雲泉素食中心

营业中

休息中

今日和朋友K參加了香港一天遊。團餐在這裡食午餐。所以可以試一試這裡的素餐。我唔係經常參加一天遊的。更加很少機會到這些地方。所以都很好奇和期待。曾經參加過去天壇大佛的一天遊，那裡的素餐本人都好滿意。所以我對這些地方出品的素食都好有信心。今日的天氣很熱，其實都好影響心情。一到食飯時間，餐廳的職員就邀請我們到室內坐下食佢地準備好的白粥。因為太熱，姐姐都明白我們在外面會很辛苦。當然佢地的冷氣真係⋯⋯很弱⋯講回食物：白粥真係很美味。因為佢無味⋯天氣熱，只要清淡夠綿，已經係一碗好粥。芋頭魚汁比較酸。賣相也不太特別。但都算係一門功夫菜。這個酸齋真係唔夠味，里面有幾款，但只覺得食緊一大團麵筋。這個菜式大家都很喜歡。唔太油膩。其實今日這餐午餐。有幾款菜式很相近很近似。十二人份量剛剛好。菜式都比較淡味。團餐都算可以。中規中矩。如果和出面素菜餐廳比較。真係會失望。不過天氣熱。其實可以飽肚已經很開心。

郊遊去粉嶺摘士多啤梨，必經雲泉仙館，摘完士多啤梨就留在雲泉仙館食個午飯。當日假期好多人，用餐地方都好廣，設有室內、戶外，當日室內滿座，唯有坐戶外，好在當日天氣幾好，不太熱，又有少少風。坐戶外仲可以邊食邊賞花。先去售賣處落單及付款，再拎住個有號碼牌仔自行搵位，坐定定之後，就會有職員望下邊張枱既號碼牌，就會派遞齋菜畀你。茶水、白飯、白粥自行任添，特別要讚白粥非常綿滑，仲有好香既白果腐竹味道，好食到一碗接一碗。2個人食，叫咗3碟，每碟份量都好多，最終食唔晒要打包返屋企。五柳素石斑  $90五柳素石斑即係芋頭魚，由細到大都好鍾意食，雲泉仙館既芋頭魚一向都是必叫照牌菜，芋蓉份量十足，食得出真材實料，芋味香濃，而且炸得好鬆化可口。如果不愛吃醬汁，可以落單時都特別要求汁另上，咁就可以自行點幾多醬都得。西檸軟鴨  $90食齋菜最鍾意食齋鴨，用腐竹一層層製成，口感有層次，表面亦煎炸得金黃。雲泉鼎上素  $90 味道較淡有D遜色，略嫌木耳太少。

今天勞工假，本想到粉嶺採摘士多啤梨，可惜原來已過了採摘的時候，真掃興。時間已近十二時，於是我倆便到了附近的雲泉仙館吃齋菜。到售票處選了菜後，拿了一個號碼牌和發票，便進入了食堂。內裏已坐滿了八成食客，服務員為我們安排好座位後，便等待我們的食物到來。這裏的飯和粥原來是任添的，全是自助形式。拿好碗筷，食物便送到了！~羅漢齋 （$90）材料豐富，計有滑滑的草菇、磨菇、冬菇和雲耳；爽囗的紅蘿蔔片、粟米仔和雪耳；還有好物沈歸底的鮮揶菜。整個餸都好清淡，味道不會太鹹或淡，獻汁薄簿有光彩又不肥膩。~七彩素拼盤 （$90）顏色討人，有橙色的酸齋和齋叉燒、黃色的咖哩齋和素雞，淡啡色的豉油齋和齋燒鵝粒，最脆口的還是放在頂的素鵝，外脆內軟。這裏的齋菜對二人來説是大了些，所以我們最後還是要打包剩餘的食物回家。不可不提的是這裡的粥煲得綿綿的，內裏還有腐竹，非常美味。相比之下，白飯只是一般。平日多吃肉，間中吃吃素可清清腸胃，確是好選擇！飯後便遊遊園，賞賞花，非常寫意。

