雪山冰廳

营业中

休息中

上YouTube見到有人介紹好吸引，特登出嚟食，Weekend 出到嚟見到有少少人排隊， 10個人內，排咗10分鐘到就入得。上網睇介紹間餐廳有差唔多70年歷史，但係嚟到見到好新淨可能裝修過。叫咗椒鹽豬扒飯同埋避風塘炸髀，幾欣賞過椒鹽豬扒飯，個飯係炒飯底，炒得好夠乾身，同埋豬扒好夠腍，同埋好入味，勁惹味！炸髀一上枱聞到好香，最鍾意食炸髀個邊邊，炸得好脆，一樣好入味，但係同椒鹽豬扒比，我更鍾意椒鹽豬扒～建議下午茶時間嚟，下午茶有炸髀配紅豆冰，超邪惡超吸引！

懐念兒時味道，重新去試，食物已經多元化了。是新一代的口味，不過重遊舊址，去一去也是值得!奶茶香濃，多士香口，也是不錯之選!如果大家也想懐念兒時味道，不妨試試!建議下午去不用等太久。

每次嚟雪山食嘢最頭痕是飲咩。飲開齋啡，特別是早餐要杯回魂啡。雪山杯咖啡是老一輩的咖啡。。即煲了好耐只有苦澀味，無油脂，無啡味，像像苦茶。試過齋啡，苦到喊。試過啡走，都苦。再試齋啡源D。。都一樣。。真的要放棄了。。唯有去隔離嘉頓cafe買杯咖啡。奶茶咖啡是早餐的重點。。其實宜家好多茶餐廳都有即磨咖啡。期待改善下。

好耐冇返去幫襯雪山，今次返嚟發覺重新裝修咗 。但食品就真係明顯差咗，好多又難食又細份，價錢又貴咗 。叫份咖喱雞，細細份，無咖喱味，雞皮多過雞肉，炸到乾晒，垃圾級別 。奶茶就和以前嘅味道一樣，冇乜分別，估計係水吧嘅師傅無變，但櫥房就換晒人 。等個 lunch 快餐都要半個鐘先出餐，和以前勤快既態度簡直係兩個世界 。家下又難食，又貴，效率又低 ，但店員仲係友善既 。但幾友善都無用，真係諗唔到原因再返去 。雪山成功令我係 favourite 入面移徐左佢，唔會再返去

今日同朋友去咗雪山冰廳開餐，果然係深水埗隱世好味！ 雞湯杜蠣肉碎湯飯蠔仔大隻又肥又鮮甜，肉碎同雞湯好夾，每啖飯都吸滿鮮味，暖笠笠好治癒！ 粒粒分明又足料，十分飽肚～叻沙海南雞米粉湯底香濃惹味，椰奶味好出，雞肉嫩滑無乜肥膏，米粉索晒湯汁超入味，食到最後一滴湯都唔放過～ 最驚喜係榛子醬西多士！外脆內軟甜而不膩，加埋牛油同糖漿忍唔住一啖接一啖，邪惡度爆燈但完全值得！ 連埋野飲人均唔洗$100就食到咁滿足，呢個價錢仲想點？

同朋友參觀完嘉頓麵包廠之後係附近搵晚餐食，隨意搵到門面光猛，裝修簡約而且設有卡位雅座的「雪山冰廳」，貪佢有多款港式茶餐廳特色美食。即叫即炸避風塘炸蒜雞脾🍗：外皮酥脆，生炸的雞皮金黃焦脆，裹粉後經過高溫油炸後形成輕薄酥松的殼，咬下時會有明顯的「咔嚓」聲。雞腿肉保留充沛肉汁，口感鮮嫩不柴。大量炸至金黃的蒜末是避風塘菜系的靈魂，蒜粒酥脆甘香，略帶焦糖般的微苦甜味，與雞脾的油脂香氣完美自家手打芝士煎蛋🍳牛肉漢堡包🍔：芝士呈流心效果，雞蛋流心滑嫩爆汁，與鮮嫩多汁牛肉漢堡相得益彰 真係好正，牛肉漢堡沒有多餘筋位，口感十分，比較焾心。椒鹽豬扒飯：炒飯底真係好驚艷，有蛋絲青豆三色椒，增加口感，當然唔少得厚切椒鹽豬扒，毫不吝嗇豬扒的份量，絕對夠下飯，炒飯底絕對生色不少，仲要帶點微辣XO醬香。足餡榛子🌰流心西多🍞：炸醬完全唔油膩，加上蜜糖牛油非常邪惡，入邊仲有爆餡榛子醬，不得了，根本食唔停口。茶走紅豆冰：紅豆軟綿，甜度適合自己的口味，紅豆🫘軟滑帶少許煙韌，奶茶飄香撲鼻，仲有黑白淡奶增加細滑程度，即刻昇華！雜果賓治：用上罐頭雜果，絕對係童年回憶的味道，加上雪碧汽水做底，飲完GUR 曬。總結：抵食雪山冰廳 特

