韓屋

营业中

休息中

如果想食湯飯，第一時間一定會諗起韓屋😋每次嚟都係食呢2款！份量足料又夠好食！另外個蘿蔔小菜真係勁好食，好開胃！【蔘雞湯】$168雞肉滑嫩鮮甜，滋補美味，估唔到香港都食到好食嘅蔘雞湯！湯汁濃郁帶有少少人蔘味，同微微甜味，真係好好味！原隻雞煮，煮到骨肉分離，一撕開就食得😆【薯仔豬排骨湯】$168肉質滑嫩豬排骨，加埋軟熟薯仔，湯汁濃郁微辣，配飯一流，好開胃又飽肚，正到爆！加$20有個紅米飯，配排骨湯飲，絕對可以食得晒！

試完真係好感動🥹，終於係韓國街食到間真係韓國味道的韓國🇰🇷餐廳了，總括呢間係暫時韓國街食過最好味的韓國餐廳🍴講緊係久抑大名零味精湯底同韓式拌飯韓屋，原來係韓國大廚班底，真係正到不得了！ 🍜蔘雞湯$168 +$25配蕎麥麵 👍🏻超推薦👍🏻我同家姐都好鍾意飲蔘雞湯，二話不說就揀左佢。一擺上台已聞到清香撲鼻的蔘味，蔘雞湯由原隻雞上，雞肉同骨頭都燉到腍曬，我連骨都吞埋落肚，仲有人蔘、紅棗、栗子、糯米同大蒜等長時間熬煮，飲落清甜又甘甘地，配上軟硬適中蕎麥麵，真係正到不得了！基本上同韓國食的係100%還原！ 🍚醬炒牛肉石鍋拌飯 $128拌飯底部脆脆的飯焦，濃郁醬香的炒牛肉、仲有輕爽涼拌的波菜、紅蘿蔔絲、豆芽菜、翠玉瓜，拌上紫菜溝飯口感相當豐富。 🥟餃子王 $18 +泡菜餃子王$18用迷你蒸籠載住，餃子大大隻賣相好可愛，餃子皮少少煙韌，如果皮可以再簿啲就更加分，我比較鍾意原味食落好fresh。 下次再試埋佢其他湯先👍🏻

【尖沙咀•韓屋】@hanook.tstππππππππππππππππππππππππππππππ韓風尖沙咀餐廳 小粉紅最愛！🌻｜蔘雞湯｜HKD 168在小雞的腹中填入人蔘、大棗、板栗、松子仁、糯米、大蒜等食材後經長時間熬煮而成，人蔘香氣和雞肉融合的香醇美味。是韓國傳統的夏季養生飲食。蔘雞湯是一道營養豐富、滋補健康的湯品，適合各個年齡段的人食用。湯品中的雞肉軟嫩多汁，而人參則具有滋補身體的效果。無論是在寒冷的冬天食用，還是作為家庭聚餐的一道菜，蔘雞湯都是一個不錯的選擇。🌼｜醬炒牛肉石鍋拌飯｜HKD 128醬炒牛肉石鍋拌飯不僅美味，還非常有飽足感。牛肉的嫩度和蔬菜的口感使這道菜更加豐盛。加入醬料的調味使其味道更加獨特。湯汁和米飯的結合使整道菜更加美味，亦適合在冬天享用。🏵️｜餃子王2隻｜HKD 36/2隻餃子王的味道非常好，餃子皮薄而有彈性，餡料豐富而鮮美，湯麵濃郁而美味。除了味道好之外，他們的價格也非常實惠，所以我非常推薦大家去嘗試一下。🍁｜泡菜餃子王｜HKD 36/2隻這道菜的味道非常獨特，它結合了泡菜的酸辣風味和餃子的香氣，使其味道更加豐富和出色。泡菜的辣味和酸味與餃子的鮮嫩和熟透的

見到呢個餐廳有很多好評, 一心想來試下, 但係表現卻差人意, 點了出名的湯物, 但係我覺得和茶餐聽例水加水冇咩分別, 覺得成碗都係味精湯, 同埋廣告話全店都係韓國廚師, 望入去, 其實全部都係香港人, 而且仲係入面食煙.店員口黑面黑, 行為粗老, 甘多好評.........現在連openrice 都唔太可信

首先， 朋友book左3位， 佢派左近廚房既出餐位比我， 隔硬加張椅當係3人坐， 但係又厭我阻著佢出餐。行過係甘撞我其二， 餐牌話出名無味精湯， 以我平時食既韓國餐廳， 點湯都會送白飯， 呢店家話冇白飯跟， 而佢要加20先有素麵或紅米飯， 個人覺得非常唔正宗都而且唔合理。其三， 碗湯上到來嚇左我一大跳， 成碗清水甘手指數埋都冇7片肉碎， 竟然收148蚊？其四， 朋友同時叫了蒸餃子和蒸餃子， 我只覺得似一般的急凍熟食加熱。唉， 都唔知點數落去， 態度差服務差， 連野食都貨不對版， 真心留食評係唔想有人再中伏， 呢買好評既餐廳真係垃圾！

