雞翼山 (T.O.P This is Our Place)

营业中

休息中

星期日又係同男朋友出動覓食的時候，順便出旺角貼mon貼，經過T.O.P商場見到有間手羽專門店—雞翼山，一向雞翼控的我立即心心眼。📍環境首先店鋪雖小但設計開放式，有些位置可供客人坐，裝修簡約又不失少女風，位置又好方便，就在旺角中心後面，有名的珍珠奶茶店轉個彎就搵到。📍食物先睇睇menu，發現雞翼的味道選擇都幾多，而且又有香港特色，例如我係鹹檸七、港式避風塘蒜香、港呢D友情萬歲檸茶⋯不過我除左係雞翼控之外仲係芝士控，所以一看到有濃味三重芝士流就流哂口水，食落真係好濃芝士醬，不會過鹹，同埋雞翼即叫即製，size都唔細，咬開肉質好嫩滑。另外點左店長推介的文青風玫瑰味，食落口有甜甜的蜜糖味，個人超喜歡食蜜糖雞翼，不過玫瑰味就不太突出。至於男朋友就喜歡一些濃味刺激的口味，佢見到有港式避風塘蒜香就話要食呢款，雞翼上鋪滿好多炸蒜粒，帶帶少少辣味，十足十好似食緊真的避風塘炒蟹一樣，味道同雞翼都一樣夾。最後男朋友仲簡左黑松露蒜香武士（又係蒜香哈哈），雞翼上加左d黑黑的紫菜碎，食落非常香口，淡淡的黑松露味又係幾夾。整體我都好喜歡這四款味道的雞翼，雞翼的size都幾大隻，一咬開d肉質好嫩滑，又即叫即製熱辣辣出

旺角TOP商場地下開嘅呢間雞翼山，近排超hit，想試好耐了，今日有幸得到美女嘅陪伴，同我一齊去叫雞食🤤呢到嘅雞翼口味各有特色，心大心細之下，我哋決定叫其中4款嚟試吓，所以我哋叫咗12件+1杯飲品 $118 再加多4件 $38。01 文青風玫瑰 我嘛嘛哋玫瑰味，但係都好鍾意食呢一款，雞翼面頭鋪滿糖漿，加上玫瑰花嘅清香，出奇地夾，甜甜的💕02 我係鹹檸七 好地道嘅一款口味，鹹鹹哋，加埋少少檸檬嘅酸，夠開胃！04 港式避風塘蒜香 一睇賣相唔嘢少，勁多蒜啊！雞翼外皮脆脆哋，加埋啲蒜，有咬口之餘，又夠惹味，超推！06 檸香山葵蟹籽 呢款好特別，淡淡嘅山葵味，再加上帶有鮮味嘅蟹籽，口感亦夠哂豐富。水蜜桃粒粒甜果茶 有粒粒果肉喺底，真材實料，飲落亦唔會過甜，食完熱辣辣嘅雞翼，飲返杯清甜果茶作結，超正！唔駛加一，埋單2人約$160。如果你鍾意睇我嘅食評，不妨關注我，支持吓我，謝謝你☺️💕

雞翼山黃埔店係第一間店旺角分店已經黎過幾次 雞翼共有九款口味 每次質素維持有水準 炸雞翼即點即製 新鮮香脆 好多肉汁 肉質嫩滑$128/16件4款口味分別黑鼠尾草咸蛋黃 火辣泰仔仔冬陰 文青風玫瑰 同鹹檸七⚡️文青風玫瑰玫瑰蜜糖貴為招牌口味 淡淡自然花香味 配蜜糖 兩者味道互相好配合⚡️鹹檸七港式口味獨特 酸酸甜甜幾特別⚡️鼠尾草咸蛋黃鹹蛋醬加上粒粒鹹蛋黃 沙沙口感 鹹蛋黃味道極度濃郁！⚡️火辣泰仔仔冬陰 雞翼滿佈泰式香料 香味十足 冬陰功酸辣味係有嘅 再濃d先夠 ———————————————— . 🌟雞翼山 旺角彌敦道700號 T.O.P. 地下14號舖  ————————————————

終於食到好多人介紹既雞翼山喇！款款望落都好吸引！最後叫咗四款口味，每款有四隻，分別係咸檸七，檸香wasabi，文青玫瑰，黑松露。我自己排名會係咸檸七＞檸香wasabi＞文青玫瑰＞黑松露。咸檸七酸酸甜甜，同雞翼好夾，就好似西檸雞咁，好開胃。wasabi味就咁都好食架喇！味道又唔會因為食得多而好膩，仲有d蟹子增加口感。玫瑰呢款都唔錯wor，唔似出面食既玫瑰製品咁好假既味道，反而有少少清幽。 黑松露就稍稍有點兒咸得濟，建議最後先食，廢時搶晒味！汁醬固然好食好吸引，但係雞翼本身都好有質素，隻隻熱辣辣又juicy，我一定會返來再食過！

