非凡小廚 (已結業)

今次嚟到土瓜灣北帝街同馬坑涌道交界嘅非凡小廚內裏佈局較平民化，但竟然有北京填鴨食，價又無大酒樓咁貴，當然就要試吓啦！兩個人淨叫咗個北京填鴨兩食同生炒糯米飯兩樣嘢都够晒飽了，居然$300够埋單。👍(1) 北京填鴨一半淨片皮，一半皮連大塊厚鴨肉，迎合到不同喜好的人食用。真貼心，抵讚！皮又香又脆，肉質亦香軟可口。值得一提的是與其他的做法不同嘅地方就係食落您會覺得好似食緊燒乳豬嘅感覺。好特別的烤法🤔👍(2) 生炒糯米飯炒得非常乾爽，加上選用的臘腸、膶腸和臘鴨肉都毫不油膩。食完全飯後，個碟都唔見有油，可見得師父的功力很好。👍各位如果喜歡食北京填鴨同生炒糯米飯嘅朋友真係應該去試試。友人同我都覺得呢個廚師好掂，直頭有酒店大廚嘅水準，有機會我都會再去試吓其他菜式。😋

好食，低，快整結雞，魚腸砵，羊腩煲，星州炒米，豉汁排骨，自設湯底，叫乜有乜，老闆娘招呼熱誠，可自來海鮮，油水錢唔會收貴，自來酒水都得，最大杯凍。茶又美觀好味道，正正正，正到飛起，下次一定幫親佢。

今日和朋友往非凡小廚慶祝好友生日, 我們點了秘製沙爹雞, 沙茶粉絲牛肉煲、大漠風沙雞半隻、白汁芝麻蝦、大良炒鮮奶和脆皮燒腩仔。秘製沙爹雞有6串, 沙爹味道適中, 雞肉鮮嫩, 惹味送酒小食；沙茶粉絲牛肉煲牛肉鮮嫩, 粉絲爽口, 沙茶味濃,不錯的煲仔菜；大漠風沙雞半隻, 雞肉燒得爽口, 肉質鮮甜, 皮脆肉滑, 加上炸蒜一起食, 十分美味；白汁芝麻蝦,蝦新鮮爽滑彈牙, 配上酸酸甜甜的白汁和黑芝麻；十分醒胃；大良炒鮮奶,鮮奶炒得香滑, 好有奶香味, 配菜西蘭花好爽口, 份量十足；最後脆皮燒腩仔, 腩仔燒得香脆, 皮十分脆, 十分香口, 肉質均勻, 配上芥辣食能帶出燒腩仔的美味；餐廳環境好有住家菜似的, 食物好美味, 份量十足, 壽星仔十分滿意今晚的小菜, 美味小炒, 值得朋友慶祝生日和聚會好地方。

今日同幾個同學約左係土瓜灣傾功課，傾完功課之後見肚餓想睇下有咩好野食，見到7仔隔離開左間新餐廳，見佢無招牌就過去問下有咩食啦，原來呢間大有來頭，大廚之前係酒店做咖，入面可以食到好地道嘅粵菜式，見佢價錢合理就膽粗粗入去試下叫左北京鴨二食(包北京鴨同銀芽炒鴨絲)好正，個皮好脆，個肉好嫩口，絕對唔馬虎大良炒鮮奶好滑，鐘意食奶製品嘅一定會愛上啫啫雞煲啲雞絕對唔係得少少，好足料，好新鮮啲員工都好親切，係好有家庭feel嘅小餐館食完覺得賓至如歸，下次會再黎幫襯

黃昏時間去到已經有幾枱客，同五個朋友一齊去本應諗住試吓嘅心態，點知好有驚喜，我地點左片皮鴨二食，芥蘭炒臘味，風沙雞，最正係個黑松露蜜糖蝦球，簡直是係一試難忘，好正既一餐，良心小菜館，食物質素好好，呃水吹先知因為老板娘對食係好有要求，同好講究。已經遺忘左嘅中菜味道絕對可以喺呢度搵得返。好多菜式都係自家製材料，亦有自家製嘅XO醬$30一樽，好難得搵到唔辣嘅😊。春茗團年飯一定走唔甩啦😋下次一定要試吓佢哋嘅火鍋先得。