韓屋

营业中

休息中

平時經過見到好多人排隊.今日終於唔洗排就入去試下.order咗佢哋既signature餃子同拌飯.餃子咬開好多汁調味剛剛好.超正好味拌飯反而普普通通不過不失.如果唔洗排隊可以再黎試

經常經過見到依間不同風格既韓式餐廳，今日同朋友決定黎試下！餐廳主打韓式家常料理菜，我地平日晚上去都十分多人等位😆✨雪濃湯去韓國旅行我好鐘意飲雪濃湯，今次都叫左黎試下😆雪濃湯係由牛骨同牛肉一齊煮湯，味道十分濃郁，而且上菜時仲係熱辣辣，飲完非常暖😋餐廳仲可以比大家選擇加飯配搭～✨炒豬肉石鍋芝士拌飯石鍋拌飯非常香口，加埋份量十足既芝士同其他配菜同辣醬都好好食👍🏻味道唔會太濃，真係有種家常菜既感覺🤤✨蒸餃子見到好多人叫左餃子王，不過怕食唔哂所以同朋友叫左蒸餃子😝餃子皮厚薄適中，加埋餐廳自家調製既醬料好夾😍

【尖沙咀•韓屋 】🐝————————————————————————呢間韓國菜食好幾次，每次都爆座，好食就唔怕等一陣位🥰🥰餐廳由韓籍廚師主理。🍯｜炒豬內石鍋芝士拌飯｜HKD 138餐廳採用健康的紅米飯，紅米比白米咬口多些少，而且冇咁快吸水，口感會較好。而且，拌飯加了拉絲芝士🧀️又有翠玉瓜，味道又香口，五花腩份量又足夠，另外可加入辣醬，另一番味道，值得一試👍🏻🍯｜薯仔豬排骨湯｜HKD 168薯仔豬排骨湯在韓國被用來解宿醉。湯內勁多配料，滿滿的薯仔、豬排骨、菜及芽菜，食到最底有少少飯焦食。不過要留意有少少辣🌶️，配拌飯食都一流。🍹｜韓國蜜桃梳打｜HKD 27🍹｜韓國甜米水｜HKD 25

小红书见到，今日同朋友慕名而来呢间韩餐，因本人对参鸡汤情有独钟。Book左7点位置，坐低先被告知限时75分钟。送既萝卜小菜还可以，之後逐个开始上参鸡汤，而我个汤饮之前影相，突然发觉d人参上面有一簇！头发！😨即时倒胃口（如下图参须位置）。同侍应讲左，对方仲话系参须，真系当正我分唔清人参同头发。之後对方就话帮我换过份，亦冇道歉。又浪费左一阵时间，终於重新上左汤，第一淡都还可以，饮饮下觉得越来越冇参味。。。而且鸡上面d参须亦寥寥无几，完全冇小红书d图咁多，唔知系咪有推广。荞麦面口感好塌，好软，完全唔弹唔爽口，同个汤搭配显得好淡。相当一般。重点系因为佢重新做过个汤，拖左时间，最後我食到一半就要求我哋买单，不停催我哋走。最终我份饭先食左一半就要离开，根本冇食饱。而对方根本唔在乎d顾客感受，只想快d接待下一围台。成餐饭食到翳气，唔知呢种餐厅有咩资格令人排队，两百几一个人就呢种水平，绝对唔会revisit。

行尖沙咀攰攰地，無意中見到一間少女風霓虹燈韓國餐廳，食韓式煎餃子、湯類及拌飯等等嘅菜式。去韓國留學過嘅我，特別掛住當地嘅雪濃湯，一嚟價錢便宜，二來叫湯都會附送飯或者麵，而韓國嘅紅米飯真係好好食，咁樣就已經足以我食飽一餐。今次叫咗蟹膏煎餃子，餃子煎得好香，加埋香甜嘅芝麻豉油，特別開胃。餃子嘅份量都有成六隻，都算係抵食。另外就係叫咗兩款湯類，牛膝湯好香濃，有少少牛嘅騷味，但係鍾意食牛嘅朋友就會好喜歡，加上菜單講明牛膝對女性特別好，可以形補形，幾啱我成日企喺度工作嘅男朋友，而牛膝咬上去好有骨膠原。仲有叫左個豬肉湯，豬肉好嫩滑嘅歌，成碗湯入邊都好多豬肉及韭菜，我自己個人嘅喜歡依款湯多個牛膝鍋嘅味道。另外兩款伴菜係免費嘅，個鹹蝦仔超級鹹，店員建議我放喺湯入面攪勻，我就覺得送飯會比較好啦。