朝聖文青風打卡雞翼✨ 前排響飲食雜誌嘅全港雞翼比拼拎咗冠軍嘅雞翼山，除咗紅磡之外最近仲登錄旺角開咗新分店，咁就腳當然要去試下啦✨一客四件三十八蚊，四客十六件就一二八再送兩杯嘢飲，除返八蚊隻比起其他同類店都算正常，今次就揀咗四種味都幾有特式同幾香港:最signature應該係文青風玫瑰，其玫瑰糖漿聽聞係自家製，花香味重得嚟又唔會好甜，鹹檸七係我最鐘意，鹹酸皆備而且仲有陣檸檬漬嘅獨特香味而檸茶味相比之下酸度再勁啲，冇咁鹹清新啲，最後芝士味其實冇個賣相咁heavy，不過質感沙沙地咁如果芝士再滑啲仲好😛除咗口味創新，外皮炸得幾香脆肉質又幾juicy，唔會話炸到乾硬化，學佢話齋不要儀態只想吃雞翼，不過儀態還儀態，規矩記得要守，當晚兩個雌性為咗霸位夾硬撞走我朋友，食過雞翼啫，唔講以為你走緊水貨迫過關🙄

一直都想去食d唔同口味嘅雞翼食肆，不過食得多真係會濟，食得少又對唔住自己。如果你都有哩個煩惱，就要嚟『雞翼山』喇！食幾多、叫幾多，多款味道，多種享受！琳琅滿目嘅雞翼，隻隻都好想試！見到有特別版- 金箔雞翼，感覺富貴又豪華！有趣Slogan: 不顧儀態，只想吃雞翼！就是我的心情呀！！堅持即炸，令人引頸期盼!!鼠尾草咸蛋黃哥雞翼近期咸蛋黃食物興起熱潮，估唔到夾雞翼都係超正！又或者雞翼根本係點夾都好食！Yummy! 咸蛋黃即點即炒，香噴噴既熱氣逼人！味道咸香，起哂沙，勁多醬包滿成隻雞翼！99.99分港呢d友情萬歲檸茶充滿驚喜既一款，檸茶味好出，甜甜哋，少少酸，解滯消膩。而雞翼本身好嫩滑，唔會乾，表面脆脆哋，juicy! 是為第二最愛也！檸香山葵蟹籽好中意wasabi食物，一見到都會叫！熱辣辣雞翼加了凍蟹籽和檸香山葵醬汁，彈牙得尼又有少少攻鼻感，又係另一種味覺刺激！黑松露蒜香武士個名都知唔惹少，本身用蒜作調味嘅食物味道一定唔差，再加埋黑松露鹽，雙管齊下，香味真係爆哂出嚟！值得一試！配埋一杯清新mojito, 爽到痺！極滿足！

旺角呢間雞翼山以玫瑰金做main tone 😍 港女心心眼 我哋食放題咁食 嗌咗4款 : 文青風玫瑰 黑松露蒜香武士 港式避風塘蒜香 火辣泰仔仔冬陰文青風玫瑰始終都係我最愛 佢唔係蜜糖雞翼假玫瑰花瓣咁簡單係本身啲蜜糖都係粉紅色每一啖都有玫瑰嘅香味🌹🤤黑松露蒜香武士 蒜味香濃 聞落有輕輕嘅黑松露 雖然食落去畀蒜香冚左 不過依然係非常香口 滋味🍗港式避風塘蒜香 小見港式味道 炸得脆脆微辣好嘢未火辣泰仔冬陰 非常泰式嘅味道酸酸辣辣 仲有個粒青檸喺定係重口味之選 同之前嘅玫瑰真係好強烈對比基本上四款嘅雞翼都係巨型size全部外面炸得香口入面肉質嫩滑非常juicy 每款都令人停唔到口🤤🤤🤤

