雲家小鍋米線 (328廣場)

营业中

休息中

呢間餐廳首受到米線關注組嘅關注好評如潮⋯⋯所以今日都關注下佢先叫咗外賣返屋企食本身驚兩個人唔夠食，叫咗個加底俾佢個加底份量嚇親（超級多）其實如果兩個女仔唔係大食嘅話一碗麵都可以夠share好鍾意佢米線嘅質地唔會煮到淋晒仲依然好有彈性湯底好惹味同啲米線好夾👍不過好可惜我叫嘅魚肉春卷…佢執漏左🍂 🍂 🍂春卷好好食😋炸得好酥脆另外嗰個皮蛋中規中矩啦⋯⋯佢係嗰啲透明皮蛋唔係黑色嗰啲我覺得都幾辣雖然佢執留咗我個春卷不過呢間野我會再encore嘅

呢間雲家小鍋米線成日都見到好多blogger, YouTuber推介，今日黎開荃灣見時間尚早，決定黎睇下多唔多人有無機會食下。本人係好討厭排隊，如果要排好耐先有得食既餐廳，我寧願唔食好彩今日早左，五點幾黎到唔洗排隊即刻有得食！叫左個麻辣中辣雞絲魚肉春卷小鍋米線，小食叫左豬頸肉。麻辣中辣雞絲魚肉春卷小鍋米線辣味都夠，有啲酸菜既所以都有少少辣味。雞絲都好多，食到底都仲有，魚肉春卷就係平時食開x記個隻，好好味！不過我就覺得黎開呢頭過嚟食都可以，慕名而來真係唔值，普通米線不過不失咁。豬頸肉燒得好夠香脆，份量都ok，不過四十幾蚊我覺得就唔叫做抵食，不過口痕都可以叫黎食。

🍽 雲家小鍋米線 (荃灣)荃灣沙咀道328號328廣場地下G01舖🐽今次黎到荃灣試下呢間人氣雲南米線店「雲家」，呢間小店門外長期都會有一條小人龍，所以今次排隊都等左差不多二十分鐘，等左咁耐挭係要食返餐勁啦！今次仲試左其中一樣招牌小食「涼拌墨魚頭」，絕對係必食之選🤩🐽今次叫左兩碗米線，分別係：豬頸肉豬大腸米線-小酸辣 $56 (🧡🧡🧡🧡）螺絲草豬耳米線-bb酸辣 $46 (🧡🧡🧡🤍)湯底雲家嘅湯底比較溫和，味道不會死咸亦沒有加入太多味精去提味，非常適合🐽🤩而小辣嘅辣度大概為「五小辣」；bb辣則大概為「十小辣」。酸辣湯底亦加入了不少酸菜，其中甜甜酸酸嘅味道亦為呢碗米線帶來更多層次🤤豬骨湯亦有加入很多豬肉碎，增添多一重口感！米線&配料米線&配料嘅份量十足，而米線嘅麵質較為柔軟順滑，配上其出色嘅湯底相得益彰😋而配料方面，最為突出嘅就係佢嘅招牌豬頸肉！經過燒烤處理嘅豬頸肉爽口彈牙！而其他配料則正正常常！涼拌墨魚頭 $42 （🧡🧡🧡🧡）身為招牌小食嘅墨魚頭果然係鎮店之寶，超級爽口彈牙，非常足料！面頭有一堆炸蒜及麻辣醬汁作調味，味道超級豐富🤤旁邊仲有喼汁以作多一重調味選擇，但🐽就覺得喼汁不太合適這道

