雪下覓炙

营业中

休息中

初四還是紅假，市面上人頭湧湧，商場食肆都十分熱鬧～～～大家都悶透吧這個商場最好就是泊車免費🆓，三百元已有三小時，又有新餐廳🍴試韓燒重點是牛肉，set lunch emperor beef platter有和牛三筋肉、牛舌、雪花牛肋骨、貝身肉、牛小排。牛肋骨很考功夫，每次我都燒得不好，燒過時了，咬不開～～其他牛肉都好食好林，附送的大醬湯都好飲，紫菜飯新鮮熱辣，但這個午餐價格有點高‼️生牛肉石鍋飯好味，上桌拍照後在桌前攪拌均勻，很多蔥及蒜，最啱我口味，還有飯焦，不過生牛肉攪勻後都變了熟牛肉啦～～韓式伴菜只有五碟，泡菜、豆芽都有，只是去慣的韓店伴菜都圍爐擺滿，七八碟都有‼️

經表妹推薦，又咁啱放假，所以就約老公去尖沙咀試一試這個韓式燒肉，未今門口已經有好多人等位，好彩一早訂咗位，入到去枱與枱的空間好夠，舒適的，我們點了兩個 Lunch Set, 先嚟前菜，五小碟，但無我最鍾意食的薯仔。。。前菜種類不多，味道還可以，之後就上主菜～燒肉，燒肉的質素很不錯，睇落去份量不多，但成個餐食完好飽，肉的質素都相當不錯，尤其是牛肋條，我覺得味道啱啱好，有送菜機械人，幾得意！但服務方面想一提，店內服務人員！好足，但負責我們那邊的經理很多時同其他客傾計，或走開咗。。。每次都要搵人，翻點前菜又漏單，要再追先加返，我覺得呢點扣啲分，但整體係 OK 的。

今日試吓海港城新開的韓燒餐廳。餐廳常常full book, 今日等左25分鐘，終於可以入座。餐廳的裝修富現代感，以木條疊架做天花，把一張張的四人枱座連結一起，坐得幾舒適。韓式午餐有十三款，價格由$88至$256；另有烤肉午餐，由$215-$398。今日試下名品牛肋骨煲配飯$128。先送上韓式前菜：翠玉瓜、泡菜、豆腐、芽菜、秀茹。估唔到一個人，都有五款前菜！這些前菜是正常水準涼菜，無特別之處，但喜歡泡菜唔太辣，容易入口。名品牛肋骨煲配飯牛肋骨煲賣相精美，牛肋骨大大件，有成四件。牛肋骨炆得軟硬適中，帶一點肉味，唔太瘦，肉質唔韌，但算不上軟腍，帶少少肉的彈性，又有少少肉脂，輕輕的甜味，主要是牛肉味為主。配菜還有南瓜、蘿蔔，配上白飯，十分飽肚。這一天的韓式午餐十分飽足，雖為韓燒餐廳，但通風不錯，沒有太大氣味，下次試一下燒肉。

年尾飯一行四人，由於限聚令要分開兩張枱坐。服務員點菜非常有耐性及禮貌，解釋完一輪之後我們就點左以下的食物：牛肋骨服務員提供烤肉服務，我哋坐定定就可以等食啦由於要食韓燒，點左個生菜套餐包肉。醬油蟹宏觀所有餐廳這裏做得比較一般可以不吃牛舌厚燒非常高質 覺得是必吃項目八爪魚還可以吧最後經理介紹咗美國雪花牛，話說是鎮店之寶，麻煩了師傅出嚟展現刀功。但這件極品和牛反而沒有太大驚喜，而且價錢比較誇張，不吃也罷。整體來說服務細心有耐性，牛肋骨和牛舌簡單中帶點不平凡最抵死係佢哋用機械人送餐好好玩小朋友好鍾意❤️略嫌價錢有點貴四個人吃了$4000的午餐

