雞翼山 (T.O.P This is Our Place)

营业中

休息中

成間舖都只有雞翼賣，鐘意食雞翼嘅朋友千祈唔好錯過！餐廳裝修勁少女🥰文青風玫瑰雞翼，厚厚嘅蜜糖配上玫瑰花香，雞翼仲炸得啱啱好，好juicy,香甜多汁!推薦！玫瑰花瓣令到我地少女心爆焩！🥰港式避風塘蒜香雞翼，香辣十足，夠哂惹味！炸蒜超香超好味！鐘意香口嘅我勁like 👍🏻我係咸檸七雞翼，見到呢個咁特別嘅口味梗係要叫嚟試下！雞翼上枱有成粒咸檸，食落果種咸咸甜甜酸酸嘅感覺真係幾特別！亦出奇地夾！👏🏻👏🏻檸香山葵蟹籽雞翼，鐘意wasabi嘅朋友一定好鐘意，wasabi味好香，滿滿嘅蟹籽好正！🍗🍗🍖🍖🦀🦀

同朋友行行下街有啲肚餓口痕又未夠鐘食dinner，就諗住揾啲小食頂下肚，咁啱見到呢間專賣雞翼嘅鋪頭！都幾多人食！就決定試試佢！口味選擇都幾多，一共有九款雞翼，我同朋友叫咗$128嗰set有16件！同埋包2杯飲品~~呢到啲雞翼全部都係即叫即整，所以有時要等耐少少！幾款雞翼都好大隻，個表皮都好香脆~~~呢款係玫瑰味！有啲玫瑰花瓣喺表面，食落甜甜哋，又帶有陣陣花香~呢款係鹹檸七味！鹹檸七味唔太出，唔講都唔知係鹹檸七，不過酸酸哋都幾開胃~呢款係避風塘蒜香味，都幾辣下，有啲似Mxdonald嘅脆香雞翼，不過更加香口、更加惹味~呢款係鹹蛋黃味，似足喺大排檔先食到嘅金沙雞翼，超正，唔怕油膩嘅朋友仔一定鐘意~飲品我同朋友都揀咗呢個水蜜桃粒粒甜果茶，比較普通。食完先知可以將雞翼轉咗雞槌，啖啖肉應該仲正，下次試埋先！

唔知係人人鍾意食雞翼定係呢度雞翼特別好味，愛批評既港人竟然一個負評都冇俾，搞到我都好想試下雞翼有幾一共有9款雞翼，第一次泥就試「店長推介」先無論係枱面、地下、垃圾桶都係戰績，衛生方面唔合格等左4分鐘已經拎得咦？點解係5件既？加錯數？職員會俾兩隻手套你，食既時候會對住塊鏡呢款好香玫瑰味，雞皮上面係蜜糖，味道皮再炸脆一d就更邪惡如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

作為一個雞翼控咁岩尋日經過間鋪頭已經雙眼發光🤩🤩😍見到咁多特別既味，忍唔住同男朋友嗌左4隻味🤣d味真係好有創意分別叫左濃味三重芝士雞翼，黑松露，避風塘同埋冬陰公！首先係三重芝士雞翼，佢既醬好多好濃郁🤩，唔會好似有d鋪頭芝士同肉分開🤭啖啖雞翼都食到芝士，呢款真係芝士控必點🥳都係我最愛😂跟住係黑松露口味雞翼，呢個又係比較濃味，好香黑松露😝個汁幾特別，呢款又係食唔停口🤭避風塘口味雞翼，呢個好多脆脆，好香少少辣咁唔錯haha對我黎講比較特別係冬陰公味🤭因爲冇諗過冬陰公味既雞翼😂😂呢款好驚喜，不過對我黎講有d太辣🤭不過呢款就冇咩汁，係相對乾身既雞翼，不過烤得好好味🤭最後叫左杯蜜桃汁，唔會太甜食完雞翼真係好需要飲番杯野Overall真係好推介🤭因爲我真係勁鐘意食雞翼，好少可以一次過食咁多唔同款既雞翼，重點係每款都好好味🥰下次要試其他味

雞翼山位於TOP地面那層、小小的店子堆滿了人。它提供多款特色口味雞翼、即叫即做。「我係鹹檸七」口味幾特別、的確嘗到鹹檸口味、灑上黑椒更添惹味。港式避風塘蒜香雞翼也是惹味之選、蒜香味十足、有點香辣。鼠尾草鹹蛋黃哥 鹹蛋黃蓉滿瀉、喜歡濃味的朋友應該會愛上。不過我覺得最好吃的一定是「文青風玫瑰」。上面鋪上玫瑰花瓣好靚、蜜糖味加上玫瑰味清香、甜甜的。另外點了個金銀花蜜糖特飲、微甜帶甘、吃了熱氣的雞翼降降火😌