米線關注組耐唔時都有group友推介雲家小鍋米線，想嚟好耐但又怕要排好耐隊，難得撞啱平日夾到時間終於有機會拜訪啦~避開lunchtime下午兩點幾嚟到唔洗等位，我叫左人氣魚肉春卷米線(酸辣小辣走芫荽)，另一碗叫左都多人推介嘅豬頸肉小鍋米線(麻辣小辣)，咁就可以一次過好貪心咁試哂酸同麻辣湯底~我地坐得好近廚房，聽到廚房收到小鍋米線order後即叫即煮嘅闔闔聲好爽~ 魚肉春卷米線同豬頸肉小鍋米線熱辣辣好大碗，芽菜、酸菜、韭菜等配菜係我食過之中分量最多，食到尾都仲係每啖都有好多芽菜，足料得好誇張~ 魚肉春卷米線嘅酸辣湯底呈橙黃色，酸味比辣味出，就算有炸醬碎伴湯底都唔油膩，爽口嘅米線吸哂d汁，整體感覺好balance，係出色嘅！有d遺憾嘅係魚肉春卷比想像中遜色，魚肉唔係好有咬勁，霎眼看以為有三條但原來每條切半得一條半春卷。豬頸肉小鍋米線嘅麻辣湯底都酸酸地，少辣嘅麻辣味唔算太重，下次再食應該可以揀中辣。豬頸肉非常多，肉質再爽多dd就perfect~仲order左兩款小食。推薦爆燈嘅涼拌墨魚頭真係堅好食！雖然墨魚鬚嘅比例比墨魚頭多好多，但全部都超爽口，同蒜泥做涼拌超夾超有風味，不愧為推薦爆燈嘅名物

香港人很喜歡食米線，因此米線店在香港亦非常普及！ 我也非常喜歡吃米線，幾乎隔天便會去吃，香港大大小小的店子也有我的足跡，今天初嘗雲家米線，這店子地方不算大，但卡位很多，坐起來很舒適！看看餐牌，發現價錢也很貼地，可以貪心點吃豐富些！ 最愛小鍋米線，自己選了一碗冬菇米線，湯㡳是米線的靈魂，這裏的湯底濃郁之餘亦不會只有鹹酸辣！而是帶有炸醬鮮味的湯底， 冬菇非常大隻和厚肉，亳不吝嗇！冬菇鮮味得似花菇，回本之選！有選擇困難症的朋友則選擇了一碗雲家米線！ 因為雲家米線的配餸豐富，腐竹，冬菇雞翼，魚春卷，雞絲，螺旋草和腸仔， 足足六款餸！ 以為每款只有很少，米線上桌朋友不禁說了句「嘩！咁抵」！而且食物質素很高！ 豉油雞翼很入味，雞絲軟綿綿，吸收湯底精華後，口感入口即溶的！ 螺旋草爽口，而且聽聞營養豐富！餐牌推介這款拌墨魚頭，很獨特的菜式，有濃厚的蒜香味而帶點微酸辣，墨魚頭爽脆，很好吃，果然是推介食物！炸春卷，即炸的魚網外層爽， 很鬆脆，餡料不確定是甚麼肉， 但咬起來外脆內軟的！ 吃起來也不會感到油膩！最後上桌的是炸雞翼，肉質Juicy, 看起來脹卜卜，肯定是即叫即炸的！這小店所有食物吃得出，全部用心

呢排都口淡淡，無咩胃口🥲突然想食啲重口味嘅嘢醒下個胃，所以就試左呢間位於荃灣嘅酸辣米線餐廳😆其實之前已經久仰大名，估唔到又真係幾好食，果然名不虛傳😗因為見到米線嘅份量都幾多，所以我地淨係叫左一碗米線share黎食。雞絲螺旋草麻辣米線（$46）+ 炸醬（$9）+魚肉春卷（$8）米線大大碗，所以一個女仔未必食得曬！本身啲料都好足，好多雞絲同螺旋草。我地揀左麻辣湯底，但佢本身都有跟酸菜，所以如果唔鍾意酸味嘅朋友可以話走酸菜。湯底好濃郁，米線軟硬適中，我地掛住影相隔左一陣先食都唔會即刻淋曬，真係唔錯～炸醬有別於譚X嘅，味道偏鹹同埋辣辣地，都好好食！另外魚肉春卷煙煙韌韌，都幾彈牙，味道都相當唔錯！涼拌墨魚頭（$43）黎到呢度不得不試佢個招牌墨魚頭！蒜味香濃，帶點麻辣味，可以加醋一齊食，味道就更加清新，墨魚一啲都唔硬，係爽口嘅！果然係招牌菜！😍秘製豬頸肉（$45）烤得外脆內軟，醃料好入味，肉汁豐富，真係好出色！😍炸雞中翼（$28）外皮酥脆，醃得好惹味😆好食！菊花蜜（凍飲$12）味道清甜，食濃味嘢飲呢個最適合☺️

