非凡小廚 (已結業)

唔少人都話土瓜灣有唔少好嘢食，今次就即管晚飯嚟土瓜灣試吓啦！好彩離公司都十分之近，如果遲啲有埋地鐵就更加方便啦！在場見到有唔少人都有點呢一個豬手，我哋當然醒目都有叫一份啊招牌菜果然係招牌菜，首先將鐵板燒熱，一大隻豬手之上再淋上黑椒汁，個汁已經十分之香濃，聞到已經食指大動！在切開豬手，皮同肉都十分之香滑，而且個汁令黎送飯簡直一流！鑊仔上既牛肉，肉味香濃，少許青椒味做點綴，正！金銀蛋香菜仔味道較淡，菜好爽口，但湯就唔係幾夠火喉扣肉真係好好味！火喉十足，肉既脂肪分佈平均，汁又煮得夠濃夠香，梅菜多，令成餐飯加晒分茶香雞皮脆肉嫩，雞件新鮮，絕對可以再戰

豬先生一向鐘意食住家飯 可惜豬小姐係地獄廚神尼 為保大家命仔 平時都係出街食好啲今晚去土瓜灣探完朋友仔 貪就腳搵左間中式餐館食晚餐 八時入席「非凡小廚」！環境係一般中菜館嘅裝潢 夠光猛 全都用上圓形餐枱我地叫左三款小菜加一款甜品首先上菜嘅係馬拉盞通菜炒牛肉除左通菜 大家可以選擇菜心 芥蘭 白菜等等牛肉份量多 咬落亦夠軟腍不韌 通菜爽脆翠綠加上馬拉盞帶尼嘅惹味 不錯！略嫌少了點獲氣及偏油黑金蜜糖蝦球及砵仔焗魚腸同步上菜！黑金蜜糖蝦球賣相精緻 齋睇置中嘅雕玫瑰 已覺大廚刀工厲害數量一打有多嘅蝦球圓碌碌 炸至金黃色 炸漿薄薄 令爽而彈的蝦球騷脆不粉感毫不吝嗇嘅黑松露及蜜糖味道相得益彰 互相配合 令小菜更矜貴及特別砵仔焗魚腸係出面買少見少嘅小菜皆因事前整作需時 洗乾淨魚腸已經要花很多功夫豬小姐小時候食過一次 今晚決定廿年後再度回味用圓型砵仔盛載住 外層係漂亮治癒嘅微焦黃色(怎麼覺得有啲似XL版嘅焦糖布丁 哈哈)裏面嘅魚腸及魚內臟徹底洗得乾淨 唔會覺得腥同臭！蛋味焗出陣陣香氣 加入莞茜及大量胡椒粉一齊食 果然別有一番風味不過感覺太乾及很易覺膩 若配些醬汁稍為濕潤一下會更易「送飯」呢！已飽得七七八

和媽媽去土瓜灣開飯的選擇不多，她要求很高，她需要地方乾淨整潔、不錯的食物、且人情味濃厚的地方。近來，她推薦了幾次有間很好的餐廳，我們短期內吃了兩次。大漠風沙雞，最喜歡那南乳汁，風沙和滑雞完全配合得宜。黑金蜜糖蝦球，蝦球大大粒，甜甜的蜜糖令蝦味更加突出。最平最抵食就是這道清新的菜心，冇乜油份，菜心亦鮮嫩得很。這裡的甜品都好特別，那個豆沙鍋餅炸得剛剛好，豆沙不算很甜，還有雪糕一起食，沒想過細細間街坊餐廳會有這麼出色的甜品。北帝街咁多餐廳，反而欠缺這類講人情味又平又好食的街坊餐廳，實在值得推薦一下～

