雲家小鍋米線 (328廣場)

营业中

休息中

某日夜晚去咗荃灣雲家食晚餐。叫咗麻辣螺旋草薯粉小辣同兩款小食，單餸份量好多，基本上啖啖都有螺旋草同薯粉。湯頭濃郁唔油膩，肉碎，芽菜都唔少。雲家係唯一一間我真係覺得份量夠多既雲南米線鋪頭，有時候食到最後一啖米線/薯少會覺得好可惜咁快食完，但每一次去雲家都無咁既感覺，食完會係好滿足咁走。涼拌墨魚頭同麻辣豬耳個醬汁係唔同既，兩隻都各有千秋，但同時都配以蒜蓉餸涼拌令到味道更上一層樓。墨魚頭彈牙煙韌，豬耳醃得好入味，但我就唔係咁鍾意外層太淋啦。整體嚟講都🆗

嚟開荃灣搵吓啲熱門推介就嚟到雲家小鍋米線，試吓佢嘅小鍋米線有幾好味！舖頭好多人，等咗約10分鐘先有位，坐位之間有啲逼，但遇咗，有隔板咁搭枱都好好咖啦～同朋友各嗌咗一碗米線、一枝豆漿，同share一份小食涼拌墨魚頭。食物我就覺得普通，但職員衞生意識就真係偏低。先上咗涼拌墨魚頭，辣辣地幾開胃好彩有嗌小食，因為等麵都等幾耐，等嗰陣有時見侍應會捧錯麵去第2度，都正常嘅，碗碗都差唔多。跟住我嗰碗豬頸肉小鍋米線(小酸辣)終於到。叫咗走芫荽，但都係有，是但啦，放咗食過嘢嘅筷子喺碗上面(無插入湯麵),諗住拎電話出嚟影幾張相就開餐。突然侍應走埋嚟話送錯，我嗰碗無芫荽，我話唔緊要我筷子掂咗個碗啦，佢話碗麵係隔離枱，問我係咪無食過，我答佢無食過，但我放咗用過嘅筷子喺碗上面啦，跟住佢粒聲唔出捧起碗麵，轉個彎遞咗去正正坐我隔離只係用隔板隔住嘅韓國人枱面，我真係好震驚。。。係咪平時都係咁？？？等多一陣，我碗無芫荽嘅米線都送到嚟，食落好普通。。。

雲家小鍋米線 (荃灣)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•豬扒炸醬腩肉麻辣小辣小鍋米線•豬軟骨燕皮肉餃麻辣小小辣小鍋米線•秘製豬頸肉•炸雞中翼•凍奶茶•凍檸茶••••••••••••••••••••••••••••••♥️食評：呢間雲家小鍋米線應該米線關注組嘅大家都好熟悉，今次就要試吓係咪咁惹味先！米線一到，同朋友都好驚喜，見到份量超多，疊成座山咁高就已經覺得好正🤣🤣先講湯底，叫咗小辣，下次一定要叫更加辣！小辣就似十小辣嘅程度🥺唔夠辣啊對我嚟講！米線偏幼身，都幾順滑，但唔會淋到一夾就斷。豬扒成塊咁上，見到連骨就知正，有調味過，有香茅味，肉唔韌而且有厚度，唔錯嘅。腩肉份量超級多，係好似有幾十塊咁🤣可以話係抵食之選，呢到嘅腩肉係一條條嘅，唔似譚仔有一大片肥膏嗰種。炸醬咸香十足，完全係我呢啲重口味人士嘅心頭好啦～豬軟骨同燕皮肉餃朋友就話都ok，份量都好夠唔會得一兩粒咁樣！我相信秘製豬頸肉係呢到嘅招牌菜之一，呢個小食我都好推薦大家要試吓，我

