雪山冰廳

营业中

休息中

好耐冇食茶記啦！一想食就諗起深水埗間【雪山冰廳】，最後即興食返餐超豐富嘅下午茶😜😜  -飯餐-🍚始祖椒鹽豬扒飯（炒底）$78個飯一嚟到，就已經聞到濃濃的香味，而且睇落份量好多，有種擔心食唔晒嘅感覺！炒飯底粒粒分明，而且椒鹽豬扒亦幫忙碎上，非常貼心！  -下午茶-1️⃣ 避風塘生炸髀 $452️⃣ 榛子醬西多士 $393️⃣ 經典芝蛋牛肉漢堡包 $40三款茶餐都各具特色，炸髀🍗濃郁的香辣味，外皮脆卜卜，肉汁非常之多。榛子醬西多🥪係我必點的茶餐，冇理由唔嗌。另外芝蛋牛肉漢堡🍔果蛋仲要系流心，非常邪惡。  -小食-🥗沙律（跟餐）$8🥔薯皇（跟餐）$8雖然兩款都係跟餐小食，但唔會份量好少，超級抵食。必！加！  -餐飲-1️⃣ 樽仔奶茶（跟餐）$92️⃣ 樽仔咖啡（跟餐）$93️⃣ 凍檸茶（跟餐）$3個人推介樽仔奶茶或咖啡，茶味偏濃，口感絲滑。如果飲唔晒，仲可以拎走邊行邊飲😬😬

瑞士雞翼拼雪菜米線$41煎雙蛋配酥皮窩夫+$8湯底濃郁但偏咸，麵底唔會太淋有口感，雞翼醃製得好入味唔會太咸好食，酥皮窩夫正常 如果配煉奶應該更好瑞士雞翼拼沙嗲牛肉公仔麵$41冰鎮菠蘿油+$13沙嗲湯底濃郁但偏咸，牛肉嫩滑好入味不錯，雞翼醃得入味唔會太咸唔錯，冰鎮🧊菠蘿油好特別 剛出爐好好味

接近年尾，兩公婆都比較多嘢搞，所以，今晚都爭取時間，唔煮飯出街食，乾手淨腳。因為都要落深水埗，就諗起不如順道過嚟「雪山冰廳」食晚飯，話晒食過知佢水準去到邊。對比上一次嚟，呢一間總店已經喺2018年嘅事，今次再嚟，感覺唔同晒，除咗裝潢新簇簇之外，地方亦好似大咗好多，事後睇番以前啲食評舊相，原來多咗隔離眼鏡鋪個鋪位，加上燈火光猛，卡位非常闊落，確喺感覺好好多。最搞嘢喺，全場有兩個「自閉位」，啱啱有條柱閘住，寧寧舍舍單獨咗出嚟，啱晒啲唔想同人搭枱嘅單丁客，做個孤獨的美食家，邊食邊煲劇都未必有人理。有別一般茶記將啲「架生」放晌枱側嘅櫃桶，而喺將簡單嘅調味料、餐具、餐牌放晒晌枱面旁，阿姐亦好醒目，嚟兩杯熱水俾客人洗洗刀叉、筷子，而且，都好有禮貌。兩大本餐牌，食物款式包羅萬有，亦喺茶記嘅特色。餐牌過咗膠面，影出嚟有啲反光，好彩喺收銀旁有啲郵寄單張攞，掃描出嚟俾大家參考就一目了然。另外，喺牆上仲寫咗一系列是日鮮魚，有黃花䱽、三刀、䱽魚、盲鰽，整法可以轉換，唔喺咁多茶記會提供咁多魚鮮菜式。此外，仲有一個砂煲、火鍋嘅應節菜式：迷你秘製雙冬羊腩煲、椰子文昌走地雞窩、特級牛肩胛香濃沙嗲鍋，咁呢幾日喺入冬以嚟

雪山冰廳係區內已經歷史悠久，地道懷舊茶餐廳食物都食到。現在經過裝修，地方寬敞明亮，坐得超舒服😃見到餐牌有新款式，係砂煲火鍋系列，岩晒冬天進補😋椰子文昌走地雞鍋沙鍋上枱，超有風味👏🏻一大碟文昌走地雞，職員會幫手放入鍋內，大約煮10分鐘就食得。一開蓋就有椰子清香，雞肉嫩滑鮮甜，超滋補😍另外仲有秀珍菇，生菜，娃娃菜，牛丸，魚旦，獅子狗同珍寶蟹棒。蟹棒超大條，大滿足。鼓汁蒸盲曹可以揀鼓汁，冬菜或者清蒸。即叫即蒸，熱辣辣好鮮味。盲曹多肉少骨，岩晒我🤤🌟除了傳統茶餐廳美食，呢度加入左砂煲火鍋同蒸魚系列都相當好食，加上環境變得更舒服，真係區內好選擇。

