雲壽司 (聯成商業中心) (已結業)

有位大哥，每個星期六日都要食廚師發板，唔貴唔食，最開心嘅就係同富二代一齊去貴價壽司店打卡打到下世紀。 佢哋最鍾意就係book城中最難book嘅日本餐廳，然後點解咁難book？因為富二代個個禮拜都有訂位，嗰度直情係佢嘅飯堂，唔講唔知以為係佢屋企個廚房。 當然，$3000一餐午餐不是我們這些凡夫俗子可以做到嘅事情，我聽到都覺得荷包痛，當然亦都有人認為可以同佢哋食到飯就覺得自己都係變咗上流社會，然後係10萬個為什麼嘅哲學問題。 小時候媽媽教你做人都係要同乖學生埋堆，因此你近有錢人都變有錢人呢個頓時變成大道理。 最後某個星期天突然間想食壽司， 冇book到城中名店又想平平哋食餐壽司，又唔想去壽司郎排隊排到天黑，幸好我們還有立鮨店同雲壽司。 $380一個午餐 ，有10件壽司，有一件海膽，有一件手卷，再有一碗麵豉湯。 靚嘅壽司有拖羅、有海膽、有剝皮魚、有赤背，應有盡有，整體水準都唔錯，唔使訂位唔使排隊，話想食就食，當然我同你話好好食好食過四季酒店嘅saito，我擺明就係玩嘢啦。 只係用一個平價錢換來一刻嘅快樂，這樣嘅生活多好，幸好我們還有這些平易近人的壽司

📌 雲壽司~銅鑼灣一直都好想試呢間日式壽司店🍣地點就腳 專門出平價版omakase🤩裝修簡約 很有日式風格環境舒適 店員親切有禮👍🏻店舖並不算很大 座位距離比較近🤔而且全部都係吧枱位 可以睇到師傅製作食物前面放有凍櫃整齊放列不同刺身 衛生程度不錯上菜速度好快 有提供綠茶粉自己沖熱水飲🍵除咗廚師發辦料理 仲有單點壽司同套餐平日兩點多嚟到 人流都唔算好多😌唔使排隊就可以入去 午市有機會要排隊😜午市附送沙律同麵豉湯 好飽肚啊沙律充滿芝麻醬很清新 麵豉湯亦不會過鹹😋1️⃣ 北海丼 𝗛𝗼𝗸𝗸𝗮𝗶𝗱𝗼 𝗥𝗶𝗰𝗲 𝗕𝗼𝘄𝗹 $𝟭𝟴𝟴 (𝟳.𝟱/𝟭𝟬)呢個飯簡直係集合左唔同嘅刺身 好吸引！上面嘅材料分別有吞拿魚腩、油甘魚、赤貝、牡丹蝦、海膽、三文魚同三文魚籽一次過可以試晒咁多款刺身同海鮮😆牡丹蝦比我想像中鮮味好多 咬落好爽口🦐海膽食落好creamy 入口即溶🤤三文魚籽很鮮甜 入口就爆汁三文魚同吞拿魚腩都好厚切 肉質鮮甜～赤背食落有啲似象拔蚌 很爽口丼飯嘅飯粒軟硬適中 壽司醋亦都落得啱啱好😍2️⃣ 特上壽司拼盤 𝗗𝗲𝗹𝘂𝘅𝗲 𝗦𝘂𝘀𝗵𝗶 𝗣𝗹𝗮𝘁𝘁𝗲𝗿 $𝟮𝟱𝟬 (𝟳/𝟭𝟬)呢個拼盤一共有十件壽司 顏色鮮艷☺️已

