雞翼山 (T.O.P This is Our Place)

营业中

休息中

我諗都無邊個會唔中意食雞翼雖然食得多真係唔係幾健康，但一次半次唔緊要啦！呢間位於旺角嘅雞翼專門店，由新開張到依家都keep住爆場，有唔少嘅foodie同blogger都推薦過，今日我同朋友就決定黎迫一迫，睇下有佢哋d雞翼究竟有幾勁！望下佢哋嘅menu，真係只有雞翼一種食物，味道就有9款，每款都好特別，唔會有蜜糖、香辣呢d普通味。我哋叫咗個12件雞翼餐（$118），可以選三款味道加一杯飲品。01 文青風玫瑰係店長推介，亦係唯一一款甜味雞翼，當然必試！雞翼表面塗滿花蜜，食落有淡淡嘅玫瑰清香，又唔會好甜04 港式避風塘蒜香港人最愛！真係勁多炸蒜，好熱氣但又好惹味，停唔到口呀！！03 黑松露蒜香武士望落好似章魚燒，食落黑松露都算濃，但加咗紫菜就多咗紫菜味，個人覺得無紫菜會更好～Mojito 清清甜甜又解渴又解膩食完三款雞翼，諗住走人嘅時候，聞到人地食呢個咸蛋黃雞翼，超級香！於是加碼$38要四隻09 鼠尾草咸蛋黃哥！好肥但好好味呀～要提提大家！所有雞翼都係即叫即整，所以都要等一陣架！同埋小心唔好辣親手同嘴呀！

雞翼好多花款，就好似雞翼山咁，有各種唔同味道嘅雞翼，多到直頭我花多眼亂呀！意想不到地雞翼會成為我同友人既午餐🙈$118/12件雞翼+1杯飲品避風塘蒜香鍾意食辣嘅人就一定要揀呢個啦，食起嚟相當之惹味，脆卜卜嘅炸蒜加上辣椒鼓油嘅味道。辣到噴火得嚟又好食到停唔到口。咸檸七雖然叫咸檸檬雞翼，但係食落去酸酸甜甜咁，非常之開胃。雞翼上面仲落咗少少黑胡椒，令到食起上嚟味道更香口。嫌唔夠咸唔多酸嘅，大可以唧一唧個咸檸檬，味道即刻出哂嚟~香山葵蟹籽呢款味道好特別，淡淡嘅山葵醬同跟蟹籽混合一齊淋上酥脆雞翼上面，一啖落去，脆卜卜嘅蟹子係口中爆開，非常之有口咸。Mojito 其實係7up加薄荷葉加青檸😂每人六件真係飽到食唔落午飯🙈值得一提既係 店主見雞翼太細件既話，會比多一件我地😍😍絕對係良心小店啊👍

旺角嘅新商場T.O.P.聽聞有間雞翼山都幾好食出名專食雞翼行街行到肚餓去食下雞翼不過之選喺門口嗰個收銀處都叫完之後之後就喺鋪入邊等因為係即叫即整所以製作都要一些時間冇所謂啦好食嘅嘢就係要少少時間店舖入邊有企位置可以立食牆上面有一些字句不要理會儀態只要想食雞翼下面有些山形設計既粉紅色嘅當你鏡前面立食嘅時候其實都可以檢查下自己嘅食相店員都好細心咁問想用叉定係用手食啊可以揀用叉或者唔想食到手都有亦都有套提供埋所以最後都係安全d 帶番個套用手食揀咗兩組鹹味雞翼鼠尾草鹹蛋黃哥果然係濃味之選但係唔會太咸頭鋪滿左蛋黃醬所以口感比較重港式避風塘蒜香我覺得四款入邊呢一款係最好食因為一入口嘅時候有少少辣但係食落去非常之惹味惹味得來會想追食呢款我想食十隻都仲得個隻感覺另外兩組甜雞翼文青風玫瑰感覺清新特別仲有些少玫瑰花瓣好優雅的味道食完鹹雞翼再食甜款感覺非常之滿足我係鹹檸七鹹檸七嘅味道比蜜糖味蓋過少少佢隻鹹檸七都算入味有少少似飲緊鹹檸七嘅感覺食咁多雞翼梗係要叫番杯嘢飲啦所以揀咗杯招牌莫希托式薄荷特飲好消滯解渴完全係絕配食多幾隻都仲得總結一下雞翼烹調嘅質素不在話下烹調到每一隻雞翼嘅肉質都控制得非常之好出色到仲玩

