影片
电话号码
22922822
营业时间
今日营业
12:00 - 22:30
星期一至二
全日休息
星期三至六
12:00 - 22:30
星期日
11:00 - 22:30
*星期一至二休息: 公众假期除外
以上资料只供参考，请与餐厅确认详情
有关奖赏计划
相关文章
嚟到浅水湾，呢度嘅环境同氛围，绝对系佢最大嘅卖点。喺上世纪冇冷气嘅年代，建筑物外围嘅阳台，提供一个既可以遮挡阳光，又可以享受新鲜空气嘅地方。整体建筑既有西方风格，又有配合亚洲炎热天气嘅地方特色。系合适嘅天气之下，非常好地提供一个既优雅又写意，而又唔会太拘谨嘅环境。无论系休闲写意嘅一餐，或者纪念特别日子，都非常适合。至于服务质素，同食物水准，都合符预期地高水准。无论前菜、餐汤、肉类同海鲜类，都可以享受到优良嘅用料同烹调水准。
继续阅读
之前系网上见到the verandah既chill chill渡假风环境，深深地被吸引住。事前已订枱，特登放假黎食，谂住少d人，顺便同朋友行下浅水湾。窗外系阳光与海，餐厅装修系复古风，楼底高，天花有吊扇，好休闲的感觉，枱与枱之间的空间阔，讲野唔会被隔离枱听到，枱面大，可以同时间放多碟食物打卡去之前已预先做好功课，谂住叫2个午市套餐，点知去到无左心目中的套餐，唯有叫另一个套餐，再加一个appetiser及一个意粉，2人share食。Prix Fixe Lunch Menu $608面包 （橄榄油、黑醋）味道正常APPETISERS:VITELLO TONNATO(sliced veal loin with caper berries and arugula)朋友觉得ok，但唔太岩我食MAIN:BEEF BOURGUIGNON(mushrooms and pearl onions)味道中规中矩DESSERT OF THE DAY: 好似系梳乎厘coffee (有蝴蝶酥）YELLOW FIN TUNA TARTARE(Provencale herbs and toasted focaccia)$238味道中规中矩KING PRAWN SPAGHETTI $398(lobster bisque and tarragon cream)味道中规中矩总共$1368 （已包加一）唯一美中不足系订枱已写明庆生，但甜品没有生日牌/蜡烛，但隔离枱同款甜品就有
继续阅读
之前为了和另一半庆祝特别日子，选择咗呢间位于浅水湾嘅著名打卡餐厅去品尝下午茶。虽然下午茶时段嘅dress code冇晚餐咁严谨，但都会有要求男士最好唔好着拖鞋或者背心。一入到去已经感觉到富丽堂皇嘅格局，真系不愧为著名嘅打卡餐厅。卫生同舒适度无可挑剔，窗口位可以饱览浅水湾附近一带的景色。侍应服务好好亦都好热心，包括会协助我哋换位、影相（会帮我哋打印张相出嚟，无需额外收费）、同埋帮我部电话叉电 。不过可能由于价格偏贵，星期日下午茶时段入座率唔过一半。我哋就叫咗一份下午茶套餐，连同加一价钱为$888，会包coffee or tea，如果要叫特殊嘢饮，就要额外收费。每人会有五种咸点，加上有一个 afternoon tea stand 嘅甜点比两个人去share。食物嘅样式同埋卖相就可以参考我附上的相片，整体嚟讲味道非常好，亦都好饱肚。整体嚟讲虽然价格偏贵，但我本人都会推荐。
继续阅读
浅水湾去过好多次，但咁耐都行过入影湾园，我一直都以为系私人住宅，完唔敢入去睇下。今次家人建议去「露台餐厅」(The Verandah)食sunday brunch，人生第一次踏入呢一个地方。「露台餐厅」系一个好有气派嘅地方，睇番网上资料，露台餐厅系根据拆卸嘅浅水湾酒店(1920-1982)以仿古形式重建，所以一入去好有一种古典嘅味道。讲番露台餐厅嘅sunday brunch，成人收费为HK$988，另收加一服务费。相信唔少人会觉得个价好贵，但我觉得值得去豪一次，可以有咁高质素嘅sunday brunch系好难得。佢嘅sunday brunch系半自助形式，除咗场内任食嘅食物外，仲加一款主菜，呢个我都有啲惊讶，净系出面嘅食物，每样食一件已经可以饱到抱住个肚腩走，食埋个主菜真系不得了。