#鮑魚蔘雞湯湯底濃郁，十分鮮甜，份量亦好足，雞肉軟腍，入口香甜，滿滿人蔘的香味，搭配紅米飯，滋味無比。湯中的鮑魚和人參讓整碗湯更顯高級，喝上一口就能感受到滿滿的暖意，仲要好開胃。而紅米飯好健康，多吃幾口都唔怕。🌟#韓式煎餃子餃子都幾大粒，同平時食的唔同，外皮金黃酥脆，內餡鮮嫩多汁，搭配醬油和醋的調味，讓這道小食更加美味。🌟#韓式桃汁和提子汁清新可口，完美解膩，尤其是桃汁的香甜，正 🍑🍇韓屋的湯飯真係唔錯，用心之作，味道好正

今日光顧了一間隱藏在街角的韓國餐廳，雖然店面不大，但週日下午，餐廳內座位幾乎座無虛席，睇黎香港人都好鐘意意韓國菜，包括我，好彩我早黎唔洗等位我們點了招牌的芝士石鍋拌飯，熱氣騰騰的石鍋端上桌時，濃郁的芝士香氣撲面而來，拌飯使用了紅米飯，十分健康。當我開始撈拌時，融化的芝士如同瀑布咁，第一次食到咁多芝士既石頭鍋飯呀牛排骨湯都不錯，湯是由牛骨和精肉長時間熬製而成，湯汁濃郁，口感滑順。每一口都讓人感受到牛骨的醇厚與肉香，搭配一碗白飯，絕配餐廳仲有好多特色餃子選擇，我們叫了帝王蟹膏蟹肉煎餃子，外皮煎得幾酥脆，內餡係蟹肉與豐富的蟹膏，下次可以試下其他餡。

今日同朋友去尖沙咀食我最鐘意雪濃湯，帶佢去試下雪濃湯$148雪濃湯係一道超級滋補嘅湯品，湯底用咗牛骨同精肉熬煮，湯色為乳白色，望落真係好有食慾。第一口飲落去，濃郁嘅湯汁滑順，仲有豆腐同青蔥，好好食香辣牛肉湯 $148香辣牛肉湯就係另一種味道，湯底用咗牛胸骨肉、蘿蔔同大蔥，再用辣椒粉調味，微辣得啱啱好，飲落去好開胃，牛肉炖得好淋，配上香料，真係一啖接一啖，根本停唔到口。呢道湯喺韓國向來被當作夏季滋補湯，喝完後會感覺上精神咗好多。餃子王 $18（一件)餃子王雖然價錢有啲高，但絕對係物有所值。呢款餃子用韭菜同豬肉包，份量好大，皮薄餡多。每一口都可以感受到韭菜的清香同豬肉的鮮嫩，啲湯汁仲會喺口中爆開。紅米飯 $20我哋仲加咗紅米飯，無論係雪濃湯定香辣牛肉湯，每一啖都可以感受到牛肉的鮮甜，將熱湯倒落紅米飯上，飯粒即刻吸收咗湯汁嘅鮮香，變得更加好味，呢個泡飯簡單又滿足，真係讓人想再嚟多一碗。

睇完《黑白大廚》特別想食韓國野😂呢間有韓式拌飯、湯飯類、餃子等韓式家庭料理薯仔豬排骨湯 一上檯很大份排骨也很大塊肉燉煮得很軟腍薯仔都煮得好綿味道不會很辣，喝起來很順口是韓國人必喝的醒酒湯！炒豬肉石鍋芝士拌飯 $138石鍋裝住上檯時仲熱辣辣好保溫蔬菜種類好多款有菠菜、菇菇、翠肉瓜、豆芽、紅蘿蔔絲仲有炒豬肉很豐富飯係用紫米飯好養生有營養好有韓國媽媽味仲有拉絲芝士很邪惡簡單美味的一餐仲有有多種韓式飲品和燒酒可以揀

之前已經食過呢間韓國餐廳，佢地主打熱湯、石鍋拌飯同餃子，味道都不錯，餐廳由韓國大廚班底主理，餐廳裝修走小清新風格，keep住都好多人食，可見其人氣十分高蔘雞湯 $168必點之選!整隻雞塞入糯米、配以紅棗、薑同人蔘燉煮，味道甘甜滋潤，大滿足原味石鍋拌飯 $108石鍋上熱辣辣，拌飯七彩顏色好開胃，加入大量蔬菜，口感豐富，飯底用咗韓國紅米飯，食得均衡更健康煎醬牛小排餃子 $88/5隻餃子皮幾薄，牛小排餡好足料啖啖肉，配上醬汁一齊食香口惹味

尖沙咀出哂名多韓國餐廳 行過見到呢間特別多人 一定係有啲料到🤭🥔薯仔排骨湯係韓國嘅味道呀😍薯仔大大舊 索哂排骨湯味😋排骨煲到骨肉分離 超方便食🥘原味石鍋芝士拌飯芝士拉絲邪惡度100%😈😈😈揀左原味--即係無肉 芝士味就更突出🥟餃子皇🥟泡菜餃子皇就係被呢隻餃吸引左入嚟🫣超大隻 一隻一個蒸籠 儀式感滿滿😌泡菜味會比較濃 可以唔洗沾醬啖啖肉+粉絲 飽肚感十足🥛甜米露食韓國菜必點😌配韓國菜真係好夾果然跟住人流就無錯😎份量都幾多 兩個明明勁肚餓 但我地都食唔哂食到勁飽 之後就有力氣去行街街

