雞翼山 (T.O.P This is Our Place)

营业中

休息中

由細到大都好鍾意食雞翼，反而對雞脾就一般。估唔到旺角開咗間雞翼山，完全滿足晒我既童年回憶，原來呢個世界都有好多人同我一樣好鍾意食雞翼。咸蛋黃雞翼，陣陣咸香黃，咸蛋黃漿厚厚的非常香，咸蛋黃同雞翼其實好夾。文青玫瑰蜜糖味雞翼，呢個係我最愛，甜甜的蜜糖絲配上香甜玫瑰花係雞翼身，非常得我喜愛，食落感覺好浪漫，最愛花蜜雞翼。黑松露蒜香雞翼 表面灑上紫菜條，黑松露又唔會搶走蒜香味，兩者融合得恰度好處。咸檸七雞翼，外型無咩特別，但食落先知係低調高手，整體上係甜甜地，唔會比咸味搶晒，不錯！下次再試埋其他味道先！

唔知有冇人好似我咁對雞翼有不能自拔嘅鍾愛！餐牌見到只係賣雞翼同少量野飲，係一間雞翼專門店！裝修有d粉色，立食冇座位，如果人多會好嘅。雞翼款式花多眼亂，就連金箔雞翼都有。好浮誇今日揀左文青玫瑰，檸茶味同咸蛋黃味！最甜嘅玫瑰味，上面有一層花蜜加玫瑰花瓣，香氣撲鼻又有一陣雞油香。檸茶比較帶微酸，醒胃香口又一種港式親切感。我至愛邪惡嘅食物，咸蛋魚皮我相信好多人都食過，但個個汁滿佈雞翼上面真係不得了！好想慢慢啜每一隻雞翼，一兩隻根本唔夠喉！雞翼勁新鮮熱辣，要吹凍先好放入口呀

成為雞翼控之旅由呢度開始💓幾個月前朋友已經介紹我食雞翼山既玫瑰雞翼，可惜紅磡實在太唔就腳，所以遲遲都未試到。得知佢地係旺角TOP開分店，真係太開心啦，今日就叫左男朋友黎陪我試下呢個傳說中既雞翼😋😋店舖位置好方便，TOP門外已經係了，仲有少少向街既坐位俾客人坐低品嚐雞翼既美好😙室內企位前係玻璃，我同寶寶對住鏡入面既自己食雞翼，認真係不要儀態只想吃雞翼呀🤣🤣雞翼有好多選擇😋第一位登場既係鹹檸七雞翼🥃估唔到鹹檸七都可以配雞翼🤣配搭新穎，而且好有港式風味。又咸又甜好特別👍跟住係三重芝士雞翼🧀🧀🧀哇~~三重芝士超級濃，對我黎講簡直係太多添😂香濃既芝士加雞翼，係味蕾既享受😋Signature既文青玫瑰雞翼終於到啦😍😍雞翼沾滿了玫瑰果醬的香氣😋比一般蜜糖口味更加甜蜜同突出。玫瑰味幾出，食多幾隻都唔悶😊最後係黑松露蒜香雞翼😎淡淡既黑松露味，果然黑松露同咩食材都咁夾呀。金銀花蜜糖特飲最後飲番杯甜甜蜜蜜既熱飲，從來未試過食小食都可以咁滋味同滿足😍😍

原本叫左咸檸七雞翼，點知原來係辣。 好重黑椒味，小朋友食唔到咁辣，唯有叫埋玫瑰味。但係等4隻雞翼都等左幾耐，人又多，但係即叫即整，所以熱辣辣，唔錯。咸檸七味 - 其實都真係頗辣，都幾重口味。同埋有兩舊仔青檸，所以檸檬味一定有，但係"咸同七"既味就真係欠奉。同檸檬雞翼無異。文青風玫瑰味 - 味道較好，因為佢有玫瑰花乾係度，所以玫瑰味一定夠，同埋個醬比較甜。建議第一次食可以試呢隻味先~雖然淨係試左兩款，但係唔會再試，我同屋企人都覺得，醃雞翼既黑椒味太重，味道唔太特別。只係煎得香口。。。。。但係特別要讚既係收銀姐姐勁好人!!垃圾桶逼爆都無人換袋，一掉一驚心。 不過好就好在佢地個盒仔係話會回收用，只係掉墊盒仔果張吸油紙同雞骨。起碼都叫環保，但係都有好多人連盒都掉埋，有點失望。希望去食既人留番個盒仔，放指定回收點。

