雲川 米線．紅薯粉 (富麗大廈)

营业中

休息中

😋😋😋😋😋呢間已經係第二間分店以前食開盈豐嗰間第一次食已經愛上左佢個神級豬頸肉要講多次佢個豬頸肉真係好好食 整到好乾身唔入味絕對係第一選擇😍😍😍😍鍾意食辣嘅我梗係帶佢個酸辣湯底鍾意食酸嘅朋友真係唔可以錯過小辣剛剛好唔會太辣比起其他米線店嘅小辣嘅程度做得好好 😍每個月都要食一次😂 30幾蚊包一杯嘢飲真係又抵又好食米線迷必試

成日都睇post介紹邊到嘅米線好食，個人黎講覺得有幾間都真係特別出色，而依間就係其中一間！價錢合理，$38包一個餸同野飲依到我覺得最出色係之前黎食過嘅豬頸肉！切到勁幼，同出面食嘅唔同，份量好似好多咁(可能因為切細左有錯覺haha)，易入口啲同真係好入味今次唔想食肉，所以叫左生菜同醬爆魚蛋！咁依兩個餸就無乜特別嘅。不過依間個湯底好正，我叫左酸辣湯，嗌左微酸辣所以唔太辣嘅，酸酸辣辣好開胃，而且肉碎好多味道好濃住屯門嘅人唔好錯過！

最近都幾鐘意食粉麵、車仔麵、米線類，連續兩星期喺虹橋食晚飯，其中一日揀左雲川燒，雖然聽過唔少人表示盈豐商場總店出品較好，但由於呢度大啲同埋較方便我地，所以一直都係光顧後者。店內位置唔少，座位密麻，但真係好旺，基本上每次黎都有人龍，所以有心理準備要候座餐牌同一般米線店無異，湯底分豬骨、鮮魚、酸辣、麻辣及拌麵，食唔食得辣都有選擇。可配米線或紅薯粉，基本一款配料定價$38，有豬扒、豬頸肉、雞翼等較受歡迎的選擇，也有丸類、蔬菜菇菌等，加餸每款$7，上限為四款，附送熱飲。穿著校服的中學生或平日下午茶時段更可減$4。雖然基本款比起我地大半年前黎加左1蚊，但依然抵食，配凍飲都係加3蚊。豬頸肉、雞翼麻辣米線 $45/中辣香辣腩肉、豬大腸麻辣米線 $45/小辣麻辣湯可選微/小/中/大/特辣，配有蔥、芽菜、韭菜及辣肉碎，如果有唔想要的，可以在落單時跟店員示意。米線大碗料足，印象中點一款配料嘅份量相對會較多。湯底色澤偏淡，唔會紅彤彤，亦未見大量油光。老實講小辣同中辣嘅差別唔大，入口微辣帶酸，完全唔麻唔過鹹，算係比較溫和，冇乜驚豔位，如果嗜辣或者食得辣嘅朋友起碼要點中辣或以上。豬頸肉係雲川燒其中一款人氣配料，

之前食過屯門另一間雲川燒，位置較偏僻，但因為係總店，所以去幾次都好多人排隊。而呢間位於屯門紅橋附近，位置較方便，餐廳都比總店大同新。一如既往我都係叫返豬頸肉麻辣米線，一樣地叫左手撕雞。其實味道同總店基本上係一樣咁好味，豬頸肉份量都多，上菜速度都可以（十分鐘內）。如果一定要比較，只可以話手撕雞份量比總店少😂 總店係用一個大正方形碟裝，而呢間係用一個小長方形碟。但不論入座時間，環境，食物質素，雲川燒真係無得頂😭 如果唔係淨係屯門有，真係有機會一諗唔到食咩就去😂 Anyway，一定會推薦比朋友😋

