雲川 米線．紅薯粉 (富麗大廈)

营业中

休息中

去開呢頭接女朋友，發現到呢間野平時食親呢類粉麵都唔中意有湯特別係大熱天時，食湯麵會食到身水身汗所以我好多時都會叫熱拌類今次就仲叫左三餸熱拌紅薯粉！雞翼黎講都幾大隻，脹卜卜，啲肉都幾滑嫩可以再入味啲但都算唔錯豬頸肉醃得夠好惹味，面頭咬落少少脆唔會太乾，但個人唔太中意呢種切法太幼身，打橫片切咁樣賣相同口感會更正望落都大塊啲啦而豬扒就冇乜特別，少少鞋但個味還好紅薯粉個份量適中，男人黎講叫3個餸加呢兜粉夠飽如果兩個餸可能就未必夠個熱拌汁唔錯，幾有層次唔會一味得個鹹字但係不足嘅係啲紅薯粉煮完隔水隔得唔夠搞到個碗底好多水，啲熱拌汁溝淡左

雲川燒貴為屯門第一米線 平時都好多人排隊 所以我同朋友都特登揀咗喺平日嘅下午茶時間嚟食 除咗避免排隊之外 下午茶時間仲要平$4包多杯熱野飲😁我叫咗佢嘅 #香茅豬排 #豬頸肉 #麻辣湯紅薯粉（中辣） 因為上兩次都叫左米線想轉轉意思；湯底一向都極有水準 金黃色的麻辣湯入面有蔥，芽菜，韭菜，辣肉碎 香濃同埋好重麻味🥵🥵豬頸肉切成幼條 面層燒至焦脆 食落香口而且有蜜香 肉質保持軟嫩👍🏻豬排另上就唔洗比湯浸軟外皮 食落有濃郁的香茅味 而且一啲都唔鞋 必叫🤤回頭率超高米線😳😳正到喊😭

呢間雲川燒都長期多人食，見到個餐牌樣樣都好想試下，好多炸既小食好似都好好味。叫左酸辣米線，豬頸肉加蘿蔔。豬頸肉應該係招牌，差唔多個個都叫，真係幾好食，鐘意佢夠薄同唔太肥，夠入味。蘿白就一般般，有啲假甜，但好大舊，有三四舊，抵👍🏻呢個麻辣拍青瓜好好味！會食唔停👍🏻👍🏻👍🏻青瓜夠爽脆，麻辣醬夠掛汁，正。呢個香煎墨魚餅好出色，炸得啱啱好，入面既墨魚好爽，好彈牙，估唔到呢間既小食係咁出色。仲有好多樣想試，炸雞翼，豬耳....下次可以試下。

我是一個8個月的大肚婆並用open rice咁耐以黎第一次打劣評事源今日進入鋪頭門口，探熱後呀姐叫我座中間嘅檯及座圓椅，但因為我已經手抽一大袋野及咩背包🙃我問可否座卡位？她們好像不想我座卡位並說如果多人就要搭檯，我強調因為我大肚+拎得多野所以先想座卡位而侍應們告知只可兩人座卡位，其後侍應安排我座啲最埋最入仲要放滿曬雜物嘅單人卡位，令我出入困難，卡位座位上也有水漬，我也忍住座下，因為當時真的太餓+非常喜歡吃米線+還有交通問題所以才去的其實我絕對明白午餐時段多人所以先話兩人可以座卡位的，方便侍應安排客人定係歧視大肚婆唔可以拎得多野先可以入去食？一係我入門口前講清楚座圓椅，如果拎得多野嘅，必須放係地下，咁我咪唔會入去食，啲野放圓椅又阻人坐，放係地下又阻人行連我自己都驚cake到人行😓要讚的是只有其中一個侍應好細心咁講雲吞要分開上

今天專程到景峰吃酸辣米線。自從家人光顧過就讚不絕口，所以就在家人的帶路下來到這間酸辣米線專門店─雲川燒。其實景峰還有一間很出名的米線專門店，是朋友推介的，還未試過，留待下次再來。環境：門口前是一條公路，所以排隊時會感到又熱又悶。由於我們到達時已將近1時，店內已沒有位置，所以需要排隊等候，大約丕至十分鐘就可以了。同時，我們亦見到接不停手的外賣單，看來真是很受歡迎。店內空間大，枱與枱之間的距離亦較長，所以吃得很安心和舒適。店內沒有任何特別的裝潢，只是牆上裝了反射的玻璃，顯得空間感足。食物：我們叫了招牌菜:香茅豬扒和豬頸肉酸辣紅薯粉$41，附送一杯熱飲。首先是份量足，米線大碗而配料充足，除了主菜，其他的配料有芽菜、酸菜、蔥、韮菜和辣肉碎。其次是湯底呈金黃色，不會紅彤彤，亦未見大量油光。個別小店未必將湯與肉碎拌勻，而是分開呈上，而此店則將肉碎跟湯一起煮沸，味道更提升一層。雖然我們只是叫了小辣，但已經是叫我們鼻水直流，所以辣度是相當高，不能吃辣的朋友要小心考慮。再者是紅薯粉，QQ彈牙，色澤透明，易斷。我覺得麵質和口感是比米線更好，但是較難消化。如果胃部不良的朋友，千萬不要選擇此麵，否則會造成消化