由於炸雞翼小食專門店「雞翼山」店舖實際上位置，處於旺角主要幹道「彌敦道」旁邊，前「工業貿易署大樓」的商場「T.O.P This Is Our Place」樓下的舖位內，所以吸引大量食客，看似是理所當然的事。至於我就比較倒霉，第一日光顧和購買「雞翼山」的雞翼套餐之後不久，手機才意外故障。所我在換過另一部手機，建立了新的「開飯喇」賬號之後，就再次上門光顧「雞翼山」，試食多一款「雞翼山」的招牌雞翼小食。我第一次光顧「雞翼山」，主要只是購買試食了「濃味三重芝士流」，以及「鼠尾草鹹蛋黃哥」兩款口味的雞翼，再加一杯味道非常之甜的手調飲品「水蜜桃粒粒甜果茶」。事隔大約一個月過後，再次光顧「雞翼山」的我，選擇了三款口味，合共十二隻炸雞翼小食，加一款手調飲品「水蜜桃粒粒甜果茶」而組成，賣港幣一百一十八元正的套餐。「雞翼山」店舖實際上的實用面積其實不算很大很闊，所以食店亦沒有刻意安排任何座位。食客如果不選擇坐食店店門旁邊的板凳，就只能選擇在店舖裡面立食雞翼了。我就跟大部分食客一樣，選擇了後者的立食餐檯，反正我一向都是習慣使用「斜孭袋」，「斜孭袋」一邊掛在自己的左肩上面，一邊站立享用「雞翼山」的招牌雞翼小食

知道旺角開咗一間專門食雞翼的專門店，今日lunch就去探下路。原來雞翼山位於一個新開的商場地下，人流位置都比較旺，一出商場已經見到了。餐廳裝修精緻優雅，而且收銀處和門面非常開陽，餐牌一目了然！估唔到雞翼都可以有九款味道，還可以自行配搭不同的口味，價錢亦唔貴，啱晒我呢位雞翼控！一口氣我們便叫了四款雞翼味道，睇住店員即叫即炸，新鮮製作。首先來了港式避風塘蒜香雞翼，面頭有滿滿的蒜粒及辣椒🌶️，望見都流晒口水。食落去有少少辣辣地，而且外皮好脆，真係好滋味。鼠尾草鹹蛋黃哥果然係餐廳推介的濃味之選，厚厚的蛋黃醬包圍着雞翼，真係食到一小粒的蛋黃，非常香濃的蛋黃味道！店長推介文青風玫瑰雞翼，女生來到必叫！還有黑松露蒜香武士，非常多的紫菜喺面頭！這裏還有打卡位，可以比我們一眾的為食鬼打卡影相留念。最後食唔晒我哋就打包走了。食完的餐具盆仲可以回收，真是環保，極力推薦支持！我們符合雞翼標籤的字句「不要儀態只想吃雞翼」，食到成手成咀都好油，可見雞翼有幾滋味！

要說無人不歡的食物No.1，雞翼應該是當之無愧吧！從小到大，最愛的小食就是雞翼，細細隻，肉質又滑，做法也多，真是食極都不會厭❤剛好行街經過旺角，見到這間人氣小吃店，立刻二話不說拉著朋友入去試試！——————————店內只賣雞翼及少量飲料，但口味豐富，雞翼口味共九種，今次就先嚐嚐以下四款：$38/4件（一種口味）；$56/4件+飲品一杯🔸黑松露蒜香武士 雞翼好大隻，新鮮熱辣！皮脆肉嫩！黑松露味超濃，表面有大量紫菜絲，非常香口～吃之前完全無想過兩者咁夾，真係好有驚喜！唯一缺點就是無咩蒜香味，同個名有點出入😂🔹港式避風塘蒜香表面超多炸蒜，也有少量炸辣椒，惹味又地道！老實講，外面好多家餐廳都有這款口味，但都不夠它足料、脆口，所以這款同樣不錯！🔸鼠尾草鹹蛋黃哥雞翼炸脆後，表面裹上厚厚的鹹蛋黃醬，吃起來鹹鹹香香，超級邪惡！雖然看到醬中混有鼠尾草，但鹹蛋味太濃，吃不出它的味道～🔹文青風玫瑰一上菜即聞到濃濃的花香味，入口香甜黏口！用上玫瑰蜜糖製作，所以甜中帶花香味，特別清新！不過個人略嫌太甜，但朋友就覺得剛剛好，大讚是四隻中的No.1添～🔸養生桑甚杞子茶清香帶甜，杞子味濃，整體不錯！🔹金銀花蜜糖特飲香