我一直十分愛吃風沙雞，數年前在一間餐廳吃過風沙雞後便深深地愛上這道菜。可是近幾年一直找不到有哪間餐館會供應風沙雞，直到發現「非凡小廚」才讓我重拾久違的美味。「非凡小廚」位於土瓜灣，位置亦算方便易達，我們於浙江街的巴士站下車後步行約十分鐘便到達「非凡小廚」，路徑亦易走，打破了我對土瓜灣交通不便的觀感。對於愛吃的我，為了尋找美食，即使攀山涉水也絕無問題呢！當到達「非凡小廚」，我發現這裡的門面相當乾淨企理，而且有著充足的光線，有別於我對中菜館較隨性的感覺。入內後，餐館環境亦是整潔舒適，座位之間頗為寬敞，光亮的照明令我胃口大開。餐牌選擇不少，在芸芸菜式我們點了三道菜，分別是大漠風沙雞（半隻）[$138]，金蒜蒸中蝦[$118]和蒜蓉炒通菜[$48]。吃中式晚餐不少得的當然是白飯，我們也點了絲苗白飯[$10]配上美味的菜餚。首先送上的是金蒜蒸中蝦[$118]，蝦身已開邊，中間釀入金蒜，這種做法令蒜味加能滲入蝦肉，蒜香味更大大提升鮮蝦的味道，鮮香無比。蝦身以開邊方開邊蝦為我們省卻開蝦殻的煩惱，只要輕輕用筷子撥開蝦殻便可享用。現今大多人因為不願在街外剝蝦殻而較少點一些連有蝦殻的菜式，因而少了很多機會

黑金蜜糖蝦球口感外層鬆脆，再到內層軟綿，深層大蝦彈牙，三重口感。甜甜嘅蜜糖易於入口，少量嘅黑松露令蝦球甜味得以平均。最緊要係份量好足。海鮮炒飯足料大碟，炒得幾乾身，有鑊氣。其他地方通常會變成濕炒又冇鑊氣。蝦都係彈牙，而且又多，海鮮冇腥味。椒鹽豆腐外層煎得微燶鎖住內層，無煎太燶嘅苦味。內層豆腐香滑，入口即溶，而且重豆味，口感似食雪米滋。椒鹽同豆腐嘅豆味有強烈嘅對比，味道更特別。總括嚟講，呢到每樣餸都大碟足料，味道唔差，價錢合適，好高CP值。

朋友住土瓜灣，佢話附近開咗一間小菜非常之唔錯趁住今日同男朋友一齊放假就一齊去試吓去到就一般小菜餐廳格局，有幾張大枱，坐得都幾舒服老闆娘話今日啱啱轉新餐牌，全部小菜都有齊晒呢個餐牌有埋相真係易睇過舊menu好多咁遠嚟到梗係叫啲特色少少嘅野嘅朋友話正之後上網做過資料蒐集就叫咗即燒脆皮燒腩仔（見到人哋啲相幾靚仔）豉椒炒鮮鵝腸（我想搵新鮮鵝腸好耐啦，重點要夠肥！）黑金蜜糖蝦球（人哋話係黑松露醬所以好想試）食小菜小炒冇理由唔要啤酒嘅！支裝啤酒都有5種，價錢都幾平，啱晒叫小炒飲啤酒吹水嘅朋友！我同男朋友就叫左支青島麻甩一下。最先嚟到嘅黑金蜜糖蝦球師傅都幾有心機每個蝦球都放左啲松露醬脆漿望落去幾厚，但入口好香脆鬆化應該係用好似炸魚薯條嗰啲啤酒脆漿加埋蜜糖食一流大蝦亦都非常爽口，好新鮮配埋松露醬畫龍點睛，口感豐富有層次完全唔覺得自己食緊小菜😂唔講以為係private club/fine dining 嘅菜式非常出色之後豉椒鵝腸就嚟啦以前打邊爐一定要叫鮮鵝腸，可惜而家真係買少見少，想叫都冇！呢度一睇就知非常對板！鮮鵝腸好肥呀~~脂肪甘香，腸衣爽口！師傅炒得又夠惹味！送埋個白飯同啤酒一絕可能係即燒嘅關係燒