小鍋紅薯粉拼豬大腸/墨丸/豬軟骨 （$59）小鍋米線拼豬大腸/牛肚/燕皮肉餃 （$62）配菜份量有好多，湯底夠哂濃唔太鹹每樣餸菜同湯底都好夾味，份量又比得好足，唔會因為嗌多幾個餸而偷工減料比少咗👏🏻👏🏻紅薯粉煮得岩岩好，唔太淋又彈牙，有口感，而米線都好滑身，好好食小食方面秘製豬頸肉（$45）識落爽口，而且每件都大大舊同厚切 ，點埋個泰式辣將啱啱好 必食🤤炸雞中翼（$28）有4隻，每隻都係大大隻，而且即叫即炸外脆內嫩，食唔厭鬧市中的小店，晚晚都爆場，性價比高

終於一嘗雲家的滋味，以前經常聽別人讚米線湯底十分濃郁，但有些少偏向濃味米線的軟硬度適中，可惜嘅係腩肉賣曬想試都冇得試😭😭😭希望下次去食可以試到腩肉嘅滋味🤤

餐廳：雲家小鍋米線(荃灣) @noodlepotcome 地點：荃灣沙咀道328號328廣場G01鋪整體表現 ： 會再回頭的⭐️⭐️⭐️⭐️⭐️好耐無食米線🍜記得荃灣有幾間出名的米線，今日就是但食一間。星期日的傍晚18:30已經勁多人叫外賣，堂食坐位我都叫唔洗等直入，過多幾分鐘已經坐滿哂人添😦諗左一陣，叫左兩款米線+兩款小食。雲南小鍋米線～酸辣少辣 + 腩肉 + 魚肉春卷鍋底配料有芽菜、酸菜、韮菜、蔥、芫荽，豬肉碎。滿滿的一大碗超足料😋湯底好濃味，而每吃一口都會有肉碎+菜。平時食腩肉一定有肥膏，呢度D腩肉完全唔肥，又唔會好鞋口，怪不得係必食推介👍🏻。魚肉春卷我覺得仲好食過香港仔X記，呢兩款食我order得好正確😆😆重慶酸辣粉 ～ 薯粉小辣 + 魚腐+豬大腸 鍋底配料有豬肉碎、炸菜、花生、芫荽，蔥薯粉QQ有口感，湯頭味道好好，食下食下連湯都清埋🤣豬大腸已經清乾淨d肥膏，所以食的好安心😛魚腐正常無特別😊涼拌墨魚頭 ～ 蒜味帶點辣，墨魚又幾爽口，正👍🏻口水雞 ～ 一大隻雞髀上碟，但雞肉有點鞋及唔夠味，可以試其他小食代替😅

今日去完荃灣做嘢經過呢間雲家小鍋米線見到好多人幫襯於是就去 食下啦餐廳地方唔大 不過人頭湧湧 衛生情況尚算可以蒜泥白肉 上面鋪上海量嘅蒜頭 五花肉一層一層十分邪惡 仲好爽口 惹味嘅蒜頭令到成度菜 未到平衡得啱啱好秘製豬頸肉最有驚喜 外皮脆卜卜！豬頸肉仲係爽口再加上淡淡嘅蜜汁味 正呀口水雞 唔太辣 醬汁好惹味 而且雞肉嫩滑多汁豬軟骨小鍋紅薯粉 豬軟骨分量都幾多入口即溶 湯底叫咗唔辣 酸度香度十足熱拌紅薯粉 已經包咗酸菜 花生 肉碎等等 肉碎份量幾多令每條紅薯粉煲均勻地鋪滿肉碎 醬汁酸酸辣辣十分開胃 紅薯粉粗身非常堅韌

