青越亭 (華欣樓)

营业中

休息中

聽人過呢間服務差, 食物份量少, 但成日都有人排隊同等外賣, 同區可選擇既越南餐廳極少, 所以趁住今日路過就一試星期六既晚市, 7點拎位等3人木台, 等左15分鐘有位。2人同5人以上唔駛等考慮過2人餐但唔岩, 好多選擇都要加20蚊, 所以散叫, 見左右位都係散叫菠蘿海鮮抄飯, 張相係有個菠蘿但上到黎冇左 冇菠蘿其實份量仲多左, 但同期待有落差牛油果薯仔雞蛋沙律呢個賣相好難看, 首先個牛油果爛溶溶的, 和個薯仔雞蛋沙律係一part野, 食唔出有薯仔同雞蛋, 係好多醬。 同加左好多超酸既蘿蔔絲。 但我朋友好okay呢個沙律。 各花入各眼喇 紙米包芒果軟殼蟹我覺得不過不失。 我朋友又覺得好正。 但再次出現好酸既蘿蔔絲係入面。 要加魚露先好味呀見到做問卷有優惠券送。 點知填完一次收唔到email問侍應, 佢叫我問收銀。 再填第2次收到email, 個收銀問我個email冇出圖片證明未完成問卷, 但email內容係話我完成左架wor.原來個email 自動block左圖片顯示唔到。 個收銀堅持要見到相先俾優惠券優惠係下次可以升級餐飲但我見個晚市menu都冇餐既,點升級呢? 坐得近廚房有隻蚊滋

昨天有事一早同朋友到柴灣地鐵站附近, 九點多又未食早餐, 就見到呢間'青越亭'。外觀環境不太差, 又未試過, 就走入去試試。 呢個時間唔多人, 我地選擇咗ㄧ張餐枱坐低。天氣比較熱, 侍應即時奉上兩杯水, 服務態度不錯。早餐餐牌選擇都算多, 有地道港式早餐, 有西式全日早餐, 亦有越式。友人係個'食肉獸', 又見餐牌有個'和牛竹炭漢堡配薯角+野菜沙律'賣相吸引, 就點咗呢個餐。我就點咗沙茶牛肉公仔麵餐。早餐包飲品, 我地就點咗奶茶。侍應喺點餐時已提醒和牛套餐要等大蓋20分鐘, 我地又唔趕時間, 就照落單。不久, 侍應就奉上奶茶同我點既食物。沙茶牛肉幾好, 牛肉滑, 炒蛋ok, 蒜蓉牛油多士香㚒好味, 奶茶就ㄧ般水準。和牛竹炭漢堡送到, 實物不錯, 份量算大。我都忍唔住要試下。竹炭包外脆內軟, 和牛汁多不乾, 加埋太陽蛋, 蕃茄, 沙律菜。蔬菜好新鮮, 漢堡口感真的不錯, 好味。再加上同樣外脆內軟既薯角, 以$72來説, 其實唔算貴。下次我一定再黎試下其他食物。

星期日,晚上8:30入座，落order 時話無晒春卷/蝦餅 咁就order粉卷/芒果蝦沙律/牛油雞翼/芝士焗牛腩金磚/明爐燒魚…..過一陣待應生話....芝士焗牛腩~無金磚......初頭唔明佢講乜?..不如清楚D 叫我地轉其他野食啦?..咁就唯有轉蕃茄牛腩！..再過一陣..又話無粉卷…咁我地就算啦….上咗牛油雞翼, 芒果沙律及飲品…牛油雞翼炸得都好既..但係完全無牛油味…芒果蝦沙律..完全無醬料撈的, 就咁將菜/蝦/芒果鋪在同一碟便算了...但都鋪得靚仔既...... 等咗半個鐘牛腩及明爐燒魚都未上，追啦！ 先話明爐燒魚無晒 唔係吖嘛!！唔追都無人講! 話last order , 咁我地叫甜品啦！又話無晒 .....終於上蕃茄牛腩，咦，無跟蒜蓉包既  追，又話無晒 話轉俾炒飯 但碗炒飯 講番牛腩~好似用蕃茄汁加牛腩咁！ 仲要唔熱，牛腩好大舊...完全無砌過...簡直係似廚房剩咗D 乜就放落個鍋到咁 仲要牛腩係唔”林”！ ..最終放棄唔食… 走人佢都叻，令我第一次寫open rice 真係唔知佢點做生意 食物質素唔得…服務唔得…….門面係騙到人既 ..我估好多人都係被佢既門面.