近來時間稍為鬆動了些，可有時間去一些少去的地區，發掘一些小餐廳。復活節長假，身邊很多朋友也去了旅行，而我選擇了留在香港，hea下休息下。這日和母親到了紅磡一間專買理髮用的店買洗髮水，我用開一款非開架的洗髮水，自發現這兒有賣那款洗髮水，而且價格比岀面平幾十元，因此每隔一排，就會到紅磡入貨。 到了紅磡，完成任務後，靈機一觸，便決定多坐幾個站，到土瓜灣吃飯。來回走走，發覺在北帝街，有一間店面雖光猛，但不太受注目的小菜餐館。面口標示的價錢尚口，因此便和媽媽進去了試試了。 菜館用上褐紅色圓枱，因和我家的圓枱很相似，因此感覺很有親切感。店內姨姨很親切，有善的幫我們安排座位。 就座後，認真的看看餐牌，選擇也多，而且也有些少見/功夫繁多的菜式。白汁芝麻蝦，大良炒鮮奶，還有北京填鴨。 兩人胃納有限，點了3餸一菜，最後還點了一個飯。 秘製沙嗲串$48: 一客6串沙嗲雞串，感覺很抵吃。 點這個是因為之前在網上看到別人的寫非凡小廚的食文，其沙嗲串賣相很吸引，心在想若到非凡吃飯，一定要點這菜。 怎料甫桌的秘製沙嗲串賣相令人失望，沙嗲一點也不杰身，醬汁很稀身，和我想像的有大岀入。 吃下，雞肉未有燒烤香氣，

每次食大排檔小菜, 雖然環境不好, 但要食到有鑊氣, 就要忍受下但而家有好多小菜館都進步左好多, 不但坐得舒服, 小菜也不錯今日誤打誤撞黎左呢間小菜館小菜種類唔算好多, 不過都揀到我地想食o既每次食小菜, 都最鍾意食豉椒XX, 椒鹽XX, 愈有風味. 愈香口, 愈惹味, 就愈鍾意食加上見到隔離枱食既椒鹽魷魚炸得唔錯, 就即刻叫返碟先剛剛炸起, 金黃色椒鹽魷魚, 炸粉好薄, 外層香脆 豉椒鵝腸, 鵝腸份量好多, 性價比高 ,估唔到用新鮮鵝腸, 同雪藏貨好唔用同, 夠咬口由於係鮮鵝腸, 有D肥係在所難免吧, 但亦有一半以上係瘦腸~肥瘦各半啦豉椒汁加上青椒紅椒, 洋蔥絲等炒起, 香味十足, 夠鑊氣叫返碟菜, 椒絲腐乳通菜味道有少少辣, 好惹味, 食到有腐乳味食過其他食肆, 通常都落好少腐乳, 炒到無乜味, 明明腐乳又唔係貴三碟小菜, 份量足, 二百幾蚊, 價錢合理

好朋友生左BB，今天放工約埋老公一起去土瓜灣北帝街探望一下，送上祝福和禮物後，我們都不宜打擾太耐，因為產婦要休息，BB要飲奶。走時已是晚飯時間，記得附近有間食上海菜的餐館，食過普普通通，找尋中，舊址沒有了這間舖，招牌改了，叫非凡廚房，是間中菜館，詢問下，原來之前果間上海店已沒有營業，由這中菜老闆接手已經3個多月了，地方沒有太大變化，但整體優雅，座位舒服，而且不用加一，也不用計茶位。有好多款懐舊小菜，而家都好少食到！由於老公鍾意中菜，所以今晚由佢點菜。古法咕嚕肉：啖啖肉冇骨，酸酸甜甜，好醒胃。京都骨：味道也是酸酸甜甜，但這個酸甜中偏甜一點，用貴價的一字排煑成，非常入味又美味！薑蔥魚腩煲：除了薑和蔥，全部都是魚腩，沒有加入其他平價配料，舊舊魚腩，絕對底食，先炸後炆，非常入味，上枱時，啫啫聲夠穫氣！熱騰騰的！真是色香味俱全！什燴炒麵：用料豐富，有蝦、魷魚、肉片、豬潤和菜，麵底炸得卜卜脆，似兩面黃的做法，非常可口！值得一試👍我愛食中菜的老公說：好食過大酒樓，夠穫氣！好味又大碟，有清茶供應又不計茶位，沒有加一，非常底食，佢重叫左枝啤酒慢慢嘆！😊睇到午市套餐都好底，有時間一定過來試試！