見到咁多食評，自己又鍾意吃麻辣米線，今日咁啱又經過開荃灣有嘢搞，專登嚟試一試，睇下係唔係真係咁正。1130hrs準時到達，有人在清潔，未準備好開門，無問題附近行下，1145hrs再過嚟已經半滿，坐低叫左大麻辣腩肉小窩米線，凍檸茶走甜，落完單都已經差不多滿座，米線一嚟到，試啖湯先，嘩！嘩！嘩！連我咁重口味嘅人都覺得咸，真係太咸太口乾啦，米線個人覺得較淋身，腩肉又多件抵吃但口感較嚡，真心幾好吃，雖然話鋪頭係細，要等好正常，但真係唔會話要等成半個鐘頭嚟吃碗米線，因實在太重口同口乾啦

講起荃灣美食，真係唔可以唔提米線呢間米線地點都幾易搵，想食米線嘅話真心可以過嚟試下。-鋪仔細細，眼見繁忙時間要等位先至可以入座。好彩我早咗少少過嚟姐🤪-雖然鋪頭細細，但米線選擇絕對非常多。餐牌共有13款米線選擇，有麻辣或酸辣湯底。辣都仲可以揀BB辣、小小辣、小辣、中辣、大辣、勁辣、唔辣、唔酸，一定搵到一款啱你口味。-我就叫咗個小窩薯粉BB辣，自選餸、蘿蔔、水餃、肥牛。一上枱，嘩咁大碗嘅。蘿蔔咬落去好甜，完全冇渣，食到辣辣地食返舊清甜蘿蔔，絕對可以幫助解辣。水餃仲大大隻，好多餡🥟-我哋仲叫咗一碗豬紅韭菜重慶酸辣粉，加豬大腸。平時好難搵到好食嘅酸辣粉，難得見到梗係要試一試。點知又係大碗到食唔晒😂唔食得辣嘅我已經叫咗BB辣，但係酸辣粉嘅酸麻辣香味完全無消失到。薯粉夠彈牙，粗身有口感，吸埋湯，美味加分👍🏻豬大腸仲夠肥😚鐘意食豬大腸既一定明！-口痕叫埋串燒！燒雞翼同雞軟骨！孜然粉未夠香口，燒得仲好乾身惹味👍🏻米線鋪竟然有得食串燒，實在驚喜

鍾意周圍食….鍾意相機📷食先….鍾意食…拍….寫鍾意食完又寫….留下美食回憶食..拍…寫已經成為我生活中的一部份———————————行完千色店，行完又去搵嘢食，近排都鍾意食吓辣嘢，呢間曾經有食過，味道都唔錯，所以就入咗去食，呢到D薯粉係好正好滑，而且我都鍾意食薯粉，所以就係必吃薯粉😋————————————🔴熱拌紅薯粉：（配料：花生、榨菜、咸菜）配腩肉、豬大腸：一見到腩肉和豬大腸我就一定食😂因為係我至愛吃的車仔餸😂薯粉好滑溜，配料又足，花生🥜、榨菜、咸菜成碗鋪滿…食落真係好滋味⋯⋯豬大腸滷得又焾帶有煙靭口感，腩肉入哂昧😋—————————🟣小鍋紅薯粉：（配料：芽菜、酸菜、韮菜、薑、芫茜）配豬軟骨、雲呑：朋友又係薯粉至愛，當然又食佢，配料的充足，芽菜爽口清甜，其他配料混合嘅滋味，真係食到心郁郁想，雲吞皮薄足餡料，豬軟骨滷得入味夠焾⋯⋯😋——————————🟡小食：🔺涼拌雲耳：不太辣，味道剛剛好，夏天食涼拌就最好，雲耳爽又脆口、而且雲耳又是健康的一種植物👍—————————-🔺手拍青瓜：蒜蓉🧄香又夠味，酸酸甜甜夠醋香，青瓜又爽又甜，又夠水份，吃落又爽脆，青瓜又是健康的爽菜😋———————

作為米線控，揾到啱口味嘅米線真係會忍唔住成日想食！第一次食雲家，已經愛上~ 湯底濃郁，勁多肉碎，酸菜，芽菜等配料，食極都仲有🤣🤣🤣 自己揀餸嘅份量都勁多！ 抵食又好食！個人食米線必食腩肉，但偏愛腌得入味同肥瘦適中嘅腩肉，呢日食雲家嘅腩肉略嫌有d瘦同韌，瘦肉比例較多