很久沒去過雪山食lunch, 今天約埋朋友去試下。原來雪山裝修過，地板保留原本的，枱和凳是新的，坐得都舒服。Order 咗個焗豬扒飯和海南雞飯套餐，唔使10分鐘有得食，上枱時的presentation 也不錯。但是，一食第一口就出事了，焗飯面是熱的，內裏的炒飯是微温的，顯然不是即炒的，件豬扒切好了一塊塊，但是又乾又柴，一口也吃不下，似彊師凍肉一樣，未食過如此難食的豬扒，飯就食晒，扒就剩番在碟上。裝修後的雪山食物質素如此不際！

今日同同事去左雪山冰廳，聞名不如見面，梗係要試下佢嘅招牌焗豬扒飯啦。果然係真材實料，啲炒飯又爽身，豬扒又大大件，仲要落單先即焗，好食👍🏻凍檸茶都好飲，午餐嚟講呢間真係幾高水準。

朋友強力推薦呢間嘅豬扒飯，我地今日專程嚟幫襯😆過然無失望！始祖椒鹽豬扒飯椒鹽豬扒超級惹味，個飯仲要係炒飯底，食落辣辣地好過癮！🌶️避風塘生炸雞髀🍗好邪惡，雞髀鋪滿避風塘炸蒜，炸完入面都勁juicy，必點！經典芝蛋牛肉漢堡包🍔好少食流心蛋嘅漢堡包，雖然食到有啲le hea，但估唔到連埋蛋汁食係咁正🤣！榛子醬西多士🍞好好味😋，中間夾滿榛子醬，咬落去每啖都好滿足！🤤今日卡路里超哂標但值得🤣！

老Best叫左椒鹽豬扒飯(炒底)兩個主食真係夠之後都有叫咗….. 我最愛嘅椒鹽豬扒飯(炒底)豬扒好入味只炸得好透亦好Juicy炒飯係粒粒分明波士頓龍蝦叻沙摻摻半邊大龍蝦開邊有但物超所值麵底係米粉同油麵，食落兩種口感之餘好正宗感覺濃濃叻沙湯底真係俾我地清哂椒鹽鮮魷拼金磚豆腐金黃鮮魷外脆內軟椒鹽味榛子醬西多士邪惡之選~西多士金黃酥脆外加包住榛子醬微甜榛子醬加外酥內軟麵包配合得好好

三點三下午茶時間到即衝去食隻炸雞脾先無時間食午餐好肚餓炸脾係基本再嚟西多最後再加多個特餐添兩個人食三樣唔過份香脆避風塘生炸雞脾望到都開心惹味香脆大大隻嘅滑嫩大雞脾下午茶時間必選之一西多士越來越多花款榛子已經變成基本款雖然唔係流心但好食多左一陣榛子嘅香味又無花生醬咁油膩🤤特餐真係好肚餓而叫櫻花蝦炒蛋配脆窩夫喇沙海鮮摻摻貪得意喇沙湯香濃鮮味十足比咖哩香比沙嗲輕盈食完唔會好大負擔！窩夫我留到最尾先食竟然仲保持得到酥脆牛角包嘅酥夾成窩夫無食過真係估佢唔到成餐最吸睛三杯特飲一拎出嚟即成為話題尤其忌廉薄荷朱古力茶走紅豆冰雜果賓治個人最愛茶走紅豆冰茶底同甜蜜紅豆好夾但仍有淡淡椰汁味！真係好滿足嘅下午茶—————————————————————🔸 避風塘生炸雞脾餐 $45🔸 榛子西多士 $39🔸 檳城叻沙摻摻 $65🔸 茶走紅豆冰 +$9🔸 忌廉薄荷朱古力 +$9🔸 雜果賓治 +$9