今日同老公收工經過，都幾多人係店內食雞翼，望望下佢地嘅雞翼餐牌，原來都有幾多款，有文青風玫瑰雞翼、鹹檸七雞翼、黑松露蒜香雞翼、濃味三重芝士雞翼、港式避風塘雞翼、火辣泰國冬蔭公雞翼、檸香山葵蟹籽雞翼、鼠尾草鹹蛋黃哥雞翼、港式檸茶雞翼，款款都幾特別，選擇困難添😍😍最後點左4款雞翼，款款都落足材料，而且雞翼都幾大隻，今晚同老公每人食左8隻，好飽好飽，仲好好味，真係當埋晚飯食😂😂👍👍黑松露蒜香雞翼，蒜香味濃郁，還有紫菜碎碎鋪上雞翼，惹味😍😍檸香山葵蟹籽雞翼，還有沙律醬鋪在雞翼上，酸酸wasabi辣辣，好好味👍👍鼠尾草鹹蛋黃哥雞翼，雞翼上鋪滿鹹蛋黃，夠晒惹味😍😍港式檸茶雞翼，呢款我哋最鍾意，酸酸甜甜，好好味，必食必食🥰🤩🥰🤩果然係雞翼迷必到一食嘅好地方😍😍估唔到呢間店都幾多人食，好彩霸到位慢慢嘆下雞翼🥰🥰正

慘慘又抽到返夜既地獄更😵可幸既係晏開工仲有時間嘆下Lunch Hea一陣🙇🏻‍♂️趁未被打落地獄前⚡️😢一枝公近近地黎雞翼山俾雞翼包圍下先🙈😋位於旺角T.O.P This is Our Place既雞翼山😈雖然雞翼山同鑽石山獅子山近乎一樣😈鑽石山無鑽石 獅子山無獅子😏但唔同既係雞翼山真係有雞翼架🤪(爆下Gag唔好打我🤪)但坐落於於近年高人流既旺角潮流商場🤪🤘🏻吸引到唔少後生仔女👦🏻🧒🏻以及我呢啲初老黎下雞翼山🥺👴🏻口痕痕黎感受下雞翼既特色風味🤪🤤🐔至於要唔要儀態.....食左先算啦🤣一口氣叫左三款雞翼獨食都覺自己太癲🤣脆口外皮肉質滑嫩既雞翼🤤煮出外脆內軟既絕佳口感😆🔥👨🏻‍🍳文青風玫瑰配合甜香蜜糖醬🍯🤤甜蜜中帶點玫瑰花香🌹☺️黑松露蒜香芝士帶出濃郁蒜香及松露香之餘🤤灑上紫菜及芝士粉更具風味🧀🤤🤤濃味三重芝士流小脆最愛既一款雞翼口味🤩🤤🧀濃厚芝香既三重芝士醬😋🧀配合外脆內軟既雞翼🤤邪惡又叫好😈🤩

話說好幾個月前，約咗frd喺黃埔食嘢，兩位朋友不約而同話想試雞翼山😂😂而我咁啱經過地鐵站又收到雞翼山嘅宣傳單張，就一嘢叫咗16件配兩杯嘢飲🤤，當時揀咗wasabi同芝士味已經十分欣賞！之後又約咗另一班frd食過黑松露味同翻兜芝士🤩今次嚟到旺角分店，試下啲未食過嘅味先！店鋪雖然唔大，但裝修都幾靚！啲雞翼名都幾搞笑！我哋兩個人一共食咗四款：玫瑰、避風塘、鹹檸七同鹹蛋黃，簡直係味覺饗宴🤪😍我超超超欣賞玫瑰味！佢真係好適合女仔食，有蜜糖嘅甜，有玫瑰嘅花香，真係超！好！食！我朋友最鍾意鹹檸七，從未食過哩種口味嘅食物！估唔到鹹鹹地竟然會同炸雞翼咁夾！鹹蛋黃係必食之一，真係啖啖都有鹹蛋黃，每一下都係蛋黃精華😍最後避風塘雞翼一上碟已經勁多蒜粒，真係成碟避風塘炒蟹咁🥳辣辣地！鍾意大排擋口味嘅一定會超鍾意呢款雞翼！食雞翼梗係要配杯嘢飲，店員推介我地飲凍水蜜桃🍑！杯嘢飲竟然有水蜜桃果肉！抵讚！我食嘅時候已經八點幾，但人流依然唔少😱大部分食客都係立食😛我都係！但真係唔使顧儀態！我食到忘晒形！下次再嚟希望挑戰到佢個金箔味！！

