雲川 米線．紅薯粉 (富麗大廈)

营业中

休息中

知道我鐘意食米線。住屯門既朋友經常都叫我一定要黎試下雲川燒既豬頸肉米線，不過唔就腳成日都諗下就算，今次朋友終於要捉我黎試下話唔試會後悔！係門口睇，人唔係好多，以為冇咩特別，應該都係名大過實，因為實在太多咩最好食既米線等等，成日都試到伏野，所以都冇抱咩大期望。不過碗麵一黎到，已經有啲意外好香，試一試個湯，好味夠濃豬頸肉果然出色外脆內軟，唔會好硬。米線好滑而軟硬亦都岩岩好，唔會太淋太硬。小食都好多選擇可以再戰

諗起食米線，我一定係第一時間諗起呢間。因為真係好好味！食過好多次咖喇，呢間抵佢咁多生意。酸辣米線加大腸、豬頸肉 少辣佢個少辣都已經好辣，個湯好酸好正！加埋啲餸，真係好多的！豬頸肉切絲，但應該都有成塊系度！大腸煮得夠軟，又入味。另外佢個豬骨湯同魚湯都好好味，餸就仲有豬排好好食，而且真係成塊咁濟。以我經驗，下午茶去仲抵食，不過本身都唔貴。其實佢地仲有串燒食，不過好少食，一個米線真係好夠食，食完覺得好滿足！

屯門站附近有間好出名既鮮魚湯米線，不過成日都好多人，而且好逼。位於虹橋，有間叫雲川燒既米線鋪，同埋都有鮮魚湯既米線🍜我叫左花枝丸+豬排 鮮魚湯紅薯粉，我朋友就叫左腩肉+福洲魚丸 鮮魚湯米線。雲川燒既米線/紅薯粉其實都算大碗豬排就普通啦，好味既；花枝丸就正喇，非常彈牙，唔係一舊粉，食到花枝既，喱個我好推介至於腩肉就少少肥，福州魚丸都幾正加埋凍飲，兩餸既晚餐，46蚊，過得去啦性價比下次要試下佢推介既其他餸！

呢度既豬頸肉米線令我經常食過番尋味，今次就同埋朋友一齊食！收工番到屯門，約朋友7點，還有不少座位。天氣熱，當然要叫凍飲。我便是酸辣微辣豬頸肉花枝丸米線、凍檸茶；朋友一的是豬骨湯豬頸肉腩肉米線、凍檸茶；朋友二是豬骨湯雞翼米線、凍柚子蜜。豬頸肉每次吃也是一樣，切得薄薄的，很惹味。腩肉很入味，肥肉雞翼普通，朋友只是想吃便吃！

雲川燒在虹橋都開了一段時間，是我最常吃的一間米線鋪。雲川燒虹橋店未開之前，雲貴風是區內數一數二好食的米線鋪；雲川燒虹橋店開了之後，環境比較乾淨、座位比較多，拋棄了雲貴風，投入雲川燒的懷抱！當然，兩間各有不同，但雲川燒是我榜上第一☝️雖然雲川燒都吃過好多次，但每次也是要酸辣米線的，當然辣度試過微、小、中，如果落單無講要咩辣，來到就是中辣了！餸方面：豬頸肉、蘿蔔、花枝丸也是推介的！ 豬潤就切太薄呢！豬頸肉水準一直無變，是必吃首選！蘿蔔很甜，應該事先有浸糖水。$43，包一杯飲料。

近期經常幫襯呢間米線, 原因好簡單, 因為湯底岩口味, 而且餸既份量夠多,價錢合理。今次叫左一碗酸辣湯紅薯粉, 大辣 (想要特辣要加錢, 覺得唔太大分別, 只係辣少少, 所以唔駛特別轉特辣) 配豬大腸, 雲吞 ( 雲吞有3大粒, 出面好多時只有2粒咋), 仲有螺旋藻 ( 即係類似海帶)。另一碗酸辣湯米線, 小辣, 配豬頸肉 (豬頸肉基本上必叫, 細細條, 份量好多)跟餐送熱飲, 凍飲加$2。不過我通常都會飲豆漿, 只係加$3, 大大枝好抵飲, 豆味夠。推介小食係手撕雞, 值得一試。香茅豬扒都唔錯, 跟麵餐果陣可叫佢另上, 唔改比信湯浸住 ( 只有豬扒可以另上, 其他餸唔得架)

