雪國拉麵 (已結業)

雪國開左咁耐, 我只係去過兩次咁大把...食物同環境雖然唔錯, 但我就好唔鍾意一多人等位時, d侍應問都唔問你, 等都唔等你畀反應, 就"拿拿臨"咁收哂你上面既野!我明白人多就梗係想你快d走, 但都可以用其他有禮貌d 既方法嘛~ (e.g.有次去百人一朱, 個侍應見我地食完, 就好有禮貌咁話有其他客等梗位, 問我地介唔介意埋單先, 我地就當然識做啦, 係咪?)

唉... 上次讚完之後覺得真係讚壞左，今次我睇完戲約莫十點入到去，無table台，咁坐bar台囉，無問題，佢地俾左個好入下既bar台我地坐，後面就係廚房傳菜既地方，首先就係有位Kxxxn既waitress好大聲咁同廚房內某一廚師口角，內容不乏有X你，你仲乜X我，你X我咪X你囉等等.... 其實佢若果想講既大可以入去廚房入面同廚師理論，無需要係外面當住咁多人客講三字經丫，不過要讚既係佢既態度可以係拎轉面之後好禮貌喎，真係180度大轉變呀，勁!! 跟住就係有另外一位waitress差唔多同一位置既地方(當時放左一個膠兜)唔知係咪倒瀉左D野係自己雙手度，佢就好隨便咁Fing，無錯佢雙手就乾番，但可憐我女朋友既背脊就真係苦命，雖然D水係無色，但係感覺的確係..... 其實以雪國(附屬A1餐廳)咁大個機構黎講，其實哩D咁既事係咪唔應該發生既呢? 若果A1既某經理或老闆睇到哩一篇食評既話，請問是否需要重新評估貴公司訓練員工既方法或者係加緊員工既監督呢?? 以免日後再會有機會係貴餐廳內聽到三字經。不過以上只係某些服務不足之處，亦不可令到其他店員覺得受到牽連，故今次仍會給予笑面一個。

呢喥o的麵幾好食o架，仲有得睇師傅煮tim，個師傅都幾風趣o既，不過除o左麵其他就麻麻啦，三文魚定食竟然初頭以為係吉列豬扒定食tim 呀，因為有成大舊吉列豬扒響度，但係搵唔到三文魚，後來先發現係三文魚乾(都唔知肯唔肯定？！)，雞扒定食(唔記得係咪咁叫)o的炒飯係凍o既，不過o的餃子同三文魚就唔錯(反而呢個似三文魚定食多o的)，所以都係食麵保險o的，呢喥有個鴛鴦拉麵，一個碗分兩邊唔同味，最o岩情侶食o架啦<br>講到服務，就真係唔知點講好啦，以前去過o的侍應唔錯o既，幾好禮貌，不過近日去過一次，見到個未見過o既女仔，我同朋友一入門口，果個女仔竟然一截截住我地，跟住話：「唔入得o黎住！」當堂我地愕哂然，果陣大約下午六點幾，可能佢地未執好o野準備serve 晚飯，大佬，未準備好都可以話：「唔好意思，請您等等」咁呀嘛，差o的我掉頭走o架啦，不過我朋友行到累先冇走咋…希望第日唔係咁啦，因為初頭o黎o的野食同服務都唔差o既

第一次去食發覺.. 嘩~~ 正呀!! 食完一D 都唔口渴!! 真正既豬骨湯底!! 味濃而不咸，個鴛鴦麵真係岩既拍住拖去食，其他定食又多款式，佢地煮麵仲要計時添架，真係認真!! 服務態度又好，真係俾多少少貼士都值呀!!