小弟自從食過呢間米線後，對於佢地既酸辣湯底耐不耐就會心癮起 唔知有冇其他朋友又會係咁呢 其實呢間米線貴得黎又唔飽肚，下午茶時段叫一個餸就最抵食，跟杯凍飲都係40蚊多少少就足夠了平時都係去隔離朝餐廳食下午茶，唔想食飯就會黎呢間食，已經成為我生活習慣之一羅白夠甜幾好食，腩肉就麻麻地，太大塊 咬口一般大大啖飲湯底 解開我既心癮，米線彈牙有口感最後係杯凍奶茶 可讚之處就係好夠凍食完後速速賣單，因為太多客等位了2星期後心癮起會再黎食過始終40幾蚊食一碗 又唔飽肚既米線 小弟覺得幾貴但總好過去隔離果間米線舖，最少我唔洗受員工氣

This place has pissed me off for the last time.  I will never come back. Every other experience has been negative and it is also on the pricier side compared to the shop next door.I made a purchase and tried to pay in cash only to be told by the old lady cashier that they did not accept 50 cent coins... the very 50 cent coins they had given me as change the last time I was here!!! Which then reminded of the poor service they had provided last time too! I had called in for an order, only for it t

為左滿足朋友想食麻辣米線既胃口，今日專誠去左雲川燒食午餐。幾間分店都幫襯過，黎得最多既就係虹橋分店。有個啊姨係呢度既前員工，佢話店舖好注重衛生，每日收鋪廚房、座位裏裏外外都會抹一次，係呢個非常時期，當然係我優先考慮既餐廳。不過，服務態度認真麻麻。曾經試過第二碗麵落單時諗起岩岩落既第一碗麵餸菜要另上而俾店員話麻煩。因為疫情唔想搭枱，今次我地專誠等卡位，等左10分鐘左右就有枱，店員迅速執好枱安排我地入座，但係坐卡位既代價係催枱情況好嚴重。食麵期間好有壓力，店員不時行過黎睇你食完未，當急速食完麵仲未飲野，店員已經執走曬所有野抹埋枱，叫左下一輪客入黎，搞到好尷尬，唯有隨便飲2啖就走。明白店舖想提高翻枱率，賺多d，但都希望都可以顧及食客體驗。麻辣紅薯粉配 豬頸肉（小辣）麻辣湯底麻中帶香，惹味；炸香既豬頸肉算係店舖既招牌，肥瘦恰度好處，食落爽脆香口，而且質素穩定，推薦食。紅薯粉普通，冇特別。8分麻辣米線配 豬扒，豬大腸（中辣）小辣同中辣辣度差唔多，炸豬扒香茅味好重，似泰式醃法，建議可以叫另上，可以避免豬扒俾湯汁浸軟；豬大腸滷水味香，份量唔算多，但+$9合理。米線一般，唔會太冧或太硬。8分凍豆漿熱檸

屯門米線鋪真係好多 但好食既唔多而令我食完又會想食既就更加少之又少雲川燒就係其中一間喇疫情關係少左堂食 多左外賣每日番工就要諗食咩外賣今日又嗌網上外賣平台叫雲川燒外賣份量都好足👍🏻仲會分湯比你 唔驚啲米線浸到溶溶爛爛豬骨湯味好濃 入面有肉碎 芽菜 韮菜 酸菜而米線又軟硬適中 掛湯一流👍🏻叫左兩個送 豬扒同豬頸肉豬扒勁大塊 大過隻手掌豬頸肉超級推介👍🏻👍🏻 切到一條條勁香 入口有咬口 總有油脂香跟餐野飲揀左熱菜蜜 唔會太甜 係清甜既 呢間係我食屯門咁多間真係最好味既米線 極級推介👍🏻

自從朋友帶過我食第一次之後，真係番唔到轉頭...本身唔係特別鍾意食米線，因為我既唔食辣都唔食酸，永遠都只會食小鍋米線😂 雲川燒既豬骨湯小鍋米線真係令我上左癮...首先佢既湯底(無論豬骨湯定鮮魚湯)都好濃郁，我食得到係無味精‼️ 因為我對味精係超級敏感，輕則口渴重則失眠 T.T 所以如果有味精我一定會有反應!! 除左湯底出色之外，佢既豬頸肉都係重點!!! 切到一條條既豬頸肉好爽口之餘，茶上蜜糖烤焗，味道一流，份量都算多，係我每次必點既餸黎!!! 香茅豬扒都唔錯，不過上次食就乾左啲，其他配料都屬正常水平，真係為左豬頸肉幫襯左10次8次🐷

