雲長小龍坎老火鍋 (已結業)

今次嚟到小龍坎食麻辣火鍋，裝修花咗好多心思，以三國人物關羽劉備張飛做主題，裝修富有中國嘅元素，感覺好古色古香，坐喺度打邊爐另有一番風味。紅油藥膳鍋（$138）湯底價錢性價比高，一邊係麻辣鍋，辣得來味道好香，食得出有不同香料嘅味道，而且味道都好夠鹹，唔使點豉油都夠味呀。另一邊係藥膳味道，有淡淡的藥材香味，用黎配醉雞件就岩哂啦！龍哥牛肉卷（$88）-鮮牛肉入邊包住蔥同芫荽等香料，香味十足。即炸紫菜響鈴（$58）-喺外面好少見到，其實食落有少少似小老闆紫菜嘅味道，感覺都幾得意，必叫。極品手切肥牛-大（$288）睇相就似肥牛質素好好，滿滿嘅雪花紋，食落牛肉味好香，口感咬落亦都香嫩。-紅糖糍巴（$88）即叫即製，外皮香脆，內裏香軟，外面淋左一層紅糖漿，味道香甜，黎到一定要食！

今晚同媽媽去咗銅鑼灣永光中心嘅雲長小龍坎老火鍋入面環境佈局都十分優美，設計具四川風格醬料配料每人收費$25，旁邊有張枱是給人們自己撈醬料，蒜蓉、炸香蒜、莞茜、葱等配料齊全，而且都十分新鮮！依家咁凍嘅天氣，我們點了一個清香藥膳鍋 $128湯頭藥材味剛好又不會過濃，鹹味適中，感覺非常清新又養生！我們都忍不住先飲一碗！之後點了一份野生竹笙 $88口感肥厚，感覺非常新鮮，但份量有點少！極品手切肥牛(小) $198大約有17片！每片厚度適中，牛肉脂肪分佈均匀，牛香味濃，咬落都脂香十足！炸芋片 $38芋頭新鮮炸起，上枱還是熱的，可以即食呢！即食的口感脆卜卜，放火鍋中索入湯底精華，口感粉糯！唐生菜 $38蔬菜非常新鮮，這個價錢合理。整體價錢偏貴，但食物水準挺高，有機會會再來。

近來天氣咁凍，跌到個位數字，最好就係打邊爐喇，仲要係麻辣鍋就仲正，食完暖笠笠。金百利7樓呢間雲長小龍坎老火鍋，招牌係紅油麻辣湯底，可以雙拼鴛鴦湯底，所以另一邊就揀左藥膳湯底。紅油藥膳鍋（$138）辣度我揀左小辣，一路食都夠辣，而且有好濃嘅牛脂味；至於藥膳湯，入口比較溫和，唔食辣都唔怕。極品手切肥牛（$198）食麻辣鍋最好就係搭肥牛喇，油脂紋路都幾平均，淥10秒左右就食得！皇帝菜（$38）手打四寶丸（$98）蝦丸最好食，其次係墨丸、牛丸及豬肉丸。火鍋專用油碟，好香麻油味，可以取代豉油，唔夠的話可以去自助醬料區加其他調味料，我就最鍾意加醋了。餐廳裝修同座位幾有特色！

凍左一星期，趁星期五放工 終於出動去打邊爐 有咩開心得過烚下烚下。同事話想食麻辣鍋 銅鑼灣金百利有間幾正 又坐得舒服喎～ 咁方便 地鐵站一出就係 即管試下。揀左個靚位 望著銅鑼灣人來人往的景像 突然覺得自己忙裡偷閒 都幾愉快。紅油麻辣鍋拼清香藥膳～ 我唔係好食得辣 麻辣就留俾同事獨嚐。佢話麻辣湯底好正 辣得來夠香 香料味夠 仲有濃濃羊油味 yummy咁話喎。清香藥膳我自己幾鐘意 完全唔油膩 藥材味恰到好處 無論淥菜定肉 都好match~ 龍廚八寶摩天輪。聽個名覺得好得意 店員話有手打丸拼餃子 岩曬我地兩個人。嘩 嘩 嘩 完全冇諗過 上菜時真是摩天輪。賣相堅正！手打蝦丸、墨丸 彈牙爽口 蝦丸直頭見到一隻隻蝦 真材實料。雲吞水餃韮菜餃 各有千秋 我個人喜好韮菜餃 菜多肉少夠香濃。極品手切肥牛 正！肥瘦適中 肉質嫩滑 打邊邊必食。午餐肉 鮮淮山 雜菜藍 質素都是新鮮的 絕不欺場。竹蔗茅根必飲 自家煲 唔會太甜 清熱氣岩曬～試到一間新火鍋 都幾開心 環境又舒服 服務員好友善。同場加映 見到陳柏宇都黎打邊爐 額外收穫 哈哈～