深水店好耐無去，今日一去，原來裝修咗，起初無睇門口，以為轉咗手，睇返餐牌就知係真雪山冰廳味道，除了經典茶餐廳美食，今次推介雪山冰廳必點的懷舊漢堡，我選了人比較少既下午茶時段去，真係怕佢人山人海，要做食評要影相，會阻人做生意就唔好。入返正題，今次試食下午茶餐，芝旦牛肉漢堡，頂層包外有勁香芝麻，包內有美味牛油，蛋選了優質靚蛋黃蛋，睇相睇到，蛋白煎到有D濃邊，漢堡用足料牛肉，即叫即煮，咬落鬆軟有牛味，唔係快餐店漢堡可比，底層個包有芝士同沙律醬，配杯熱鴛鴦，成為40蚊，一個下午茶就非常滿足。

可能係深水埗最好食嘅茶餐廳～ 迷你秘制雙冬羊腩煲⭐️⭐️⭐️⭐️⭐️話就話迷你，但係份量一啲都唔少，起碼有二人份量！材料豐富，成煲爆滿～ 雙冬即係有冬菇、冬荀～ 冬菇炆到勁腍勁入味，冬荀爽口無根渣，同樣有柱侯醬入味～ 而羊腩都好大件，炆到軟腍入味，完全唔羶～ 沾沾腐乳醬，味道層次更提升😋 跟餐配白飯，撈撈汁，食完全身暖笠笠🥰另外仲有一兜鮮嫩唐生菜～ 食得咁上下，可以放埋落羊腩煲度滾一滾🤩 繼續品嚐羊腩煲暖笠笠嘅滋味～ 鴛鴦花炒鳳片斑球⭐️⭐️⭐️⭐️鴛鴦花就係西蘭花同椰菜花，炒得好爽脆～ 鳳片、斑球肥美啖啖肉😋 加上炒得夠鑊氣，配菜洋蔥、紅椒、青椒就更惹味～ 樽仔奶茶 ⭐️⭐️⭐️⭐️⭐️冰凍奶茶，茶味香濃零苦澀，入口幼滑～

深水埗區不嬲出名多美食，今次決定再次到訪喺openrice有不少好評嘅雪山冰廳，因為掛住佢個燉湯🤤.今次係佢裝修後第一次去，座位感覺比之前寬敞咗，成間餐廳嘅燈光好似光猛咗.🌟 特級牛肩胛香濃沙嗲煲這道特級牛肩胛香濃沙嗲煲好適合依家依D天氣食，上菜時會用火烘住佢，牛肉肥瘦均勻，厚薄適中，簡單灼一灼就可以食得，搭配香味四溢嘅沙嗲湯底，幾夾. 這個沙嗲煲除咗牛肩胛之外，還有一兜菜、丸同菇等，價錢都係一百蚊鬆啲，食完好滿足.🍔 芝士煎蛋牛肉漢堡包漢堡的牛肉餅厚嫰多汁，配上絕配嘅芝士同太陽蛋，一咬啲蛋汁流入鬆軟嘅包內，滋味升華.漢堡愛好者必試.🍞 榛子醬西多士有別於傳統嘅西多士，方包內搽滿厚厚嘅香濃嘅榛子醬，但味道唔會過甜，多士炸到金黃色，令人食指大動,簡直是下午茶的完美搭檔。🍧 紅豆冰紅豆香甜，煮到好腍身，紅豆椰汁份量剛剛好.🍲 燉湯：海底椰川貝燉赤肉今次嘅燉湯係海底椰川貝燉赤肉，湯頭清甜，足料湯渣，飲完一啖會想追飲落去，飲完覺得成個人好滋補咁，推介.今次喺雪山冰廳的用餐經歷，仍然keep到水準，尤其係個燉湯. 價錢亦都合理，服務也正常發揮，整體來講不錯.

終於感受到涼涼嘅秋意 代表又係食羊腩煲嘅時候😍 之前去過雪山冰廳長沙灣店已經覺得唔錯 今次就去到佢深水埗分店迷你秘製雙冬羊腩煲 份量一啲都唔迷你🐑 好多舊鮮嫩羊肉 無羊羶味 配搭羊腩煲必備冬菇 枝竹 生菜 腐乳 食完即刻暖粒粒😚天氣凍繼續食啲煲仔菜 拿手生啫滑雞煲 雞件嫩滑 仲有索滿醬汁紅椒 菇菇 送飯一流 🍚 蜜椒野菌薯角牛仔骨煲 牛仔骨啖啖肉 薯角外脆內軟沾滿蜜糖好甜好好味 加上紅椒青椒 均衡營養🫑+$15 就可享有是日滋補靚湯 蟲草花瘦肉湯可以增強免疫力同抗氧化 真材實料 飲完一啲都唔口渴🥣最後去到冰室點都要飲番杯紅豆冰 呢度就有茶走紅豆冰 港式茶走同香甜紅豆 口感豐富有層次🫘

