影片
更多
2017-10-26
66 浏览
為左賀一賀朋友搵到新工，就約左去一向岀名多野食既觀塘食飯，朋友話佢新公司附近有間食羊既唔貴，lunch 好多人排隊，話想試下喎，不嬲我都中意食羊既，就一口應承左啦！餐廳位置都算易搵，我朋友係工業中心番工，係正佢附近，地鐵站行過去都好就腳，去到晚飯時間都唔算話好多人，但都無乜空位架，本身間店係觀塘廣場既時候食過一次，今次再食過翻尋味，搬左店地方大左又開揚左，同朋友坐得仲舒服左。好啦到重點，叫左羊肉米線，估佢唔到啲羊肉都算多，又幾有羊味，最重要係唔蘇，個湯又唔算油，睇得岀個面都幾足料，冬天不嬲都中意食羊腩煲既我，呢碗野既性價比真係叫高！面有分大細兩個size，其實一份大真係都幾大份，所以如果唔係咁肚餓，兩個人share 1份就ok，我見其他人都係咁😂我個朋友麻麻地食羊肉，就叫左個雞肉米線，佢話雞肉同其他米線店唔同，都幾嫩滑同食得岀個湯庭都煲左一段時間，都幾正，我都忍唔住偷食左幾啖！食完主食，點可以唔試下佢嗰啲小食？平時去x仔都係最中意食佢既小食，見我地都有啲肚餓，就叫左口水雞同木耳，口水雞唔會好重口味，辣辣地幾開胃，不嬲唔係好食得辣野既我，都食左半碟😂至於木耳，醃得幾入味又唔會太林，咬落去
餐廳位置都算易搵，我朋友係工業中心番工，係正佢附近，地鐵站行過去都好就腳，去到晚飯時間都唔算話好多人，但都無乜空位架，本身間店係觀塘廣場既時候食過一次，今次再食過翻尋味，搬左店地方大左又開揚左，同朋友坐得仲舒服左。
好啦到重點，叫左羊肉米線，估佢唔到啲羊肉都算多，又幾有羊味，最重要係唔蘇，個湯又唔算油，睇得岀個面都幾足料，冬天不嬲都中意食羊腩煲既我，呢碗野既性價比真係叫高！
面有分大細兩個size，其實一份大真係都幾大份，所以如果唔係咁肚餓，兩個人share 1份就ok，我見其他人都係咁😂我個朋友麻麻地食羊肉，就叫左個雞肉米線，佢話雞肉同其他米線店唔同，都幾嫩滑同食得岀個湯庭都煲左一段時間，都幾正，我都忍唔住偷食左幾啖！
食完主食，點可以唔試下佢嗰啲小食？平時去x仔都係最中意食佢既小食，見我地都有啲肚餓，就叫左口水雞同木耳，口水雞唔會好重口味，辣辣地幾開胃，不嬲唔係好食得辣野既我，都食左半碟😂至於木耳，醃得幾入味又唔會太林，咬落去都幾爽口，份量都唔算少！
呢間餐廳性價比都幾高，位置又就腳，岩曬一班打工仔收工即刻有得食，啲野都好抵食，兩個人百幾蚊已經食到捧住個肚走，下次再試下挑戰其他小食先🤣
张贴