香港雞翼山 - 可能是香港最好食及唯一一間local 雞翼專門店，繼已關門十多年的加州紅唱k必食雞中翼后，至今終於食到有誠意的雞中翼（加州紅獨孤一味，但雞翼山居然有9種味的雞中翼），$38四隻絕對值回票價，年靑收銀員友善的推介，等叫号時看著所有雞翼即叫即煮，廚房內也是制服整齊的年輕人專注著煮雞翼，店仔細細但沒有窄小的感覺，整個格局完全台灣路缐，但一點都不台灣，完完全全的本地味道的雞中翼，肥威2018極力推介！

原本呢間雞翼專賣店係紅磡做得頗為出名，今日路過旺角見到好多人等所以就諗住試下廬山真面目！店舖環境開放式，設有企位同坐位，周遭都佈滿一d有趣slogan，例如^不要儀態...只想吃雞翼，成功製造話題性！文青玫瑰風雞翼 $38@4當然要試下店內招牌文青玫瑰風雞翼，外觀就相當漂亮，女生打卡一流，雞翼面層鋪上玫瑰花瓣，味道好似蜜糖燒雞翼，甜甜的滋味，開胃又吸睛，下次都想試下其他口味，例如鹹蛋黃和檸檬茶味道都很特別！

見到朋友食雞翼山好似幾過癮🤓可以單純食雞翼唔洗為左食雞翼而食其他野😗我今日就決定將d錢同卡路里all in落雞翼！！🥳同朋友想試好多隻味啊～決定叫四款！！每人都係食八隻姐～唔過份啊😌餐廳都好細心 可以揀叉同手套～餐廳專做一樣野真係唔同d🤓我地十六隻雞翼 每 一 隻 都厚肉多雞皮👍🏻隻隻都係中間實心脹卜卜🤩仲隻隻都醃到d肉入哂味👅唔會淨係皮有味 肉都好有味架😋文青風玫瑰 (店長推介）每一隻底同面都沾滿蜜糖 啖啖蜜味😍有玫瑰乾花係面好elegant🌹 而且每隻都有少量黑椒碎平衡番甜度 唔會死甜😎我係鹹檸七 平時中意飲鹹檸七既我緊係唔會錯過🤗估唔到佢真係有粒鹹檸係d雞翼上面😳（我連粒鹹檸都啜埋好好味🤤）同玫瑰味一樣 一樣係蜜糖base 有黑椒～但唔同既係多左dd鹹味 同甜味唔會搶fo🤝調味有層次同拿捏得剛剛好👌🏻檸香山葵蟹籽有海量既青b醬‼️ 係wasabi味 但唔攻鼻的 而且味道唔辣 係落到喉嚨有dd刺激 唔洗驚食到流哂眼淚～加上佢有粒粒蟹籽 食落有食壽司feel🤣雞翼味道黎講幾創新幾過癮😌鼠尾草鹹蛋黃哥（濃味之選）雞翼360度都超級超級多黃金（鹹蛋）‼️平時中意食黃金乜乜同鹹蛋薯片既萬勿錯過

平時我都好鍾意食雞翼，近排喺旺角有間好興嘅雞翼，好多朋友都話好食叫我食。終於搵咗一日去飲咗老虎堂順便食埋雞翼山。店面嘅環境都幾靚，好似啲打卡嘅地方。又有我最鍾意嘅粉紅色。可以揀糖食或者拎走。雞翼方面我就同朋友揀咗四款味道。就最鍾意檸香山葵，唔好以為有Wasabi好辣佢都甜甜地㗎。另外朋友話黑松露蒜香唔錯，有淡淡的黑松露味，配埋雞翼都幾夾。仲有港式避風塘蒜香，鍾意食辣嘅人就一定要揀呢個啦，都相當之惹味，不過呢對我來講就有少少鹹。作為芝士紅當然都會揀三重芝士，真係好重好重嘅芝士味，不過係偏鹹嘅芝士多個甜嘅芝士。

