霸嗎拉麵 (金巴利道)

营业中

休息中

早兩日上openrice睇邊到有拉麵食， 結果搵到呢間好多好評既拉麵店，排左半個鐘終於入座。枱上已擺好水杯，友人飲左大半杯後，店員行埋黎話：「張枱未執！」友人：「唔係啊？」店員回一句：「係啊！」，然後攞走哂水杯離開。同埋我都留意到，佢地執完一張枱 無論之後有無客 佢地都會擺定杯水響枱，咁樣好咩？ 快得幾多？下個客都唔知杯水係擺左幾耐同埋乾唔乾淨！我同友人一行三人，點了兩碗「炙燒豚肉味玉拉麵」軟麵及適中，「辛辣豚肉味玉拉麵」。上菜時，兩碗炙燒豚肉味玉拉麵一齊上， 我問職員邊碗係「軟麵 」佢就黑面走番去廚房問， 然後番黎亂指一碗。 結果我試哂兩碗麵底，我先知邊碗係真軟面！朋友果碗中辛辣，佢話一d都唔辣！唔會再食呢間拉麵店！ 垃圾中垃圾！

今日晚上和友人一同到霸嗎拉麵需要排隊 不過只係等左大約五至10分鐘就已經入得去餐廳環境舒服👍店員服務都算不錯第一次去試點左-炙燒豚肉味玉拉麵$88和一客唐揚沙拉炸雞$38豚肉好香易入口 肥瘦適中拉麵的湯底是非常重要 而這個湯底濃郁亦夠香 拉麵質感唔錯 亦非常入味整體覺得是一碗好吃的拉麵！值得再去！炸雞一共有五嚿 個人覺得炸雞比其他拉麵店大嚿 好夠飽 沙拉分量適當 肉質非常滑 配上沙拉好match👍☺️食完有滿足嘅感覺

食過返尋味的拉麵食過銅鑼灣分店，記憶中好好食，所以起尖沙咀行完街同伙伴心癮又起，630去到門口已經要排一陣隊，好彩店內多位，好快就到我地了我地分別叫左 灸燒豚玉味玉拉麵， 辛辣灸燒豚肉味玉拉麵 同埋 燒汁炸雞如果食到辣既人，我係高度推薦辛辣灸燒豚肉味玉拉麵的，同埋絕對唔好因為慳$10就唔加隻味玉，因為果隻係溏心蛋黎既 豚玉好大舊，肥肉好彩唔多，不過好好味呀，有灸燒既香味，但碗麵好大碗，平時都幾擦得既我都食唔曬，湯底微辣濃湯底，有少少花生醬味 好味道我鐘意偏軟既麵，落單時有圈埋，出到黎麵既質感好岩食喎！如果鐘意濃味既人士，就要試呢個啦不過照燒炸雞就麻麻地啦 要$3x 但炸粉好厚 食嚟食去都係食炸粉 中間舊肉細細舊 同埋都係偏鹹 加埋燒汁就更鹹 本身碗麵已經係重口味 如果加埋碟燒雞就好飽 不建議加購

每次經過呢間拉麵店都人到人排隊，上網亦見有好多讚好的食評，所以決定試試。雞叉燒味玉雞白湯拉麵 $88賣相佳，配料豐富。雞叉燒有兩塊，而且十分嫩滑及入味。味玉不過不失。拉麵用了像陽春麵般的白麵，而且比一般的日式拉麵幼身，吸湯面積自然較多。雞白湯雖然湯體厚身稠稠的，但不算濃味，所以雞湯味在口中並不持久，好在味道有慢慢出來，越吃越有味。炙燒豚肉味玉拉麵 $88炙燒豚肉大片而且厚身，整體尚算可以，只是較瘦的部份有點過韌，本期待會有炙燒過的味道但卻吃不太出。 拉麵也用了像陽春麵的白幼麵。濃厚豚骨湯稠稠的但味道在口中不持久，而且有點咸及有油膩感。羽根燒餃子 $35羽根日語的意思是羽毛，而羽根餃子重點在底下那層薄脆，像羽毛一樣輕薄。有些店做成網狀，這店就做成薄脆。整體來說餃子煎得香，亦尚算皮薄餡多😊總括來說，可能因為太多好評所以帶著較高期望去試，親身吃過感覺未達期望，但都算是不錯的拉麵。

有日同友人lunch去左霸嗎食我自己之前係尖沙咀食過一次 又係屯門食過一次但係係屯門食果次都幾令人失望今次難得又經過就去試下啦午飯時間都好多人排頭位都排左十五分鐘先入得跟住就同友人嗌左一個豚肉一個雞肉雞叉燒味玉雞白湯拉麵（$88）雞拉麵既配料有木耳絲 乾蒜同蔥雞叉燒好厚又夠大塊肥瘦適中湯底濃得黎又夠香～不過食食下覺得有啲太濃味了然後友人既豚肉拉麵因為走蔥所以睇落怪怪的炙燒豚肉味玉拉麵（$88）不過湯底又係好香濃然後舊叉燒燒得好好份量好足叉燒又係大大份咁之後仲嗌多左個餃子羽根燒餃子（單叫$35 跟拉麵$12）不過我自己覺得個餃子就冇乜特別係個底比較脆熱既時候食都幾唔錯不過唔點汁好似好食啲然後原來餃子跟餐都係加12蚊都幾抵食～下次可以再黎囉

