雪山冰廳

营业中

休息中

訓醒閒來無事就去左長沙灣接個朋友收工，然後就係附近睇下有咩好食，行行下我話想食西多，朋友話附近有間西多好正，話我一定鐘意食(´▽｀)原來係雪山冰廳，我聽過個名但真係第一次食，有五六十年歷史，點都要試下佢.餐牌上樣樣野我都好想食，但係知道一定食唔唒唔想浪費，所以叫左最最最想食既，其他就只好下一次過黎再試(´▽｀).榛子醬西多士 $32 第一次食榛子醬既西多士，多士炸到脆邊，麵包軟熟再配上榛子醬夾心，出奇地夾而且唔會好甜，真係邪惡又好食！.避風塘生炸雞脾 $35一上枱朋友哇左一聲，話估唔到咁大隻，雞皮脆卜卜，雞肉又滑又juicy，連埋炸蒜一齊食，正啊！.爆焰蛋牛治(烘底）$28一見到圖覺得好吸引就叫左，我哋最後先食個三文治都仲係好脆，麵包烘得鬆軟，炒蛋又厚又滑加埋咸牛肉既香味再配上葱花增加口感，真係好夾又好足料.始祖椒鹽豬扒飯$68見到呢個飯係招牌就點黎試下，一上枱就聞到好香，豬扒份量多啖啖肉炸到乾身唔會太油，個飯係炒飯底而且粒粒分明，用左蒜，葱，紅椒等既配料去炒，有少少辣味好好食，呢個我極推薦！

🏔️今次去深水埗食呢間有60幾年歷史既雪山冰廳入面每款野食都係經典中既經典 真係好吸引😛🍜 檳城叻沙海南雞米線 $68 ✨叻沙湯底濃得黎都幾鮮味 唔輸外面叻沙湯海南雞都好嫩滑 加埋叻沙湯一齊食好好味👍🏼🍞 榛子醬西多士 $35 ✨西多士勁厚切 炸到金金黃黃表面勁香脆 咬落仲有滿滿既蛋香味🥚裏面仲有香濃既流心榛子醬 食完大滿足🤩🐓 避風塘生炸雞髀 $35雞脾既表皮炸到金金黃黃 而且上面仲有好蛋炸蒜食落口d肉汁漏哂出黎 再加上脆口既炸蒜好夾好香口 真係好難係出面食到咁正既炸脾😛🍔 經典芝蛋牛肉漢堡配迷你肉醬意粉 $58 ✨平時大家係出面食個漢堡 閒閒地都講緊成舊水呢到一個漢堡再加多個意粉先$58 真係好抵食🍝漢堡既肉應該係店家自製 入口有油香味而且好軟滑 唔會有鞋口既感覺 真係好好味再加上隻流心蛋同埋酸酸甜甜既醬汁好特別🥳肉醬意粉都好香蕃茄味 意粉煮得岩岩好同肉醬好夾 真係會愈食愈開胃🥣 滋潤燉湯 跟餐價$15湯真係好足料 睇都睇得出係真材實料唔係平時茶記既味精例湯 誠意滿滿☺️🤩整體黎講野食都真係好懷舊 食得出餐廳既心思亦都明白點解經營左咁多年仍然立不倒如果大家都鍾意食懷舊野既推薦黎試試👍🏼

餐廳雖然係一間超過60年嘅老字號冰室，但裝修上就新式vintage 一齊嚟：有新式少少嘅金魚牆，仲有vintage 風嘅瓷磚牆。而且唔難發現當中會有湖水綠呢隻顏色嘅元素。職員好nice，會走過嚟睇吓有冇咩餐具、糖漿未有嘅，未問就主動攞齊晒。嘢食份量大，價格相宜，下午茶餐好抵。上菜速度好快，食物質素、味道都好夠，cp值好高👍🏻♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 下午茶餐-避風塘生炸髀 配紅豆冰 $42雞髀大隻到同枝樽仔奶茶一樣，雞皮炸到好香脆，表面好乾身，但入面肉質十分嫩滑Juicy，配上面頭嘅脆脆炸蒜，好惹味，小編會因為呢隻髀再返去架🤭紅豆冰啲紅豆大大粒、粒粒分明，煲到好腍有沙，味道唔會太甜👍🏻❥ 下午茶餐-榛子醬西多士 配樽仔奶茶 $44蛋味香濃、鬆軟嘅西多士夾住一層厚厚嘅榛子醬，再淋上糖漿，呢件西多士係邪惡中嘅邪惡😈樽仔奶茶口感幼滑，奶味較濃。❥ 經典芝蛋牛肉漢堡 $35多醬朋友之選✨如圖芝麻醬多到滿瀉呀😆再加埋半溶芝士 + 流心蛋 + 厚而唔乾嘅漢堡扒，一啖咬落去會爆醬汁架，漢堡都會爆醬汁架🤩❥ 始祖椒鹽豬扒飯 (炒底)