噚日練完波約埋波友一行 6 人嚟雲泉食晏，好彩假日都唔算多人，好快點好食物揾到檯就坐定定等食。識途老馬好快就洗好碗筷兼裝好 6 碗粥，呢度叫餸飯粥任食，識食一定要食粥，夠香滑仲要好香腐竹味，有條友食咗 5 碗 🤣🤣🤣 不過我都食咗 2 碗半 😜我哋叫咗香酥荔芋卷，呢個繁忙時間可能會唔做，所以有的話我通常都會叫，水準一流，芋泥夠 creamy 👍👍春卷拼西檸鴨都好香口，記得自己去裝喼汁呀 😋美果扒雙菇第一個餸上檯，個個都餓好快無咗一半; 鮑魚菇扒豆苗，啲鮑魚菇好爽口，豆苗係用西式沙律嗰隻，好香; 宮寶腰花蝦辣小小。食飽飽啲姐姐好快嚟清檯，想坐多陣都唔得架!

黎到雲泉拜太歲，所以就順道食埋中午飯先走。佢可以選擇坐外面或者室內用餐，因為天氣有d熱，所以都選擇左室內有冷氣舒舒服服咁食。 佢有好多款套餐選擇，但由於我地得5個人，所以就選擇左散叫。叫左春卷拼西檸雞，豉椒炒田螺，鮑魚菇豆苗同埋蜜糖豆炒排骨。餸菜份量都幾大碟，味道唔錯，個豉椒炒田螺真係好似。餐廳白飯同粥都係自助，佢地既粥煲到好軟綿綿，好好味，我都食左兩碗。上菜都好快手，落單無幾耐就送到黎，餸菜熱辣辣

新年同媽咪去雲泉仙館攝太歲， 好多人喺度食緊齋， 我哋兩個人就叫咗兩個餸， 一個係 芋頭魚90蚊， 另外一個係椒鹽 四寶 105蚊，加埋一兩個餸食左215蚊， 雖然唔算平但係呢度嘅齋菜碟碟都好大碟， 同埋佢係任你食白粥或者白飯兩個人都食唔曬兩個餸， 佢呢度嘅炸物炸得好酥脆， 芋頭魚都好足料超好味，所以每年都會黎食一次

早2日上網見有一條叫坪洋壁畫邨的地方，想去睇吓，男友話果度近雲泉仙觀，不如去食埋齋吖，問一問家人，大家都話好，yeah~!家庭旅行成團了，星期日起身，去食個齋早午餐，11點半去到，已經幾多人了，好耐冇黎過，環境沒有點改變。兩位長老先去左攞枱，我同細佬就去點菜，芋頭魚，鮑魚菇豆苗、炸春卷拼西檸雞，豉椒炒田螺和椒鹽茄子，阿姐話仲有兩份腐皮卷要不要試下？平時好少做的，咁當然要一份啦，足夠了，返去座位洗吓D碗，庄好粥等齋菜到，上菜速度亦都好快，不用十分鐘，齋菜已到齊，芋頭魚但略嫌五柳汁夠，叫阿姐比多少少，亦好快庒了一碗給我們，鮑魚菇豆苗清脆爽口、豉椒炒田螺惹味，素田螺質地彈牙真的有點像真的田螺。椒鹽茄子炸皮太厚所以感到很油膩，腐皮卷的確幾好食，外層腐皮炸得乾爽鬆化內裡巻著滿滿的芽菜素菜，美味。光顧齌菜，雲泉的粥飯任食，但白粥比飯出色，煲得綿綿的，帶點腐竹香。其實只食粥都飽。

