韓屋

营业中

休息中

天氣熱辣辣，傳聞韓國人係夏天都會飲蔘雞湯😆所以特別黎左e間試下🤓因為餐廳主打湯品同石鍋飯🥰餐廳裝修以淺色松木為主，有少少霓虹燈裝飾😍店面唔算大，建議訂座☺️餐牌入面有唔少特色地道湯品🤤仲有唔同款式石鍋飯❤️🌸蔘雞湯，雞湯用熱鍋上，所以熱辣辣😍湯好香人蔘味🤩又唔膩😋雞肉香嫩🥳飲完暖笠笠☺️🌸醬炒牛肉石鍋芝士拌飯，牛肉唔肥用醬炒得香香，加埋芝士一齊拌做到拉絲嘅感覺🤤飯係韓國紅米飯😍加埋辣醬一齊食味道更上一層🤩🌸餃子王，餃子勁大隻🤤入面係滿滿嘅肉汁😍

極不愉快的用餐體驗伏到爆炸如果可以嘅話 我想比負分女店員態度極差 好似欠佢錢咁🙂叫咗個雪濃湯又稀又淡又少配料得些少洋蔥同劣質牛肉薄片仲有薯仔排骨湯啲碎骨多到飲唔到湯差唔多200一碗湯加飯或者麵仲要加錢加咗個紅米飯同蕎麥麵 碗湯到咗好耐先比碗飯我 個蕎麥麵食到一半都未比我 揾店員問吓個女店員好hea答 話蕎麥麵係要等耐啲 冇幫手追過廚房 到埋單比錢走人都未有 係要我飲湯飲到飽？ 明明知道我冇食到蕎麥麵 仲扮晒野想唔改單 要我比埋 啲湯又唔好飲又唔足料真係賺到笑 勁揾笨求其買個即食湯飯都好食同多料過佢唔明點解會有咁多好評

今日同女朋友係尖沙咀行街順便食埋個晚餐，突然諗到幾想食韓國嘢，打開個openrice見呢間韓屋咁多好評，心諗差極都有限啦 一於試吓 點知真係中晒伏入到店舖環境逼都算，我當大部分韓式餐廳都係咁 ，野食方面 我就嗌左個薯仔豬排骨湯 另外加個蕎麥麵（要加25蚊），女朋友就嗌左個雪濃湯 另外加個韓式紅米飯（要加20蚊），之後食物黎到後，個（薯仔豬排骨湯）d骨多到係9成骨 1成肉比例 ，都算 d野食上哂 ，個蕎麥麵遲遲未到 ，我就叫個女店員跟下，結果最後埋單都未上 ，店員仲扮晒傻照拎單黎想博下我吾記得cancel 我一講個麵冇黎到 佢即刻拎去cancel 睇都吾洗睇 。 總結 好垃圾既餐廳 ，冇第二次

今日3號風球，都無阻我走咗去尖沙咀食韓式家庭料理😂今次去依間餐廳，叫做韓屋，主要以韓國家庭式湯飯和餃子作為主題！我們叫咗排骨薯仔湯配紅米飯⭐️⭐️⭐️⭐️🍴（依個幾好味，而且價錢OK大堆頭）炒豬肉芝士拌飯⭐️⭐️⭐️（這個芝士味濃，但整體偏淡，我朋友要加醬油吃、而且肉得好少）餃子王⭐️⭐️⭐️（$18大大隻，但啲餡料太實淨）煎醬牛小扒餃子⭐️⭐️（個皮比較硬，如果唔係上枱立即食，轉頭就會唔好吃）=我建議配合加送的泡蘿蔔其實整體都OK，不過侍應落單比較混亂，我叫的兩個菜，都送錯咗隔離台，第一次因為隔籬枱冇叫我那個菜，所以佢轉頭送回多我的枱子，第二次他把我的菜送去剛來的那一張枱，可能拌飯都差唔多，就沒有拿回來，我朋友等了很久😅、然後餃子來得一隻，原來留咗單😅😅😅唯有自己多提吓佢！希望快啲有改善啦。Address:韓屋 (尖沙咀)尖沙咀金巴利道69-71A號美園大廈地舖#韓屋 #hanookoreanrestaurant #wheretoeatinhk #자신의요리 #sweethome #韓國家庭式料理 #湯飯 #中女的日常生活 #餐廳推介 #尖沙咀美食 #tst #hk #今餐食乜好