雞翼山顧名思義係主打賣雞翼 口味好多任君挑選包括：玫瑰，鹹檸七，黑松露，避風塘，山葵，芝士，冬蔭公，檸茶，咸蛋黃味好多口味都好特別 仲充滿香港風情當要要試下唔同口味既雞翼1）冬蔭公味一咬入口雞翼好多肉 好多汁 而冬蔭公味比較重口味 而且比較酸又帶點辣喜歡酸味的朋友應一試2）避風塘蒜香真的有一粒粒的乾蒜食入口帶有香香的蒜味 而且炸一炸完的雞翼更香口 3）檸茶雞翼聽個名會覺得好奇怪但食入口甜甜地 好特別 配上檸檬後更開胃4）黑松露雞翼呢個係我最喜愛的一款雞翼入口香濃 黑松露的味道與雞翼好夾

自認係雞翼怪既我，真係超鍾意食，今次見到有專食雞翼店唔試唔得啦，叫咗佢既文青風玫瑰，我係咸檸七同港呢d友情萬歲檸檬，3款味道加埋杯桃茶，因為即叫即整，係要有耐性等一等，終於等到主腳出場，仲會有埋手套俾你幾貼心，見到雞翼熱辣辣咁，當然試咗玫瑰蜜糖味先啦，一咬落去熱辣辣，外脆入面流出肉汁，正呀，個味道又岩岩好唔係死甜，再試個咸檸七，食落好似似緊咸檸七但熱上😂都幾特別，咸咸地又酸酸地，最後一款就係檸檬茶，食落有淡淡既茶味令人想飲番杯檸檬茶。下次試埋其他款式，職員話遲下銅鑼灣會開，唔知係唔係呢？

約五點半電話落單訂$118 12 件雞翼，職員回覆15分鐘可以自取，15分鐘準時到達並付款，再等了45分鐘仍然未做好我份12件雞翼！後來才發現他們竟然一直沒有做我張order , 店員説以為我20:30 才到取！！！我17:45 已經到達付款，並且一直站在店內等候。前後足足白等了一小時！佢哋嘅雞翼真係好食，亦都有好嘅評價，但係好希望佢哋能夠改善服務質素，唔好再犯咁樣嘅錯誤。

一個鍾意食雞翼既人又點會放過專食雞翼既地方呢！帶左位朋友一齊嚟雞翼山剌探軍情，佢既個人紀錄係一晚BBQ食左120隻雞翼！就尼睇下哩座「山」係咩來頭！雞翼山坐落旺角最新商場T.O.P. 的外圍，開揚地坐落喺大馬路旁邊，地點好就腳!有一排立食位和坐位，眼見主要都係做外賣。 好正！店舖窩心，提供包裝手套或者叉比雞翼控決定點食！必選之一最好食！！！鼠尾草鹹蛋黃哥充滿咸香！望住店員即炒咸蛋黃醬，熱辣辣非常惹味！咸蛋黃鋪滿成隻雞翼，唔會太乾身，亦唔會太油膩，好足料，完全唔吝嗇！最驚喜港呢d友情萬歲檸茶真係估唔到檸茶同雞翼係咁襯架！又真係食得出檸茶味，少少酸味、夾少少甜味！如果想要驚喜，揀佢啦！黑松露蒜香武士黑松露配薯條就食得多喇,，配雞翼就第一次。本來以為會蓋過哂d 雞翼味，但係佢地配得岩岩好！而蒜香味亦得，冇俾黑松露蓋過，拿捏得好準，唔錯唔錯！檸香山葵蟹籽非常日式嘅雞翼, 熱辣辣的雞翼加上山葵蟹籽, 冷熱交融, 帶出非一般既口感！加埋招牌mojito! 好爽呀⋯⋯輕鬆地全部完成哂！但其實雞翼山仲有好多味道提供，所以唯有下次再黎，試哂其他味啦！