那一天去了海港城。疫情下，人流少了；但人流大幅減少的最大直接原因其實不是疫情，而是因疫情而間接引致國內自由行的流失。以往人流如鰂、每間名店門口皆排了長長人龍的海港城廣東道名店區的情景，何時回復？缺少了富貴嘅國內自由行同胞，海港城的商舖組合也要作出調整。海運大廈地面層的大部份租客近年一直是意大利及法國頂級名牌童裝，雖然沒有退租，但豪華育嬰休息室就消失了，取而代之是結合相鄰舖位，重新組合成一間大舖，變身成為韓燒餐廳「雪下覓炙」。名字充滿詩意，尤其「炙」字點題了餐廳主打烤肉。餐廳新開張不夠一個月，門口擺滿了花籃。門面裝修以黑色為主調，又刻意加設模仿古東方建築風格的仿簷蓬及小迴廊；一望就知係高級韓燒。原來「雪下覓炙」隸屬於富臨集團旗下的韓燒系餐廳，定位最高級別，在「柞木炭家」、「炑八」及「濟州燒肉食堂」之上，唔怪得海報上面的雪花牛肉照片如此吸引。商場人流唔算特別多，但在疫情限聚令下，每間餐廳每張枱最多只可以坐兩個人，結果都要等位15分鐘。餐廳內同樣採用了大量仿古建築結構的木架作為裝飾，貫徹風格；不過，除了這個特色之外，整體室內設計唔算突出，只能形容為一間較為高級嘅韓燒餐廳。唔講室內計嘅話，始終

睇食評同聽朋友介紹下知道海港城有間高質素韓國燒烤叫雪下覓炙， 今次專誠約朋友去品嚐一下。入到去發覺地方寬敞，燈光柔和，係宮廷嘅風格。今次order咗阿根廷天使紅蝦、韓式燜太刀魚、韓式豬排骨、雞爽肉、壽喜燒日本和牛西冷、汁燒上牛肋肉、泡菜湯、同埋雪花韓式牛肋骨。阿根廷紅蝦超大隻，長過手掌，肉身超厚最緊要夠鮮甜。燜太刀魚就係用傳統韓式醬烹調，加埋魚嘅鮮味好有唔同嘅層次。韓式豬排骨有兩大塊，用秘製韓式醃製方法，好鮮味而且超多肉汁。雞爽肉就切開一小塊而且比普通雞肉更爽更有雞味。壽喜燒日本和牛西冷睇得出油脂分佈極為平均，有好靚嘅雪花紋，所以輕輕一煮放入口食即溶化，值得回味。汁燒牛肋肉用上韓式甜甜嘅汁醃然後加埋蔥花，燒過之後牛味比較出而且會比較煙韌，口感一流。泡菜湯就有濃濃嘅香滑泡菜味，最緊要係可以開胃及解膩，係食韓國燒烤嘅好配搭。雪花韓式牛肋骨超大塊超長，燒過之後剪開嚟食，每一啖都有咬口同埋好有韓國頂級和牛嘅味道，值得推介。

我們開始點餐時，那個穿西裝戴黑框眼鏡的staff已經開始態度超差。請他之後拿水給我們，他就很沒禮貌的說‘之後先好唔好！？’真的嚇到我了，我又沒有命令你，幹嘛要用這種態度？ 每個員工都對著客人黑口黑臉。自己staff聊天就很開心的笑。先不說好不好吃，對著這種態度已經不想吃了。食物沒驚喜，前菜沒誠意。 味道普普通通。海鮮大醬湯ok好喝。燒烤+這種服務真的不值這個價錢！

星期六滿心期待去到海港城諗住黎食呢間燒肉，不過由於太遲岀門，兩點黎到已經好多人，最終等到5點先有位食，建議大家假日可以預早book枱或者早啲到現場拎飛今次叫左兩個lunch set，一個有雞牛豬魷魚，另一個就係全牛肉。跟餐有大醬湯同紫菜飯，所以都算夠食。另外仲有附一啲韓式小菜，大醬湯既味道有少少咸，但都睇到係落足料咁煲，個飯都幾好食然後上餐既時候會用機械人送過黎，雖然行得有啲慢但都覺得幾特別雞牛豬魷魚set雞既味道醃製得幾好食，五花腩都唔錯，燒岀黎脆卜卜全牛set我覺得個牛舌係最好食，其他就不過不失，但個樣睇落係唔錯既另外好似叫某啲野食會有職員幫你燒埋，我見到隔離枱叫原條鰻魚就有職員幫手燒，不過今次自己就無食到。總結黎講，如果去開海港城又唔知食咩好都可以一試，不過價錢都唔平，但我諗海港城既餐廳都可能差唔多價錢