長長的青山道又豈止一間食得過的食肆，但如果由荔枝角近球場的工廈穿過球場往長沙灣方向，這座「雪山」需時步行十分鐘左右，叫做比較近。現場八成食客都點中餐補飛再襯個小砂煲中湯，本枱反其道，選西或南洋。叻沙海南雞米線，已去骨，半髀半胸，湯底略淡未夠香濃，米線麵底似扣了底比一般米線店少，盛惠$68未免牽強。焗溫泉蛋肉醬意粉$62、焗豬扒飯$65一齊上，賣相孿生一樣，溫泉蛋意粉的蛋明顯已成溫水煮蛙般已熟成狀態，蛋黃汁已變固體。肉醬意粉整調味同樣偏淡，味道較似兒童餐；焗豬反倒「藝高人膽大」，用到成吋厚的豬扒，而竟不嚡不乾，算是肥瘦有緻。榛子醬西多$32，也是用n字頭那款榛子醬，豪氣在整支糖漿遞來任君塗抹，唧到碟西多「水浸」款都無人詐型。特飲一杯「華田曲奇妙趣」本來不能跟餐，但夥計走去打單又顯示只加$9，算抵飲，預設已是小甜，就一片oreo，浸淋撈勻飲就顯得整杯特飲較濃味。臨走一開玻璃門，寒風即竄入，比雪山更刺骨。

雪山冰廳（Cheung Sha Wan）好耐冇食過港式冰室 呢間一向喺長沙灣都幾高人氣😉😉 今次小編同屋企人去食返個下午茶先～☺️⌖ 避風塘生炸髀配紅豆冰 🍗🫘🧊💰$42招牌炸髀🤩 皮非常脆口得黎肉仍然保持得好嫩滑 配埋避風塘味粉夠曬滋味😋😋 好食到最後小編仲忍唔住多點左一隻🤭🤭 適合配紅豆冰🫘🧊 正常發揮😌⌖ 粟米什果沙律 🌽🥗💰$8（加配價）水果種類豐富😎 適合同炸物搭配～⌖ 榛子醬西多士 🍫🍞💰$35熱辣辣🔥 面頭會有一塊牛油添🧈 內含爆多榛子醬 麵包軟熟 超邪惡！😈⌖ 華田曲奇妙趣 🍪💰$9（加配價）打卡之餘仲好飲🫣 配cream後特別滑溜 甜度適中😋😛⌖ 海苔炸薯條 🍟💰$8（加配價）襯熱食都不錯😗😗 當下午茶一流！⌖ 樽仔咖啡 ☕️💰$9（加配價)細細一樽咖啡幼滑 奶味較突出🥛☻ 回頭指數：8/ 10 ❝ #Amiの九龍覓食記#Fatshit_ami #Teatime #長沙灣美食 #香港美食 #港式美食 #食好西 #長沙灣茶餐廳 #港式茶記 #港式茶餐廳 #茶餐廳推薦 #雪山冰廳 #避風塘生炸髀配紅豆冰 #避風塘生炸髀 #生炸髀 #港式紅豆冰 #榛子醬西多士

早幾日到長沙灣工作，收工後在附近覓食～看到雪山冰廳的晚市套餐價錢相宜，而且差不多坐滿客人，便一試了～💕我們點了：二人套餐 $168包2盅燉湯、一味小菜、一味海南雞或霸王雞或是日海上鮮$10 本來不是叫套餐的，在點菜的時候，店員姨姨說我們如果想吃小菜加霸王雞的話，二人套餐是最抵食的(⁎⁍̴̛ᴗ⁍̴̛⁎) 男朋友作為資深食肉獸，全雞宴又上演了(≧∇≦) 我們選了：霸王雞半隻 又香又滑！ 皮爽肉嫩，啖啖肉！ 啫啫燒肉滑雞煲未上枱已經聞到香味了！ 最令人期待的啫啫咋咋的聲音真的很吸引💕☺️燒肉很香口入味，雞肉煎香夠鑊氣！椰子燉赤肉湯 燉湯足料而且熱辣辣(*ˉ︶ˉ*)非常滋補清甜，喝完暖笠笠。靚湯熱辣辣超足料，有雞腳、瘦肉，很清甜滋補👍🏻二人餐份量足料，連白飯都超大碗(⁎⁍̴̛ᴗ⁍̴̛⁎)整體是實惠的！ 另外加點了一個避風塘生炸脾🍗 （$35）是餐廳的招牌菜！一場來到，當然要試一試，炸雞脾賣相吸引，外皮脆卜卜，雞皮表面有避風塘粉，整體口感更豐富更惹味，好惹味！ 生炸雞髀，外脆內軟滑，不愧是招牌！整體來說，不愧是老字號茶餐廳，小菜夜魅，份量抵食，店員姨姨更是10分友善！ 值得encore，價錢不貴，是糧尾恩物。