新式霓虹燈風格嘅韓式餐廳！就係聽過佢主打家庭式嘅料理冇味精，平時都長期見到門口有人龍，今次等咗15分鐘左右就入得~雪濃湯 ($148)+ 蕎麥麵 ($25)雪濃湯的確比出面嘅湯底清淡，仍然保留大骨熬煮出嚟牛骨嘅甜味😙比較特別嘅係可以選擇飯/蕎麥麵/素麵，凍蕎麥麵健康啲之餘又有冷熱嘅感覺😚醬炒牛肉石頭鍋飯 ($138)採用紅米飯嘅飯底，再配上芝士同埋其他韓式健康配料，仲有唔太辣嘅韓式辣醬，令我可以落好多都唔驚😆 餃子王 ($18)用蒸籠載着嘅特大餃子，有種中式茶樓嘅感覺🤭好足料！泡菜餃子王 ($18)而呢個泡菜味道就真係幾辣喇，食得好過癮🤣鍾意食石頭鍋同埋飲熱湯嘅朋友可以一試～

又去韓國街搵食啦, 今次去左間Cafe 裝修既韓國餐廳。.薯仔豬排骨湯$168在韓國被視為可以緩解酒後宿醉症狀既醒酒湯見少餐廳有呢類既湯,就好奇叫左個, 裡面既豬骨既經係煲到軟, 基本上係好易就脫到骨, 肉又唔係因為煲左好耐而柴, 反而好軟好好味。個湯仲有薯仔同菜, 飲飲下個湯會有少少辣, 但係好飲, 撈埋飯食更加正。.炒豬肉石鍋芝士拌飯 $138見個樣就覺得係正正常常既拌飯,有芽菜, 蘑菇絲, 瓜, 蘿蔔絲, 菠菜, 仲有紫菜碎,飯底係雜糧飯,又幾好, 感覺健康左。一撈起, 中間融左既芝士跟住撈起有拉絲。仲有少少飯焦~.韓式煎餃子 $78/ 5隻外面煎得脆脆地, 裡面係粉絲。.舖內好光亮, 雖然位置唔多, 但係都唔會好逼, 都坐得幾舒服。

金巴利街呢間韓國餐廳，一改韓式黑黑沉沉的設計全木色的亮麗設計，唔單止感覺干淨企理，仲令人感覺好溫暖，好親切簡單韓字加上TV 的韓曲，已經令餐廳好有韓國氣氛雖然呢度的設計比較西式新穎，但食品卻是傳統的韓國食品以韓國人煮地道家常菜為主其中一款特色菜係韓式餃子，除左有湯，有煎，仲有呢款餃子王~ 一籠一隻，SIZE 是成個手掌咁大~ 變大咗嘅餃子感覺都幾得意~ 餃子皮適中，唔會太厚，入面有菜有肉有粉絲，整體味道清新食哂咁大隻都唔會膩另一款係韓式煎餃子餡其實同餃子王差不多，但皮煎得很香脆又唔油膩加埋個獨家製醬汁(少少甜少少咸) 特別惹味~呢度主打零味精、零防腐劑韓式住家熱湯，再就來一個最傳統的蔘雞湯吧~蔘雞湯的雞採用了細隻的春雞，雞肉幾嫩滑，加入蔘一齊煮，湯和雞都有很濃的蔘味，超濃郁的~ 我最愛食蔘雞湯入面的糯米，吸哂湯嘅精華，超好味可能呢度嘅糯米唔算多，好快食哂~飲品方面，呢度都幾多韓國牌子的飲品，揀左呢款韓國果內人果汁(左) 韓國有汽菠蘿汁韓國飲品，基本上唔會出事的~XD 2款都係正常大路的飲品，沒有奇怪藥水味~ 當日食到一半時，有3個韓國大叔入左黎佢地好熟門熟路地坐低點餐，一睇就知係常客 

韓屋尖沙咀金巴利道係香港既韓國街，有好多韓國餐廳。經過見到韓屋好多款式鍋飯同湯，但我就比佢個餃子吸引到。坐低睇吓menu 餃子有蒸餃同煎餃。一於兩種叫哂兩種嚟食吓先。餃子王唔係講笑隻餃子王有拳頭咁大隻。熱辣辣新鮮蒸起，每隻一籠。食落好飽滿既菜肉餡，我仲食到有粉絲😍真係皮薄餡正😋醬牛小排餃子醬牛小排餃子食落牛味香濃，點吓個醬汁食更滋味。煎醬牛小排餃子（上）帝皇蟹膏蟹肉煎餃子（下）帝皇蟹膏蟹肉煎餃子餃子煎到香脆金黃，配合埋帝皇蟹膏蟹肉真係好好味😋餐廳仲有好多款韓式飲品韓國有汽菠蘿汁韓國蜜桃梳打兩款飲品都唔會好甜幾好飲呀！