呢間茶餐廳歷史悠久,早排重新裝修,環境光猛,卡位闊落👍🏻避風塘生炸髀 $35雞髀好大隻,炸到金黃色😍外皮香脆,面頭灑上避風塘調味粉,好惹味,雞肉鮮嫩多汁😋經典芝蛋牛肉漢堡包 $35麵包鬆軟,內層搽上牛油🧈芝士呈現半溶狀態,牛肉夠哂juicy,煎蛋蛋黃煎至微微流心,整體口感豐富😍招牌小菜套餐 （跟白飯）椒鹽鮮魷拼金磚豆腐 $114兩款都炸到金黃色,外脆內軟😍鮮魷肉質彈牙,豆腐嫩滑面頭灑上椒鹽調味,令味道更提升層次😋+$15 滋潤燉湯沙參玉竹燉赤肉燉湯好足料,味道清甜😍

呢間雪山冰室嘅下午茶真係超級邪惡。首先係個避風塘生炸脾加紅豆冰呢個經典配搭，下午茶雞脾最有滿足感，要熱辣辣，外皮脆卜卜，入面夠Juicy先至係好，呢度原全做到之餘，仲有避風塘粉係面，非常惹味。避風塘粉主要係蒜頭、豆豉、辣粉，都真係同大牌檔一樣味。紅豆冰唔太甜，豆夠淋。另一名物榛子醬西多士入面就係我最鍾意嘅Nutella，夠曬邪惡，仲有要配佢哋嘅樽仔奶茶，茶味勁濃郁，超級值得一試，奶茶迷一定唔可以錯過。

黎到深水埗呢頭搵野食， 行下見到呢間又未食過所以就試下，之前試過佢既長沙灣店，水準有時ok有時唔ok, 等左陣位先有。lunch時間都有人排隊，最後坐低左之後諗左陣都係點左個干炒牛河食。不過唔知係咪人多關係所以等得耐都等左20至30分鐘先黎到個干炒牛河，就算催左佢都係等咁耐。。。個牛河算炒得唔算多油，味道ok不過份量唔算多，食完都唔覺得太足夠咁。個碟size大不過碟邊已經佔左好多位環境方面，都多卡位可以坐又唔算好迫。。。。總結。。。食物等得太耐而食物份量比較少

是日放工後去深水埗逛逛，再帶伴侶來到雪山冰廳食晚飯。偌大的餐廳，店內食客卻不多，7時多的晚市時間也不用候位。選坐卡位，座位夠寬闊。餐牌選擇非常充足，不限於港式茶餐廳食品，還有喇沙、上海菜飯、漢堡包等等，而我們點的是滋潤燉湯二人套餐 ($188)。是日燉湯是茶樹菇燉赤肉，一人一盅燉湯，熱焫焫的。燉湯的用料足，有茶樹菇、杞子、瘦肉，清甜滋補。套餐有兩道菜，是日海上鮮/酸菜魚/半隻雞＋季節小菜，海上鮮可以加$10轉煮法，以涼瓜/茄子/枝竹炆。是日海上鮮有5至6款鮮魚選擇，選了豉汁蒸鯧魚，鯧魚大條肉厚，蒸的火候恰好，魚肉鮮嫩。豉汁味道不會太鹹，適合用來撈飯吃。季節小菜有十多款可選，想要吃點蔬菜多於肉，選了窩貼鮮蝦小棠菜。本來以為清清淡淡的吃點小棠菜，見識少的我們完全不知道這道菜是經油炸的，原來這是一道傳統功夫菜，為數不多的餐廳有供應這道菜式。以腐皮包裹彈牙的蝦膠及切碎的小棠菜，外層炸得酥脆，口感豐富，香口得來不會太油膩。飲品要另外加錢，既然熱飲都要加$6，倒不如加$15要杯港式茶走紅豆冰。茶走香滑，奶與茶的比例平衡，不會澀。茶走的底部有粒粒紅豆，香甜綿密。雖然茶走以煉奶沖調，但加入紅豆後，整體