呢個天氣最啱真係食火鍋,而火鍋梗系食近排系香港好hit ge 麻辣火鍋啦!!!首先我地就叫咗個 紅油藥膳鍋 湯底.呢個系鴛鴦鍋,一邊系呢度ge招牌 麻辣湯底,另外一邊就係好正ge養生藥膳鍋,可以聞到好香ge藥材味!!鵝腸好新鮮平時打邊爐一定要，而且都好大條。例如呢度個 鮮鴨血,厚厚一大片,距餐牌上就寫推薦煮2分鐘,但我個人就覺得煮得越耐越好味!!鴨血吸收曬個麻辣湯底ge味,食落非常惹味!仲有呢度個極品手切肥牛,又係推薦之一!叫咗大size,我覺得份量都幾多,手切牛牛味特別濃郁,而且食麻辣鍋牛肉都係必定要有ge!呢度仲有我最鍾意嘅麻辣牛肉有晒啲辣椒喺旁邊真係非常之入味而且好過癮。呢度個麻辣鍋真係唔錯,特別個湯底,麻辣果邊,夠曬牛油香,而且越煮越辣,越食就越惹味,而另一邊個藥膳湯底,就方便鍾意食唔同難道既人。

同朋友去咗銅鑼灣食"雲長小龍坎老火鍋"!!今次特登早dd上黎,費時等等咁多人,企系門口都已經好濃郁ge麻辣味!有d嗆鼻!正啊!!呢度ge火鍋配料種類都非常之多,丸類,肉類,蔬菜等都應有盡有,最特別呢度仲會有麻辣火鍋必食ge內臟!呢度啲桂花都好新鮮，雖然份量唔係超級多但係每一啖都係滋味放落去藥膳湯底真係好正。龍坎排骨,呢個都好味,不過我覺得要煮耐dd,距寫5分鐘,我覺得擺系鍋入面耐d都無所謂,因為呢個排骨都幾大件,食落好juice,仲要吸收曬d辣油,好刺激!!仲個鵝腸,鵝腸非常鮮美,而且都幾大條,食落好爽口!打邊爐一流!!我哋叫咗手切牛肉，非常遠遠而且有牛嘅味道。另外份量都幾多中間會有個影相咪就係有啲乾冰漂晒出嚟就好似牛肉雪山咁。內蒙羊肉片,羊肉片唔會好蘇,所以唔洗驚食唔慣,而且薄切,更加好味,好滑嫩!有d唔系好食得辣ge朋友啦,畢竟呢度個鍋底正之外,都要有距咁新鮮ge食材相互配合,真係幾好味!另外蔬菜同埋薯粉都好新鮮，仲好貼心咁俾個細筲箕我哋放落去煮，費事啲薯粉唔見咗。都幾貼心可以一試啊好好味。

如果想搵重口味嘅火鍋打邊爐，可以嚟呢間銅鑼灣非常就腳嘅麻辣火鍋店。 不過佢嘅湯底“麻“方面就差少少，不過就難“辣“度十足。 由於同行者有不食辣嘅朋友，所以點左一個鴛鴦湯底，一邊係麻辣，一邊係返蕃茄，再點咗幾樣看似幾有特色嘅配料打邊爐。第一樣係喺相中睇到嘅一個摩天輪，上面擺咗唔同嘅手打肉丸，同埋類似水餃類嘅餃子，影相確係幾好睇。 不過，性價比就一般，因為分量比較少。另外值得一提嘅係擺得好靚嘅玫瑰花豬頸肉， 呢個份量就對得住個價錢，而且影相都真係一朵盛開嘅粉紅色玫瑰。其他配料嘅品質都唔錯， 最後叫做一個小食，係椒鹽炸粟米，食落幾香口，不過70蚊食一條粟米就略有點貴，不過佢上碟嘅時候樣子都幾特別。最後值得一讚嘅係餐廳十分細心，準備一條即棄嘅圍巾畀客人圍住，為免衣服吸收太多食物味道同埋淺到辣油。