經常大排長龍嘅霸嗎拉麵，於下午茶時段會比較容易等位，今次超級好彩一入去就有位，so lucky!餐牌中有好多選擇，新推出左龍蝦拉麵，亦噴火拉麵選擇。朋友鐘情叉燒拉麵，仲追加左溏心蛋 ; 而我就無辣不歡，所以揀左雞叉燒辛辣雞白湯拉麵。雖然叫白湯拉麵，但因為辛辣嘅關係所以成碗麵都紅當當，湯底濃郁又有口感仲辣度十足，選用雞叉燒市面少現，口感嫩滑，麵底亦夠煙靱，夠爽身！食到身水身汗無叫野飲都唔駛怕，因為餐廳有水供應！

方便麵雖然煮起身又方便又入味，但係日式拉麵更要去“吸”一口，位於尖沙咀霸嗎拉麵Ramen Bari-Uma，係來自日本廣島的拉麵店，主打濃厚湯底及自製麵條！要係突然間心頭一熱想吃拉麵，絕對係首選！喜歡吃海鮮的友友們，推介店內的特別版：原隻龍蝦味玉拉麵！料肯定足，而且賣相相當吸引！飲一淡湯底，完全醒身曬，實在濃郁又正！！麵條又彈牙而且量足，原隻龍蝦更係又大只又鮮甜美味，吃一口都要係口裡面慢慢咀嚼！真的毫無疑問真的非常好吃，吃完一碗又想叫多一碗。

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！很多時候我和友人都在尖沙咀健身，但每次行經霸嗎拉麵門外都總是有條長長的人龍，剛好今天平日下午兩點多經過，決定跟友人來個cheat day。霸嗎拉麵這個名字很特別，整頓飯都在笑說「霸嗎？就是霸！」。今天香港氣溫突然急升到三十多度，當然要叫個冰凍飲料啦！我點了信洲蘋果梳打，味道甜帶酸，喝完一口又一口，雖然太甜不解喝，但確是涼快，而且是飛機貨 (日本直送)，味道很新鮮，甜品也是飛機貨，待會介紹。好像不用錢般點了很多東西這是我的雞叉燒辛辣雞白湯拉麵 (中辣)，望下去湯頭紅紅的很像很嚇人，但其實還好，離譚仔的中辣很遠，湯頭做到掛湯的效果，白雞湯沒有因為辣而被蓋過其清甜濃郁的味道。第一次吃雞叉燒很有新鮮感，像中式的雞捲，嫩滑爽口。雖然這裡拉麵是主打，但這個石鍋燒豚肉

同朋友行行下街見到呢間霸嗎拉麵今日唔洗排隊（可能因為成下午2點幾加埋平日），咁緊係唔會放過呢個機會啦！由於非常肚餓，我地每人叫左一個拉麵，再叫左個飯同炸雞添，野飲就一人叫左一個蘋果梳打同密瓜梳打。拉麵落單紙好細心，有得揀麵軟硬程度同埋揀走咩配菜，唔洗逐樣自己講！唔錯拉麵黎啦，我叫左個辛辣炙燒豚肉味玉拉麵。哇，勁惹味，辛辣醬好正，一路食一飲梳打！爽呀！麵質幾淋，我幾歡喜，麵掛湯都唔錯，蛋又流心，豚肉又肥瘦均勻，相當高質！雖然係拉麵店，但係佢個石鍋燒豚肉飯都出色，熱辣辣，又有香脆飯焦，加埋落湯，可以一飯二食。炸雞我地都清埋，唔會炸得好乾身，好juice!唔怪得呢間野成日都要排隊，第日都要平日再黎食先

Have you been to japan? If not, you must try this ramen. Ramen is the most famous dish in Japan. This restaurant can really replicate the taste of a really ramen restaurant in Japan. The staff here are very nice. They can even speak japanese...