經過見到旺角T.O.P.商場地下有間專門賣雞翼餐牌都幾多特色野MIX埋左落雞翼度新鮮感十足一於就揀左"我係鹹檸七雞翼"黎試下先由於即叫即整，都要等一陣先有得食未食之前都覺得可能係伏味濃點知食落去香脆肉滑多汁少少酸少少甜少少鹹，估唔到個味道都幾夾擺盤整到好有心機，雞翼上面仲插左旗仔用黎打卡呃like，唔錯!不過價錢方面有少少貴最底都要 $38/4隻起跳舖位好有文青風但只有一張長櫈同一張長台企住黎食所以一人多既話就要搵其他地方食~

今日行開旺中黎到附近見到一間相當吸晴叫「雞翼山」嘅小店，身為雞翼控嘅牛奶妹一定要TRY TRY黎個誠實食評!味道就有九款選擇，如果有選擇恐懼症，建議揀咗先去點餐唔係花多眼亂真係心大心細！我哋就揀咗四款雞翼，第一款係▲鹹蛋黃醬▼外皮炸到好香脆，配埋鹹蛋黃醬，真係送啤酒一流！呢啲係咪叫皮薄餡靚？(◐‿◑)第二款我哋揀咗▲泰式冬陰公▼酸酸辣辣，秘製醃料令到隻雞翼感道相當豐富簡直係越食越開胃第三款我哋揀咗▲避風塘蒜香▼睇賣相就知道有幾澎湃，雞翼鋪滿炸蒜，100個惹味，個人推薦呢個係必食💯❗️❗️❗️❗️最後一款我哋就食咗店長推介嘅▲文青風玫瑰▼食落去就唔係好重玫瑰味，反而係好重蜜糖甜甜嘅味道，類似BBQ時燒烤嘅雞翼！燒雞翼我自細鍾意食配埋杯蜜桃粒粒甜果茶，簡直係完美嘅句號。味道唔算好甜，蜜桃滲出淡淡的茶香味，而且仲有椰果，不錯不錯。門口相當文青風，打卡位都有好幾個價錢由38$-128$不等，隻數愈多愈平，一於約埋朋友仔黎食盡佢但座位不多，有定心理準備立食P.s 同行朋友平時小食雞翼更加絕對唔食雞皮都話有啲愛上，「雞翼山」果然將平凡變得不平凡！推薦！

雞翼山係專門食雞翼嘅小店，我都算係一個幾鍾意食雞翼嘅人，今日見得閑啲就去咗食啦🤗🤗既然要試，一於就試多幾款。我同朋友一口氣就叫咗四款口味，一人食八隻，好爽！雞翼係即叫即炸，食落新鮮同非常之熱辣辣！1️⃣文青風玫瑰味🌹呢款雞翼係店長推介，果然推介真係冇死，甜甜既雞翼配上淡淡的玫瑰味，幾清新😽2️⃣我係鹹檸七🍋真係好大陣鹹檸七味，感覺好新奇，因為冇諗過雞翼都可以有一種咁既味道🤣3️⃣濃味三重芝士流🧀雞翼嘅表面鋪滿左芝士，呢一款雞翼特別熱，大家食嘅時候等佢凍少少先食呀！4️⃣港式避風塘蒜味哇！呢款真係濃味到爆，食完之後避風塘蒜味仍然齒頰留香🤣🤣推介！5️⃣食咁多雞翼點可以唔加杯嘢飲呀？叫咗杯蜜桃茶飲，有滿滿的蜜桃啊！提供手套/叉食：

細細個食雞翼就只有呀媽既鹵水雞翼，bbq既蜜糖燒雞翼，依家周圍又有韓式炸雞 糯米釀雞等等 層出不窮啊~~ 經過旺角竟然發現係有專食雞翼既小食店😍😍😍有九款味道，每款都好吸引！而且即叫即炸，外皮香脆，每隻都好juicy好好食😜小編揀左人氣既 ‘我係咸檸七’ , ‘黑松露蒜香武士’ , ‘港式避風塘蒜香’ , ‘鼠尾草咸蛋黃哥’ 。除左咸檸七之外，另外三款都係無汁既炸雞，食落比較熱氣🙈🤭咸檸七咸咸甜甜，好好味😚❤️避風塘蒜香好香口，但有啲辣椒🌶️，食落都有啲辣！咸蛋黃味好突出，好香😆 而黑松露就相對失望呢，食落蒜味比黑松露更重啊！

