雪國拉麵 (已結業)

今日無無聊聊的去了看結他,沙田好多選擇,隨意選了這間,一開頭不發覺呢間野係細,覺得出面的走廊算是不窄,但岩岩入位o個刻就覺得超窄,自問唔係一個肥的人,雖不能稱為瘦,但實在好難過,坐低冇耐就有水,但原來佢唔識加水,其實杯野飲的確好似咖啡咁,唔難飲gei,不過一定唔係好飲本想食個飯,但最後叫左一個冷拉麵同咖哩牛拉麵,兩個都跟餃子唔跟壽司,我自己食gei係前者,覺得個冷麵汁幾好食,但係個麵煮得唔係咁好,好硬,每人有三隻餃子,味道不錯,皮唔厚,但如果熱d會更好食,同行的朋友食gei係熱拉麵,佢冇同我講好無食,我諗不過不差啦,如果肚餓的話係度食都算值得同味千咁近都能生存是有一定的本錢

本人不太喜歡吃甜味的菜, 總覺得燒菜時如果沒有加酸性的調味料, 卻又加糖又加鹽, 味道怪怪的。雪國的食物就給我這種感覺, 尤其洋蔥豚肉滑蛋飯, 好甜, 但又咸咸地, 我吃到一半便放棄。可惜, 浪費了金錢...

一個豬扒拉麵好乾的豬扒．．．拉麵算唔錯，但係唔平的價錢應該可以更好服務一般，有多多少少求其

同男友吃晚飯，經過見佢唔係太貴，又唔使等位，所以入左去食。d檯拍得好埋，逼到同隔離檯得半尺距離，分分鐘手爭撞手爭。我地叫左兩個拉麵，其中一個係軟殼蟹拉麵。個拉麵就好快上，但係個軟殼蟹等左好耐先到，耐到個麵都已經食完。人人都有杯茶，但係d茶唔知點解有咖啡味，搞到我要另外叫杯水。

為左一個明明唔係沙田既人一大班人移船就磡過海返沙田食個lunch點知果個人竟然未起身攪咩先呢間A1既分支最出名既當然係差唔多十年前既老鼠拉麵啦咁多年黎個天花板都唔裝修下真係繼續嚇人Set lunch咖喱拉麵送餃子無咩好講好一般少了一般日式咖喱既甜味拉麵和叉燒都係一般貨仔三隻餃子ok 多肉少菜幾爽口服務就更加不值一提喇叫極都無人應話說在好耐好耐以前有一隻小狐狸遇上一個雪人佢地相遇相知最後仲煮左一碗好好食既拉麵出黎添根據未來拉麵天王h既大聲翻譯呢個就係店內牆上寫住既日文既意思喇…噢拉麵天王h你都係快快手實踐你既大計引入返尐正宗既日本拉麵打救下我地香港最鍾意排隊既小市民啦唔好再dry talk喇做朋友既好樂意幫忙架

今晚同男朋友係到食dinner, 佢食左碗"雞扒咖哩拉麵", 而我食左個"定食"有吉烈炸蝦x2 & 蠔x1, 京蔥牛肉, 壽司(八爪魚&熟蝦)可惜, 吉烈炸蝦有D炸過龍...乾乾地...此外, 壽司的飯則有待改善. 一點鼓油的時候, 壽司就散開一半, 飯不夠黏. 定食的配飯都乾乾地...我男朋友仲倒D拉麵湯整濕D飯.雞扒咖哩拉麵得3條...好似少左D整體黎講, 印象最深刻係"京蔥牛肉", 從未諗過會甘入味, 好好食. 同埋個"面鼓湯" 有肉去煲, 好好味, 我好少可會飲曬成碗架.最後就係張椅, 見男朋友坐得唔太舒服, 椅背又矮,細,質料硬...

我上幾次去都係夜晚,試過佢\地既天婦羅拉麵之後,次次都叫呢個食, 貪佢\D天婦羅夠香口夠脆,最正係同D拉麵分開放~!而且拉麵湯底都不錯~!一個晚餐\都幾飽,有好多餐\選擇,全部都好底叫,一碗拉麵加兩件壽司,一杯凍飲, 只雖$4X至$5X, 而且D咖啡都好好味~環境都不錯呀~雖然店仔細細,但絕對唔覺得坐得唔舒服囉~正呀~!