同朋友行街準備食飯，跟住見到新開左間餐廳都好多人係門口排隊原來係一間燒肉店，未試過就緊係要試下，所以就排隊攞位啦我地今日都叫左好多野食雪花韓式牛肋骨 - 色澤好靚，脂肪既紋理都好靚仲好大塊添呀店員好好地幫我地燒埋，沾埋個洋蔥汁食都唔錯，肉質好腍，肉味都幾濃牛舌 - 我一向都好鍾意食牛舌，呢個牛舌食落好爽口，牛味香傳統醬油五花肉 - 醬油腌過，甜甜地，入口好爽，有醬油醃過減除左油膩感雞爽肉 - 個雞肉好滑，細細舊，好快熟同燒到脆脆地更加正韓國辣八爪魚 - 原隻八爪魚，辣辣地，煮完都唔會韌石頭泡菜魚籽飯 - 熱辣辣食，仲有飯焦香，最鍾意就係果D細銀魚仔令到個飯更香魚籽湯 - 裡面有好多配料，配埋紫菜飯一齊食，個湯都唔會腥食完唔會成陣味，所以都幾好

呢間餐廳嘅裝潢結合傳統韓式建築同型格現代藝術元素，營造高麗時期用炭火烤肉嘅意境🔥先有幾款拌菜上枱，包括有：涼拌芽菜、糖漬薯仔、辣泡菜、白泡菜同油菜泡菜，全部都可以無限追加🥗💗雪花韓式牛肋骨($315)以鑽石形切割牛肋骨，令醃製更入味，受熱均勻，鎖緊肉汁。肉質鮮嫩得嚟帶嚼勁，肉汁豐盈，點少少海鹽突顯其肉香🥩💗和牛三筋肉($250)屬牛後肩胛肉，霜降雪花分佈細密，口感最細膩柔軟，油脂齒頰留香，牛味濃郁，油而不膩🐃💗牛舌($130)牛舌色澤鮮紅，食落腍滑帶牛香，不過薄切唔夠爽口👅💗傳統醬油五花肉($120)五花腩肥瘦均勻，脂肪燒過後迫出油份變得焦脆，入口香濃爽勁，醬油味突出🐖💗雞爽肉($102)取自雞頸肉，用咗甜甜地醬汁醃過，食落特別爽彈嫩滑🐥💗韓國辣八爪魚($118)原隻八爪魚肉質軟腍又彈牙，完全唔韌，食落有鹹鮮嘅海水味，仲有微辛嘅醬香🐙💗石頭泡菜魚籽飯 ($110) 飯面鋪滿魚乾🐟、泡菜、甘筍🥕、大豆芽、菠菜🥬、鮮冬菇🍄同翠玉瓜🥒，足料又爽脆。加入韓式辣醬連飯一齊拌勻，香辣惹味，底下仲有香脆飯焦🌶💗魚卵湯($120)湯底飲落香辣醒胃，鮮甜味美，完全唔腥🍲入面有大量魚卵，口感粉脆，仲有柔軟

見海港城難得有韓燒食好似幾jeng, 然後就決定揀呢間食晚餐。我哋嗌左個大醬湯，同埋揀咗啲肉嚟燒，韓燒就正正常常冇乜特別，大醬湯好鹹，前菜好小。 原來佢係富臨集團旗下，唔怪得知咁難食。下次唔會再黎食 byebye.

大家喜愛日式燒肉還是韓式燒肉呢？😋兩種除了爐具上的差異外，肉的質感、調味都大有不同！我作為牛魔王🐮和牛、韓牛同樣喜愛🥰上星期吃完日式燒肉，今個星期就要來到雪下覓炙吃韓式燒肉🤩餐廳有不同牛的種類供選擇，如和牛、美國牛及韓牛等。一般韓燒都會將肉用醬汁醃製，這間餐廳經理對自家牛肉非常有信心，認為品質好的牛肉保持原汁原味最美味😋所以牛類部分可選原味、不加入醃醬，吃時輕輕沾少許鹽已足夠👍🏻👉🏻食物: 4.6/5除了燒肉，還有韓式主食、湯品等👍🏻滿足不同食客！▪️雪花韓式牛肋骨🤩🤩🤩🤩🤩一條超長！滿足牛魔皇😋店員教導牛肋骨放入鐵板後，可靜待直至看到血水湧岀再翻面👍🏻不要翻太多次！剪至五成熟已十分足夠！▪️和牛三筋肉體現和牛的特色，充滿油脂香、入口滑😍😋 捲起再咬一口，非常滿足🤤 中間有一條像牛展般的筋位，但沒有破壞口感，反而令其更豐富。必點之選！💯▪️牛舌薄身，燒完口感帶少許韌度、有嚼勁，充滿牛味。▪️韓國辣八爪魚沒有預想過會是原隻上！🤩超大隻！幾乎佔了整塊鐵板！八爪魚比較難掌握熟度、容易變韌，建議詢問店員意見😂▪️五花肉五花肉面層有豬皮加分！🤤每一塊肉都又長又厚！運