🔅🔅🔅聽聞旺角新開一間賣點係特色雞翼小店胃食妹又係時候要出動～🔸裝修風格偏簡約和舒服專設長檯俾客人立食很喜歡他們的標語不要儀態。。。只想吃雞翼🔹<港式避風塘蒜香> 人氣王之選無理由唔試下雞翼係即叫即炸外皮香脆雞肉嫩滑加埋蒜粒食雙重口感最後會帶點香辣後勁😍🔸<鼠尾草鹹蛋黃哥> 鹹蛋黃味道相當的濃郁重口味同時又唔覺膩外皮依然保持香脆～愛鹹蛋的值得一試👍🏻🔹<黑松露蒜香武士>經黑松露粉和蒜醃製口感不錯但松露不突出如果有黑松露醬蘸就更好～🔸<港呢D友情萬歲檸茶>檸茶口味認真夠新穎可惜味道只是一般🔹<水蜜桃粒粒甜果茶>如名字一樣的好甜水蜜桃味也挺香不過茶味普通～🔸<總結>雞翼確保新鮮即炸不同口味也保持香脆個人最愛避風塘蒜香味～當食完後萬分認同那標語😆沒有儀態的吃才能更加滋味🔅🔅🔅

呢間雞翼山由最初只有紅磡店，到而家旺角同銅鑼灣都有分店喇，受一眾雞翼控推薦，我咁鐘意食雞翼，當然唔可以錯過。揀左旺角店，位於 T.O.P. 商場地下，好方便我地。星期日好好生意啊，除左外賣單，仲有唔少堂食。呢間分店有少量位置企喺度食，仲有張長櫈可以坐喺度等。先喺收銀處落單，然後等叫號。即點即製，新鮮熱辣menu有9款雞翼，新鮮感滿滿，有好多口味出面都食唔到，夠哂特別。分別有最受歡迎嘅玫瑰味，另有鹹檸七、黑松露、避風塘、三重芝士、山葵蟹籽、泰式冬蔭、港式檸茶同鹹蛋黃。我最鐘意港式避風塘蒜香味，即時炸起，真係超香脆，加上好多炸蒜，少少辣椒，好惹味。老實講，我覺得好多大排檔啊、小菜館都整得冇雞翼山咁好食呢另外點左檸香山蒸蟹籽，呢隻我都推薦，好特別架。wasabi特調，唔會好嗆，入口有少少少少攻鼻，好過癮，仲有蟹籽口感，正。呢度嘅雞翼炸得夠香脆，又多汁，油份唔重，好吃黑松露蒜香武士就唔係個個喜歡，我朋友就好鐘意，黑松露味唔會過份濃烈，但又夠明顯。加左少少紫菜絲，又幾有趣。濃味三重芝士流都ok啦，記得襯熱食，因為芝士凍左會鯨住。

在旺角地鐵站旁邊找到這間雞翼專門店雞翼山。餐廳採用半開放式設計，只有少量企位和一張長椅，坐滿客人，炎炎夏日來到有點熱。為了多試幾款口味，我們點了一個$118套餐，有12件雞翼配一杯特飲，可任選三款口味，雞中翼或雞槌，另再單點了一份雞翼。裝潢以粉紅色為主調，甚有少女味。有叉或手套供應，我們選了後者，方便不顧儀態地進食。四份雞翼一字排開，旁邊的阿姐看了我倆一眼，低聲「嘩」了一聲。金黃色系列～即叫即炸，香噴噴熱辣辣。雞翼以可回收紙盤盛載，如能棄用即棄餐具更佳。文青風玫瑰 Rose Chicken Wings這是朋友選的口味，想不到有驚喜！賣相漂亮，有片片紅玫瑰花瓣；外皮塗了蜜糖，香甜微脆，帶清香玫瑰味，內裡雞肉嫩滑多汁。右邊的熱飲是金銀花蜜糖特飲，清熱潤喉，甜度適中，多吃幾隻雞翼也不怕。鼠尾草鹹蛋黃哥 Salted Egg Yolk with Sage Chicken Wings我最想吃的一款，果然沒令我失望！金黃蛋黃均勻裹滿整隻雞翼，香氣撲鼻，鹹香惹味，炸得香口而不會過份油膩，啖啖雞肉仍能保持嫩滑。濃味三重芝士流 Cheesy Chicken Wings澎湃的金黃色芝士醬鹹香可口，放久了也