銅鑼灣日式餐廳林立，這家餐廳在地舖，非常方便。餐廳比較小，像日式拉麵店，坐在板前用餐。餐廳見到有不同價錢的Omakase套餐，也可以單點。我點了一個Omakase，有刺身、壽司和手卷。⭐️雲KUMO▫️刺身4點有鮑魚、大拖羅、鰤魚和粒貝。鮑魚入口夠軟腍，很鮮甜。粉色的厚切大拖羅表面的油花密密麻麻，入口魚脂極為充沛，一口一滿足，鰤魚的魚脂中規中矩，入口清爽柔嫩，魚味很突出。粒貝也很出色，入口爽脆清甜。▫️壽司7件分別有白蝦、飛魚、伊左目、螢光魷魚、赤貝、海膽和銀鱈魚。白蝦入口清爽，略帶黏稠感，餘韻甘甜。飛魚配上香蔥，口感柔軟，魚味比較淡。伊左目油分較少，口感不油不膩，螢光魷魚頗飽滿，吃起來清爽。赤貝十分肥美，非常爽脆。銀鱈魚很美味，魚脂燒過之後都逼出來了，入口軟綿綿的。海膽新鮮甘甜，很好吃。▫️手卷1條手卷是吞拿魚腩蓉，入口清爽，魚味突出。▫️麵豉湯最後來碗麵豉湯暖暖胃作結。

銅鑼灣性價比極高既壽司小店，食物極度新鮮又好service! 小店係做Omakase，但都有普通散點menu， 就咁睇價錢你未必覺得抵，但你食左之後會發現，原來香港都食到漁市場既高質！ 北海道海膽丼 $168雖然佢係lunch menu, 但晚餐都有，只係小左個沙律咁解。飯上鋪滿海膽同三文魚子，第一次係香港食到咁新鮮，完全唔腥又冇苦味。反而有小小海水味同鮮甜！ 三文魚子咬落去會有「卜」一聲，一啲都唔腥。帶子好大隻又鮮甜爽口。飯都冇得彈，唔會太多壽司醋太酸，又唔會散口。真心一試就知有幾高質，希望保持水準，期待再光顧

Bookmark 左呢間壽司店好一段時間，趁平日黎開銅鑼灣試試。 店內位子不多大約十個，全部都係坐sushi counter，望住師傅好專注咁整壽司，真係特別期待！ 廚師發辦有3個價位，我就點左《翔》，$380有10件壽司、1件手卷先來一杯熱辣辣既麵豉湯，內有油揚。呢度嘅omakase 係一盤送上，對於我呢d食得慢又鍾意影相嘅人來講，一盤10件壽司可以相機先食～先由白身魚開始銀雪魚壽司經火炙過，油脂滲出更香，肉質嫩滑細緻、腦天係吞拿魚頭頂既肉，同樣火炙過，油份非常豐富，甚至下面既飯團都沾滿油香。 帆立貝厚切極具彈性，口感實淨，令人齒頰留香深海池魚肉質爽彈帶有油香，味道鮮甜鰤魚肉色粉嫩肉質甘甜 ， 口感油滑幼細小白蝦係富山灣既寶石，色澤白皙，鮮甜肉嫩。海膽壽司 無海苔包住，味道來得細緻，入口甘香鮮味滿滿，每粒米粒充分吸收圓潤飽滿拖羅壽司魚味濃郁，其魚油豐富入口鮮滑，順滑入喉。 鯖魚壽司 肉質實淨帶油香，魚肉上面加上香蔥更添上一點芳香剝皮魚上面白色係剝皮魚肝，整個口腔充滿魚油香味，細膩柔韌蔥拖羅手卷 紫菜夠乾身，味道甘香無比，油脂濃香入口軟滑。