今日去開紅橋，同家姐試呢間。我叫左花枝丸紅薯粉，家姐叫左菜肉雲吞紅薯粉，魚湯底魚湯有小量味精，紅薯粉un 到咬不開。但d 餸真係好好味。花枝丸似係自己打的，鬆同香，無味精雲吞的豬肉好新鮮。下次不叫粉，只叫小食應好些

雲川燒係我屯門區食過最好味既一間米線店，亦有好多回憶，最初係朋友介紹我黎， 之後我都介紹好多朋友黎。今次叫咗豬頸肉加雲吞米線，麻辣湯底 ，豬頸肉燒得脆口唔會太乾身 ，雲吞大大粒 ，足料，呢兩個送絕對係推介之選，麻辣湯底香濃 ，米線煮得適中 ，唔會太軟身 ，會繼續支持呢間米線店。

身為一個米線愛好者，怎能錯過任何一個嘗試米線的機會？！身為屯門的一分子，必定要嘗盡任何一個角度的米線店。經常搭巴士經過的一間米線，終於有機會試到你了！當晚大概7點左右，店舖外面已經站滿了一堆等待外賣的人。幸好，店舖內暫時都是九成滿二人座位很容易便找到。坐低後，餐牌跟平常的米線舖沒太大分別，湯類分別有5款，分別是豬骨湯、鮮魚湯、酸辣湯、麻辣湯和熱拌。我選的是酸辣湯配上蘿蔔和墨魚咀，而男朋友選的是麻辣湯配上冬菇、豬排和螺旋藻，另外我們點了麻辣雲耳和白菜。首先說一下湯底，麻辣湯充滿濃濃的麻辣味，口感豐富，而酸辣湯的酸味適中，不會太酸而蓋過原本湯底的味道。配料方面，首先要讚賞一下螺旋藻和冬菇，螺旋藻口感比較爽口，而湯的味道則入了冬菇裡頭！而其他的配料相對比較普通，所以我建議未吃過的人可嘗試螺旋藻和冬菇。總括來說，這家米線舖的口味滿不錯，加上地點在我家的附近，我必會經常光顧！

由建生總店開始已經好中意食但可以位置太唔方便，始終都唔係成日食到點知佢係紅橋開左間分店，位置十分便利，搞到我成日唔知食咩好就嚟左雲川燒紅橋店開左呢半年左右我成日都去幫襯推薦酸辣湯底同豬頸肉，每次黎都會點有次病病地想食米線揀左豬骨湯底都唔差，但麻辣就唔建議了，食過一次覺得麻麻佢既豬頸肉係切到一條條咁上，份量都幾多除左豬頸肉外，花枝丸、魚角、蘿蔔、豬大腸都好食小食方面春卷，炸花枝丸都可以一戰不過始終係快餐店，啲位麻麻地成日覺得佢個排位好古怪，有啲卡位係坐圓凳，有啲位又對住牆食哈但都係一間整理乾淨嘅餐廳

朋友話雲川燒係非常值得一試既一間紅薯粉店，好日都唔尼屯門一次既我就決定尼試一下，一探究竟。今次係尼食夜晚既，門口見到入面都好多人下，坐得都幾逼，證明真係出名既一間鋪頭。好在今次可以坐卡位，所以闊落得多。呢到光線好充足，你話情調就冇架啦，都係focus返係食物到啦我就叫左豬頸肉同福州魚蛋做餸，配合豬骨湯底既紅薯粉(我唔太食得辣，不過好似話酸辣都不錯架)，加3蚊有支豆漿。香噴噴既薯粉到啦!湯底好鮮甜，未食之前梗係飲返幾啖先啦豬頸肉份量估唔到咁多，食極都食唔哂，味道又正!福州魚蛋唔係魚蛋咁簡單，入面有豬肉餡，一咬就爆哂汁，正呀!豆漿大大支夠哂抵。價錢又唔算貴，下次再戰!