雲川燒係屯門出名嘅米線舖，總共有3間舖，不過3間都喺屯門～有人話盈豐商場嘅總店最好味，但今次我地係去紅橋店～ $41一碗一餸米線包飲品其實都抵食，而且每個餸嘅分量都唔少～支裝豆漿都只係加$4，好抵飲～•📸豬頸肉+韮菜餃 酸辣小窩米線(微辣) $49📸香茅豬扒+花枝丸 麻辣小窩米線 (微辣) $49•🥢豬頸肉豬頸肉係切成一條條的，可以一齊夾起黎食，而且分量都好多🤩豬頸肉肥瘦均稱，所以口感好好，仲有烤過嘅焦香，好惹味🤤🌟推薦度：9/10🥢花枝丸 花枝丸有3粒，口感好彈牙，唔算好多粉，仲食到花枝粒！😋🌟推薦度：9/10🥢菜肉雲吞菜肉雲吞係韮菜餡嘅～多餡皮薄，而且+$8有3粒，都算抵食～🌟推薦度：8/10🥢酸辣小窩米線(微辣) 酸辣湯底除左有酸菜、芽菜、韮菜同埋蔥，仲有辣肉碎，少少辣，好夠酸🤤鍾意酸嘅朋友要試下～🌟推薦度：8/10🥢麻辣小窩米線(微辣)麻辣湯底都一樣有辣肉碎，不過呢個微辣麻辣湯底對於唔係好食得辣嘅我地黎講，都唔算好辣～下次可以試小辣🤩🌟推薦度：8/10🥢香茅豬扒豬扒都好大塊，香茅味普通，但肉質太淋，肉似係落得太多鬆肉粉😖🌟推薦度：4/10

朋友喺屯門地膽，我記得第一次係佢帶我嚟食，食過一次之後從此入屯門都要食。雲川燒係我入屯門必食嘅米線原因係，佢嘅酸辣湯底多酸同佢嘅豬頸肉真係好好食好好食。如果食得辣同鍾意食冬陰功嘅朋友我嘅建議食法就係，酸辣米線中辣多酸再加豬頸肉，咁佢嘅味道就會有少少似冬陰功湯底嘅味道。如果淨係單叫豬頸肉米線就40一蚊如果加多個餸嘅話就8蚊個，咁我嗰日就加咗個螺旋藻（即係海帶啲fd)可以唔使試🤣。咁除咗豬頸肉中辣多算酸辣米線之外，我仲會推薦佢嘅墨魚餅，雖然嗰日我冇叫但係佢個墨魚餅都好好食。咁因為我嗰日係下午茶時間嚟嘅有得減$4，所以最後咪買單就係$48，2餸米線加凍飲。

每次唔知食咩好，我都係去食翻雲川，真係好好味！🤗酸辣湯底又酸又辣實在太啱我口味啦！好開胃！😍配菜揀咗豬扒，豬扒好入味，豬肉好嫩！😝米線彈牙爽口，搭配酸辣湯底真係超級正！😋重口味嘅我真係好中意呀！😍

雲川燒係屯門勁出名既米線店，今次有朋人山長水遠入屯門🐄，就帶佢去試試。因為政府policy令佢地少左好多台，等候時間長左，不過都係15分鐘左右啦，還算可以。佢出名既係香茅豬排 同 豬頸肉，我就叫左個香茅豬排紅薯粉(酸辣)🔥，朋友就叫左豬頸肉米線(麻辣)🔥。個人鐘意香茅豬排多過豬頸肉，因為佢既豬頸肉偏肥🙈，而香茅豬排肥瘦適中又大大塊又香💯。建議如果你唔係食得辣既話，叫微辣就岩架啦。佢既小辣都辣到我要搶朋友杯凍飲黎解解辣🧊😂面既份量都大，細食既可以考慮叫少面😊佢好似$41跟一個餸同一杯熱飲，算抵💁🏻‍♀️總結啦 佢d野食CP值高，米線比紅薯粉好食。若有機會入屯門既話，都值得一試既👍🏼

📍雲川燒 (屯門)⭐️食物：8.8/10⭐️CP值：8.5/10-有冇人同我一樣都好鍾意睇某社交平台舉手🙋🏻‍♀️今次去咗佢哋介紹嘅其中一間米線試吓，果然冇失望😍-🍜秘製豬頸肉蘿蔔酸辣米線 $49豬頸肉本身嘅調味同埋炭香味都好出，外脆內軟，份量超多😝酸辣湯底酸度十足，味道豐富🤤但我係小辣覺得唔係好夠喉呢，下次去可能會大辣啦試吓😋米線亦都有彈性，口感會有少少煙韌☺️蘿蔔爽甜，整體好高分！-🐷秘製豬頸肉炸醬麻辣米線 $49麻辣湯底就麻度低咗啲，酸辣湯底比較出色！炸醬唔錯，但唔係太特別~-✅overall：整體來講都係一間好出色嘅雲南米線💯湯底、配料、米線都高質素，黎開大西北一定一定要試吓💛