雪山冰廳

营业中

休息中

🐟(茶)咖喱斑腩焗飯 $ 55本身打算 6：00 食個early dinner，點知呢間餐廳tea time 至 6：30。下午茶包埋野飲，所以叫個焗飯試下。飯底好食，d 飯粒粒分明，焗飯仲有炒底添，正！🐖椒鹽豬扒飯(炒底) $78上枱超香嘅椒鹽味，熱辣辣。用咗d 紅椒綠椒炒，偏辣，但就好惹味。都幾多塊豬扒，唔係厚切果種，惹味得嚟夠juicy。仍然欣賞炒底飯，呢間炒底真係無得輸！🍗避風塘生炸比脾 $35呢間嘅signature，肉夠嫩夠滑夠juicy，避風塘調味剛剛好，唔太辣太鹹。🧇榛子醬西多 $32包係有用蛋醬整過，食得出有蛋香味。中間榛子醬，我落埋糖漿食都唔會太甜。#雪山冰廳 #香港茶餐厅 #香港冰室 #深水埗茶餐厅 #茶餐厅 #冰室 #炸鸡髀 #红豆冰室香港 #香港椒盐猪扒饭 #西多士 #港式西多士#樽仔奶茶 #港式奶茶 #香港餐廳介紹

生炸雞髀好乾，一般，雞髀比較細，面有啲乾蒜，辣辣地，見到有味精粒粒，雞髀因為炸得太硬，好難切！紅豆冰淡口，紅豆係細粒，啲奶落得好稀，另外叫咗漢堡+肉醬意粉，呢個正常$62全日餐

呢間嘢長期都好旺，下午茶時段都有七八成滿，晚飯時間更加唔使講。汰弱留強嘅洪潮下，依然咁多街坊幫襯，一定有原因。no second chance for first impression。一入到乾淨企理枱凳四平八穩，醒神嘅員工制服。一間正常餐廳本應有嘅嘢，我嘅要求其實好卑微。燉湯兩盅好滋補暖胃。海南雞係必點！半隻份量都唔少，嫩滑、雞味濃郁，配上特製醬汁就更完美啦。XO醬海中蝦西蘭花 味道好豐富，蝦肉彈牙，西蘭花爽脆，惹味得嚟又健康！上海香菇浸白菜 聽落好清淡，但香菇嘅鮮味同白菜嘅清甜互相輝映，用上湯浸煮，食落夠晒舒服同健康。冬T 、啡 傳統嘅港式咖啡，味道應該濃郁香醇，係飯後提神嘅好選擇。奶文西多 煉奶西多 經典甜品！外層香脆、內裡鬆軟，配上煉奶同牛油，甜而不膩，作為壓軸甜品真係冇得輸！😋總括嚟講，呢餐飯有肉有菜有飯有湯有甜品有飲品，份量都幾足，好有港式冰室風味，而且選擇都幾多元化，應該食得好滿足！

一走進去就被那種懷舊又溫馨的氛圍包圍，淡雅的裝潢配上柔和的燈光，讓人瞬間放鬆下來～💖今天點了滋潤燉湯二人套餐，超級划算！🥄 每張桌子都擺著一盅熱騰騰的湯，我們也忍不住點來試試～海底椰燉赤肉湯清澈見底卻充滿精華，喝下去整個人都暖起來了，完全沒有油膩感，超級驚艷！🤩主菜是果皮蒸深水泥孟魚，魚肉鮮嫩到入口即化～🐟 上湯小白菜清爽解膩，XO海中寶西蘭花更是香氣撲鼻，每一口都讓人回味無窮！🥦海南雞絕對是必點！🐔 雞肉超級嫩滑，雞味濃郁到不行～雖然雞皮可以再薄一點點，但配上特製薑蓉和辣椒醬，整體風味直接提升到另一個層次！🔥最後來杯凍奶茶收尾，奶香濃郁卻不會太甜，完美ending～☕️ 這間店絕對會再訪，推薦給所有愛港式美食的朋友！💯#香港 #香港生活 #香港美食 #深水埗美食 #港式 #本土 #雪山冰廳 @雪山