之前友人推介建生雲川燒好好食 原來虹橋呢邊都有分店 一於試下啦😎2點鐘開始下午茶 都幾多人幫襯 新一年新餐牌 冇左以前既下午茶兩餸優惠嗌左個麻辣豬頸肉貢丸米線(微辣) $39 凍飲+$2米線軟硬度岩岩好 肉碎好惹味 只係肥豬肉比例多左d呢度既豬頸肉係必食 唔好睇佢剪到一條條幼條狀咁 其實份量超多 食曬d麵都仲有!! 燒得外脆內嫩多汁 醃得甜甜地 總之就超級香口惹味 係我成世食過最好味既豬頸肉之一!!!😍香菇貢丸都好彈牙有咬口 呢度既微辣對我游刃有餘 低估左自己 下次可以挑戰小辣😂

雲川燒建生果間好耐之前食過都幾好食，估唔到係虹橋都開左。其實虹橋都幾正，夠多小店，又多咗雲川燒呢個選擇。不過呢間新店就冇左串燒，得麵食。麵加一個餸加杯熱飲都係３６蚊，唔貴。叫左腩肉酸辣紅薯粉微辣同埋花枝丸豬骨濃湯米線，賣相唔錯。雖然已經叫左微辣，但係辣度都有返咁上下（呀牛我唔係好得食辣），要慢慢食。都見到面頭有一大片辣油，辣得黎都有啲香麻，夾埋陣酸味簡直係啱啱好，又幾正。腩肉真係一定要講，份量好足，仲要片片都夠大片同埋入味，多到好似食極都仲有咁。朋友個豬骨湯初初以為係唔辣嘅，黎到先發現睇漏眼，原來有啲辣肉碎，所以都會有少少辣。一飲個湯底就有比較，豬骨湯夠鮮夠濃，而個酸辣就有啲味精嘅感覺，不過食辣就係咁架啦～佢粒花枝丸出奇地好食，真係有啲花枝係入面，真材實料。野飲叫左凍檸茶同熱華田，普通茶記貨色，不過呢杯凍檸茶真係成杯都係冰...新開嘅舖頭，點都係比較乾淨企理，坐得舒服。食飯時間好快就滿座。下次再黎就可以試下佢個魚湯同豬扒嚕。開係虹橋完全夠競爭力。

星期五下班沒有約會，老公開夜班，晚餐要自己搞定原本打算在家煮飯仔，但是在回家的路上，看到紅橋附近開了一家新開的酸辣米線餐廳。店內裝修光猛，座位寬敞舒適，十分乾淨 坐下後，覺得好舒服啊～餐廳下單程序現代化，服務員利用電子儀器下單，十分方便要效率晚餐食得早，餐廳客人疏落，我也坐的自在。我叫了豬頸肉酸辣米線（中辣），送熱飲，合共$36 好抵食！整體來說，辣度不夠，食落似“少辣”，酸度也不太足夠，可以再重手一點豬頸肉切成細條，分量十足，肉質夠軟，很香！

今次夠曬懶惰，食左兩次，先一次過寫食評新開嘅米線，不過不失， 亦冇乜味精，唔會食完好口渴 我食兩次都係食腩肉+墨魚咀， 一次麻小辣一次麻中辣。 對於我嚟講辣度唔夠， 佢中辣都冇譚仔嘅小辣咁辣，不過味道係ok嘅。餸既量都算適中啦， 不過配菜唔夠多。 大食少少嘅可能要叫多幾個餸， 不過就會開始好貴無意中發現食米線飲利賓納係好正嘅。呢度食其實不過不失啦， 不過附近更好嘅選擇都唔少囉。 加上本身餐牌嘅變化不太多 …… 店主真係要加油啦，唔係點樣可以做得住呀！