個湯無咩味，又無料，都要成百幾蚊一個仲要淨係得湯，飯/面都要另加錢完全唔值呢個價🤬🤬🤬🤬🤬個雪濃湯同牛膝骨湯差唔多味，無咩分別分分鐘出面買嘅湯包仲好飲，性價比高啲個蒸餃又唔係咁好食，無咩特別，除左大隻啲之外煎餃正常環境又窄3個女仔每人一款湯，加蒸餃一粒，同一碟煎餃，平均都要$200/人食都食唔飽簡直覺得俾人呃左咁無下次請都唔食好失望～～～～～～～～～～～～～～～～～～～～～～～～～～～～

這晚特別想吃清淡一點 就去排隊了 大約等了45分鐘就入座了· 蔘雞湯 是韓國傳統那種蔘雞湯 原隻雞 雞裡面有點糯米 味道偏清淡 淡淡的雞湯· 雪濃湯 雪濃湯可說是我最愛的韓國料理之一牛骨味濃郁👍🏻清淡感覺喝完非常舒服⭐️飯和面需要另外追加個人會推薦飯 面較軟身 拌湯後發漲 不太喜歡· 餃子王 大大的一個餃子特別喜歡韓國的餃子 大大一個 食落去 特別滿足 韭菜餡料 正👍🏻 泡菜餃子王 少辣 普通的泡菜餃子🥟⭐️小店口味較清淡 如果鐘意重口味 可能不太愛🫢

.韓屋Hanook 今日放工去左出名多韓國餐廳嘅金巴利道!!🇰🇷見到一間粉紅色嘅韓國餐廳🍴，牆上韓文寫住「吃美味嘅食物係0 kcal」🤩咁呢間一定係食極都唔會肥嘅餐廳😌………* BIBIMBAP醬炒牛肉拌飯（$118）* 泡茶餃子王（$18）🥇*石頭芝士豬肉拌飯（$138)*煎蟹肉蟹膏餃子🥟（$88)………我心中嘅招牌菜一定係泡菜餃子王!!大大隻，脹卜卜，辣辣地，好惹味😍絕對必食！煎蟹肉蟹膏餃子配搭亦好特別，低調嘅蟹肉味再加入了蝦肉，淡淡地都幾好，但比起煎餃，蒸餃絕對No.1🥇………飯類方面，石頭鍋飯比較香口，兩款飯底同樣用了紅米飯，感覺比較健康，難怪牆上會用韓文寫住0 kcal🤣………第一次食到用紅米飯做底嘅韓式拌飯，感覺好新鮮，有別於傳統，為食客帶來了新鮮感😌😝……..地址：韓屋 (尖沙咀)尖沙咀金巴利道69-71A號美園大廈地舖………

🇰🇷🇰🇷🇰🇷天氣涼涼地，試左依間韓國菜，主要推介係無味精健康養生湯同石鍋飯，單單湯品都有12款，一定簡到想飲既湯，而且味道好，唔太過份調味，真係食完之後又真係唔覺得頸渴，真心推介一下牛膝骨湯($148)湯好雪白，除左有牛骨之外，仲加左少少洋蔥做調味，牛骨好有咬口，全舊都係軟骨，可以整件食，完全無硬骨，而且湯無刻意調味，同平時種糊椒味既湯唔同，可以話食完係無負擔👍🏻👍🏻👍🏻炒豬肉芝士石鍋拌飯($138)石鍋飯好夠熱，芝士味撈埋d飯都好出味👍🏻👍🏻成個飯都好香，但味道唔鹹，係用返拌菜去餸飯，飯係用左紅米飯，同樣帶出健康住家飯既感覺餃子王($18)超級大既餃子，一細籠一隻，好夠熱，沾左醬汁之後，味道更為豐富，菜既比例較多，真係健康之選👍🏻👍🏻👍🏻

上星期由首爾旅程回來每天很想念明洞街頭的煎餃小食找一找香港很少地方做得正宗就記得尖沙咀有間韓屋平日晚上早些出去食原來未到7點已經要門外排隊幸好流量很快 片刻就入座店舖細小 座位也盡量放得多以粉紅色為裝修主調 播著kpop餐牌分為3種 鍋物,煎餃和蒸餃每款的選擇很齊全 又有新派口味除了傳統餃子 也有牛小排/蟹肉餃由於我地對韓式煎餃太思鄉就點了幾款share食 價錢合理//煎醬牛小排餃子//煎餃的外皮係十分脆口皮唔會厚 餡料也很足味道偏濃郁 牛味很突出//帝皇蟹膏蟹肉煎餃子//比較少見 煎餃以蟹味為主第一啖時味道不明顯食食下反而有蟹膏鮮味味道不算太濃味 反而不錯//牛排骨湯 + 韓國紅米飯//另一個思鄉的味道就是傳統牛骨湯牛骨經過長時間熬煮 十分滋補入口唔會太鹹 牛味十分濃郁最地道味道 就泡飯一起食所以加配紅米飯 很滿足