今日嚟到荃灣 比較偏遠地方嘅呢間米線小食店老實講地理位置都真係比較難搵但絕對值得特登嚟試吓！餐單方面，有米線同紅薯粉食 仲有熱拌米線俾你揀絕對唔係譚仔質素🤣配料都幾豐富，有豬皮豬潤滷水蛋 想食富貴啲仲可以加金錢肚墨魚頭仲有呢度特有嘅螺旋草同魚肉春卷本身來之前已經見到好多人推介墨魚頭同魚肉春卷心大心細咗好耐 最尾叫咗兩個餸+1個小食加一碟菜兩個女仔來講真係太飽了😢😢不得不提呢個米線嘅湯底好濃郁我嗌左麻辣小辣，但係平時食開辣嘅人應該都覺得會幾辣（見到對面枱有人食特辣。。。。）所以少少辣應該就夠了！米線唔係平時喺譚仔食到嗰隻粗嘅米線而係比較幼身，但係正正因為咁索哂湯底嘅味不得不提小窩米線佢個size都幾大碗一開始唔知有得叫小米線，冇叫到，結果食唔晒米線好後悔🥲🥲配料方面，魚肉春卷真係好出色！雖然佢口感唔係真係咋嗰隻春卷，但係出面好難食到咁有魚味嘅春卷 好正🤤🤤豬頸肉都好足料㗎 ！比較厚身，有咬口雖然$55一碗米線望落好似唔太抵，但咁足料 又好味，絕對值得！同朋友心大心細之下加多左碟涼拌墨魚頭比較有趣嘅係底下有啲辣油浸住唔似涼拌青瓜用醋調味係用咗平時出邊食小炒嘅椒鹽鮮油嘅配料（其實都係蒜蓉啦）

今日去覆診，肥肥白白當然要食番餐好西慶祝😚醫院附近就搵到呢間人氣米線😋$43涼拌墨魚頭🦑熱賣墨角頭果然名不虛傳😍新鮮超爽口🤤🤤🤤份量又多👍🏻濃濃蒜香令人忍唔住一口一口清哂一碟🤤$39蒜泥白肉🐷一樣超多蒜蓉🧄😍蒸熱比起平日其他地方雪凍食更少一入油膩感🤤$46豬頸肉小鍋米線🍜+$9螺旋藻🌿酸小辣湯底惹味🤤有大量芫荽😍😍😍豬勁肉醃得剛剛好☺️肉質又爽又嫩🤤螺旋藻超多！我是海藻控😍😍$29涼拌米線🍝+$9魚肉春卷🐟+$10腩肉🐽天氣咁熱整番碗涼拌米線就啱哂😍榨菜、酸菜、花生、肉碎撈埋米線😍好食😋腩肉並非一大舊肥豬肉，而係腩肉條👍🏻+$8豆漿&+$8凍奶茶少甜少冰🥤兩者配辣米線解辣都一流☺️總括而言，米線超多好抵食👍🏻小食份量多又出色👍🏻女仔一定要叫少米😂否則一定食唔哂😂以後去荃灣又多一個選擇😋

聽講依間米線晚晚都排晒隊🚶🏻‍♀️🚶🏻🚶🏻‍♂️🚶🏻‍♀️🚶🏻🚶🏻‍♂️難得今日落雨⛈經過，唔算太多人排😛即刻入去試下🤭~•~•~•~•~•~•~•~•~•~•~•~•~•~•~•~•~•~•~•▪ 米線▪ ▫️雲家米線 ($58) ☁️🏠🍜(有腐竹 • 冬菇 • 雞絲 • 雞翼 • 魚春卷 • 螺旋草 • 腸仔 • 芽菜 • 酸菜 • 韮菜 • 蔥 • 芫荽)選擇困難症既必食🙆🏻‍♀️，揀左酸辣(小辣🤏🏻🌶)雞絲🐔 ＆ 螺旋草🌱索晒湯😌魚春卷🫔開邊🔪切半，外面少少🤏🏻脆脆地💫冬菇🍄好厚🤌🏻又滑身🧏🏻‍♀️，雞翼🐥都幾大隻，夠入味。. 👆🏻兩碗米線🍜🍜都係餸多過米線😝可能因為配料 • 肉碎 • 芽菜…都超級多🤭相比下米線🍜既份量唔算好多，但都好夠飽🤰🏻麻辣🌶同酸辣🌶既湯底都好濃郁👇🏻.▫️小鍋米線 ($28) 🍲🍜揀左麻辣(中辣🌶🌶)，仲加左幾個餸💁🏻‍♀️金錢肚🐷 ($15) 夠淋，唔韌易咬🤓滷蛋🤎🥚 ($8)睇落唔係好深色，但係都幾夠味 😌蘿蔔🤍🥕 ($7) 超甜冇渣 • 生菜🥬 ($7).▪ 小食▪▫️涼拌墨魚頭 ($43) 🦑除左墨魚頭，都幾多墨魚鬚🦑2️⃣樣都好新鮮🌊爽脆✨加左自家㊙️辣油 & 勁多蒜蓉