想吃拉麵，來到尖沙咀自不然想起這間位於金巴利道的霸嗎拉麵. 平日下午二時多，店內已客滿，需要等位，幸好10分鐘內已可入座. 店內冷氣有點不夠，可幸有一大壼冰凍的檸檬水可以任飲降降溫~味筍 ($10) 人的口味真是會隨年月改變，以前不喜歡吃味筍的我，現在每次吃拉麵都想點一客，爽脆鮮嫩的味筍用來配拉麵實在很夾. 辛辣炙燒豚肉味玉拉麵 ($93) 友人說夏天吃辣更覺開胃，要來了一碗小辛的炙燒豚肉味玉拉麵. 見到湯頭頗橙紅，感覺辣度十足，但友人表示辣度輕微，喜歡吃辣的可選中/大辛. 炙燒豚肉海苔味玉拉麵 ($98) 至於我則選了賣相吸引的炙燒豚肉海苔味玉拉麵，海苔香脆，配以流心的味玉已經很美味; 經過火炙的豚肉肥瘦適中，甘香味美，搭配湯底濃稠及個人喜歡的硬麵條，感到很滿足~ 尖沙咀金巴利道26號地舖22178300

年多前剛開張時來過，每次路過都是因為有事要做，今天下午終於有空，便來吃個下午茶。雞叉燒味玉雞白湯拉麵$88，叉燒通常都是豚肉，以雞肉做的比較少。這裡的叉燒以雞腿肉製成，所以嫩滑和爽口。湯頭以雞熬製而成，清甜可口。溫泉蛋🥚生熟成度剛好，吃到蛋黃的甜味。辛辣炙燒豚肉拉麵，是一碗辣度十足的拉麵，湯頭除了辛辣外，還喝到豬骨湯的清甜。豚肉經過炙燒，令到叉燒的油腻減少，反而增加香氣。追加荀$10，想不到份量很多，荀條爽口又清甜。

眾所週知，拉麵熱潮係香港從來冇停過，特別有幾間好食的拉麵店，幾時都咁多人。霸嗎拉麵就係好例子，尖沙咀的分店，永遠門庭若市。這個新春前幾天的晚上，和朋友交收完利是封，經過了霸嗎拉麵，難得完全無人排隊，仲要可以直入，橫掂未食飯，天助我也。四個人開頭要分開兩個兩個坐，不過之後一起可以調返位，服務不錯。太肚餓的關係，我們在拉麵前點了不少小吃。先叫枝豆，當然不會錯過，送酒良品，但今晚要清醒，沒有酒，只有甜甜的靜崗蜜瓜甜品，另有薑梳打，送枝豆，也不錯。最有驚喜，今晚不是拉麵，反而是這個唐揚炸雞，絕對炸得非常美妙，炸完都咁鮮嫩嘅雞肉，唔係到到做到。羽根燒餃子，當然係日本菜嘅signature，成塊連體嬰咁，剩食個塊脆皮也值回票價。然後到今晚嘅主角，係呢個特別版拉麵，原隻龍蝦味玉拉麵。之前飲過呢度嘅湯底，印象非常深刻，今次的湯底已龍蝦和櫻花蝦為主，鬥搶味鬥過你死我活。龍蝦的鮮味和櫻花下的香相輔相成。麵條掛湯當然冇失手，一如以往做得咁好。但我最喜歡嘅係原隻龍蝦，平時你知道呢類龍蝦肉質都唔會好講究，大部分可能係雪藏嘅貨色，但呢度嘅龍蝦鮮味一流，除了啖啖肉以外，還有蝦膏。加上大量的蔥，還有配菜西蘭花，仲有玉

係尖沙咀突然想食拉麵所以就決定黎呢間試吓，因為開咗都一段時間我都仲未食過haha雞叉燒味玉雞白湯拉麵呢個湯底有別於一般拉麵既湯底，係用雞湯黎整，令到成個湯都好清甜，d肉好淋煮得好好味，而且隻蛋係流心蛋即刻加多分特盛灸燒豚肉拉麵雖然同其他拉麵對比係貴少少，不過的確份肉係大份啲非常之足料，豚肉非常之入味，湯底味道比較濃厚，本身鍾意食比較重味嘅朋友絕對值得一試羽根燒餃子餃子之間唔會黐實搞到個皮穿，味道唔算特別，份量2個人share就啱啱好總評：味道唔錯嘅拉麵，不論比較淡味嘅湯底定係比較濃既都做得幾好，可以滿足唔同嘅口味，鋪頭位置唔算太多，適合情侶或者四位朋友組團去食，如果唔係嘅就有機會等位等好耐

在尖沙咀逛街時看到這間長期要排隊的拉麵店，難得沒太多人排隊，便與朋友前往一試。炙燒豚肉味玉拉麵 – 豬骨湯底濃郁，拉麪軟硬適中，拉麵軟彈又帶點紮實感。炙燒豚肉細嫩軟腍，不會太肥膩，入口甘香，口感軟綿。味玉嫩滑，豐富了整個拉麵的味道。辛口燒餃子 – 餃皮皮薄香脆，餡料充足且肉汁豐富，味道香濃惹味沙拉唐揚炸雞 -  炸雞外皮鹹酥香脆，雞肉充滿醬汁香氣，肉質鮮嫩軟嫩，酸甜的沙拉醬減低了油膩感。 日本米雪糕 -白茫茫的雪糕，極像煉奶雪糕，而且吃下去真的有米粒，感覺特別