「米線迷系列：二」/ 雲川燒之前第一間米線的食評是：雲家小鍋米線，第二家是：雲貴軒。這次經過一眾朋友的介紹，找到了這家：雲川燒上網看到很多人推薦的不是米線也不是湯底，而是「豬頸肉」。今天就去吃吃看！店面位置都尚算多，但是中午一點多去到也要等15MIN才有位置我點了：酸辣米線（小辣）+雲吞 ＝ $38 友人點了：酸辣米線（微辣_）＋豬扒＝ $ 38然後單點了 一個豬頸肉 $26豬頸肉 $26醃得很入味，帶有一點蜜汁味，外層燒得香脆，邊位還有一點脆邊，咬下去則肉汁滿滿這家的豬頸肉不是街外那些形象，而是把他切成細細長長的形，可能是方便跟米線一起吃？湯底是酸辣湯，最重要的是不是街外那些罐頭酸辣湯（有食過雲貴香和雲家就知道，什麼叫罐頭酸辣湯）偏酸帶有一點點辣，可能我叫小辣，所以沒什麼辣味配料就有齊韭菜、芽菜、酸菜、肉碎，絕對足料但米線煮太久了吧？很腍，絕對扣分點！雲吞正常，沒有什麼特別豬扒好食，香茅味好重，醃得好夠總結來說，整體也很好，湯底有特色，豬頸肉出色，豬扒有驚喜位！

聽講左好耐屯門有間好正既米線 今日終於醒起又經過屯門就過來試下 大約1230來到 一個人可以搭台唔使等位 🤭🤭睇左食評話豬頸肉係必點 跟住今日好熱又唔係太想食辣 所以叫左個豬頸肉撈紅薯粉 呢碗粉睇落無咩特別 但d豬頸肉真係好好食 佢係好似平時食果d燶邊差燒咁 甜甜地同脆脆地好惹味 而且份量好多 唔係平時叫果d咁得幾片 呢度起碼有十幾條好抵食 就算叫一個餸都夠飽！個底仲有d酸酸地既汁比你撈 所以成個粉食落唔會乾 仲好滑 真係超好食😋😋連杯凍檸茶都好味過出面茶記 茶底唔澀👍🏻👍🏻下次想再來試埋佢個酸辣湯！

晚飯時間好多人食，多數都要同人搭枱，座位比總店舒服，野食味道兩間都差吾多，$38一碗一餸米線/薯粉，加餸就$7@1個，最多只可以加4個。♥️豬頸肉、香辣腩肉豬骨湯薯粉 $45豬頸肉燒得軟香入味(推介👍🏻)，甜甜地唯一要彈既係切得太幼身，小左啲口感，薯粉夠煙韌，豬骨湯夠濃，食完吾會好口渴。♥️香茅豬排、豬大腸小麻辣湯米線 $45香茅豬排好軟熟又大塊，豬大腸炆得夠淋身，容易咬得開，麻辣湯底夠惹味，一啖湯一啖米線，正😋！

屯門朋友介紹嘅，夜晚8點多去都要排一陣隊。我叫咗個酸辣湯豬頸肉紅薯粉-$38。cp值好高。豬頸肉嘅份量很多，同埋調味好好食。佢個湯都好正，唔係得酸味。同平時食到嘅酸辣湯有啲唔同，但我覺得係好食啲，真係差啲飲曬佢個湯。

搬咗入屯門幾個月，總覺得夜少少都真心無咩好野食！-今晚突然想食宵夜，就試下去紅橋搵食！行左個圈之後，最後都係揀咗雲南米線開胃d，同埋暫時得屯門有架咋，雖然見Openrice好好好評，但我都不敢抱太大嘅期望。結果，竟然有意想不到嘅驚喜喎！-豬頸肉香脆可口，但個人認為酸辣口味就略嫌偏酸喇！豬扒香脆入味，豬骨湯濃郁好味！另外叫左兩款小食，涼拌萵筍絲同麻辣手撕雞，兩樣都好食，性價比高嘅宵夜之選！-下次試下佢個麻辣湯底同涼拌海蜇頭先！🤤