網絡威力唔可以睇少, 睇睇下社交平台 咩米線關注組肚餓，梗係順面去埋最多人講緊的荃灣雲家。果然唔係 浪得虛名， 星期日下晝兩點幾去， 即使太陽勁曬， 小店門口都排住幾個人等食米線， 點入面座無虛席更加係不用多說吧，好彩排左10分鐘到就有得食。荃灣沙咀道雲家係 聖芳濟中學對面，而唔係係大家，識食就要行多2步。 米線選擇豐富， 小鍋米線紅薯粉涼拌米線都有得揀， 而且湯底有辣有唔辣， 揀唔辣嘅會係酸菜湯底， 即使bb辣都唔會太辣啦， 有辣有豬肉碎， 揀唔同材料都得 牛腩豬扒 雞絲， 大路選擇嘅都有， 梗有一款合心意牛腩小鍋米線牛腩份量多， 韭菜芽菜 等配菜都畀得多，牛腩煮得入味，米線煮得腍度適中豬腸及腩肉 小鍋米線呢碗叫咗bb辣，香濃的橙紅色湯底配帶有微辣感，惹味之餘會慢慢讓人上癮， 豬腸 煮得有咬口而唔會有豬酥味， 腩肉都煮得好食唔會太肥 ，唔怪得咁多人讚。另外叫咗兩款小食炸春捲 炸得金黃，咬落鬆脆。豬頸肉呢件豬頸肉簡直不得了，大件之餘 燒得香口， 咬落多汁juicy， 自己屋企燒未必燒得到

小店細細，但晚晚都爆場，對上一次食已經係黑色暴雨個晚😂呢間係我係荃灣食過，覺得價錢幾抵之餘佢地小食都有咁上下水準👅d姐姐都幾好態度，印象不錯💃🏻🔸豬紅韭菜重慶酸辣粉（$46）💎呢度嘅重慶酸辣粉好唔錯，中意佢唔會太粗嘅薯粉麵條，食落都易咬d☺️建議叫中辣會比較惹味，小辣會唔夠喉架即使我原本係個食小辣嘅人。我配左豬紅韭菜，豬紅都有五六磚，但有極多韭菜😂😂😂韭菜迷別錯過🌱肉碎湯底夠惹味，即使配唔同嘅料都無問題👍🏼🔸涼拌墨魚頭（$43）💎夏天嘅尾巴都係要食下涼拌小菜，呢個爽爽嘅墨魚頭就係鎮店小食😋份量多嘅小菜算係抵食，配埋酸酸美美嘅醬汁好開胃☺️☺️墨魚頭仲有好多蒜泥係旁邊，如果唔鍾意蘸醬汁嘅話就咁食都好夠味，不過有就錦上添花😚係每次黎我都會叫嘅開胃菜。🔸蒜泥白肉（$39） 雲家嘅白肉薄切得黎偏有咬口，夾落去都唔會溶溶爛爛，完整一塊過。加上雲家都係重蒜🧄，偏甜嘅豉油剛好平衡左油膩感，好味🥰🔸凍菊花蜜🌻 （$16）💎，咸檸7（$16）咸檸7就唔洗多講，不過凍菊花蜜係少甜個種，解渴得黎食辣野嘅時候好舒緩到，個人覺得配辣薯粉食係一流，清清涼涼下個口腔😆🌿附上餐牌一張😛