朋友介紹這間火鍋店質素幾高，趁閒日可避過繁忙時段特地來潮潮聖。餐廳設計非常有心思，充滿中國風，古色古香，好像回到古代一樣，好有氣氛，環境亦很舒適整潔。我們五時便來到，客人不多，可以寧靜地慢慢享受火鍋，真寫意。連落單紙封面都印有古代人物的圖案，好有創意。火鍋配料選擇蠻多，有不少更是一般火鍋店少有的，挺有特色。店內還提供圍裙，真貼心，設計亦十分趣緻。鍋的兩側分別有個小龍頭，好有氣勢又精緻。連杯碗碟都有中國公仔圖案，好盞鬼。我們點了藥膳鍋湯底，內有不少當歸、淮山、杞子、紅棗、龍眼肉等材料，湯質濃郁，味道清香，好滋補也好暖胃。雪花牛立方好有水準，一口的大小，脂肪分佈平均，好有牛味，即使淥得耐仍能保持肉質嫩滑，一點都不嚡，不用沾任何醬汁調味都已經非常美味。龍廚八寶摩天輪🎡賣相十分精美，將八種丸和餃放在輪上，好有創意，摩天輪還能轉動，幾好玩。四種手打丸包括墨丸、蝦丸、牛丸及豬肉丸，款款均大粒又彈牙。水餃、韭菜餃、雲呑等都是自家製的，皮薄餡料夠多，很好味。飲品方面，連維他奶都有，還要是玻璃樽裝的，想不到跟火鍋還是挺搭的。即炸紫菜響鈴，炸得香脆，加入一大塊紫菜令口感變得有層次，脆上加脆，比一般響鈴更好

天氣凍返，又係打邊爐嘅好季節！我同阿妹行完Ikea之後又去試新野！餐廳喺崇光百貨對面嘅金百利中心，位置超級勁方便！呢間餐廳主打食麻辣火鍋，所以湯底選擇唔係好多，但麻辣鍋喺呢d天氣岩哂呢！因為阿妹唔太食得辣，所以個麻辣鍋要小辣，另外再拼個藥膳湯黎中和一下！餐廳規模唔算好大，十幾張枱左右，眼見仲有一間貴賓房㖭！裝修方面都好有中國特色，屬於古色古香feel呢！麻辣鍋香氣十足，辣度剛剛好，開始食嘅時候覺得麻度不足，但食下食下就愈食愈麻，好正！最讚嘅係個麻辣鍋比傳統一般麻辣鍋少油，有微微嘅牛油香氣，但又唔會食到成口油! 藥膳鍋清甜，藥材味唔會過重，用黎淥蔬菜瓜類一流！如果鍋底好似台式麻辣養生鍋咁有埋鴨血同蜂巢豆腐就好喇！嘻嘻！打邊爐點可以缺少牛肉呢！order左一碟細嘅，牛味濃郁之餘口感亦嫩滑，份量就中規中矩！另外仲有鴛鴦滑，即係蟹子蝦滑拼黑松露墨魚滑，囗感彈牙、味道亦剛剛好。貴妃蚌超鮮甜爽口，價錢亦合理！得兩個人食唔到好多野，但蔬菜類始終都唔可以唔食，最後揀左乜都有嘅雜菜籃，有白菜仔、娃娃菜、油麥菜、唐生菜，仲有少有嘅皇帝菜，全部新鮮之餘份量亦十足。其他配料好似丸類、午餐肉果本質素正常。打邊爐