之前已經行過好多次依間餐廳次次都排長龍 今次同朋友諗住去尖沙咀食飯於是就諗起呢間因為book左左枱嘅關係 好快就入得去坐7點後見到餐廳就開始排長龍同朋友兩個人點左一碟帝王蟹膏蟹肉煎餃子咬落去餃子係滿滿嘅蟹肉，外皮好脆好好食牛膝骨湯，乳白色的湯底好香，牛肉已經燉到超軟熟，軟腍腍連骨都食埋，然後仲加左個蕎麥面，面身好彈牙，兩個人食曬成鍋已經好飽╰☆☆ 韓屋 (尖沙咀) ☆☆╮尖沙咀金巴利道69-71A號美園大廈地舖

📍 韓屋（尖沙咀）@hanook.tst再次食韓國菜，今次好特別，餐廳主打韓式餃子王🥟一個籠一隻大大餃子🥟份量十足，賣相都已經好吸引～另外餐廳主打不同款式既湯水，有韓國人蔘雞湯～原隻雞🐔我地嗌左另類湯水，餐廳菜式都好新穎，另一番韓風～🔸薯仔豬排骨湯整舊豬排骨己經豐滿整個湯，湯底好濃郁豬骨味，以真材實料熬製，無味精既湯特別好飲～薯仔雖然係配角，好淋身又帶點爽口～飲完都唔會覺得口渴，真心推薦💕🔸餃子王一籠一隻餃子🥟材料十足，豚肉餡料好新鮮，韓式餃子當然有韓國粉絲，韮菜，肉既比例比菜多，好豐盛～一啖都食唔哂👍🔸帝皇蟹膏蟹肉煎餃子一咬落去就爆哂蟹膏蟹肉岀黎，煎到外皮脆脆，入面既餡料仍然保持肉汁，夠哂滋味👏🏻

因為對上一次去韓國已經係5年前，🥹非常掛住個邊嘅各式湯品，好似雪濃湯咁，個種牛肉同牛骨嘅鮮味諗起都令人垂涎欲滴🤤而餐廳嘅🐮🍜雪濃湯($148)同樣清甜可口，無味精，鍋中有不少牛肉🐔🍲人蔘雞湯($168)亦係另一種韓國舖頭叫菜式！店舖選嘅雞隻皮薄肉厚，高溫熬製下連雞骨都輕易咬開，糯米煲得軟棉，哩兩樣😂亦係人蔘雞湯嘅特定精髓！以上湯品都可以加$20飯🍚，或者$25麵🍜，再者你係同小妹一樣戒緊澱粉質的話😃，可以就咁單啪個湯！哩個選擇我覺得幾好，如果其他餐廳都有，咁就唔洗晒咗個飯👍🏻

好似準備入秋 又係時候食啲暖笠笠既野tst 有好多韓國野食 不過jj 特別鐘情呢間韓屋食過幾次 成日都要排隊 好彩今日早book 可以唔洗排每次黎都一定要叫佢個蔘雞湯🐥🥘雞入面加入左人蔘、紅棗、板栗、松子仁同糯米 一食已經見到4,5條人蔘 完全真材實料蔘雞湯亦無藥材既苦味 反而食到鮮甜濃郁既雞味原隻雞上啖啖肉 非常滋補 天氣再凍d 食係係不得了🙈❗️❗️重點係d 骨脆到可以食埋！！只要食過一次 就會俾呢個口感嚇親❗️❗️去韓國都未必食到可以連骨都融埋既蔘雞湯可以想像到店家花左幾多心思同時間燉呢個蔘雞湯另外叫左雪濃湯🍲係韓國就食得多 今次呢個雪濃湯係用牛骨同牛肉長時間熬煮 雪白既牛湯有好滿牛肉既香味非常濃郁 完全無味精仲可以加飯或者蕎麥麵一齊食吸收埋湯既精華 好正😍煎蟹皇蟹肉餃子 🥟🦀煎得好香口啖啖蟹肉香 配埋餃子汁 特別開胃

平時經過見到好多人排隊.今日終於唔洗排就入去試下.order咗佢哋既signature餃子同拌飯.餃子咬開好多汁調味剛剛好.超正好味拌飯反而普普通通不過不失.如果唔洗排隊可以再黎試