呢間壽司舖本身出名係佢嘅平價版Omakase，之前食過佢嘅翔，今次就食「特上壽司拼盤」。其實佢仲有唔同嘅選擇，如果平價啲嘅可以食刺身拼盤或者壽司拼盤，我今次食呢個特上版，其中一個特色就係可以有海膽食。餐廳提供綠茶粉，熱水自助。這一個拼盤一共有10件壽司，包括吞拿魚腩、深海池魚、牡丹蝦、海膽、赤背、火炙左口魚邊、三文魚籽等等。第一舊我試嘅係牡丹蝦，蝦身彈牙，而且肉質比較爽，隱約地亦都有鮮味。第二舊係蔥吞拿魚腩壽司，蔥完全係吊起左吞拿魚嘅香味，食完之後，吞拿魚嘅油仲留咗喺我口腔入邊。第三舊嘅係海膽，但今次我食唔出佢嘅海膽係唔係來自北海道，以前食嘅時候，我可以幾肯定係來自北海道海膽，而唔係來自加拿大，因為入口即溶，但今次食嘅時候，我又感覺到有少少加拿大馬糞嘅質感。但整體來講，都係幾唔錯嘅。之後分別係食火炙左口魚邊，火炙香味濃郁，三文魚子大大粒，亦都好新鮮，冇一種「梅」嘅「壓」「抑」，我去嘅時候好爽，每一粒都有三文魚籽汁爆開。最後就係吞拿魚腩，不過不失。

呢間位於銅鑼灣嘅壽司店我已經bookmark 左好耐，今次去試下佢地個lunch set. 聽聞佢地晏就係有平價版omakase 食，但由於我第一次食未知佢地水平如何，就試下普通lunch set先。餐廳屬於中價位嘅壽司店，位置唔算大，都係一行吧枱咁，茶同豉油等都係自助型式。我就叫左個北海丼（$188），lunch set包埋麵豉湯同沙律。北海丼裡面有拖羅、赤貝、海膽、三文魚、三文魚籽、油甘魚同牡丹蝦❤️每樣都有2片，非常豐富。整體黎講魚生都算新鮮，厚度十足。我特別鍾意個拖羅，食落非常肥美而且冇筋😋

聽朋友介紹 估唔到係銅鑼灣鬧市 $400幾蚊就食到一個Omakase 😱 真係講都唔信🤣 今日特登試一試😊 Omakase全部日本空運貨🇯🇵 超新鮮CP 值超高💰 雖然吧檯地方比較淺窄😅 但新鮮度絕對值得試一試‼️⭐️ 雲 ☁️ ($450)呢個Omakase Set 總共有 4款刺身 7款壽司 1條手卷同湯 份量好豐富🥰 新鮮度絕對值回票價❤️⭐️ 粒貝 🐚比較爽口有口感😋 幾清甜⭐️ 鮑魚 🦪本身調味過 提昇左鮮度😍 非常鮮嫩⭐️ 鰤魚 🐟肉質淡淡地既甘甜 口感好順滑⭐️ 大拖羅 🍣油脂比例剛剛好 非常肥美💕 Literally 入口即融🤤 肉質嫩滑無筋 慢慢滲出油香 😋⭐️ 白蝦 🦐比起一般甜蝦更嫩滑 更爽口😚⭐️ 金目鯛 🎏魚肉新鮮好有光滑 亦好有口感⭐️ 剝皮魚 連同肝一齊食 味道好有層次👍🏻 連同蔥一齊食🌱有肝既味道但係唔會腥⭐️ 海膽 🧡見到流曬口水🤤好豐富好鮮但唔會苦 每一口都好Creamy🍦 又係溶在口中⭐️ 筋子 醃製過既魚子 每一口都有鮮味係口腔裡爆炸💥充滿鹹鮮唔會腥⭐️ 吞拿魚面頰炙燒過有點肉的口感🔥 同樣半溶在口中⭐️ 鮟鱇魚肝 同樣調味過無腥味 如果送酒就一流🍸⭐️ 吞拿魚卷 肉質無拖羅咁