今日來到了長沙灣品嚐一下地道的茶餐廳，餐廳環境佈置明亮，加上店員充足，上餐速度也十分之快.這個海南雞油飯，粒粒分明，充滿了油香，海南雞十分之細滑水準十足.這個西多士外皮香脆，加上內裏的榛子醬，卻感受到與別不同的西多士.沙嗲牛肉，沙嗲味十分之濃厚配上米粉，簡直是茶餐廳最佳的配搭.公司三文治用料十足，有了厚切的雞蛋，配上午餐肉和烘底的多士簡直是令人回味.最近天氣比較乾燥，菜蜜也能夠保持大家滋潤.這間茶餐廳雖然是新派的，但是食物質素有點令人回味舊香港的.

挨年近晚，又要辧年貨，又要封定利是，手頭開始有啲緊。嗰晚經過開長沙灣，打算平平地食餐好。就俾我地搵到間價錢相宜嘅茶記冰室。唔好以為茶記冰室就只係食茶記冰室嘅嘢，原來呢度仲有晚飯小菜同季節限定羊腩煲都好正喎！我地點咗個二人套餐，有齊燉湯、一味小菜、一味海南雞或霸王雞或是日海上鮮（加10蚊）。我地平時好少機會食魚，所以加錢揀咗黃花魚。其實是日海上鮮仲有盲鰽、䱽魚同紅鮪揀，但盲鰽就一早售罄咗。上菜速度都好快，燉湯足料而且滾熱辣，飲完成身暖笠笠。黃花魚新鮮，肉質嫰滑。個套餐$178，呢個價錢，你話抵唔抵食喇？

雪山冰廳 (長沙灣).近年茶記冰廳愈開愈多，但好食嘅寥寥可數，呢間雖然只有兩間分店，但勝在平靚正.清蒸紅鮋- 蒸魚真係一個看似簡單但其實好睇本身店鋪豉油同蒸嘅火候。紅鮋清蒸都非常好食，魚肉非常滑.無骨霸王雞飯，雞滑，配葱蒜，雞肉入味.雙蛋雞扒撈公仔麵- 看似頹，個簡簡單單先好食紫菜金銀蛋豆苗- 無理由全肉宴，呢個菜只叫一個都可以餸飯。紫菜配上雞蛋鹹蛋，豆苗又嫩.爆餡蛋牛治烘底 - 烘得唔夠透，但蛋同鹹牛肉真係perfect match.雪山冰廳 (長沙灣)長沙灣青山道413號東景大廈地下4-5號舖

雪山冰廳 (長沙灣).屋企人好喜歡呢間冰室，今晚過黎買野就順便食佢💜.▪️清蒸紅鮋▪️.本身係想叫深海泥鯭，可惜賣曬，咁爸爸就叫紅鮋試下，點知都勁滑同埋個豉油好甜好好食.▪️雙蛋雞扒撈公仔麵▪️.因為男朋友完全唔肚餓嘅情況下叫，個公仔麵好入味，雙蛋個汁可以撈埋個麵！.▪️無骨霸王雞飯▪️.雞件好滑再夾埋葱蒜，無骨食得好爽🤭.▪️紫菜金銀蛋豆苗 ▪️.呢個超推薦！ 紫菜估唔到放係金銀蛋入面係咁夾，而且佢個湯好好味，伴飯只食佢都唔會寡！.▪️爆餡蛋牛治烘底 ▪️.唔肚餓嘅我想食烘底三文治🥪可惜佢今次烘得唔夠透，但個蛋牛好好食😋.▪️樽仔奶茶▪️.平時飲品好少講，但呢到嘅樽仔奶茶好濃郁，香茶底！.📌 雪山冰廳 (長沙灣)長沙灣青山道413號東景大廈地下4-5號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.