週末一家人四圍遊，今天想食齋，就決定去雲泉，又可以行吓，11點半去到，今天都幾多人，先去點齌，揾位坐好，再洗好碗庒定粥飯，這𥚃買齋菜，白粥、白飯是任食。好快D齋菜送到，今天點了最愛芋頭魚，腐皮卷，西檸雞并春卷，，菇炒豆苗，豉椒炒田螺！芋頭魚香硊，芋頭粉香，配上五柳甜酸汁，非常開胃！腐皮卷包著蔬菜，外皮酥硊，；西檸雞，檸汁香，豆味足，春卷足料，豉椒炒田螺是另一碟驚喜的素菜，素田螺彈牙，豉汁香炒送粥一流！這𥚃的白粥㷛得又綿又香。

每年拜山 & 雲泉食齋 指定動作雲泉嘅白粥出晒名只要有幫襯 白飯白粥任裝……好多遊人都會包1~2碗番去 雖然又食又拎 都自重嘅春卷併西檸鴨~ $90 份量大 低食即炸 熱氣㗎春卷脆皮 饀料香西檸鴨~ 好味素鴨 甜甜少酸 幾油膩雲泉頂上素~ $90 很一般 質素下越做越差 過往都係用罐頭菇 椰菜墊底 總覺得唔夾 冇紹菜粉絲竟然有竹笙…不過 係棄料嘅竹笙硬頭汁料淡味 唔夠熱 失望題外話 真實事 生意難做有見過很過份嘅1對中青男女 身光頸靚 名牌波鞋袋 但竟然……唔叫食物 斯斯然坐低洗碗 係咁食粥……女侍應都察覺到 都開聲問 落咗單未？這對男女 支吾以對 食夠粥就起身走人咁都得 …… 🤦‍♀️之後雲泉就有新規矩 :要買咗單 攞咗牌仔 至可以入座

春卷拼西檸鴨：春卷皮夠薄夠脆，唔會太燶，炸得剛剛好，西檸鴨厚身得來唔會太實，就算已淋上檸檬汁仍然有脆口感，檸檬汁甜味調得好好，完全帶起食慾。竹笙四蔬：竹笙、西蘭花、磨菇、竹筍、冬菇，單看照片就知道份量不少，竹笙爽脆，其他四蔬都好入味。翡翠排骨：蜜豆、竹筍、磨菇、素肉，要講講蜜豆，夠肉地炒得好好食。腰果大蝦：腰果、西芹、竹筍、磨菇、素蝦，腰果好香脆，西芹又爽甜。芋頭魚：芋頭魚通常好難唔好食，甜酸汁調得好適中，大小剛好，炸得夠脆白粥：沒有照片，因為根本好味到不用照片，要親身去試才知道有幾香白果味及綿密。

今日同屋企人去拜山🌈經過見到有齋食就入去試試入到去，🌸🌸環境清幽，好多座位， 非常舒服我地叫左芋頭魚 同幾碟齋🌝🌝🌝🌝店內有飯有白果粥是免費供應的☺️客人可以任吃白果粥非常香，第一次食好特別喔👏👏👏芋頭魚夠脆，芋頭魚上既汁好好食也，酸酸甜甜好開胃👏👏👏👏而其他嘅齋都唔錯👍🏻👍🏻👍🏻員工態度非常好👏👏好有人情味👏👏整體來講，好滿意下次拜山一定會再食值得一試喔價錢又唔貴👍🏻👍🏻👍🏻🌈