一向都好鐘意火鍋，一個月冇十餐都有八餐，其中呢輪首選麻辣鍋，一直都好有興趣試呢間小龍坎，未搵到靚腳陪我。來到嘅時候未到6點，唔多客人，爽不過火鍋店位置唔多，而且不停聽到有人打來問預約果d，最好都係book位。唔知係咪本身小龍坎喺國內都有名，所以呢度都有唔少遊客會來。店內裝潢走中國風，木枱木櫈、三國演義嘅掛畫、燈籠，都幾有特色。大部分都係正方形枱，而且幾闊落，好似我地兩個食，就坐得好鬆動喇，仲有房間，不過冇問過低消。來之前都約略睇過餐牌，價錢中上，所以我地唔係點左好多野，人均300蚊。湯底方面唔會好似一般火鍋店咁多，主要係紅油麻辣、藥膳、蕃茄互搭，價錢$128-$148，可以雙拼。配料同大部分火鍋店差不多，牛豬羊、丸餃、海鮮、小食、炸物、蔬菜、粉麵等，當中都有d特色野，例如玫瑰丸子。紅油蕃茄湯 128：霸氣上枱，龍頭鍋，湯底色澤鮮豔，揀左雙拼，費事辣到食唔到。睇落唔算好油膩，蕃茄湯底味道超濃郁，眼見已經加左好多蕃茄粒，而且有茄膏感覺，偏杰身，好容易滲入配料喺醬油中加入小龍坎專用麻油，可以有助解辣，不過我個人覺得太油，落少少就夠。紅油湯底十分出色，愈滾愈辣，先辣後麻，愈食愈想食！配料好容易

近排天氣這麼冷，吃火鍋當然是首選。來到銅鑼灣的雲長小龍坎老火鍋，這𥚃的食材造型設計得美侖美奐，就如我今天點的手捲牛舌花、玫瑰豬頸肉等，賣相精緻，特別討女生的歡心！田園蕃茄鍋（$128）👍👍👍👍湯底有多種選擇，有辣有唔辣，亦有鴛鴦鍋。今天選擇了田園蕃茄鍋，湯底蕃茄味濃郁，酸中帶甜，還有粒粒新鮮蕃茄。玫瑰豬頸肉 （$58）👍👍👍👍粉嫩顏色的薄片豬頸肉砌成三朵玫瑰花，每朵花由五片肉片砌成，單看賣相已值滿分，真是靚到不忍放它在鍋內。豬頸肉油花均勻分佈，肉質細緻。溫馨提示淥一分鐘，肉質爽口有肉味。手捲牛舌花 （$78）👍👍👍👍👍薄切成雙飛形狀的牛舌，砌成兩朵艷紅顔色的玫瑰，又是廚房精心的製作。牛舌雖然是切成薄片，但入口爽弾有嚼口，鮮味十足。溫馨提示放在湯中二十秒。極品手切肥牛 （$198/小）👍👍👍👍肥牛片雪花分佈均勻，牛肉味濃，色澤亮麗。建議放在鍋內12秒便可以吃到入口嫩滑的極品肥牛。唐生菜 （$38）👍👍👍👍吃了那麼多肉，當然要吃點菜平衡一下。生菜新鮮爽嫩。稻庭烏冬（$38）👍👍👍👍吃火鍋的最佳拍檔，稻庭烏冬彈牙又帶點煙靭。店家買附有一個淥麵的盛器，把烏冬放入裏面，侍滾後，就可以一籃子取出來

聽聞小龍坎麻辣火鍋係內地好出名，今次開再分店係香港，我同BB即刻抽時間去試下啦！好彩有book位，都幾full下！餐廳內裝修好有中國特式，餐貝都好精緻！仲要有自家製油碟同埋有醬料吧任加！睇下個餐牌先：我地就叫左紅油蕃茄鍋，係麻辣加田園蕃茄嘅鴛鴦黎嘅，先講蕃茄鍋，好足料，又有冬菇、紅蘿蔔等等，仲要極濃！個麻辣湯，好香好有大陸風味，打邊爐點可以唔食麻辣湯底架極品手切肥牛（小），賣相好靚，食落口肉質好嫩滑，好有口感自製韮菜餃，好足料好大隻，皮薄，但唔易串即炸紫菜響鈴，我都係第一食，好脆，好特別，唔錯紅薯粉，係麻辣火鍋點可以唔叫，最估唔到配蕃茄湯底一樣咁好食魚皮餃，我bb食親打邊爐都係必食翡翠豆苗，配埋麻辣火鍋，好入味，豆苗仲好鮮嫩飲埋加多寶先至覺得自己係食緊麻辣火鍋😂餐廳環境特別精緻，火鍋湯底拍得住內地，唔錯！