🔮餃子王/泡菜餃子王  一籠一粒拳頭咁大隻，即叫即整蒸熱辣辣，手包餃子皮薄得來，餡料非常豐富飽滿，入面有豬肉,菜，粉絲等，調味十足唔使蘸醬汁都已經好夠味到，而我更喜歡泡菜餃子王，飽滿的肉餡再加上酸辣的泡菜，酸酸辣辣更惹未🔮煎醬牛小排餃子   呢個煎餃子一定一定要趁熱食，表皮煎得超級香脆，韓牛肉餡鮮肉味十足，餡料飽滿，一口咬落還很Juicy, 牛肉還用了一些歌給韓式bulgogi sauce醃製，所以入口有一種肉甜味，非常香口🔮特大餃子煎餅   大大隻扁身的煎餃子，雖然餃子皮是偏厚一點的，但是廚師煎至整隻餃子表面都是金黃色的，賣相十分討好，咬落香脆而餡料豐富，以豬肉和菜為主，味道十足，再蘸一些韓式醬油，更加惹味呀！🔮醬炒豬肉芝士石鍋拌飯   石鍋拌飯上的配料，相當之豐富，翠玉瓜,紅蘿蔔,豆芽,菠菜,紫菜,菇菌等鋪滿整個碗面，最治癒的是材料下面鋪滿大量芝士，當攪拌的時候，溶化了的芝士做出了拉斯絲的效果，非常吸睛，醬炒豬有醬香味之餘，肉質亦非常軟腍，味道十足，拌飯用了紫米，煙韌得來亦比較健康，石鍋的飯焦，也非常香口，而且整個飯的份量絕對足夠兩個人食呀～

兩個女仔經過韓國街想搵下韓式Cafe，見到粉紅色韓屋，少女心大爆發炒豬肉石鍋拌飯$128豬肉拌飯唔想太肥仔可以唔加芝士好少見飯底用紅米，口感較硬身材料多蔬菜好健康雪濃湯配素麵$148個湯底勁濃好爽，白雪雪好好飲建議加個素麵，吸到湯的精華，食到shushu 聲餃子王 & 泡菜餃子王$18餃子王原來系超大粒一人份餃子🥟食落因為啖啖肉，好mouthful 好有口感泡菜餃子系辣版餃子王同朋友一人叫一籠，食完岩岩好

*炒豬肉石鍋芝士拌飯香味俱佳，石鍋裡的炒豬肉鮮嫩多汁，搭配上熱騰騰的芝士，口感十分豐富。而且配菜也很多，有炒蔬菜、煎蛋等，讓整道菜更加美味可口，仲還有超香口的飯焦！*牛膝骨湯湯品十分濃郁，牛膝骨熬煮的時間長，湯中的骨髓味道濃厚，喝起來非常滋補。湯裡還加了一些蔬菜和香料，加上濃濃的骨膠原黏着整個口腔～三至四人一同享用更好！*煎醬牛小排餃子餡料中牛肉的味道非常鮮美，搭配上煎醬的香氣，味道更加突出。外皮酥脆，內餡鮮嫩，整個口感非常美妙，一定要配合他旁邊的沾醬！

🫕雪濃湯配蕎麥麵呢碗雪濃湯用左牛骨&精肉去熬製而成，湯底清徹雪白，湯頭濃郁清甜，裡面有大量洋蔥&牛肉，配襯蕎麥麵，每條麪條索到濃湯既味道🍲醬炒牛肉石鍋伴飯伴飯有多款蔬菜，飯用上紅米+白米，咬落去會有咬口，加上用石鍋，有飯焦，層次更豐富，醬汁帶有甜辣味道，撈埋醬汁伴飯，更惹味🥟皇帝蟹膏蟹肉餃子薄薄既餃子皮，外面煎得脆口，裡面有豬肉，粉絲餡料外，仲有蟹肉&蟹膏，充滿鮮味🍶真露燒酒📍韓屋

同朋友係tst 韓國餐廳韓屋食飯～係一間好溫馨嘅餐廳！佢嘅設計採用木製嘅家具同暖色調嘅裝潢，營造出一個舒適嘅環境。餐廳有好多好食嘅菜式，其中一個就係鮑魚蔘雞湯！佢用美味嘅鮑魚同蔘煮成一鍋濃郁嘅湯，鮮甜滋補，令人食得好開心。另一款必試嘅菜式係煎醬牛小排餃子～佢哋將嫩滑嘅牛肉小排同韓式醬料煎至金黃酥脆，外脆內軟，每一口都充滿著牛肉嘅香氣同口感。而帝王蟹膏餃子亦係韓屋嘅招牌菜之一～佢哋將新鮮嘅帝王蟹膏填入餃子內，再煎煮至熟透，餃子皮薄滑，蟹膏濃郁鮮甜，每一口都令人回味無窮～除咗以上菜式，韓屋仲有好多其他美味嘅韓國菜式，例如多款味道既石鍋拌飯！滿足唔同口味嘅食客。餐廳嘅服務亦好親切，服務員笑容滿面，樂意解答客人嘅問題同埋提供建議！