話說之前係紅磡食過已經好中意但始終唔太就腳，慶幸旺角開了分店點可以唔黎encore呀款式比之前更多，而且寬敞左，仲有少少位可以坐下雞翼即叫即炸，熱辣辣好正，表面炸得非常香脆，裡面啲肉仲keep到好嫩滑🤤而我最喜歡就係 “文青風玫瑰🌹雞翼”，面頭有玫瑰花瓣同玫瑰糖漿，玫瑰味香得黎唔假，甜甜地好正，好岩我口味，食唔停口😋平時中意飲檸茶嘅可以試下 “港呢D友情萬歲檸茶🍋雞翼”，個味真係好似，外面啖啖嘅檸檬🍋味，裡面就有好香濃嘅茶味，既特別又好味🤤中意食辣嘅一定要試下 “港式避風塘蒜香”，好夠辣得黎又夠蒜香味，真係好惹味🤤另外 “黑松露蒜香武士”同樣好香蒜味，好惹味😊整體來說，呢間嘅雞翼真係又特別又好味😍

「雞翼山」一開始見有這間旺角分店就覺得試又得...唔試都得始終雞翼這樣野細細個就開始食要甜既BBQ時就有蜜糖雞翼要鹹既要辣既..屋企懶諗餸都梗有碟在左右不過咁，見佢咁多款口味，又有些人等呀等心思思係想試下先既...旺角店面細細，店內立食又得，外賣也得9款口味有單點有套餐，周圍咁多台式飲品店單點其實已足夠要試就試個另類口味既太穩陣既重口味既今次唔㨂！幾十蚊姐， 豪得起登凳「02 我係鹹檸七」，等左幾分鐘就到我！ 個樣很不錯起碼俾我見到幾粒鹹檸檬🍋咬落去...好脆喎原來鹹檸加雞翼又幾夾喎係蜜塘雞翼進楷版，留返粒大檸檬最尾食就係完美既句號下次會試蛋黃哥果款，期待呀～

同朋友行完旺角中心，見肚仔餓就去揾野食，行行吓見到有間食店排曬隊叫雞翼山，係食雞翼既專門店，門面裝修都幾新潮，看餐牌見有好多唔同口味，就叫店員推介，最後決定點了文青風玫瑰，港式避風塘蒜香，港呢d友情萬歲檸茶和鼠尾草鹹蛋黃哥四種，等食期間發現主厨原來是位年輕貌美的女子，未食都覺得甜。首先來的是01文青風玫瑰，雞翼上面淋了很多靚蜜糖，真的有玫瑰味，想不到的是雞翼裡面都很入味有蜜糖玫瑰味，04避風塘蒜香味道就是食避風塘炒蟹既味道，小小辣炸過的，08萬歲檸茶味道好清新，唔係西檸雞味，真係檸茶味，09鹹蛋黃哥我最喜歡，成隻雞翼上面都放滿蛋黃醬好香濃回味。雞中翼全部都大大隻隻好肥美，同kfc比唔會太heavy, 唔怪得咁多人排隊買來試

想試雞翼山很久了卻一直沒有時間，今天剛好沒有dinner plans，辦完事便跟男友來了旺角這家分店試一下。雞翼共有九款口味。男友上次自己試過避風塘口味覺得好吃，於是我便點了這個再加另外三款口味。文青風玫瑰賣相一流的文青風玫瑰，感覺像是帶點清新的蜜糖味道。黑松露蒜香武士黑松露口味一向不會讓人失望，只是比起其他口味相對地不算出眾。港式避風塘蒜香這個真的好好吃！惹味的蒜香而且很夠辣度！鼠尾草鹹蛋黃哥雞翼上面鋪了厚厚的鹹蛋黃，喜歡鹹蛋黃的真的不要錯過。鹹蛋黃可以更惹味，男友則覺得這個有點膩，所以我包辦了三隻。所有的雞翼都是現炸的，這應該也是雞翼山的優勝之處之一！我跟男友一致票選避風塘蒜香為最好吃，我也比較偏愛文青風玫瑰，日後有機會再試一下其他口味吧！

✨旺角人氣小食店🍗雞翼山！✨Openrice一致好評既超hit雞翼店！可能期望太大🥺真係冇想像中咁正只係有gimmick既普通雞翼加上飲品好伏🤢🤢失望.🧀濃味三重芝士雞翼 ($38 4隻)即叫即整等左十分鐘 我期待係熱辣辣好脆頂😭 雞翼個皮淋既 都算個芝士醬睇落好濃郁 但食落就冇乜芝士香味😢淨係覺得咸到痴線同膩值得一讚既係雞翼大隻厚肉嫩滑 不過整體真係好普通 唔難食 但稱唔上正差唔多成$10一隻 真心唔抵可能其他味好食d掛😂😂.🍑水蜜桃粒粒甜果茶（$18）超！細！杯！本身想解下膩但呢種糖漿加水既假甜係會愈飲愈膩😂😂898.📍 雞翼山 (旺角)旺角彌敦道700號 T.O.P. 地下14號舖