首先食物質素非常差 叫咗一個牛排骨湯同一個韓式豬雜湯 成碗嘢只有大概20%係內容物 人哋真正韓式牛排骨湯係裏面有埋素面而我哋係仲要額外加錢嗌咗個飯同埋素面侍應一上菜，我都嚇窒咗 只係見到成碗都係湯咩Topping都冇仲同我講話正宗韓式 好好笑！ 價錢都$150/湯 個幾片肉仲少過$40頹飯。食完成餐飯個感覺好似淨係飲湯就飽咗咁 毫無滿足感 小菜，只係彼得三四粒醃蘿蔔 仲要食落係超酸食到已經係醃咗勁耐開始變味嗰種 Lunchtime埋單$450+ 完全唔抵！極度懷疑係買好評 照片與實物嚴重不相符食food court韓國嘢都無咁嬲

⬘ 雪濃湯 ⬙⬘ 餃子王 ⬙⬘ 泡菜餃子王 ⬙⬘ 煎醬牛小排餃子 ⬙最中意呢度嘅餃子🥟 特別係煎醬牛小排餃子，唔似平時食開嘅煎餃子，反而有少少似炸餃子，但又唔會話好乾好油咁，牛肉餡料真係好夠味，食落好香燒烤味，又帶點牛肉汁味，好食😋 呢度嘅招牌大大隻餃子王🥟 原個迷你蒸籠咁上真係幾得意😍 岩唒打卡📸 餃子皮帶點煙韌，裡面係滿滿嘅餡料，除左豬肉同韮菜之外，仲有韓國粉絲，中意食辣嘅朋友可以點泡菜個款，辣得黎好惹味😋

朋友想食韓國嘢，但係又怕熱氣唔想食炸雞，我揀呢間餐廳以湯、蒸餃做賣點，啱晒佢心水😆牛排骨湯$148呢個湯係將牛骨和精肉長時間熬煮而成，湯好濃郁，肉味甜😋除咗有煲到淋晒鬆軟嘅牛肉，仲有大量香甜洋蔥，韓國粉絲👍🏻醬炒牛肉石鍋芝士拌飯$138牛肉飯材料豐富，石鍋夠晒熱，將各種蔬菜、紫菜、牛肉撈埋一齊，最重要就係加上好多芝士，飯配埋醬汁惹味，又有芝士奶香同埋Creamy嘅口感，真係超級正😋餃子皇/泡菜餃子皇 $18/隻餃子真係超級大隻， 一個蒸籠一隻，賣相可愛😍原味係以韭菜豬肉為餡料仲有韓國粉絲；泡菜味就增添左泡菜，酸辣酸辣，好醒胃。兩款都皮薄餡靚😋

放工近近地食吓韓國菜，想簡單點唔好太heavy，就諗起呢間粉紅霓虹燈既韓食店。 呢度有蒸、煎餃子，之前試過蒸既脹卜卜圓餃子，今次試下煎的。 帝皇蟹膏蟹肉煎餃子一客5隻，煎得外層皮薄乾身，餡料鮮味。 醬炒牛肉石鍋拌飯雖然係石頭飯，但有翠肉瓜、油揚、菜絲、甘筍絲、菇、紫菜等8款配菜，入口清爽牛肉唔會好濃味，成個感覺不會太熱氣，鍋底有一層飯焦加埋辣醬拌勻，辣辣地又有香口感。 牛排骨湯用牛骨熬煮出既湯頭清甜，無味精熱辣辣。除左牛排肉，仲有洋蔥、韓式粉絲，可另加配飯。

人蔘雞湯同埋芝士石頭鍋飯都幾好食，反而餃子就非常普通，個人認為性價比唔高。人蔘雞湯嘅雞骨都可以食落肚，基本上一個湯一個飯，兩個人都非常夠食。不過侍應就非常唔醒目，譬如叫湯唔會主動俾湯羹同碗仔你分，幫完隔籬枱斟水都留意唔到水杯已經空咗。

完全唔建議食見食評高分，網上訂位試，怕小店人多，所以book 3PM，到店時只有2枱客人，大半間店無人的。坐低打算落單，是傳統的落單方式，不是scan QR code那種，所以只好叫人落單，店內有2個員工，坐在另一張枱食嘢，等佢哋留意到有人舉手才可以落單。落單時，叫牛膝骨湯，店員話無；叫蔘雞餃，店員話無；最後只好叫雪濃湯及牛小排餃當然，唔叫水亦唔會有水；而只有一碟的傳統小菜亦無得refill。食物普通，整條都是韓國菜嘅街來講，冇特點。最後埋單時，兩位店員仲食緊野，只好自己走去叫佢哋埋單，係店員黑面同無服務之下仲要俾10%服務費。其實有落場時間對啲客可能仲好，起碼員工會理啲客，亦明白點解有人坐低後唔食起身離開。唔會再嚟

睇到好多好平，就去試一下！marketing做得唔錯, 啲相影得幾靚！可惜- 伏！叫了一個人蔘雞&帝王蟹膏煎餃子。很可惜人蔘雞冇蔘味，似雞粥多啲。蟹膏煎餃子同一個問題，完全食唔到蟹膏味！