好幾次經過都好多人要排長龍，今次一於放假去碰碰運，試試佢有唔少人推介嘅抵食lunch set~ 差唔多兩點去到，等左5分鐘就可以入座。Order左自選壽司10件，揀左油甘魚、真鯛、呑拿魚、三文魚腩、火灸金線鯛、帆立貝、赤蝦、火灸左口魚邊、火灸三文魚腩、辣味呑拿魚軍艦。全部食材都好新鮮，三文魚腩肥美，帆立貝同赤蝦鮮甜，特愛火灸左口魚邊同火灸金線鯛，成個口油滋滋味道好rich！ Lunch set仲包沙律同麵豉湯，自選壽司10件$168+10%，唔太肚餓啱啱好，性價比算高，唔洗排隊嘅下次都想試埋佢omakase。

終於捱到月尾喇😍出糧第一件事都係諗起食壽司😋來到銅鑼灣嘅雲壽司梗係要試下佢哋🍱廚師發板 翔廚師發板嘅好處就係當日食物完全由壽司師傅決定👨🏻‍🍳佢地會揀當日既精選食材俾你唔挑食既話都係一個唔錯既選擇😌當中包括：🍣壽司十件當中出色既有大吞拿魚腩，入口即溶帶微酸仲有甘甜可口嘅creamy海膽鰤魚同油甘魚都唔錯㗎🍙手卷一條所吃到既係吞拿魚蓉手捲為免紫菜淋左記得盡快食呀仲有☕麵豉湯提供🍱特上壽司拼盤十款壽司各一件吞拿魚腩，深海池魚，牡丹蝦，赤貝，三文魚子，海膽，火炙左口魚邊，鯖魚，魴鱍，蔥吞拿魚腩同伴話質素都ok㗎😛雖然環境唔大裝修都幾有氣氛唔錯

唔使去OT，就去食壽司。去到銅鑼灣，點可以唔食。我揀左特上壽司拼盤 Deluxe Sushi Platter（$ 250），有吞拿魚腩壽司、深海池魚壽司、牡丹蝦壽司、赤貝壽司、三文魚子壽司、海膽壽司、火炙左口魚邊壽司、鯖魚壽司、魴“魚弗“壽司、蔥吞拿魚腩壽司。十款壽司話多唔多，份量啱啱好。刺身夠新鮮，特別係三文魚籽，種類夠多，吞拿魚好好食呀。同行既就食翔(380蚊既廚師發板) 都係有壽司十件，眼見就白身魚多，聽佢comment都係新鮮同好食。仲有吞拿魚手卷同埋麵豉湯。餐廳雖然細，但幾好service，員工又多又好人，所以都係一個唔錯既選擇。

2021年3月16日 星期二今日難得未到中午已經可以喺公司走得，可以好好諗吓去邊度食lunch，不知不覺間就行到去銅鑼灣行過呢一間餐廳突然之間好想食壽司，見到餐廳門口嘅餐牌午市竟然都有廚師發辦，心諗難得一個人食，不如食得豪啲入到去再睇返餐牌，原來廚師發辦都有三款價錢選擇，豐儉由人，最後我選擇咗中間嗰款，怕第一款會食唔晒等待食物期間，係個位附近周圍望吓，見到原來除咗廚師發辦之外，仲可以散叫其他刺身，雖然唔知道每款嘅質素如何，不過淨係睇價錢都覺得唔算太貴另外餐廳每一個座位都係吧枱位，所以好清楚睇到師傅製作食物，而且見到凍櫃放滿左唔同種類嘅刺身，排得好整齊又乾淨，衛生程度唔錯等左大約10分鐘就有痴身送到，分別有四本唔同嘅試身，店員建議我由左至右咁去食，因為味道係由淡至濃，蚌片幾爽口，夠彈牙而蠔幾大隻，一啲都唔腥，反而有好濃郁嘅海水味，仲要完全無蠔殼，感覺唔錯之後有7貫壽司，每一件都睇得出好新鮮，當中見到有玻璃蝦，有咬口又夠彈牙，而海膽一啲都唔吝嗇，差唔多鋪滿晒成件軍艦，食落去有鹹鮮味，好高質仲有鹿兒島A4和牛壽司，我留返最後一刻先食，因為想口腔仍然保留住佢嘅味道，入口嘅一刻已經充滿牛肉嘅濃味