今日係旺角行行下肚餓想搵嘢食，咁岩見到雞翼山，身為雞翼痴既我就入左去試一試。呢間店係外賣店形式運作，堂食既話都係得小量企位，所以大家就衡量下自己喜好外賣拎走食定堂食啦。雞翼係即叫即炸，所以等既時間比較長，不過只可以講等待既時間絕對值得。我同朋友一共叫左四款雞翼，分別係玫瑰味，芝士味，鹹蛋黃味同黑蒜味。四款口味都各有千秋。玫瑰味係配有玫瑰醬汁同乾玫瑰。食落口有別於平時食開既味道，呢款食落偏甜，有浸浸玫瑰既香味，值得一試。芝士味係有好多好香濃既芝士汁淋上雞翼。食落芝士味係超級濃，如果自問係芝士控既你一定要試下，包你食到lamlam脷。鹹多黃味等得最耐，但亦都係我最中意食個款。全隻雞翼都沾滿鹹多黃醬，食落既鹹蛋黃味又香又濃，絕對唔係出面個類得個名但食落無咩香味。呢個極力推薦！最後黑蒜味就相對普通，不過都有陣陣蒜香味，比較似平時既煎炸雞翼。但味道都絕對唔失禮，如果驚膩或者其他口味都唔太岩就可以揀呢款，一定唔會令你失望。野飲就叫左一杯水蜜桃果茶，入面有超多果肉，係食完雞翼咁滯之後飲返杯清甜果茶真係絕配。

今日去左成日旺角行過見到既「雞翼山」食Tea見佢宣傳單張出既雞翼味道全部都幾特別 我就選左食左"講呢D友情萬歲檸茶味雞翼"連蜜桃肉特飲($56 )貪佢檸茶味聽落夠地道🍋 呢一款係店唯一一款用左茶葉預先醃製既~食落酸酸甜甜都幾易入口仲好開胃💕個皮有陣蜜糖所以都好脆 好快就食晒4隻 如果當午餐應該要叫個6隻既餐啦至於蜜桃特飲都幾多桃肉!店內有張台設企位亦都有張橫椅可能坐但係坐就台面用 食得辛苦D同埋要留意返佢係即炸所以要等一陣咖⏰

雞翼，你同我都食得多🤭但係你又未必估到有咁多唔同嘅味😆今日和朋友飯後有點心癢癢，想吃一點點小吃，到旺角見到一間店名十分可愛嘅小店—雞翼山。決定一試🤪我們點了4款不同的雞翼，全部口味都十分特別，肉質可以保持到滑而外皮十分香脆！確是他們掌握到雞翼的烹調時間。四款本人最欣賞鼠尾草鹹蛋黃哥及港呢D友情萬歲檸茶。鹹蛋黃味道十足，好香，而且有起沙口感，加上外皮酥脆口感。令人一試難忘👍🏼而檸檬茶口味，一聽名稱已經覺創意。一試果然沒令我失望！一入口先有一點點檸檬清香及微酸令人胃口大開。再吃竟有淡淡的茶香味滲出！十分有層次👍🏼推薦！

呢間小食店自從朋友帶我食過一次之後，就愛上了！今日行街經過又去買黎食下先！話明小食店所以只有企位或是門口有少少空間可以坐，小食店白色為主，襯有粉紅色的霓虹燈字！早前已經吃過玫瑰味同埋冬蔭功味，所以今次想試下其他味道！黑松露蒜香武士($38)，呢款雞翼已蒜香味為主，有微微的黑松露味，還有紫菜做裝飾！雞翼沒有炸得很脆，肉汁豐富！港呢D友情萬歲檸茶($38)，呢款味道不錯！有淡淡的檸茶味，真係食到有少許酸味，特別開胃，而且雞翼只是烤過，沒有炸過！港式避風塘蒜香($38)，呢款炸得很脆，而且都有點點辣，味道跟避風塘炒蟹的味道差不多！檸香山葵蟹子($38)，呢款雞翼是用上烤雞翼，雞翼面有山葵醬及蟹子，口感特別！招牌莫希托薄荷特飲，呢個特飲好有雪碧的味道，還有少少檸檬的酸味，絕對是解膩的好配搭！總括黎講，對於中意食雞翼的我，這間店絕對是好適合我的小食店！另外雞翼味道亦有好多款，唔怕食厭！繼續支持小店！