病一場休息左一陣又出山了，夜收工的晚上，想簡單食點小菜，渣車到土瓜灣睇下有無快靚正的好野食。去到北帝街有位泊車，剛好停在非凡小廚門前。好唔簡單的店名令我地產生左一試的衝動。內裡裝修唔算豪華，但都企理，格調是頗傳統的中式小店。小菜款式都幾多，有部分確係幾特別，配合非凡的店名。先揀左一個中華四拼，一個價錢可以自由選擇四款自己鍾意的冷盤，真好。拼盤都好足料下，四個人都夠食。我最鍾意海哲，爽口香甜，好開胃。石鍋蒙古羊真係用鐵板上的，熱辣辣好夠鑊氣。羊肉用三色椒炒香，保持到嫩滑，唔錯。粉絲牛肉鍋係我最鍾意食的小菜，呢幾日病左食唔到野都好掛住佢。呢度的粉絲牛肉鍋配料香料只用小顆粒，反而主角粉絲有一大個，值得一讚。牛肉都好多，牛味濃好好食，但粉絲吸收哂肉汁的精華，最吸引到我。出街食飯盡可能我都會叫一碟蔬菜，務求健康一點。呢度的大姐好好，時蔬比左好多我地選擇。我提出想食瓜類時，佢仲介紹我食蒜蓉蒸茄子，特登做一道菜，但只係收我時菜價。呢種人情味，唔係度度都食得到！而茄子都無令我地失望，同樣大大碟，而且蒸得火候剛好，熟透但又無變爛。清清地總結一餐飯，估唔到出街食飯都會有媽媽煮飯比我食的感覺。

呢度開左間新餐廳，作為街坊既我當然要試下，一去到有8,9成滿，好彩唔洗同人搭台，而且環境都幾舒服，好多一家大細黎食，今次我地為食二人組點左既有脆皮燒腩仔，大漠風沙雞半隻同埋瑤柱蛋白炒飯先講個有脆皮燒腩仔，份量算係幾大份，目測都有廿舊，個皮真係做到脆卜卜，一食落口就習習聲！而入面D肉肥瘦適中，口感真係同店名一樣咁非凡！！第一啖，外皮脆，肉就好軟熟，就連D油好鬼好味！再黎係大漠風沙雞，原本係想嗌另一碟雞，不過我見呢個係菜單上有店家推薦的，就嘗一嘗吧！估唔到都幾岩我既口味，佢呢隻雞亦都係煮到個雞皮好香脆，同普通雞既製法明顯不一樣，而且最最最讚既係佢既醬料，能夠將呢道菜加10分，雖然只有半隻雞，但份量一點都唔少，我諗夠3個人食的！而瑤柱蛋白炒飯就非常之大份！！亦都好足料，起碼都能夠盛滿四碗飯，瑤柱好香口，帶到成個飯同D蛋白都有好香既瑤柱味！！好彩油都唔算多，唔會食到個口乾乾食完後，我會覺得無量份量定價錢都係合理既，一家大細食真係岩哂！

This peculiar local Chinese restaurant offers traditional local food, with a twist of creativity, surprising us with deep fried prawns coated with crispy golden honey and black truffle and its deep fried ice-cream. The Prawn dish has successfully gained our attention, thanks to its seducing golden brown look and the colourful plating. While the prawns are fresh, giving us a  contrastingly crispy texture on the outside that was served with sweet honey and black truffle. It would be more delightfu

