雲川 米線．紅薯粉 (富麗大廈)

营业中

休息中

終於試到非常出名既雲川燒，叫左呢度既招牌香茅豬扒，小酸辣紅薯粉賣相方面，紅卜卜既酸辣湯好吸引，至於味道，的確唔錯，8/10，先講個湯，湯底好多酸菜，好夠酸所以好開胃，但唔會得個酸字，同湯底其他香料好夾所以好惹味，最欣賞佢呢度唔會好多味精，食完唔會頸渴，另外呢度既辣比較保守，叫左小酸辣只有譚仔三哥10小辣左右既辣度。講到香茅豬扒，豬扒夠入味又夠淋，啖啖肉，但唔會成口肥膏，個餸都好令人滿意！紅薯粉係粗身圓形扭紋果款，好掛湯，唯一美中不足係啲份量有啲少，我都算係女仔中細食既都只係剛剛好飽，同埋個湯底好開胃，真係有啲唔夠喉。價錢方面尚可接受，一餸薯粉連熱飲（$46）（最平一餸$41，但外賣再加分湯要加$3，豬扒加$2）總括黎講，雖然未到我心目中既酸辣米線/紅薯粉no.1, 不過都可以係第二/三名，會再黎食😋

🎉今次介紹既就係來自屯門 😇🖤 雲川 (屯門)📍 屯門青菱徑6號富麗大廈地下F號舖🎉評價雲川燒一直都係我favorite 之⼀🥰 屯門區最愛餐廳💃🏻💃🏻 湯底濃郁 紅薯粉彈牙 配料份量多 又抵食 包飲品👍🏻 等位快 職員又有禮貌🤪 唯一要講就係有時坐得好迫🤣KS評分 💫5分最高🌟🏵環境指數:⭐️⭐️⭐️🏵味道指數:👅👅👅 👅👅🏵抵食指數：💰💰💰💰💰🏵回購指數:❤️❤️❤️❤️❤️

本身好鍾意食米線加上網上見有人話推介所以去試下呢間嘢叫咗香茅豬扒豬潤米線 麻辣大辣碗嘢一嚟到⋯⋯完全係唔熱只係室溫個豬扒好明顯一早煮好晒放埋一二邊有人叫就放上個碗完全冇再處理先上碟所以個豬扒只係室溫一啲熱度都冇豬扒個外皮啲粉係淋晒而個豬潤薄到傻都唔知讚個師傅刀功好定怨自己唔好彩間嘢仲好意思收人$10/$12 一款餸一啲質素都冇我叫咗大辣一啲辣味都冇我有理由相信熱浪都辣過碗嘢超垃圾Blacklist呢間嘢😤

本人係米線愛好者，今次入屯門，朋友仔終於帶我去食屯門最出名既雲川燒😍6點去到門口，入面已經有幾枱人食緊，好彩唔使排隊。米湯湯底選擇唔算多，可以揀既餸都多，朋友仔話佢既招牌係頸肉，我叫左豬骨湯底、豬頸肉、乍醬。朋友仔就叫左魚湯，係好濃既魚味，中意魚湯既朋友可以試下，但我麻麻地魚湯。豬頸肉真係俾到驚喜我！表面燒到好香脆，入口好軟嫰！有肉汁！乍醬都ok ，但我覺得油左少少，影響左湯底，可惜唔可以另上。最緊要性價比高，價錢實惠又好食。

《 屯門推介 雲川燒米線✨》近日住屯門嘅朋友不斷向我宣傳屯門美食，於是我襯住假日就請朋友帶路食晏啦～🤤🤤🐟下午茶魚湯米線 $37 +豬扒 $2 + 豬頸肉 $12成朝未食野好似叫得太多咁～哩間餐廳嘅魚湯真係好味架，入口有淡淡魚香味，湯頭仲帶少許甜味，鹹甜比例認真唔錯。豬扒腌得夠曬鬆軟入味，保留肉汁仲帶點香茅味，非常開胃。豬頸肉口感較為爽脆，最令我驚訝係竟然比咁多豬頸肉我，唔係外邊求其切幾條比你就算。後記//朋友講佢地嘅魚湯成日好快就賣曬，今日我一黎就食到真係好彩～

屯門lunch time📸️📸️又去食呢間雲川燒 經常都要排隊等候平民價米線豬頸肉 豬骨湯小鍋米線（$43）每次揀配餸都係豬頸肉🙌🏾😳 呢間個湯底幾好 幾鍾意佢嘅辣肉碎不過比起以前食 豬頸肉縮水喎🤣🤣🥺 看圖📸️香茅豬扒 豬骨湯小鍋米線 （$43）大大塊豬扒 冇骨淡淡都係肉🤤鹽酥雞粒 （$28）即炸雞粒 好難拒絕 香脆😍😍雲川燒