我妹最鍾意食韓國🇰🇷菜，今日帶左佢來尖沙咀金巴利道呢間❤︎︎韓屋❤︎︎試吓😋店舖裝修簡約舒服，牆身掛上霓虹燈豬仔🐷好可愛。🇰🇷蔘雞湯$168食韓國菜我最鍾意飲蔘雞湯😋用多種藥材同嫩雞熬出來，湯味濃郁層次豐富，糯米吸收晒啲湯精華，食落啖啖滋補👍🏻🇰🇷醬炒牛肉石鍋$128一上枱見到碗飯五顏綠色已經相當吸引🤩用料十足👍🏻 内有炒牛肉，菠菜，芽菜，菇菌，豆腐乾，翠玉瓜等⋯⋯而飯係用紅米飯，撈勻晒來食飽肚之餘又健康😋👍🏻底部重有好多飯焦添。🇰🇷餃子王$18超大隻餃子😬皮薄餡料超多，入面係韮菜豬肉。🇰🇷韓國有氣菠蘿汁$27第一次飲呢隻菠蘿汁，味道係菠蘿嘅清甜味😋👍🏻不錯不錯。

餐廳主打韓式住家菜 零味精同防腐劑 環境舒服 店員服務態度都好好👍🏻.📌韓式前菜 $free醃蘿蔔爽口偏鹹辣🌶️仲有韓式甜豆瓣醬同豉油🍶.📌蔘雞湯 $168原隻BB雞釀入人蔘, 大棗, 板栗, 松子仁, 糯米同大蒜 人蔘味道甘甜 食完仲好回甘 糯米好綿密 吸哂人蔘同雞嘅味道🍚🌰🧄熬煮時間夠長 雞肉軟淋 連啲骨都一咬就溶晒 仲好入晒🐔個湯清淡得嚟 又充滿食材嘅味道 好養生 比想像中出色‼️.📌炒豬肉石鍋芝士拌飯 $138去到韓國餐廳最鍾意食石鍋飯😍呢到特別之處係用咗紫米 口感煙韌又健康💜配料好豐富 有: 豬肉, 菠菜, 菇, 翠玉瓜, 紅蘿蔔絲, 大豆芽, 魚糕條同紫菜 魚糕條彈牙 薄切豬肉肥瘦均勻🐷🥬🍄🥕🍥建議大家一定要加芝士(+$10) 食落軟綿綿又拉絲🧀️再淋上甜豆瓣醬 整體鹹香中帶點甜味 推介🫶🏻.📌餃子王 $18最招牌嘅籠仔餃子王好可愛 啱晒打卡📸️餡料有豬肉, 韮菜同粉絲 豬肉好綿滑 粉絲爽口🐷餃子皮薄煙韌 味道較清淡 加上韮菜份量好多 食落更健康🌱.📌泡菜餃子王 $18呢款都係一籠一隻 餡料同餃子王一樣🥟不過就有泡菜 多左酸辣味 好醒胃🌶️.📌Zero $22📌韓國果肉果汁(蜜桃)

之前去濟州島旅行食過一個超好味嘅蔘雞湯，返到嚟香港就念念不忘想再搵到好食嘅蔘雞湯，但唔係食親都好味，但今次呢間餐廳冇令我失望😋👍🏻🌕 蔘雞湯熱辣辣上到嚟啲香味已經飄到周圍都係😍，唔明點解可以將隻BB雞煲到啲肉好嫩但啲骨好軟🤯，仲有糯米係底，好好食！淨係食呢個湯就已經飽晒👍🏻🌖 炒豬肉石鍋拌飯呢個拌飯都好好食，所有野拌埋個紫米飯再落個醬汁，仲有香脆飯焦，口感超豐富👍🏻📍 韓屋尖沙咀金巴利道69-71A號美園大廈地舖🧧 人均消費：$160

「韓國人的餐桌上一定要有湯。」香港少有一間韓國餐廳專門做韓國湯品。無加味精煮出數十幾款家常菜，所以間唔時都會再嚟呢度食吓嘢。佢哋出名嘅餃子王，好大隻，一籠一個。仲有泡菜味。有賣相有味道。主菜梗係叫個湯，叫返薯仔豬排骨湯，豬脊骨切得細舊，比起韓國嘅容易食。薯仔同豬脊肉肉俾辣醬煮到入曬味。除咗芝麻葉呢度仲加咗紅蘿蔔、洋蔥，令佢多一份甜味。呢度嘅石鍋芝士拌飯都係好好食，今次叫咗牛肉味，芝士撈嘅時候條條拉絲，加埋大量紫菜非常之香口，石鍋熱力仲會整到有飯焦。鍾意食辣可以加埋泡菜入去一齊食，相當之唔錯。

尖沙咀「韓國街」裡面見到都多人排隊🤣今次我就食呢間啦！店面唔算好大！感覺很溫馨😝而且裡面播放的都是我自己喜歡的韓團MV🥰泡菜湯💰138每次食韓國菜必點泡菜湯！也是我最喜歡的😏份量很大，裡面有豆腐豬肉還有泡菜，辣辣的湯進肚子特別舒服😌呢個湯就偏甜一啲，啱我～醬炒牛肉石鍋芝士拌飯💰148呢度招牌菜！見到Poster都係佢！咁就一定要點啦～拌飯靈魂醬汁倒入去之後再趁住熱辣辣既石鍋全部攪勻，拉絲既飯！睇到都流口水🤤泡菜餃子💰78每隻🥟餃子都好大隻😚因爲係泡菜豬肉餡，都係有啲辣辣地