雲家小鍋米線係一間香港米線關注組多人推薦既小店。今日經過開附近，就去食翻碗米線試下佢！覺得真係幾好食，而且好大碗餸好夠，湯底都好好味！唔怪之得咁多人話好食😋見到佢啲小食好似墨魚頭、豬頸肉都好多人推薦，下次都要嗌碟試下先。1️⃣腩肉+炸醬小鍋米線（麻辣中辣）（$48）腩肉同炸醬都係呢間小店比較招牌既配菜，第一次黎食緊係要嗌黎試下！腩肉唔肥，切成一條條，薄片狀，醃得入味，而且肉質唔鞋口👍份量都好多下😌  炸醬好濃味好香，而且唔會好油膩既感覺，份量都係好多，鋪滿左半碗麵😂鍾意食濃味既人一定要嗌呢個！  湯底好香而且唔會死鹹，唔會好味精既感覺，而且入面本身有好多芽菜、韭菜，好大碗好足料！湯底味道真係濃得黎唔會好油🤤米線煮得啱啱好，保留到應有既爽韌感覺👍  

作為荃灣米線三巨頭，等位當然少不免，但今晚人流略少，等了五分鐘就可以就坐了店內非常擠擁，而且座位間隔很細，全店只有兩個侍應，既要收錢又要落單，收碗抹枱，亦要做外賣跟速遞，不過服務卻保持到，很難得涼拌墨魚頭$43爽脆的墨魚頭非常多，蒜頭有醃過配上淡淡的墨魚，非常好吃豬頸肉小鍋米線 大辣 $46牛腩 炸醬 蘿蔔 +$15 $10 $7非常大碗的米線，份量驚人！豬頸肉爽脆彈牙，牛腩大塊煙韌，炸醬超濃味，蘿蔔很甜，吃完一碗十成飽！美中不足：大辣不夠辣魚春卷小鍋米線$37 小辣腩肉$10腩肉的份量同樣多，而且不會太肥偏瘦，魚春卷煙韌有嚼勁，小辣的辣度很低，不太愛吃辣的朋友不妨試試

以往都不時會到荃灣這間米線店吃，不過現在搬走了，都比較少來，有次順道經過就買個外賣。食吓食吓，炸醬偏酸未如理想；反而蒜泥白肉才是正點，因為它的炸醬好像碎濕濕 ，細細粒的肉粒，味道又帶點酸，配合米線的話好像酸辣多過麻辣蒜泥白肉還是保持一向出色的水準，除了肥瘦均勻的腩肉之外，上邊的蒜香氣味甚濃，因此吃落也覺得相當出色。米線亦都可能因為吃外賣，沒有在現場吃那麼具嚼勁，質素就比較普通，下次可能還是有空的時候，再到雲家現場吃比較可取。

平時都好中意食米線，閒時都會周圍搵下有邊間米線好食，是日就黎到呢間荃灣既雲家米線試試。黎到門口已經有人排隊，排左陣就入得啦。小食方面我地點左2款：蒜泥白肉同手拍手青瓜，雖然係小食，但2款份量都好多。蒜泥白肉：肉質唔鞋口，蒜泥夠多，放小小落米線仲可以令味道提升手拍青瓜：爽口，沾汁食球酸地，正！到主角米線，點左2碗麻辣走酸菜配魚肉春卷同豬紅。湯底可以係成碗面既精華，夠辣唔油膩，唔會一味得個咸字，差啲連湯底都飲晒！魚肉春卷爽口彈牙，豬血就夠晒滑嫩。之後再加左炸雞翼同腐乳通菜，雞翼大隻而且外脆內嫩，推介！

我又食米線，每次去荃灣，我多數去雲家小鍋米線，因為餸份量多，味道好，價錢又經濟，每次去都不少人光顧，證明是必食推介。轉眼間飲品、米線已上檯，速度幾快。賣相繼續好吸引，目測好快餸！我點了小鍋米線（無辣），有墨魚頭、豬頸肉、冬菇。米線煮得剛好，有芽菜、蔥、芫荽等，好合我口味，湯底帶點酸，墨魚頭爽口煙韌、豬頸肉juicy美味，冬菇用蠔油炆好入味。朋友點的是 豬軟骨、蘿蔔、雞翼尖 麻辣米線豬軟骨有4大件，好腍好入味，雞翼尖都煮得好入味。小食點了手拍青瓜，有辣椒、蒜蓉，濃味中帶點青瓜的清新，好適合夏天食。