雲吞仔 (已結業)

本身係諗住就咁食雲吞河，跟住店員姐姐介紹左新出品黑松露雲吞就試下。加埋生菜同凍檸茶。生菜okay，唔靭無青味，爽脆甜。黑松露雲吞有驚喜，本人係鐘意黑松露味，有啲人係唔鍾意黑松露味，就冇辦法。黑松露味配蝦係夾嘅，值得一讚係，呢度嘅蝦做到好爽脆身，口感好好，出面好多老字號啲蝦都係霉淋咁。有讚有彈，但湯底同河粉就比較遜色。首先，呢度嘅河粉同出邊一般食開嘅質感好唔同，河粉係好薄身又好滑身不過唔易爛，冇乜米味，由於河粉好滑身所以掛唔到湯，加上湯底偏淡，所以食落真係好似滾水淥粉咁。建議店家可考慮改用第二隻河粉，可能有改善。為咗黑松露雲吞，我係會返轉頭。