做完運動後在銅鑼灣遊蕩，時近晚飯時間，決定吃完晚飯才回家。一路在街上行走一路搜尋晚飯的餐廳，路過這間雲壽司是被光亮的門面吸引，而且餐廳的黑板上寫着廚師發板套餐晚餐才$680 ，價錢也吸引，一於試一試。餐廳地方不大，就是一張L型吧枱，應該最多可以坐十幾人。由於時間尚早，店內沒什麼客人，可以坐得寬鬆。坐下後覺得很奇怪，為什麼沒有人給我茶，枱面上有一個空茶杯，研究一陣子後才發現是枱頭有熱水器自己放抹茶粉斟水，我太久沒有吃過這樣的壽司店，所以已經忘記了整個流程，在這裏覺得自己有少許「離地」。😅要了餐廳最貴的「吟」廚師發板套餐($680)，包括七款刺身、七款壽司及一款手卷，麵豉湯。在等待的時候隔壁來了一個男客人，叫了一份10件的壽司套餐，然後差不多3分鐘以內這個壽司套餐已經準備好上枱，我很驚奇，因為速度如此之快，可以去到匪夷所思的地步，看來這裏是靠速度來不停翻枱，做多幾轉客人。七款刺身在驚訝的同時，我的七款刺身也已經準備好，七款刺身原來是一個拼盤，一次過上枱。七款刺身包括粒貝、帆立貝、生蠔、深海池魚、鰤魚、大拖羅及牡丹蝦。粒貝首先品嚐的是粒貝，因為貝類的味道比較淡，大概一共有六七片粒貝，份量很足

銅鑼灣SOGO後面嘅謝斐道真係好多嘢食，今次就揀咗雲壽司入去獨食🤓 餐廳以簡約日式壽司店裝修，睇落光猛乾淨，一排長bar枱，可以睇到清晰師傅嘅手勢。我今日揀咗一個丼飯lunch set食😋 Lunch set 除咗有丼飯，仲會有麵豉湯同埋日式沙律配搭，沙律🥗有好多芝麻醬，夠晒惹味。北海丼 $188嗌北海丼可以一次過滿足鍾意食刺身嘅人😍有赤貝、海膽、拖羅、三文魚、牡丹蝦、油甘魚同三文魚籽，有齊七款刺身，基本上全部都食得出好新鮮厚切，海膽或三文魚籽冇腥臭味🤓我最鍾意食拖羅🐟 雖然佢只係丼飯嘅其中一個配菜，但質素依然好高。拖羅顏色粉嫩，油脂紋理清晰，食落油脂感重，更有入口即化感覺。另一樣一定係海膽🤤 海膽份量都幾多，甘甜又滑，次次食海膽都好有滿足感。順帶一提，三文魚真係新鮮肥美。丼飯嘅壽司飯暖身，唔會太冧或太硬身，亦唔會太多壽司醋，而且成碗飯都幾大碗咖🙈

第一次跟朋友來吃廚師發辦。餐廳小小的，只容納數檯堂食顧客；除了廚師發辦料理，更設有單點壽司及套餐。店員仔細介紹餐牌內的各款壽司，最後點了特上壽司拼盤。這裡的上菜速度快，雖然店舖細小，但翻檯速度挺快的。特上壽司拼盤一共有十件，分別有吞拿魚腩、深海池魚、牡丹蝦、赤貝、海膽、三文魚籽、火灸左口魚邊、魴鮄。稱之為特上款式，刺身夠新鮮：牡丹蝦肉質彈牙、吞拿魚腩油脂肥美鮮甜、赤貝十分爽脆；海膽、灸燒左口魚邊赤十分出色。一開始還以為會不夠飽呢，肥美的刺身，吃著吃著其實也很飽。要喝點茶、吃點薑才能中和油膩感。整體來說是一次很不錯的體驗，而且價錢比較實惠，哈哈。