青越亭 (華欣樓)

营业中

休息中

入到餐廳叫人自己揀位，叫人打二人卡位，咁就諗住喺梳化位啦，職員就話2人卡位係二人枱，唔係卡位，咁都算啦費事同佢嘈，好心下次就唔好自己揀位。11:25入去前問佢仲有冇早餐？職員話仲有，坐低咗之後餐牌都唔俾，叫我地自己掃二維碼睇餐牌落單，落完單之後11:29就話俾我聽早餐賣晒🫠咁你一早俾個餐牌我呀又唔俾，落完單，仲要確認埋訂單之後先同我講冇得嗌早餐，真係火都嚟。食物方面，水準一般，未食完仲要不斷收走你啲嘢，因為隔離9個人等緊想要你張枱🤬

餐廳外觀似是越南餐廳，但內裏除了越南粉、越南咖啡，還有泰式、馬來西亞食品。今天我點了香茅豬扒湯檬粉和炸春卷。我覺得檬粉份量很多（吃不完😅），湯色偏白，不油，喝下去清甜，香茅豬扒鬆化，炸春卷金黃香口，但味道比較淡 （好多蘿蔔絲），我要加辣椒醬提味。之前試過其他焗飯、下午茶，我覺得越式主食比較好。餐廳位於柴灣工廠大廈改建而成的屋邨樓下，是茶餐廳和鄰近屋苑商場連鎖快餐店以外的另一選擇。為食指數：外觀：7/10味道：6.5/10飽肚：8/10(5碗滿分）

喺附近做嘢，見呢間啲下午茶幾吸引入去試吓叫左細碗雞絲扎肉河，原來得個碗細，份量睇落好足，味道都唔錯，蘿蔔好大嚿好甜。另外雞翼茶餐就偏貴，口味正正常常，冇乜特別。

呢間餐廳好近地鐵站，有時放工唔想煮飯，都會同朋友過嚟食。雖然佢話自己係越南餐廳，但佢都會中式小菜，仲有D台式甜品，個人覺得佢既選擇幾多，總有野岩食。今次叫咗紅酒紅尾+蒜蓉包($80)，紅酒味唔算突出，不過蕃茄味幾香濃，送包一流。仲叫咗半隻南乳雞($108)，南乳味就無乜，但雞皮脆雞肉滑，都算唔錯。另外又叫咗個牛湯蘿蔔時菜($50)，正常發揮，個湯幾好飲。唯一敗筆係啤酒好貴！細支Asahi 要$3X，叫唔叫就自己衝量啦！

本人只會去食早餐，覺得上菜快分量十足及快，成個樓面都係女員工，大部份都態度很好，唯獨是有一個比較鍾意依附喺水吧前說三道四😒本人去過地鐵站上蓋的美X給Kam X又貴又唔好食，服務態度又差後來俾我發現呢間餐廳呀依個所見三至四個人手腳都很快，又要捚單又要落order又要清潔，又要拔餸又要上菜真係好忙！我試過幾個早餐份量都好，唯獨是個炒麵配皮蛋瘦肉粥但炒麵係凍嘅！其他都正常，睇得出廚房唔係淨係落雞粉去打一個湯底。

之前係坑口分店食過，記得印象唔差，咁啱經過柴灣要醫肚就入咗去食，點知……真係滴晒汗，真係好難食，點解咁講？我叫咗個冬陰公湯檬，心諗都唔會難食得去邊，一嚟到見到碗野勁大碗，啲料好似唔洗錢。開頭肚餓，食嘅時候無為意，食食下覺得好奇怪，點解咁多同冬陰公湯無關嘅材料，有豆乾😱有木耳😱媽呀！我食緊咩呀！咁似阿媽清雪櫃，有咩就落，全部雜不甩撈晒落去煮🤮我唔知其他食物係點啦，但係呢間嘅冬陰公湯檬真係黑暗料理，我真係怕咗，破壞咗我對冬陰公湯美好嘅印象。我好想知餐廳嘅廚師有冇真係用心煮野比客人食？人哋比得錢去你餐廳食，仲要唔平，大約$74蚊+1，碗野真係唔值，亦唔會再有下次，坑口都唔會再食，怕咗😞

覓食好西 ～ 柴灣區柴灣住宅區、商業、工廈林立用膳時間周圍處處都見到排隊人龍是日到訪了一間越式餐廳午餐：順化香茅雞翼湯檬粉 $54順化香茅豬扒湯河粉 $54雞翼、豬扒算香脆，少少油膩感，檬粉、河粉大大碗，份量多，整體而言，午膳價錢合理，座位與座位之間距離都算寛敞，不過不失

晚餐經外賣平台揀了這間餐廳送外賣，餐牌幾多選擇，就被吸引落order, 今次是第一次惠顧，但真的超失望！好氣憤！以後不會再去訂餐！訂之前已沒有期望食物質素，但真的極難食！而且貨不對版！所以忍不住要寫食評！今次訂了3份外賣，1) 香芒蟹肉炒飯，沒有蟹肉，只有兩三小粒沒有味道的東西，兩三小粒所謂”芒果“”，望落好似無料嘅炒飯。2) 越式蕃茄牛肋條焗飯，更差勁！找不到牛肋條，只有幾舊無味牛筋，仲有D唔稔，2小舊番茄，飯面有焗燶嘅芝士，咁都有一樣似番商品說明！ 3）鮑汁扣花膠腩仔飯，呢樣係叫做可以，唔會諗住真係有鮑汁同花膠，都係一D蠔油汁同魚肚及燒肉，算係正常！ 3樣嘢$230, 實在食水太深，絕對是一間無良心嘅食肆！