很喜歡辣味，這裡的米線湯底最好吃，不管是酸辣還是麻辣，最要緊的湯底有好多肉末，味道濃郁，每次端上來我都是第一時間連喝幾口湯，豬頸肉、豬扒、墨魚丸、冬菇都是必點的料，豬扒豬頸肉被煎得得金黃香脆，肉汁也多，真的好好吃，米線也彈牙，一流

聽人講話依間好好食 話一定要試咁我就嚟試吓啦🤤我揀咗#酸辣湯 $36餸就叫咗#豬大腸 $7 同埋#香茅豬扒 $7😆豬扒真係好大塊 而且豬大腸都切得好大舊 份量又多😋湯底都幾濃味 酸味適中米線亦都唔會煮得太淋聽講依到出名嘅係豬頸肉 下次要試下先得😆評分:7/10

正因為紅橋多食肆，所以如果唔係出類拔萃嘅店舖都唔會有人排隊就係呢間，每次搭車經過門口都勁多人圍，令我心思思今日都專登過嚟試一試餐牌上有好多餸，有點選擇困難，最後叫了豬扒豬頸肉枝竹酸辣米線，見到待應姐姐好忙碌，但依然好禮貌👍🏻等咗一陣就已經送到面前了，酸辣湯底濃淡適中，米線煙韌，好多枝竹，朱頸肉香口好味，如果切粗啲就更加好；香茅朱扒好入味係超好味，第一口試時真係覺得好感動無揀錯～😋而且佢哋環境衞生做得好好，枱面好乾淨，唔會迫又坐得都好舒服。屯門區難得有好味食肆呀～真好！！

虹橋既雲川燒開到好夜，突然想食麻辣，為左止一止個麻辣癮，食碗麻辣米線先～麻辣湯小鍋米線 $38配豬頸肉、小辣豬頸肉岀奇地好味，有驚喜，調味料好入味，同出面唔同既係佢好薄身，唔係好厚既豬頸肉，唔會難咬，個表皮仲脆脆地，正啊！估唔到咁出色！推薦大家一試！不過麻辣湯湯底（小辣）好明顯係唔夠辣，真係只有好少麻辣（同微辣有得比），下次至少叫中辣～我個麻辣癮未解到啊！由於個麻辣湯未解到條癮，所以叫多碟麻辣雞軟骨先！麻辣雞軟骨 $26小小麻辣粉係上面，食一粒兩粒唔覺有麻，但會愈食愈麻😂幾過癮，酸辣醬配上雞軟骨係會無味，唔沾都得！好正個麻辣粉！即時解左條癮！餐牌上太多試唔曬！下次試埋其他推介先！

工作地方轉了去屯門，對屯門區不熟悉。有位地膽的朋友帶我到屯門很出名的米線試試。這間餐廳很近輕鐵站，不難找到這間舖。米線套餐有五款，每款米線包一餸，其後就需另外加錢。餸的款式亦算很多。朋友點麻辣湯米線(微辣)，香茅豬排，及餐飲凍奶茶。香茅豬排肉質很淋，很易咀嚼，而且很入味! 我點了麻辣米線(小辣)，豬頸肉和蘿蔔和餐飲熱檸水。不得不讚的是米線，很彈身，而且能夠掛到麻辣汁，很夾。小麻辣的湯底有麻，但沒有辣味。豬頸肉切幼條，不會過靭，份量很多! 蘿蔔超甜，而且沒有蘿蔔硬的絲，處理得很好!! 果然是名不虛傳的啊。

店面雖然小，但無影響佢食物嘅質素。店內招牌就係佢嘅米線。佢米線嘅湯底熬得好香濃，唔似出面嗰d淨係得味精嘅湯底咁。魚湯熬得好鮮甜，而酸辣湯就好野味，越食越好味。而配料選擇亦都有好多，當中以豬頸肉最好味。佢嘅豬頸肉燒得甜甜地，味道非常特別。