聽落幾得意咁，就去左旺角新開既雞翼山試下~舖頭仔細細間，位置唔太多，主要係以外賣形式，外面有張長櫈可以坐同入面有張bar枱企度食，幾的骰下!餐牌有9款可以揀，每款睇落都好吸引。今次揀咗4款4隻既雞翼，價錢唔算貴!有濃味三重芝士流，我係鹹檸七，黑松露蒜香武士同鼠尾草鹹蛋黃哥!首先係濃味三重芝士流，賣相好吸引，雞翼上面鋪滿厚厚既芝士，雖然同平時嘅拉絲芝士質感唔同，但同雞翼好融合，而且咸香味適中，味道不錯喲！第二係我係鹹檸七，味道同平時飲既鹹檸七一樣，雞翼入面都充滿檸味，幾過癮同開胃，中意鹹檸七嘅朋友仔可以試下哦！第三係黑松露蒜香武士，未食就聞到黑松露既味，黑松露同蒜香嘅比例好適中，唔會好鹹，面層仲舖上紫菜條，增添多一重口感，而且三種味道都好夾!最後係鼠尾草鹹蛋黃哥，鹹蛋黃佈滿成隻雞翼，食起來鹹香味十足，又唔會好咸，加上雞翼外脆內軟，好juicy好惹味!整體來講每款雞翼都各有特色，而且雞翼非常入味，雞肉外脆內滑，又多汁，性價比高，下次可以試埋其他口味~

旺角最近開了一間以雞翼為題的小店，有特色雞翼供應，有很多都是我從未見過的款式，我相信保證令你見到都流口水🤤到雞翼山時發現，我最想食那幾款都售罄啊！！！不過後來都選擇了以下這四款雞翼：文青風玫瑰雞翼 玫瑰雞翼我都係第一次食，雞翼表面有玫瑰花瓣，這款雞翼我吃到甜甜的滋味～港式避風塘蒜香雞翼 濃蒜味者最愛，除了蒜味之外，還加了辣椒，夠惹味！檸香山葵蟹籽雞翼 一向都不會吃山葵的我，因為朋友點了而吃吧！不過其實沒什麼山葵味的，相反檸味較出，上面還有粒粒蟹籽品嚐黑松露蒜香武士雞翼 本身我都唔認得呢款係黑松露蒜香雞翼，有啲紫菜係貓翼面，係濃味之選～全部雞翼都插上牙籤，上面寫著：「不要儀態...只想吃雞翼」，哈哈，吃雞翼的確是有點沒儀態！不過，我不管了，我偏要吃！反正都交了男朋友（誤）還有金雞翼食完自行潔支持環保 紙盒可重用

喺出post之前，竟然發現到👦🏻偷偷地寫咗篇日記！完全睇唔出佢有咁嘅習慣😏跟住就分享少少節錄比大家睇吓啦！.「3月12日(晴☀)今天我為了Hkfoodpoint 當了一次土豪！每當我在Instagram上看見別人炫耀名車、名錶時，我總會想，作為一個Foodie，怎樣才可以用食物來炫富呢？於是我去了一所名為雞翼山的店舖，叫了一碟價值不菲的雞翼，就連路過的叔叔也忍不住用電話把它拍下！可想而知，這碟雞翼很能吸引眾人目光啊！」.日記先睇到哩到，畀返評語先👅.黃金片片太子金箔雞翼($268) • 真係好浮誇，成隻雞翼用兩大片金箔包實，完全係比全場人注視。揀咗鹹蛋黃味嘅雞翼，個醬好香濃，我覺得好味過KFC。應該係太子分店限定，仲要每日只有5份！.港式避風塘蒜香雞翼 ($38) • 蒜香辣度啱啱好，所有配料都炒得好乾身，雞翼肉嫩多汁好惹味。.黑松露蒜香武士雞翼 ($38) • 黑松露味唔夠蒜味出，加咗啲紫菜喺面，雞翼就好大隻好香口。.餐名：以上價錢：$344評分：8.5/10餐廳：雞翼山 (旺角)地址：旺角彌敦道700號 T.O.P. 地下14號舖.IG: hkfoodpoint