好耐冇食韓國嘢，又見到最近好多朋友去韓國玩，所以週末就嚟咗韓國街頭覓食，搵吓韓國嘅感覺。呢間小店喺韓國街開咗好多年，一直都頗有人氣，好掛住佢哋嘅薯仔排骨湯。.木製嘅枱櫈！加上播住韓文歌嘅兩部電視，細細一間舖，溫馨得黎亦都好有韓國嘅感覺。.坐咗一陣我哋就送上自家製嘅韓式醃蘿蔔，酸酸甜甜微微辣，開胃。.叫咗我心心念念嘅薯仔排骨湯。排骨大大件，質感依然軟爛入味，菜乾雖說已經成為乾，但係依然保留有菜嘅味道，加上軟綿綿嘅薯仔，解膩嘅洋蔥，同埋增添口感嘅蘿蔔絲，整個味道非常醒胃，好正宗。.炒豬肉拌飯材料好豐富，芽菜好爽脆，豬肉片半肥半瘦，加埋翠玉瓜、菇、紅蘿蔔等增添口感，仲有紫菜等等，同埋健康嘅紅米飯，成個感覺好營養均衡，帶有淡淡麻油香氣。.最後就係我一向都好鍾意嘅韓式餃子，同中式嘅餃子好唔同，韓式餃子裏面係有粉絲嘅，仲有豬肉同埋韭菜等，比較香口，醬汁亦都唔係醋，而是辣椒醬油，好特別。.韓屋 (尖沙咀)尖沙咀金巴利道69-71A號美園大廈地舖

經常過來尖沙咀韓國街搵食，這天首次幫襯韓屋，想不到也是很不錯的一間韓國餐廳，餃子燉湯樣樣皆精！鮑魚蓼雞湯是一道極具滋補效果的湯品。鮑魚的鮮味與雞肉的香氣交融，湯底清淡卻不失風味。蓼草的加入為湯品增添獨特的香氣，並提升營養價值。喝上一口，鮑魚的鮮嫩與雞肉的潤滑口感交替出現，讓人倍感滿足。而牛膝骨湯湯色清澈，散發出濃郁的肉香。牛膝骨頭長時間熬煮，使得湯底醇厚，富含膠原蛋白，喝上一口令人感到溫暖。湯中加入的蔬菜清新可口，平衡肉的油膩感。而醬牛小排蒸餃子，餃皮薄而韌，包裹著嫩滑的牛小排肉餡，肉質鮮美，醬汁滲透其中，帶有濃厚的香氣。每一口都能感受到牛肉的鮮汁，與蒸餃的清爽相得益彰。前菜韓式漬蘿蔔色澤鮮豔，口感脆爽。蘿蔔經過醃製後，酸甜的味道十分開胃，能有效地解膩。韓屋 (尖沙咀)地址：尖沙咀金巴利道69-71A號美園大廈地舖

叫左兩樣野食 兩樣都唔合乎預期完全談不上正宗聲稱招牌既參雞湯完全唔熱 一滴煙都冇上枱已經有一層油凝固左係面連最簡單保持食物溫度都做唔到味道都係死鹹 完全係味精感覺既湯唯一係隻雞煲得好淋炒豬肉石鍋飯 石鍋完全唔熱 直情可以用飯掂個石鍋而且冇飯焦 飯都係濕的只係普通拌飯 啲配料普通不過 完全對唔起價錢另外衛生好有問題要兩杯水一杯入面仲有食物殘渣直頭想嘔 整體黎講就係全部野都冇誠意 完全唔理解點解咁多好評講完

Hanook 餐廳環境入到去就感受到充滿韓國特色嘅氣氛，有好多韓式同韓文嘅擺設，亦都播放好激昂嘅韓文歌😍✨韓式煎餃子外皮煎得金黃酥脆，內餡多汁又鮮美，特別係微微既辣味，令我忍吾住不停食，搭配上酸甜既醬汁，真係絕配！吃完後，嘴裡仲留著那股香氣，真係回味無窮🤩🤩🤩✨醬炒牛肉拌飯牛肉炒得嫩滑多汁，醬汁濃郁香甜，帶著一點點嘅辣味，令我食慾大開🤭🤭拌飯既時候，米飯吸收了所有既醬汁，每一口都充滿住味道。再加上蔬菜，口感豐富，營養均衡👍🏻👍🏻👍🏻✨炒豬肉石鍋拌飯豬肉炒得好惹味，配上熱騰騰的石鍋飯，底部還有那層脆脆的鍋巴，真是絕配。每一淡都能感受到豬肉的鮮美同醬汁的濃郁，令到口感更加豐富。拌飯的時候，所有嘅味道都融合在一起，特別滿足🤩🤩🤩韓屋 (尖沙咀)尖沙咀金巴利道69-71A號美園大廈地舖