下午茶時段黎左食野將出名既都叫左～.炸雞脾配紅豆冰 $45炸雞髀個形狀雖然唔係好靚仔😂但係食落唔會乾 味道都可以避風塘味就係上面個堆..入面既肉唔關事😂.Burger隻雞蛋係有流心既～🥴🥴漢堡嘅牛味唔係好重～係比較鬆散嘅口感～味道都算👌🏽.仲叫左個避風塘豬扒炒飯 $72炒飯有一小部份係黏住冇炒開🫥其他黎講都係做到粒粒分明，炒得乾身👌🏽頭幾啖都覺得幾好食～食食吓就開始有啲鹹啦😅😅😅..飲品要咗紅豆冰同埋樽仔奶茶樽仔奶茶比普通杯濃啲因為冇咗啲冰溶嘅影響

Indonesian fried rice 印尼炒飯 🍛 $70呢一個大大碟嘅印尼炒飯真係好吸引，扁頭有脆卜卜嘅印尼蝦片、熱辣辣嘅燒雞髀🍗同埋時間控制得啱啱好嘅半熟流心雞蛋🍳，炒飯用咗滑嫩嘅雞肉粒、臘腸片、紅燒、青椒🫑等配料，係個飽肚又好食🤤嘅main course Premium chuck in satay hotpot 特級牛肩胛香濃沙嗲鍋 🥘 $118依家好受歡迎嘅牛肉沙嗲鍋賣相已經唔錯✨，少少辣嘅湯底充滿濃郁沙嗲香🌶️，超級惹味，set 裏面有健康嘅雜菜🥬、雜菇🍄‍🟫、味道濃郁口感又唔會太煙靭嘅牛肩胛🥩、蟹棒、吸引嘅獅子狗同埋雙丸，連埋白飯一齊食，飽肚又暖胃，值得推介👍🏻

深水埗多美食，大家眾所週知。在嘉頓山下的嘉頓公司附近有一家平民冰廳，價廉物美，環境也不錯，食物也吸引.🐷 椒鹽豬扒飯豬扒外脆鎖住內裏肉汁，另外辣椒絲、蛋花、醬油炒飯底有驚喜.🥘 咖喱牛腩飯咖喱牛腩肉味香濃，牛筋軟糯，加上薯仔跟微微香料陪襯，送飯一流.🥪 棒子醬西多士切開多士流出滿滿榛子醬，牛油加上糖漿配搭不油膩.一頓飯也不會很貴，不想吃主食太多的話，他們的小食也可以選擇，榛子醬西多士是一個不錯的選擇，不只在下午茶提供，晚上也可以吃

今日收工去咗深水埗做gym，用咗咁多體力，破戒食返啲肥仔嘢補充返呢間雪山冰廳由1956年已經喺香港，都屬於其中一間老字號茶記。呢度招牌茶實屬佢哋嘅始祖椒鹽豬扒飯，呢個飯係一定要叫，首先佢個炒飯係炒底，啲飯炒到粒粒分明，唔會痴埋一舊，好乾身，而炒飯入面好惹味同辣辣地，有辣椒有蒜頭再加埋老抽炒，色香味俱全，而椒鹽豬扒煎得好香，啖啖肉，又脆又香口其實佢仲有好多唔同款式嘅傳統特色茶記美食，下次再嚟可以試吓其他菜式。

中午食飯明白人多嘅，咁你至少可以話俾我哋聽大概幾耐會有位，啲侍應比啲一個二個人嘅位置，叫我哋等咗10分鐘都未有位，突然間就同我哋講話安排唔到三人位，你安排唔到最好早少少講啦，出咗名，但係啲侍應咁差，遲早冇人食啦

關注左好耐裡間店鋪，諗住幾時去食一餐，今日就入咗去點咗傳統乾炒牛河 ，68蚊一份。有小小失望。因為份量少，味道鹹，仲特別油。唔值68蚊呢個價錢。真係去一次就夠啦。失望

一周來了三次😄常餐🍜炒飯🔥漢堡🍔奶茶都好好吃啊！🍚椒鹽豬扒飯一定要吃！我宣佈這是我在香港吃過蕞好吃的炒飯！！！太太太入味了，米飯混合醬汁和蔬菜，豬扒又香又脆又多汁，和炒飯一起爆炒🔥光看顏色就好誘人 🍔芝士煎🍳牛肉漢堡包招牌流心漢堡，麵包皮上撒了好多芝麻，牛肉煎至7分熟蓋上厚厚芝士，趁熱融化的芝士和流心蛋一大口下去，又香又爆汁，簡直太美妙了！🦞叻沙套餐好愛這一份，laksa➕滑蛋吐司的組合，料實在太足了！自制湯汁，奶香奶香的狠濃郁，蝦魚片好鮮美，特意選了兩種面混合，多層次的口感，創意滿滿👍 還有一盤滑蛋吐司，加了櫻花蝦的滑蛋，這吃飯還是頭一回，又香又脆！一份只要60r+不得不說這性價比簡直了😍🥤招牌樽仔奶茶每次來必點的招牌奶茶，地道港味，茶香濃郁，每次喝完不夠還會帶幾瓶樽裝的拿回家，美味下午茶😋