區內第二間越南菜館，今日經過食午餐，有好多人等位，所以我都嚟試下，等咗一陣就有位。叫咗個三寶撈檬，有香茅雞翼、扎肉、香茅豬扒。可惜唔熱，扎肉味道麻麻，雞翼豬扒味道ok，如果熱辣辣會更好。送熱飲連加一$63

2018年4月21日 光顧貴店..點左個海南雞飯、來的部份是雞槌、雞翼及少量雞脾肉、一到枱上，看見海南雞的雞皮已經跟肉分離、而雞皮有點是破爛的、我相信是海南雞過熟！當吃的時候、海南雞沒味道、再用快子夾開海南雞，發現底有大約有1-2匙水份，相信是剛那出來的，十分難吃！跟我上一次食的不同...我也試了幾舊肉、幾淡飯就不能吃了⋯跟收銀員說出海南雞意見，收銀員只回應「o..係咩？」這服務！...我也不會再光顧此店。。

青越亭算是柴灣區的「新屎坑」，所以人流偏多，午晚市均需取票輪候。歌利亞早前嚐過晚餐，海鮮冬蔭公農夫包頗特別，味道亦不錯，而火車頭湯河的味道則較越棧遜色。晚餐若需排隊，何不轉投越棧？因此歌利亞較推介早餐時段來光顧。不用排隊、環境舒適、價錢大眾化，比光顧快餐店，可謂更化算。今次祖利安點的是雞絲餐肉越式蕃茄濃湯通粉。湯頭跟快餐店的蕃茄湯相若，但厚切餐肉，口感較佳，而薯仔、蕃茄、雞絲份量亦不少，感覺較健康。歌利亞點的是抵食的早餐B 。沙茶牛肉公仔麵跟一般沙嗲牛麵味道相若，亮點是蒜蓉牛油多士。一般早餐只會跟牛油多士，但這兒添加了蒜蓉，令多士的牛油香味得以昇華，配送滑蛋，實在令人滿足。兩份早餐連飲品只需$66，「食環境」已值回票價。

星期六係柴灣附近做完野，見到地鐵站附近有間好多人排隊既越南餐廳所以就試下。店鋪既位置好多，所以等左一陣就有位食飯。裝修都有啲心思蒲燒豬頸肉湯檬（$45）自己好中意食豬頸肉，但今次呢個豬頸肉個肉質比較硬，唔算好香，所以唔太乎合個人既口味。但個湯檬都幾大碗下，唔洗驚唔飽。另外個湯底都幾香濃可口，唔會好油膩。同行既朋友仲點左青越豬頸肉飯，啲飯好香椰漿味！而且配菜既份量都多，唔錯 唔錯😆整體黎講個價錢都合理，下次有機會會試下其他菜式😎

今日是清明節和家人一齊到柴灣拜山，柴灣地鐵站勁多人所以決定入青越亭食個午餐，休息一陣先去坐388巴士拜山。今天門口大概有三40人排隊，可能因為節日關係！不過大約等了15分鐘就可以入去啦！我叫了一個越式生牛肉湯河沒有血淋淋，賣相不錯食落口似慢煮牛肉！牛肉夠滑而不肥！哥哥點了一個蕃茄牛腩湯河，牛腩炆得夠林！味道唔錯仲有新鮮蕃茄足料又大件抵食！餐飲仲可以配奶茶檸檬茶咖啡。如果想飲特別嘅飲品又可以有優惠價六折，其實都好抵！sxxxxxx 集團嘅咖啡一杯已經＄42, lee 度杯 latte 仲好飲過集團式咖啡，6折連餐飲＄80都唔使！好抵！推介！