行經深水埗見到雪山冰廳勁多人排隊，今日就輪到我過去排隊食下午茶啦🤣週末的下午茶真系滿座架，聽聞便靚正，好好食正宗港式茶餐廳，排隊都排左10 分鐘架。入到去點下午茶，見到menu 都真系比較抵😋忍吾住點幾份🤣1. 頂級雲腿午餐肉煎蛋🍳公仔麵 $392. 秘制瑞士🇨🇭雞翼煎雙蛋撈公仔麵 $453. 榛子🌰醬西多士 $394. 奶醬西多士 $395. 大阪燒熱皇 $39全部下午茶都跟茶/ 咖啡☕️，見到食物有賣相，夠曬色香味，味道👅試過亦都好好食，充滿正宗港味，作為街坊落街醫肚真系一個好地方好飯堂，大大推薦😋

今日同朋友一齊去試咗呢間冰室，好難得見到冰室有川渝香鍋賣，所以決定試吓。自選左四樣餸，包括有魷魚、海蝦、萵筍同埋寬粉，上到嚟大大碟，份量基本上足夠兩個人食有餘，味道係十分正宗嘅川渝麻辣味，叫咗小辣，辣度啱啱好可以接受，麻度就少啲，但係啲餸好入味，味道比較偏香辣，入面有芫荽花生同埋白芝麻，完全可以將個香味吊晒出嚟。另外甜品就試咗佢個榛子醬西多士，榛子醬係流心嘅，一切開就流咗出嚟，仲有牛油同楓糖漿任你選擇，真係好好食呀

餐廳門面新穎，座位寬敞，冷氣充足😆岩晒同朋友同埋屋企人一聚🥳食物價錢貼地而且創意十足😝🥢避風塘生炸雞髀 冰廳玩轉避風塘風味，呢隻炸雞髀絕對是「邪惡度爆燈」之作！雞髀炸得金黃酥脆，咬開時肉汁洶湧，外層鋪滿避風塘經典蒜酥、辣椒碎，鹹香辣勁層層疊加，建議搭配凍檸茶🍋酸甜解辣，完美平衡！🥢芝士煎蛋牛肉漢堡🍔 雪山冰廳的漢堡唔係走精緻路線，而係粗獲豪邁的港式風味😆厚切牛肉餅煎得焦香，半融芝士加埋流心煎蛋夾係鬆軟麵包入面😽一切開蛋黃流出，混合芝士的濃郁和牛肉的油脂香，簡單但好味🤤性價比高🥢辣味薯皇🥔呢款厚切薯角炸到外脆內綿，辣度溫和但香氣逼人，點埋茄汁一齊食超正🤩建議配埋漢堡一齊食😌就係一個港式快餐咁😛🥢波士頓龍蝦喇沙摻摻🦞半隻波士頓龍蝦浸係濃郁椰香湯底上，搭配油麵+米粉「摻摻」，湯頭辛辣中帶椰奶甜，龍蝦肉彈牙鮮甜，毫無違和感！配料還有3大塊魚片頭、豆卜同雞蛋，細食嘅話建議可以兩個人share😍

早排媒體彈左呢間餐廳嘅廣告出嚟，睇嚟唔錯。今日就去試下。門面唔錯，坐位ok（單人位除外）。叫下午茶招牌炸雞髀同紅豆冰$45，要薯角就另加$8。等大約十分鐘，合理。紅豆冰還可以，主角雞髀就唔得，一睇就覺得：細，乾，柴皮。直接覺得浪費左食炸嘢嘅quote 。一大堆嘅避風塘炸蒜和味精粉，都堆砌唔到美味。細脾「乾到不得了」，乾得來而唔脆先係重點。果另加嘅薯角，更加只係微暖、份量少、無味道。所以，來一次就夠

