影片
营业时间
今日营业
12:00 - 22:00
星期一至五
12:00 - 22:00
星期六至日
11:30 - 22:00
公众假期
11:30 - 22:00
以上资料只供参考，请与餐厅确认详情
相关文章
《山椒油 • 面 🍜》系启德店限定，之前一直冇试，而家正藉天气炎热，正好系食捞面嘅好时机，所以一于试试佢。山椒可能对香港人较为陌生，不过如果你有关注开日本料理，不难知道山椒系日本普遍会采用嘅辛辣调料，例如食鳗鱼饭多数会习惯加山椒粉提升风味。而山椒同香港人较熟悉嘅花椒味道虽接近，不过山椒会比较温和清香，带柑橘味, 而麻痹感亦冇咁重。《山椒油 • 面 🍜》香味 (3/5)山椒味为主，冇乜其他香味可言，香味较单调调料 (4/5)周月最令人津津乐道嘅首推佢嘅秘制酱油。有左佢加持，加上生蛋中和左山椒同青葱嘅辛辣感我认为相当好味，不过较为淡左少少。好彩，店家一早有所准备，只要点呢款面，店员会另外比一樽酱油，正好可以为呢款捞面加味。酱油嘅豆味非常香浓，而且好够咸，加埋醋，令个调料嘅味道提升左一个层次。面条 (5/5)同沾面同一款面，烟韧有弹性，面味强，好食！配料 (3/5)配嘅叉烧粒都系切头切尾d位，偏硬。葱同芽菜配埋个酱同个面一齐食，增加口感，效果不错。完食冇难度！整体 - 值得推荐 👍👍👍👍
继续阅读
本来想去『碌铃』，点知排晒队，结果变咗揾食，一出嚟见到呢间～面鲜酱油房周月，又「米猪莲」，又拉面，为食嘅我～唔系好肚饿都要试吓。叫咗～辣味噌拉面，同埋～和牛拉面。另外加咗碟～紫菜，呢碟紫菜有啲特别，系要加埋落碗汤面一齐食至过瘾好味。和牛拉面（$143），价钱系有啲高，但由汤底，和牛，以至啲脆笋，都相当好水准，牛肉份量其实唔小，二块大加二三块小的，够食有余（总扺过上次二片鸡肉），牛肉入口咬落去，牛嘅嫩度牛嘅油脂同牛味，虽然薄切，但到足以满足到我，顺带一提，以前食日本拉面都会经常有「笋」呢样野，依家拉面店真系小见咗好多。女友食呢个，辣味噌拉面～入面烧果个日本黑豚肉，真心不错，辣味噌汤够味，唔够辣，女友加埋啲辣椒粉～完满。攞咗块黑豚肉试，你哋睇吓几有层次？！同埋都有相当厚度。紫菜几得意，捞埋落面食，真系又另一番口味。埋单三佰有找。回头度～9/10真心好食，真系食得好开心，好耐未试过有咁嘅感觉，水准绝对对得住个价钱，期望佢哋保持水准之外，再多啲选择！以上纯粹个人食后分享，绝对没有收受任何利益或优惠。对于本人所有嘅言辞，一律承担所有责任。
继续阅读
好开心周月喺九龙区开分店（终于唔驶过海）期间限定嘅芫茜豚肉拉面，预设汤底比平时食开嘅款式较清（少油）加埋满满嘅芫茜，口感唔错（只系拉面无硬/淋 同埋 无浓汤/淡汤选择）平时嘅主打每次食都有质素，香葱浓汤拉面，辣豚沾面，饺子都系必嗌嘅食物启德舖环境阔落光猛D，中环/鲗鱼涌/无咗嘅铜锣湾舖灯光较暗，坐位迫D但好有日本格局，主观嚟讲环境会钟意旧舖多D💪🏿希望Keep住水准（食咗超过十年周月因为期间限定所以先comment）
继续阅读
之前有食过中环𠮶间都多人排队，不过启德呢一间就唔算好多人排～只系等咗一阵就入得去😚今次嗌咗两款沾面，分别系味噌同周月沾面💕味噌沾面（$116）：味噌真系好适合一啲重口味人士，因为佢汤汁系极重口味，咸香味十足～黑豚肉好香口，焦香诱人🥰呢款汤底有多啲配菜，劲多芽菜同埋荀😋周月沾面（$116）：个人都几钟意呢个汤底，酱油味浓郁，仲有鱼嘅咸香味，有少少酸味几好食😍但不得不说佢嘅汤汁真系好油，油到有层油隔起左🤣呢度有得自己选择面量，300g真系好多，不过男士系充分可以食得晒😆而且面质真系弹牙好食！差唔多食晒，其实可以叫店员加返啲鸡汤品尝下个汤底，不过我今次就冇加～大家有机会下次可以试吓😎
继续阅读
过咗去启德体育园行吓，行到饿想揾嘢食，见未去过呢间《面鲜酱油房 周月》食过佢哋嘅拉面/沾面，就走去试吓。 知道呢间店系米芝莲推介嘅沾面专门店，所以都会有少少期望。个餐牌本身几大个，揭起睇时真会有点唔方便 。 食物唔算有太多选择，原本打算嚟试吓呢度嘅沾面， 最后都系叫咗两碗汤拉面。 蕃茄汤面 (粗麺)，另一碗周月拉面，两碗面送到面前，闻起来非常之香。《周月拉面》- 用上自家特制酱油鸡汤底，饮落酱油汤底味道相当鲜味，味道亦唔会过咸，饮咗一啖会想继续饮落去。配幼身面条，面条食落就较为普通，唔算特别出色。黑豚肉烧得香口 ，但咬落就过硬。 《蕃茄汤面》汤底茄味唔算浓郁，但整体来讲汤底仍算美味 。配粗身麺条，粗面质感算较为烟韧弹牙。 呢度拉面嘅价钱算中等，但水准较我预期中普通，但下次有机会都会再来试吓佢哋嘅沾面。
继续阅读