早上行完山，搭車回柴灣食午餐，剛見到工廠大廈有間越南餐廳，還有數十人在門口等，價錢都幾實惠，決定要一試 。其實只等了若 15 分鐘，可以入座 。叫了 2 個午餐，包括飲品， 另套餐可加小食 ，咁就加 2 個啦 。午餐分別是海南雞飯及比目魚飯 ， 份量十分大，只以份量說…… 超抵，以味道說……快餐店味道 。小食是春卷及墨魚餅 …… 幾油膩，味道一般 ， 其實不需要加 ， 因本身主菜已經好大份，女仕食 5 晒，可以慳番，飲品都幾大杯，呢個係加分 。以埋單平均每人 $83 ，其實係抵食 ， 如果要求質素的話 ， 不會選擇 。

柴灣新開的店子，裝修蠻漂亮的 😃 平時有很多人等位， 人山人海應該不會太差吧～ 試一試 原來 理想同現實係有一段距離嘅 🤣先講枱腳， 枱腳出奇地粗，而且有幾個分叉位差出嚟，對腳完全唔知放邊度好 🤣🤣🤣下午茶，蒲燒豬頸肉湯檬 (小) 跟飲品 $36～ 感覺不到蒲燒😂，檬粉湯底正常。炸墨魚餅 ＋$25  比較似魚餅香茅雞翼 ＋$25  冇香茅味 是正常炸雞翼 😆順化香茅豬扒河粉 （大） $45～ 到底什麼是順化口味？ 飢詩從未踏足過越南，所以 google 神話我知 順化 style 粉麪 湯底以酸.甜.鮮.辣及檸檬草味道混在一起 十分惹味。 再睇睇眼前呢碗 根本就是普通豬扒湯河啊， 湯底跟另一碗豬頸肉湯檬一樣 😂😂 豬扒 醃過龍， 淋到霉霉 真的被 醃到純化了 🤣🤣安南炸春捲 ＋$15 （2pc）～ 春捲皮是黃色的， 夾起來拍照的時候，油一直向下滴， 唔止幾滴係十幾滴 😅牛角酥三文治 $52～ 火腿下的 水牛芝士還未溶 ， 一條條的趴在牛角包上， 三文魚下的沙律菜 帶黃 唔精神 😅 那麼多客人 應該新鮮才是啊～ 可惜可惜 😅價錢的確有競爭性， 但質素需要再努力 💪🏻💪🏻💪🏻飢 point

每次經過門口，總有一班人係到等入座，應該難食有個譜掛...今日終於唔洗點等有機會試下，食越南野當然叫個越式牛肉檬粉。一黎到就O哂咀，點解個牛肉打左獻？唔通咁樣叫正宗!?唔緊要，最重要好食就得，雖則話凍檬係凍食，點知個獻汁牛肉都係凍既又無味，我落左檯面個酸汁又係無味，只係一支橙色既水...最後叫左杯香茅水，算有少少安慰，連埋加一，呢個lunch要$65真係唔明點解仲有人排隊 ???