係屯門食米線一定係食呢間，冬天更加係最岩食有湯既野既時候。米線唔太淋，剛剛好有少少咬口，餸醃得夠入味。剛搬入屯門無耐近一個月已幫襯5次以上，每次都保持水準。本區食過之中最值得推介既米線店

紅橋有一間出名嘅米線 就喺 「雲川燒」最出名就係呢間米線同豬頸肉 🤩1️⃣熱拌米線（$41）包一個$10餸 螺旋藻 豬頸肉 腩肉//熱拌米線 雖然冇湯但芽茶同肉碎令整體酸辣味，同餸撈埋一齊好好食😋//螺旋藻($10) 好少見餐廳有呢個 不錯🤤//豬頸肉($12) 甜甜地 表面煎得焦脆 好入味 入口保持嫩滑👍🏻👍🏻👍🏻//腩肉($12) 大塊，肥肉較多，辣味岩岩好 帶少少刺激嘅味道😋//服務方面：服務態度一般，排隊落單等左好耐，重複4次要咩都係落錯單...多人排隊但落單慢 出菜慢，可能佢電話外賣單多，現場等由等落單到拎到等多過半個鐘...，仲要唔齊餐具..得一隻筷子點食☹️☹️☹️整體食物質素正 👍🏻👍🏻😋但服務真係一般，太多人等了🥲

一早起身叫外賣，雖然雲川燒唔送外賣，只限自取，但佢嘅吸引程度值得去買。今次叫炸醬豬大腸餃子酸辣米線，好鍾意食佢嘅炸醬，因為啲肉碎好分明，唔似譚仔咁一pat pat，同埋夠晒辣。至於豬大腸，食過咁多間都冇一間及佢咁好食， 夠肥又夠淋，煙煙韌韌仲要好入味。而韭菜餃水準正常，包得好實唔會好鬆散而且好大嚿勁抵食

豬頸肉酸辣米線 $43住大西北既朋友經常提到雲川燒既豬頸肉米線係名物咁 今日行完山順路就可以試埋😆😆😆今次叫咁小辣 雖然食落唔係嗆喉既辣 一啖米線一啖湯既食法勁正 但食食下就黎料食到出哂汗 愈食愈辣但你又會愈食愈上癮 勁搞笑😂 而豬頸肉就切成一條條上 兩邊烤至脆身 入口依然軟淋😻 食完發現真係冇推介錯幾好食～評分: 9/10🌟屯門半日遊： Byob Coffee Roster (lunch) ➡️彩虹欄杆（ 何福堂中學旁跟住地下往郊野公園既指示牌行）➡️藍地水塘➡️藍地大街➡️屯門碼頭燈塔睇日落➡️雲川燒(dinner) ➡️ 有料案內所(甜品)—————————————————————————雲川燒 (屯門)屯門青菱徑6號富麗大廈地下F號舖

入屯門唔係睇牛牛 係搵呢間米線小店😆應該喺區內都出哂名 亦係我中學回憶～最出名就係豬頸肉米線～🍜豬頸肉麻辣米線小辣 $43豬頸肉軟諗入味 邊邊烤到少少脆 而且可能搽咗蜜糖 所以甜甜地～唔會膩辣肉碎令到米線更有口感 辣度更有層次米線軟身帶點口感 湯底個麻香好正😆 湯底都好濃郁但唔會太鹹食到口乾～星期六中午黎食都好多人啊 可能要排隊 搭枱🙈

第一次光顧雲川燒, 米線上台後即試湯底, 輕輕的麻味隨即令人上癮米線軟硬度適中。豬扒很入味, 鬆軟。一定會回頭光顧叫一碗米線包一杯熱飲, 例如熱檸檬茶、熱檸水、阿華田等等。凍飲、特式飲品及豆漿需另加錢。職員有禮, 落單及上菜速度快

呢間你朋友成日話好食好食終於去試左了我地叫左外賣佢有撈款同湯款簡左豬脛肉同魷魚我最喜歡我覺不錯 因配科又多但係等待時間耐了點可能太多人了吧但個撈面好夠味 豬脛肉都夠多的會再去食

我本身就係一個米線迷,差不多每大牌既連鎖店我都食過哂!!!而呢間就錦岩係我番工附近, 所以我就試下佢, 呢間野店舖唔算大但乾淨企理周不時門口都好多人排隊等外賣/堂食今日我就試下佢個豬頸肉米線豬頸肉係推介(小辣)拎番上公司食豬頸肉好出色, 另外湯底都非常之不錯, 非常夠味, 但我就覺得唔夠辣, 下次可能可以試下中辣,希望唔好太辣HAHA

屯門出名又好味嘅紅薯粉，喺附近嘅話都會食呢間唔食譚仔😂價錢唔貴，選擇亦都多，個人覺得麻辣最好食😋麻辣湯紅薯粉豬頸肉螺旋藻$51佢嘅豬扒同豬頸肉都好多人話好食，豬頸肉係炸嘅，份量多同好香口👍🏻個麻辣都真係好麻。仲有香港製造嘅豆漿，香豆味，正😋