之前食過晚飯, 係no的。今次隔左幾年, 短期內食tea2次, 都幾好。tea set係一碗拉麵配一份小食, 可揀壽司春卷同餃子。我個人就鍾意個壽司, 唔係正宗, 係d飯甜甜的幾好食, 又冇果2個咁油; 春卷比餃子好。拉麵我2次都叫茄湯牛肉拉麵, 茄湯幾濃, 好似屋企d蕃茄湯咁味, 有少少薯仔煲爛左的沙, 係唔錯! 不過係唔夠consistent, 第一次好好食, 而第2次好似個麵琼唔乾水咁, d麵糊左, d湯淡左。軟殼蟹拚雞扒個蟹有半隻, 都幾好味;雞扒我男朋友話一般。豬軟骨拚奄列個豬軟骨甜甜的, 唔好食; 奄列用蟹柳仲餡, 幾ok, 裡面仲有蛋汁。碗麵大得不得了! 加埋芽菜, 扣除overcooked元素後, 不錯。咁多野加埋野飲都唔駛40蚊, 不愧為沙田!

食過兩次,一般啦......仲要$5x

夜晚陪女友食套餐.. 食左個面, 唔記得咩面, 只記得有三只餃子,同蝦天婦羅.餃子唔香, 只係好輕咁煎過下, 好行貨.蝦天婦羅, 一般.個面, 湯同料都好普通, 但值得講下d面o既質地, 完全唔應該係哩個級數出現(可能我以門面取店).. 唔滑好粉. 日本湯面o既質地唔應該係咁o既.. 個環境都唔好, 我地坐到最入o既位, 好焗, 同冇空調一樣.. 而塊地又濕, 想跣死人咩..

佢既tea set都有幾多款,一碗麵另外重有3款小食簡一款-----有壽司x2/越南春卷x3小條/餃子x3,不過就無餐飲,30幾蚊,算ok啦~~我地食左蕃茄牛肉麵,個湯好好味,d麵我就覺得有d皂水咋,小食我地要左春卷,不過我覺得好似吾新鮮,好似翻炸咁!!d服務都ok啦,吾太好又吾太差,係無咩笑容咁啦~~但係老公話會再去因為個蕃茄湯好正喎~~^^

貴得黎唔太好食食過紫菜同一個叉燒拉麵,野飲唔得,都要$5x,唔會再黎

前幾日黎食dinner, 要左兩個set, 一個係吉列豬扒野菜拉麵, 一個係九州叉燒拉麵, 每個set配一個小食, 我地二話不說就要左煎餃子同埋壽司. 仲有兩個飲品, 要檸茶檸水.拉麵好大碗好多野食, 真材實料. 我既吉列豬扒好大塊, 而且炸得好乾身, 表面既粉好薄, 咬落去啖啖肉, 真係好少食d咁有水準既炸豬扒!!!小食之一既煎餃子都好好食, 肉汁豐富, 加上醋食, 味道一流.壽司有三件, 三文魚壽司, 玉子壽司&墨魚壽司. 墨魚壽司好好味, 口感黏黏的, 而且壽司飯好有醋味, 加埋一齊好正呀~~~座位都幾迫, 不過服務生都好賣力, 落單同上菜都好快, 而且仲經常面露笑容, 真係專業. 埋單每人約$60, 食到好飽, 抵食.

食DINNER主菜唔太突出叫左個海鮮拉面同牛仔骨丼,同出面食既差唔多至正就係另叫O個個芝士焗帶子其實之前已經去過一次又係點左呢個D帶子好鮮好大粒融入埋D芝士汁度......D芝士汁又係一流問題係D檯同CHAIRS都好細我BF生得較高,坐得唔舒服大家下次去記得點呢個冇介紹錯架!!!!

食左個下午茶,$29 有餃子雞翼拉面+三隻餃子+飯品.味道ok,不過waiter竟然可以因為雞翼未整好,先上拉面比我,我等左四個字,催左幾次先至上番比我.Service可謂極差.