今日外賣左白咖喱豬扒飯…返到屋企，一開蓋，見到餸同白飯分開上下格裝，又幾好，唔驚d飯索晒啲汁咁個餸正正常常，份量都正常，我估有1.5-2塊豬扒，仲有堆醃菜同紅蘿蔔點知一食啖飯，就出事白飯，其實一向都唔會有咩期望，唔好諗有冇米香果d啦，係咪先，白飯無味係正常架嘛但點知一啖食落去，白飯有味，而隻味好怪唔似隔夜飯嘅，因為隔夜飯雪過會硬身，依間d飯淋嘅定加左嘢落去煲飯？定可能d米擺太耐先煮？過期米所以有怪味？Anyway, 短期內都唔會再試喇

好食唔好食我唔講，各人口味唔同，我講其他嘢！我主要買2餸飯外賣，因為夠平，但今日(13号)叫完飯餸，入埋袋，之後話餐具用完無啦……講開講埋上次，裝咗一殼飯話無飯要等廚房，問我夠唔夠，佢又話未知等幾耐(我諗要幾分鐘)，我費時等所以求其要咗走人……星期六少人買外賣，買完飛企喺出面無人出嚟裝飯，等咗陣都無人就入去同D阿姐講，個阿姐叫人出嚟，但都唔係即刻出嚟……另外收錢同嘟安心好混亂，你以為前面比$，其實係安心，堂食D人食完係入面排另一條隊比$📣希望個老細睇到改善下，唔係夠平我轉咗第2間

我覺得呢度 嘅野食例如係豬頸肉撈檬同比目魚飯都幾好食。 服務員質素都唔錯，打招呼同斟水，提供一啲資訊俾我去選擇食物（ 唯一須注意 呢度要加收加一服務費，斟一杯水畀我同埋打聲招呼係要加10%） 我覺得呢呢度嘅服務質素都比較中上 野食就 睇下你食乜喇！ 如果係撈檬同飯就十分推薦 但喺呢度嘅粉面就一般 加埋呢個價錢就十分之不推介。 總括嚟講啦 假如你係想食越南菜就冇乜特色（ 講就講係越南菜 其實就加上一片越南嘅香料就係越南菜咩） 所以如果你想試下撈檬 經過可以來吃 如果係特登嚟食嘅話 就冇尼個必要了服務中上食物中 /中下裝修正常

今日兩點先食午餐，呢個時間就變咗下午茶，亦都更加多嘅選擇。今次就揀咗一間越南餐廳。一入到去姐姐好主動咁俾杯水我，亦都好留意我想點餐。奶茶好快嚟到，茶味夠濃夠滑，係靚茶餐廳嘅水準。叫咗個BBQ豬軟骨加薯條🍟（$45）薯條炸得好夠脆，酸菜好有驚喜非常有越南風味，不過就係豬骨乾左啲，如果多啲蜜味會更好👍🏻推薦度（10👍🏻滿）：7👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：7⭐️賣相（10⭐️滿）：8⭐️味道（10⭐️滿）：7⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：7⭐️［青越亭 (華欣樓) (柴灣)］地址：柴灣吉勝街2號華欣樓地下1號舖#lunch #lunchideas #lunchtime #午餐 #午餐時間 #午餐吃什麼 ##外賣 #堂食 #takeaway #hkfoodie # hkfoodieblogger #hkfoodielife #hkfoodstagram #hkfood #hkfoodlover #winsomelai

呢間餐廳裝修幾靚，行工業風，座位都坐得幾舒服。但啲食物就普普通通。我order了大叻牛三寶湯河，河粉不太滑，三寶分別是牛腩、牛栢葉及牛丸，牛腩太硬，牛栢葉無味，味道真係麻麻。大女order了冬陰功海鮮檬粉，好大碗，其他一無是處。太太的香茅豬頸肉撈檬，豬頸肉不過不失，但檬粉好硬，食了一半己停手。細女的越式蕃茄牛腩檬，呢個較為好啲，蕃茄湯底酸酸甜甜幾好味，牛腩都夠淋。整體食物質素麻麻，並無可取之處，仲要加一收費，所以並不推薦。

平時落去幫襯啲服務員阿姐服務態度已經好差又成日叫都唔應！點知今次叫外賣都遭殃！🤬🤯喺戶戶送度叫咗兩樣外賣！見到個時間係咁延遲！延遲咗四次！差唔多等咗九個字！外賣APP先至有人打嚟！話我其中一樣嘢冇會唔會改訂單😳真係O咗嘴囉！咁你冇就一早講吖嘛唔使等成個鐘先至講話冇吖嘛！唔使食啦！😩青越亭依間野真係好有問題！唔想做就執咗佢啦唔好喺度害人啦！真係希望可以改善下囉！！……………………………………….

依間餐廳唔係好對路，入門口，三個侍應只顧吹水，冇理到門口嘅我哋，點餐自己掃code,等咗20分鐘都冇嘢嚟，我出聲問點解未有嘢飲嘅？姐姐問返我，“你要啲咩“，原來係要姐姐喺電腦㩒確定訂單，我等咗30分鐘先有嘢食……好彩個炸脾都食得下，薯條都係啱啱炸起，牛尾通就過得去啦～但係個多士就有啲硬了