記得好多年前黎呢度食齋, 那時很多一日團來這裏吃齋, 人頭湧湧, 裝粥那條人龍....像60年代輪米似的長又長, 自從那次起....怕怕, 很久沒來了, 今日再來, 食齋的客人仍多, 但已沒有了那些年的墟冚場面, 感覺良好,嚟呢度食齋先到收銀處付款買食物, 職員會畀一個號碼排你, 衹要張牌後放在餐枱上, 食物便會送到, 碗筷自取。乳豬 ($80)乾身有點硬, 味道跟真實乳豬有點距離, 味道還是不錯的, 頗好咬口。春卷拼西檸鴨 ($80)春捲炸得脆口, 入口索索聲, 好食, 至於那個西檸鴨個人更喜歡, 不經油炸的腐皮軟腍香滑, 豆味是少了一點, 個西檸汁酸酸甜甜好開胃加分不少。豉椒田螺 ($80)呢個豉椒炒田螺好惹味, 送飯最好, 田螺應該用魔芋造, 好爽口, 味道都帶田螺點爽甜, 食齋有時都幾好玩....會想像下佢點樣調味？希望唔係用化學品啦。五柳魚 ($80)由細到大最愛齋菜就是芋泥魚及酸齋, 芋頭蓉軟滑棉香, 魚皮炸得脆脆的, 伴五柳甜酸汁食腰果大蝦 ($80)口感及味道像真度頗高的大蝦鮑魚菇蔬菜 ($80)最把鬼的一味, 菜心老過我阿媽, 勁多渣, 滯銷, 鮑魚菇就扣得唔錯, 清

到雲泉仙館一定要吃素菜，只為了那碗熱熱香香淡淡綿綿的白粥。一行得四隻腳，可以叫的素菜不多，來一碟五彩什齋，再來一碟冬菇扒豆苗，已知兩個人吃不下兩碟素菜，所以已預備盒子拿回家再吃。素菜大大碟，用料新鮮，味道清新，再配上那碗粥，一口一口吃了三四碗之多。。。朋友說要吃五柳仙斑，四個人都食唔哂，下次班齊人至得。喜歡。。。好掛住碗白粥哦！

上年今日又係去咗食齋, 跟住寫食評上載極都上載唔到,整整下成篇稿冇曬, 今年再接再厲, 又去食齋,當然又要做未做完既野啦。坐港鐵去到粉嶺,跟住轉乘小巴,不斷有車,只係等咗五分鐘, 坐車坐咗十零分鐘就到喇,都好方便。一去到即刻排隊買飛, 有兩條隊一條係排散餐, 一條係排套餐, 邊排隊邊諗食乜嘢, 去到剛剛諗完,都好快呀。跟住喺右手邊比錢,再在左手邊排隊等入座。坐低後, 要自己攞碗攞筷子, 白粥白飯任裝, 有左上年嘅經驗,今年我哋知道要見到佢送出白飯白粥先好攞, 咁就唔使食凍嘅飯同粥喇。佢嘅白粥都好綿, 但係就唔夠果皮味。五柳素石斑好大條, 炸得好鬆脆。上年春捲炸得好鬆脆同好大件既,今年細件咗同埋炸得有啲油同唔夠鬆。椒鹽排骨真係有陣排骨味㗎喎七彩拼盤呢就麻麻地啦,酸齋就可以囉, 其他嗰啲都唔係幾好味。琵琶鴨我就唔覺得有鴨味囉。紅燒豆腐中規中矩啦鮑魚菇時菜啲菇同菜都ok, 原先諗住呢隻菜苗呢會好青味,但佢煮到剛又夠熟又唔會太淋,味道比想像中好。翡翠大蝦,d蝦都有啲似喎爽爽哋咁囉整體味道唔錯,價錢又平,環境又靚,經濟實惠囉。

雲泉仙館內的南齋，絕對不是ㄧ般的齋菜館。仙館環境清靜,鳥語花香,盤栽處處。探訪當日,和老友記大約十一時到達雲泉仙館,見時間尚早,加上踏入了十ㄧ月,天氣也没有那麼熱便在仙館內走ㄧ走。行完ㄧ圈,剛好十二時正,便點菜食齋去了。首先要到買餐處點菜及付費。齋菜選舉也很多,應該總有ㄧ款適合不同口味的食客。今次選了七彩素拼盤及五枊素石班。七彩素拼盤,有齊七種素燒味的款式,不錯。五枊素石班,魚頭也鵰刻出來,真有趣。不過美中不足是免費的白飯及白粥不靠熱。