天氣咁凍、不其然令人經常有衝動去打邊爐早前去左「神」果間台式麻辣火鍋⋯完全滿足唔到今日就黎試呢間正宗重慶火鍋先叫左湯底：鴛鴦-紅油加藥膳睇其他食評話湯底太油，但我想講⋯我因為工作嘅緣故、都去過下重慶呀、成都呀咁食過當地嘅麻辣火鍋、堅係用油做湯底所以呢度真係幾正宗！響四川正宗嘅食法都係有呢罐芝麻油前菜有呢個，都幾好食我地兩個女仔叫左牛腋、水餃、手打墨魚丸、紅薯粉飽得很紅薯粉係我食麻辣火鍋必選，真係好夾每一款配料都好好味，食得好滿足鬼馬墨魚脆即炸，拎到黎仲熱辣辣，可以即刻食左幾舊先，之後有啲再放湯浸一兩秒、油炸鬼吸左少少麻辣湯精華，好正呢間真心推介畀喜歡正宗重慶麻辣火鍋嘅朋友

雖然我是栢宇的fans，但沒想到佢唱歌好聽還要搞埋食肆，而且仲要係我鍾意嘅四川菜呀!!!!!!! >0< 人地點可以唔試啫!  仲要地點咁方便!  於是就同埋幾個朋友一齊去試下其實見到都有幾樣野係無，不過唔緊要，其實少少野係影響唔到我嘅再睇一睇佢個調味區，其實唔係話好多配料但係我發現咗呢樽油係有得refill架 ! 我想話就算我嗰時就嚟結婚，都係無悔落呢樽油，因為加咗之後，所有嘅野食都香勁多~ 而且入口又滑~ 我想話呢個鍋真係夠哂體頭，個柄係龍頭嚟架，餐廳勁貼心，火鍋彈到件衫是常事，但餐廳就好似陳栢宇一樣的暖男~~~有件小圍裙俾你，好鬼sweet~ 龍坎排骨$98算係眾多菜式中較貴嘅一道菜，但我覺得佢真係醃得幾入味，雖然係排骨，但個骨唔算太大，頂多係金沙骨咁。手打墨魚滑$88，連個賣相都好似個畫畫嘅palette咁，都算係幾有墨魚味，係少咗少少彈牙感。我唔知道玫瑰豬頸肉$58，係真係將豬頸肉捲成玫瑰，可以話真係好考師傅嘅心思，俾呢58蚊都覺得抵呀~ 而且豬項肉好彈牙又爽口。作為一位玫瑰控，又點能夠唔點呢個玫瑰丸子呢?  佢嚟到嗰時個賣相已經夠靚，淥完之後仲保持到有陣玫瑰

凍冰冰既天氣，成班朋友都話去食麻辣火鍋!!朋友推介左呢間小龍坎，聽講係內地都有分店，而且係陳廣偉既既食店!我好鍾意佢既歌，大家是是但但冇所謂，最後黎左呢度未到門口己經有好香麻味，口水係咁流!還好早早地，唔太多人唔洗等位，配料都係大路野，我都係想試個湯底!地方唔係特別大，勝在夠整齊乾淨，而且中國風十足，全都係實木擺設，加埋掛畫燈籠張枱好似麻雀枱!每邊櫃桶都放有牙韱紙巾，果然夠貼心餐具都係中國風!好靚圍裙好搞笑，印左bikini，唔想著都貪玩著下 !不過食麻辣火鍋都係著住好，廢事彈到成身都係鴛鴦鍋話咁快就到! 要左中辣，看佢啲泡煮到想爆炸咁，急不及待了!黑豚肉先上! 肉味香濃，又滑又好味!最緊要係湯底好，唔會太咸太辣，蓋過食材本身既味道!游水串串蝦都係羅氏蝦! 而且每隻蝦頭都有黃色既蝦膏蝦腹就有蝦除子，好誇張!食落蝦肉彈牙，蝦膏同蝦子好甜極品手切肥牛!牛肉幾時都係主角，本地肥牛既網紋靚好多，睇落唔似美國肥牛咁多脂肪10秒食得，食落好香軟，肉味好重唔太辣麻味重，非常惹味值得推介既係即炸紫菜響鈴響鈴較厚身，可以煮耐3-5秒，但放唔放麻辣個邊真係要自己諗，真係吸油吸得好勁而佢真係成舊都卷住紫菜，