🪄荃灣米線關注組之一@《雲家小鍋米線 》見咁多人講呢間，心血來潮終於於肯再試吓🤭。（其實日日都經過呢間野🤣，但好似已經2年無食過，因為以前食覺得冇乜特別）🍲酸辣小鍋米線配豬軟骨（中辣）$38-米線滑身彈牙，湯底都算重口味，冇話偏酸定偏甜，算係溫醇個種。爬左文見有人話豬軟骨好淋梗係試下，點知肉勁柴🥴，舊舊都咬唔落，好在有叫小食，唔係咪變咗齋食麵底😅不過佢米線份量勁多，完全係塞滿晒個盒！（🌶人生食米線好少可叫中辣，見唔太辣先敢叫，辣度都接受到，但都食到眼水鼻水流，下次都係叫番小辣，慳返啲紙巾🤣。）🐙涼拌墨魚頭$43-墨魚好爽嫩，好香蒜泥+秘製醬汁，愛蒜人士👍🏻。

呢間人氣米線小店 晚上8:30都要排隊🙈店鋪細小老舊裝潢 座位較逼 但衞生企理Menu有各款米線及小食串燒好吸引但去到已經得翻雞翼同雞軟骨豬頸肉小鍋米線 麻辣小辣 $46配菜份量都幾多 有酸菜 芽菜 韮菜 蔥 芫茜麻辣湯底辛辣味比香麻重 湯底唔會死鹹 夠濃味米線幼身 滑溜軟身 軟中帶彈 口感好好豬頸肉爽口彈牙 但份量略嫌少咗啲涼拌墨魚頭 $43呢個小食好多人推薦～ 爽口彈牙夠滑唔韌好重蒜味 加咗炸蒜及生蒜粒口水雞 $42雞件好嫩滑 幾香但唔夠辣豆漿 $8 汽水$6一枝豆漿$8都幾抵🙈

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃米線控👧🏻今日又出動，熱辣辣都食米線，係真愛呀💛🌟小鍋米線加豬頸肉 ($28+$15)呢間既湯底係紅色果種，味道超濃 (我總覺得食辣野要係紅色既湯底先至夠色香味💥) ，辣得黎有少少甜味，非常過癮😁米線份量唔算好多，煮得啱啱好，彈牙唔會太腍身，加埋其他配料例如酸菜、芽菜等等，吸收左湯既精華好入味。豬頸肉好爽口，燒過黎好香口，份量都好多。雖然食到成頭汗，但成碗米線食晒好滿足🤣🤣🤣🌟蒜泥白肉 ($39)鐘意食蒜既人一定鐘意呢個小食，蒜泥整得好碎，而且多到遮住晒𝘥 腩肉。腩肉切得好薄身，每一塊食到皮、脂肪同肉，唔會話有𝘥 太肥或者太瘦。食落𝘥蒜味係口入面大爆發😆☺️🌟雞軟骨串燒($18)雞軟骨啱啱燒好就即刻上枱，每一串都有4粒。食既每一啖都食到滿滿既孜然粉同雞軟骨，軟骨既𝘵𝘦𝘹𝘵𝘶𝘳𝘦 非常好，勁爽脆😋📍雲家小鍋米線 𝐖𝐞𝐧𝐠𝐞𝐫 𝐍𝐨𝐨𝐝𝐥𝐞荃灣沙咀道328號328廣場地下𝘎01舖𝘚𝘩𝘰𝘱 𝘎01, 𝘎/𝘍, 328 𝘗𝘭𝘢𝘻𝘢, 328 𝘚𝘩𝘢 𝘛𝘴𝘶𝘪 𝘙𝘰𝘢𝘥, 𝘛𝘴𝘶𝘦𝘯 𝘞𝘢𝘯