同朋友求其入咗間鋪頭兩個人叫咗四樣野。蝦餅、炒金邊粉、蒸粉皮、焗咖哩麵包。間野話可加$18升級做套餐都係多碗白飯同熱飲一杯。無奈友人想飲凍咖啡單叫$24，所以升級了一個套餐啲野好睇但唔太好食，蝦餅夠熱但味道好似普通急凍的蝦餅，炒金邊粉普通都無酸味既果個焗海鮮咖哩麵包個汁有少少酸酸澀澀咁，一啲咖哩同椰白既味道都無，但包皮是脆的，最大問題是他們無比到個白飯我地囉😑到食飽咗先發現所以無追粉皮個皮偏厚，賣相唔錯但味道比起沙嗲王還差。兩個人食埋單成$328，咁既質素no more next time而且地方又唔好坐。啲位唔舒服，兩人臺癡到好埋，好似快餐店既隔局咁

賣相好但味道差晚餐家人提議去試 見裝修ok外面有人排隊入到去價錢算中檔 心諗應該ok la點知叫左4樣野 有兩樣都勁咸好重口味 我食左第一口炒金邊粉果時真係呆左 因為家人都覺得好咸仲要加埋一 一碟野成舊水無下次

太太偶然在附近下班，在沒有心水選擇下我們進入了“青越亭”...大約晚上9時，餐廳仍然有8乘顧客也算不錯。看過餐牌我們點了兩度菜，分別係“三寶撈檬”及“芝士海鮮冬陰功焗金磚”先介紹“三寶撈檬”，三寶分別係雞翼,豬扒,扎肉，雖然撈檬係凍食，但我無預期雞翼同豬扒都係低於人體溫度，豬扒約有1cm厚度，正嘛??但料不到那是份子料理，外貌是豬扒但實質是樹皮，我係一個盡可能都唔想浪漫食物嘅人，最後有勞大小臼齒們將樹皮磨漿吞掉，檬粉也很能襯托街外細雨，盡是是綿綿細碎。再嚟係後上“芝士海鮮冬陰功焗金磚”，如果前者是份子料理，那這一道就是恐怖份子料理，在點菜時我承認我有兩處疏忽，首先不應盡信餐牌照片，其次，好地地食越南菜就點乜春嘢咩冬陰功咩焗芝士丫，侍應一擺上枱，完全與相片不乎，我爭啲忍唔住叫媽咪!!!我明明要小姐你突然畀男人我?!但基本太太就坐對面，我不能過份暴露我人生閱歷，所以這度氣我嚥得下，所謂嘅“芝士海鮮冬陰功焗金磚”，係將一個大包頂掏空，調色師精調出一種粉橙色無味芡汁，我敢講，受過正式訓練嘅特工都未必食得出冬陰功味，更何況我一介草民，而被粉橙油浸住嘅有蝦,蛤各二同魷魚粒，蝦,蛤入口一咬竟然流出

今朝去左柴灣食早餐，見間野幾裝修幾靚，所以入左去試下，我叫左個全日早餐同薑汁潼奶茶。全日早餐有: 牛油雞翼，蒜茸多士，牙車快沙律，滑蛋，蕃茄湯通粉，煙肉，排得好靚配合木碟有風味，美學角上係抵讚牛油雞翼﹕咁多樣之中最好食有水準，油份充足唔會過油，雞肉嫩滑，有牛油香氣，調味亦適中，唔會過咸或淡蒜茸多士﹕質咸幾好，外脆內軟，可惜唔夠蒜茸味非常不足，多士味道好淡，當方包多士加煉奶會更好食。牙車快沙律﹕雞肉質感唔錯，唔會韌，調味有d淡，底下既菜好新鮮，不過不失。滑蛋﹕極普通，冇蛋味亦唔夠調味，非常淡。煙肉﹕唔掂，煙肉好淋好似蒸出黎咁，冇油脂味，冇肉味，而且唔脆。蕃茄湯通粉﹕有驚喜，湯底好有蕃茄味，因為有落洋蒽同紅蘿蔔一齊煮，湯底更顯香甜，層次頗為豐富，調味適中，通粉質感正常，加牛肉既話，可以獨立出黎做早餐。薑汁潼奶茶﹕好飲，有傳統港式奶茶既味道，加入薑汁的確更加香同有層次，薑汁份量再多d會更好。性價比正常，個早餐連服務費68蚊，薑汁潼奶茶加14蚊補差價。可以再黎試下其他野