好少去土瓜灣呢邊 上星期一家人去探完朋友之後 就順便係呢邊食埋晚飯～估唔到偶然黎一次 都會遇到意外驚喜😍我地行左一陣 本來諗住飲茶 但屋企人話成日飲茶冇乜特色 想食啲港式地道既住家飯 終於俾我地搵到呢間非一般既餐廳 非凡小廚餐廳店內既擺設完全係香港特色 一張張圓圓既飯枱有一家人團團圓圓既寓意 💕 牆上掛住一塊塊木牌 全部都係手人寫既精選菜式 😋另外仲有多張餐牌 上面有多款菜式任君選擇 我地都好中意食巧手小炒 基本上每一道菜都好吸引食慾 一時間好難決定今晚食咩 淨係選菜都擾攘左好耐 😂 最後一人揀左一道菜先可以平息紛爭 😌馬拉盞牛肉炒芥蘭 🐮 $68馬拉盞係一種特色醬汁 佢有啲似蝦醬 但比蝦醬更香更鮮味 令牛肉既味道更鮮更juicy 芥蘭好新鮮好爽脆 大家都好滿意呢道菜 😍中華四拼 $68中華四拼係可以自由選擇四種食物 我地揀左涼拌海蜇頭、五香牛展、茶香燻肉同埋沙茶醬蹄 佢俾我既感覺有啲似泰式拼盤～ 海蜇頭清清地 帶點香辣味 牛展同出面食個啲相比 冇咁咸 比較健康椒鹽鮮魷 $88令人愛不釋手既菜式之一 佢既外皮酥脆 炸到金黃色 咬落脆卜卜 但裏面既魷魚仍然好爽口彈牙🦑 雖然佢既外皮係炸既

今日同朋友去土瓜灣一間小菜食晚飯雖然地方唔大，不過都有好多特色野食我地兩個人叫咗3個餸，份量好多好滿足黑金蜜糖蝦球香脆既炸蝦球，炸粉薄而且蝦球新鮮彈牙加咗小小蜜糖係底，上面再加黑松露非常特別又好味既菜色金蠔生菜包普通小菜餐廳好小有生菜包，而且依度既有啲唔同佢主要落咗蠔&臘腸粒，好有特色重點係味道配合得唔錯花雕醉雞半隻雞肉嫩滑而且有雞味不過味道可以再濃小小就更好待應服務好好，見我地飲囇啲茶，好快又會加番而且好有禮貌，值得一讚

這天下班後約了幾個朋友到土瓜灣吃晚餐，北帝街那邊開了一間新餐廳，名為「非凡小廚」，看上去好像很不錯，是賣家常菜的，正符合我們這些平時沒機會吃住家菜的人。土瓜灣那邊沒有地鐵，出了何文田站後還要再轉車才能到，所以我們決定坐2E巴士到九龍城碼頭那邊，再走路過去這間店。北帝街上食店林立，一路上看到有不同類型的餐廳，然後終於看到「非凡小廚」的蹤影了：店面看起來非常大，像是幾個鋪位打通後的樣子，玻璃牆上貼滿了不同的餐單，外面還豎起一個餐牌，讓人們知道這店提供的食物。按掣開門，裏面別有洞天。首先是左手邊有一連串的手寫餐牌，顏色十分醒目，最盡頭是廚房。枱是玻璃面的，椅子則是紅色，感覺挺高雅：研究完餐單後，我們決定點七道菜和兩道甜品。馬拉盞牛肉炒芥蘭＄68我們一致好評，以前在一間泰式餐廳已經嚐過馬拉盞的滋味，結果食過返尋味，一直念念不忘。這天碰巧在這裏再次看見馬拉盞，當然要再試一試，結果仍然沒有令我們失望。芥蘭爽脆，鑊氣充足，非常有嚼勁，在外面能夠吃到綠色植物，感覺非常健康。牛肉煮得剛剛好，頗為鮮嫩，容易入口，軟硬度適中，很快就能咬開。家鄉小炒王＄78又一道充滿鑊氣之作，裏面的材料非常豐富，有腰果、魷魚