平时我麻麻地食冷盘，但佢嘅冷盘可以话好出色，虽然款式唔系话好多，有带子、虾、蟹脚、龙虾、矶烧鲍鱼等，但佢啲冷盘一啲都唔hea，除咗蟹脚外，全部都有特别调味。我特别欣赏佢个龙虾，不单起咗肉，连蟹钳都起埋肉，放响虾头度，加上千岛酱，只系一个令食客食得轻松嘅步骤，令到一个平平无奇嘅焓完再冷冻嘅海鲜，提升到完美嘅层次。要将个唔值钱嘅波士顿龙虾，起肉再将蟹钳起埋肉，加上酱汁，呢个咁细心嘅做法，暂时我未响酒店见到。另一个不得了嘅系蟹脚，大大只又多肉，而且带有海水味，鲜味十足。我见有艮评话蟹脚好细同冇肉，事实系要指住最大果件，「我要呢只」先得，否则服务员会随意比你。熟食方面，有三款炸物、焗青口、虾饺、烧卖、三款意粉、鸭肝、汤、五款不同嘅火腿、2款烟三文鱼，仲有啲我冇影相/冇食到嘅.....等，讲真款式望落好似唔系话好多，但每样食一件/一啖都不得了。要讲佢地比较唔出色嘅系虾饺同烧卖，虽然望落去好似好精致，可惜嘅系皮比较厚，会比人感觉似预制品再翻蒸，呢个我反而觉得可以用其他菜式取缔。必食嘅系佢个鸭肝，有浓郁嘅鸭香味，唔膻亦唔腻，斋系食呢个鸭肝，我哋一家人都食咗起码20件，可想而知佢有几咁正。另外佢个汤我觉得几特别，用露笋做嘅汤，佢嘅名堂有啲复杂，连Google Translate都搞唔掂"Green Asparagus Velouté with Guinea Fowl and Rye Croûtons"，味道好特别，自己加上面包碎同cream，成个汤嘅口感更加丰富，亦饮唔出佢有露笋嘅青臭味。刺身就得4款，我个人觉得系可食可唔食，因为唔系太特别，同埋佢嘅切出嚟好细件，每次配给嘅份量亦唔多。我只系拣咗三文鱼同吞拿鱼试下，味道都新鲜嘅，但size就真系偏细件，不过对我嚟讲唔算系主打嘅都OK。我冇食到嘅嘢有各款嘅沙律、泰式食品等，我留番个肚食番啲值租嘅嘢。去到主菜，我哋呢班食肉兽全部都拣咗牛同羊。呢两款我都有食到，两款同样都好出色。佢份量唔系好大件，但味道十分出色。两款肉都系经过漫煮而成，肉质鲜嫩亦够淋，牛小排带有好丰富嘅牛味，肉汁亦锁到刚好，加上薯蓉同甜椒一齐食，成个牛肉嘅味道提升到神级嘅层次。佢呢个配搭，绝对系厨师精心嘅杰作。另外嘅法式羊肩，虽然比牛小排比下去，但我觉得同样出色，羊肩带丰富嘅羊味之余亦唔太膻，加上薄荷酱嘅配搭，简直系完美。家人问我可唔可以做到，我一口否定，我冇可能做到咁出色嘅菜式。讲真净系呢个主菜已经值回票价。甜品方面，同样系好多色，连一向唔太钟意食甜品嘅我都赞好。首堆嘅系佢嘅扬技甘露，加上佢旁边嘅芒果肉，真系不得了，仲要佢个芒果肉够甜，成件事加分到100。佢嘅西式甜品更加出色，即做嘅梳乎里系必食，入口即溶嘅轻盈质地，介乎于慕斯与泡沫之间，外层微脆，内里如空气般绵密，唔怪得好多网评，梳乎里系必食，就算饱到食唔落都要食一啖。对我嚟讲，除咗食之外最重要系乜？更系酒！有指定嘅香槟任饮。佢用Charles de Cazanoce嘅香槟，易入口，唔太饮酒嘅人都非常适合，带咗啲荔枝、鳯梨等嘅香气，佢用呢只香槟绝对唔系hea你，我去网上睇个零售价都要300几蚊，唔系比啲2几30蚊果啲cheap cheap货式。另外，佢嘅set包一杯餐饮，我点咗咖啡，我惯咗饮斋啡，可以饮到佢嘅啡系即磨，并唔系求其冲啲咖啡粉，一间出色嘅餐，对每一项嘅细节都有要求，即使系一杯咖啡，都能够令客人称心如意，抵佢可以座无虚席。嚟到结论，我觉得「露台餐厅」真心值得一试，唔好睇佢要成千银好似好贵咁，但响今时今日嘅餐饮业叫苦连天嘅情况一下，露台餐厅仍然坐无虚席，证明佢不论食物质素、环境、服务质素等，呢个价系值回票价，仲要系要预约落订。有机会我会试佢嘅晚餐，会带比我点样嘅惊喜。
继续阅读
🍽️ 半自助餐区提供各式各样嘅前菜 - 海鲜，刺身，冷盘，cheese and charcuterie到甜品应有尽有🥹🥩主菜有4款选择 其中选了牛扒与鸭胸，熟度都处理得很好**🌊当然环境！😌 「无得输」🌅开扬海景x 欧陆复古氛围 🍽️✨ 还有live music 🎶🎤🎹可文青打卡or **贵妇 vibe** 📸
继续阅读