今日去左深水埗既雪山冰廳，網上推介炸雞髀西多士好受歡迎，所以今日特登去試下。由於自己一個去食，所以點餐不太多再加上當時有下午茶，所以點左炸雞髀同乾炒豬扒公仔麵加一杯咖啡。先講炸雞髀，外皮炸得不是拍片中金黃，而且咬落去覺得有啲油膩，雞肉尚算嫩滑，不過調味略嫌單調，只係將隻炸雞髀炸完然後再寄雞俾上面放大量炸蒜，賴係有避風塘嘅效果，唔係唔好食，但係普通，35蚊一隻我可以選擇其他更好嘅，豬扒炒公仔麵方面，麵條炒得乾身，口感偏韌，醬汁味道尚可，以下午茶嘅質素都算係咁。整體嚟講，兩款味道未預期話真係甘特別，未能突顯茶餐廳嘅特色。餐廳環境尚算整潔，服務員態度親切，食物上菜速度可以接受。價格方面，與一般茶餐廳相若，但冇咩性價比。希望餐廳能調整炸雞髀嘅油炸時間，減少油膩感；豬扒炒公仔麵嘅醬汁可以增加一啲香料或配菜，提升味道嘅層次。雖然今次用餐體驗未如理想，但我相信餐廳有潛力改進，期待下次能品嚐到更出色的菜式。

經典漢堡熱辣辣上枱，香氣撲鼻漢堡包入面夾住芝士，煎蛋同埋牛肉漢堡一咬入口充爆哂啲蛋汁出黎厚身牛肉漢堡都好juicy，口感層次好豐富！好簡單嘅配搭，但真係好味榛子朱古力西多士  榛子醬西多士煎得金黃香脆蛋香四溢！中間夾住好多榛子醬，真係好足料！但又唔會太甜，第一次食呢個味道嘅西多士，幾特別

係openrice收藏咗好耐嘅茶餐廳 今日終於去咗～😋椒鹽豬扒飯聲稱係椒鹽豬扒飯始祖飯唔係好夠味 豬扒又太鹹 豬扒係偏濕身淋嘅總體味道唔差但比佢好食嘅椒鹽豬扒飯多的是😋香辣馬來炒米粉臘腸唔好食 總體味道不錯 略嫌米粉份量太少😋避風塘生炸雞髀皮炸得好脆 但裡面肉又唔會太鞋 面頭超多避風塘 重味邪惡

新裝修完～幾靚既隱世冰室～坐得舒服😌水上人小炒皇🌊$108好足料～有好多蝦、魚、韭菜～💕純粹係想叫個菜黎食下～份量都幾多 ～蜜椒野菌薯角牛仔骨煲🐮$108牛仔骨煮得好惹味😻有好多舊～💕算容易咬開～不過有一兩舊比較多脂肪～就難啲整體來講～餸飯食真係幾好👍🏻仲有薯角😍隔離枱見到～都叫埋一份😹燉湯🤍$9 (跟餐）好少見～你係一盅咁上～味道好鮮甜、好足料👍🏻飲完～會想再飲😻⋯⋯榛子醬西多士🤎$32外脆內軟、滿滿的榛子醬～仲有牛油、糖漿～真係好邪惡👿第一次食榛子醬既西多士～好有新鮮感🤩

上YouTube見到有人介紹好吸引，特登出嚟食，Weekend 出到嚟見到有少少人排隊， 10個人內，排咗10分鐘到就入得。上網睇介紹間餐廳有差唔多70年歷史，但係嚟到見到好新淨可能裝修過。叫咗椒鹽豬扒飯同埋避風塘炸髀，幾欣賞過椒鹽豬扒飯，個飯係炒飯底，炒得好夠乾身，同埋豬扒好夠腍，同埋好入味，勁惹味！炸髀一上枱聞到好香，最鍾意食炸髀個邊邊，炸得好脆，一樣好入味，但係同椒鹽豬扒比，我更鍾意椒鹽豬扒～建議下午茶時間嚟，下午茶有炸髀配紅豆冰，超邪惡超吸引！

懐念兒時味道，重新去試，食物已經多元化了。是新一代的口味，不過重遊舊址，去一去也是值得!奶茶香濃，多士香口，也是不錯之選!如果大家也想懐念兒時味道，不妨試試!建議下午去不用等太久。

每次嚟雪山食嘢最頭痕是飲咩。飲開齋啡，特別是早餐要杯回魂啡。雪山杯咖啡是老一輩的咖啡。。即煲了好耐只有苦澀味，無油脂，無啡味，像像苦茶。試過齋啡，苦到喊。試過啡走，都苦。再試齋啡源D。。都一樣。。真的要放棄了。。唯有去隔離嘉頓cafe買杯咖啡。奶茶咖啡是早餐的重點。。其實宜家好多茶餐廳都有即磨咖啡。期待改善下。