平時中午唔知食咩嘅時候，就會去呢間茶餐廳食飯，近屋企，又方便。等位都快最鍾意嘅就係「椒鹽豬扒飯-炒底」🔥份量足，豬扒煎的又香嫩！最值得一提嘅就係豬扒面層嘅調味料，拌肉同飯一起食好有滋味！會有一dd辣椒🌶️，但唔算好辣。

今日去長沙灣搵舊同事食飯，我搵了一間平比較親民的餐廳，餐廳環境衛生乾淨，坐位也很闊落，上菜的速度也很快，職員態度亦很殷勤，值得一讚！餐廳位置很近長沙灣地鐵站大約行十分鐘都算方便。芝士煎蛋牛肉漢堡包加肉醬意大利粉$58一隻煎蛋加一塊芝士，都砌到漲卜卜好飽滿。麵包雖然是很多空氣的港式麵包，但最少乾身鬆香，夠挺身。一啖咬落去好有層次，好滿足！肉醬意粉中規中矩，略嫌醬汁未夠多椒鹽豬扒飯炒底$68一嘗超強的椒鹽豬扒飯炒底，真係幾大碟，一個女人要KO真係有難度。香蔥、蒜粒、辣椒佈滿飯粒，食落香口惹味，但不會超濃味。唯一是飯粒末夠完全乾身分明。配料水準唔錯，醃味適中，只是豬扒略嫌乾左D。榛子醬西多士$32西多士是港人下午茶的熱門之選！加入蛋漿油炸至金黃香脆的白麵包，在進食前再塗上厚厚的牛油及香甜的糖漿，內裏又有榛子醬，既邪惡又美味，令人心花怒放！

📌 雪山冰廳 - 長沙灣青山道413號東景大廈地下4-5號舖🗓(3/12) 星期五 ⏰ 下午5點左右 💈特式：今日咁啱係長沙灣放學，經過呢間有66年歷史嘅冰室，即刻決定同朋友食返個下午茶先。佢地位於長沙灣呢間係新店，裝修方面都比較新式，佢地總店仍然屹立係深水埗，我以前時不時都會去幫襯。🥩🍔🌭🌮🥗🥯🥘🍲🍝🍣🥟🍤🍱食物：今日一行3人，叫左3個下午茶sets同一個招牌椒鹽豬扒飯，等我同大家講下味道先。避風塘生炸髀 - 呢隻雞脾size都幾大，上枱仲熱辣辣，個皮炸得好脆，入面d肉仲keep到好Juicy，加埋d避風塘炸蒜，真係脆上加脆。榛子醬西多士 - 個西多士做得幾厚身，個厚包加埋榛子醬，味道幾夾，食落好香口。雪山沙嗲牛肉公仔麵 - 呢個常餐左左個沙嗲牛肉麵，仲配埋餐肉/炒蛋/多士，個沙嗲牛肉又做得好香，成個餐整體都幾抵食。招牌椒鹽豬扒飯 - 呢個飯份量好大，豬扒又多，椒鹽味炒個飯炒得好香口又乾身，呢豬扒夠入味又唔鞋，加上佢椒鹽嘅少少辣，認真惹味。☕️🍵🥤🧋🍺🍷🥃🍹🧉🍾🍶🥛飲品 - 我地見到佢有出名嘅樽仔奶茶，所以一定要叫啦，佢d奶茶好香滑，又有茶香味，用樽仔原支雪凍又唔會飲到差唔多比d

今日去左一間之前幫襯開嘅茶餐廳 多選擇 價錢合理 家常便飯都適合～一開始叫咗個燉湯 入面有雞腳有肉，味道唔錯👌🏻飲完冇口渴🤣 $15就有啦 咁抵邊到搵常餐：經典芝蛋牛肉漢堡 配迷你肉醬意粉 $58牛肉漢堡普普通通，醬汁多啲會再正啲～不過肉醬意粉有驚喜😆一來佢一啲都唔迷你，食完都飽左一半😂二來佢肉醬份量都幾多同濃味😛始祖椒鹽豬扒飯（炒底）$68每次黎到必叫🌟椒鹽豬扒好惹味🤩蒜香帶有少少辣，豬扒厚度適中～蒸扇貝 $28/pc見到店員介紹，就叫左兩隻試下，惦喎🤣蒜蓉粉絲好入味👍🏻個扇貝都幾大隻，唔錯👍🏻

今日去左長沙灣一間茶記食下午茶，呢間叫雪山冰廳既茶記都幾多人，差唔多坐滿哂人。佢menu都幾多選擇，馬拉野例如海南雞飯同滲滲都有，下午茶價位大約$40-50一個餐。我地幾個人叫左： 🔶️經典芝蛋牛肉漢堡包（$35， 8.2／10） 塊牛肉漢堡扒好juicy，芝士都好夾好好味。 🔶️避風塘生炸脾（$35， 8／10） 好邪惡！勁多避風塘碎碎喺面，雞脾炸得好乾食好乾身。 🔶️Tea拼盤（$68，8.3／10）呢個係二人teaset,包兩杯野飲。個set入面有海苔薯條，有鮮果沙律，有兩隻炸雞全翼，同兩件cheesecake。好豐富！ 🔶️秘制麻酸辣魚片嫩雞米線餐（$48，7.5／10）麻辣味十足，但唔夠酸，雞都可以再入味啲。 ✏️總括而言，好多下午茶餐選擇既茶記。