因為full booking所以我地walk-in, 唔係peak hour都等左40分鐘先有位，裝修型格我地兩個人order左一個燒烤餐同一個獨特鑽石形切割牛肋骨 先到燒肉餐，我地叫既係第三個，有猪牛雞，廢事正係食牛。先到一批小菜，但只有泡菜芽菜可以refill，都冇問題...衛生原因係機械人送餐很可愛不過我地個位個爐神神地，成日熄火，呢個部份扣啲分整體不錯，係一人份量，配一碗白飯同一碗大醬湯，但等我地全部肉食完都未到，呢個位都扣分蝦有剪背同有挑蝦腸，good鰻魚鮮甜食完之後先上牛肋骨同相差不多，係大份，切得好靚，仲有專人幫手燒燒得不錯，好食肉質鮮嫩肥美，有油香，但一開始套餐既飯都仲係未到。網上所講“大廚精挑細選的芥末粉紅海鹽、芝麻油及黃芥末”都冇比，唔知係米應該主動問，最後消費共（用左海港城卷）426，兩個人夠飽，不過冇卷未必會食第二次，會prefer韓國街個啲

前排聽朋友介紹海港城開咗間超正嘅宮廷式韓燒餐廳，佢話日日lunch都大排長龍，我今日決定要去見識見識，已經特登過咗lunch time黃金時段先嚟，不過依然係咁多人，認真架勢！ 等到頸都長，終於可以坐低啦🤗。雖然呢度唔似得平時去嗰啲韓燒餐廳每檯有個煙囪，但係呢度完全感覺唔到有油煙味，通風系統做得非常之好👍。 首先上菜機械人🤖為我哋上菜...香港都好少見上菜機械人，佢又真係好準確咁送到你面前噃，比個叻佢先👍！ 傳統韓式前菜可以無限添加，有泡菜、芽菜、酸蘿蔔、薯仔、香葱等... 雪花韓式牛肋骨🐮絕對係必點🤤🤤🤤，店員會幫我哋悉心炮製，油花分佈平均，食落口感軟嫩，完全有入口即溶嘅感覺，牛味濃郁，唔需要加任何調味料已經好好味，簡直好食到唔停得口😋😋😋。店員仲教我哋可以用舊骨嚟省乾淨個鐵板，又真係得個噃，果然好使好用👍。 牛舌肉質軟嫩，食落帶有爽口感。 和牛三筋肉係和牛中極稀有部位，聽店員講一隻牛得5-6%，所以絕對非常珍貴。雪花紋分佈細密，肉味突出，肉質嫩滑，感覺齒頰留香。 傳統醬油五花肉🐷，肥瘦相間，肉味甘香。燒到表面微焦會更加美味。 雞爽肉🐔，咬落爽口又唔韌。比平時食嘅雞肉口感更加特別。

在海港城行街見到一間高質韓式燒肉，雪下覓炙，這個名稱十分有詩意，頓時令人想像到在白雪紛飛的環境下炙燒著燒肉。門面隱世高檔，帶有宮廷風。.入到店內環境高雅，座位寬闊，燈光柔亮精神，服務到位，令人十分振奮。一入座就有個機械人沿着地下鋪設的路軌把傳統韓式前菜送過來，令人眼前一亮。前菜有泡菜、芽菜、豆腐等等，而且可以免費添加。.壽喜燒日本和牛西冷（2件）- 這個牛西冷也是很有特色的燒肉之一，店員會首先用鐵網燒熱壽喜燒汁，之後就可以燒和牛西冷。配上雞蛋及芝麻圓飯團，多重滋味配搭豐富。和牛西冷粉紅色，油脂分布均勻，有好靚的雪花紋，入口即溶，令人十分難忘。.雪花韓式牛肋骨 - 這個牛肋骨亦是驚豔，長長長長可以剪成大約十小片牛肉。而且十分新鮮，鮮紅色的，同樣也是帶有誘人的雪花紋。而且厚身，啖啖肉，質感實在，香郁牛肉味，是牛肉愛好者必點的！.汁燒牛肋肉 - 條條粗厚更有口感，質感似吃牛扒大滿足。加上蔥花燒汁，更添韓式風味。.韓式豬排骨 - 兩大塊排骨，一塊就是平時一個餐的肉量，所以吃完這個排骨之後已經有幾分飽。.雞爽肉 - 切到條條分明更易入口。而且肉質爽嫩，口感比一般雞肉更住。.阿根廷天使紅蝦 - 紅