星期二收工經過T.O.P.發現面向彌敦道大街原來開了一家「雞翼山」，半開放式設計非常文青。餐廳有九款特式雞翼選擇，全部口味都非常獨特，我們這次就試了文青風玫瑰、黑松露蒜香武士、港呢D友情萬歲檸茶同鼠尾草鹹蛋黃哥。文青風玫瑰 - 玫瑰同雞翼這個配搭完全意想不到的夾，玫瑰醬汁聽說是自家製作，一瓣瓣的玫瑰加上蜜糖的甜味，這種清香的感覺讓我非常喜歡。黑松露蒜香武士的黑松露味不算突出，加上紫菜絲令味道偏濃，不過最愛店員非常均真，我問這盤雞翼為何有多一隻，他們只因為這盤雞翼SIZE相對小，所以加多隻補數，真係超級抵讚！港呢D友情萬歲檸茶賣相先勝，放了片檸檬在上面十分有檸茶的感覺，聽說雞翼用紅茶浸了一晚，所以茶味濃郁，味道酸酸甜甜非常過癮。鼠尾草鹹蛋黃哥一上場，香濃的鹹蛋黃味已令我垂涎三尺，吃到口中咸香味極濃郁，雖然有點濟但又情不自禁繼續放到口中。兩個人食完16隻雞翼嘆返個熱金銀花蜜糖特飲清洗罪惡感。整體雞翼外皮香脆，肉嫩多汁，而且雞翼超大隻，啖啖肉之餘熱度亦恰到好處，個人相對喜歡玫瑰和鹹蛋黃味，期待下次再試其他味！另外一提，餐廳可以回收紙盤，大家一起為環保出分力吧！

媽媽節帶住阿媽周圍去，經過這間雞翼山，阿媽對這裡的雞翼新口味感到好奇，就請她去試下。這裡有9 款雞翼提供，有套餐價可配飲品。雞翼份量可選4/6/12/16 隻， 仲有party set,  多達120隻都有。雞翼即叫即炸後，撈上各式的醬汁，雞翼炸得皮脆肉嫩。我們一家四口，一人點了一款開心share.1) 文青風玫瑰，是店長推介，用上玫瑰醬汁，味道帶點蜜糖甜味及玫瑰的香味，見到一瓣瓣的玫瑰在雞翼面上，女仔應該特別鐘意。2) 想特別一點就叫了我係咸檸七，用上泰式咸檸檬同七喜汽水來煮醬汁，食落酸酸甜甜，好清新。3) 港式避風塘蒜香，用辣椒，炸蒜，麻辣粉將雞翼即炒，真係好辣，岩晒嗜辣的朋友。4) 火辣泰仔仔冬蔭，用上泰國正宗的冬蔭公醬炒，惹味度爆燈，但辣的程度不及避風塘勁。温馨提示：☝🏻 雞翼即叫即做，所以等候時間比較長，要有點耐性。☝🏻 店舖地方很少，只得少許企位及座位，堂食有點困難。☝🏻 因店舖環境是開放式，夏天堂食的時候會比較熱。

最近經常都喺facebook同ig嘅推薦post度見到呢間餐廳， 餐廳主打唔同口味嘅雞翼， 對於鍾意食雞翼嘅我嚟講真係非常之吸引。今次同幾位朋友嚟試下, 就決定叫幾款唔同嘅口味。餐廳環境唔算大 ，只係得幾個企位同埋幾個坐位。呢款鹹蛋黃味嘅雞翼深得我心， 外面食落鹹蛋黃味都幾重，非常之香口。避風塘味嘅雞翼都冇得輸， 食辣椒鹽味非常之香，就好似食緊大排檔嘅避風塘炒蟹一樣。黑松露味嘅雞翼文樂已經有好大陣嘅松露香， 食落黑松露味亦都非常之突出。最後呢個玫瑰蜜糖味簡直係我嘅最愛， 花香味唔會太假，蜜糖味反而比較重，食落甜甜地咁令人非常之回味。

作為雞翼控的我，一早知道有一間’雞翼山‘喺紅磡，不過真係好唔就腳。之前見旺角TOP商場有呢間嘅圍板，10分期待。28/1/2019今晚上完韓文堂就同友人去旺角，實行我要一次過食哂‘雞翼山’的9種味嘅計劃。（哈哈）我地諗好咗叫3set $118/12 （包一杯飲品/雞翼可選三款味）⋯⋯⋯ 咁就可以一次過滿足貪心又好奇的我。去到收銀，個收銀妹妹比我地嚇親😆😆🙈🙈，不過可惜係檸茶味賣哂。所以我地叫2 set $118/12 + 2 個$38/4 （total 8款味、32隻）。而由於係即叫即整，所以佢先上‘鼠尾草鹹蛋黃哥’ 一份、再上 一盒三味的（左至右）’我係鹹檸七‘、’港式避風塘蒜香‘、’文青風玫瑰‘、再上一盒三味的（左至右）’濃味三重芝士流、‘檸香山葵蟹籽’、‘火辣泰仔仔冬陰’⋯⋯⋯⋯⋯之後由於越來越多客，而我地又未食完，所以個‘黑松露蒜香武士’係最遲來的。味道：（5個👏為最高，可以encore)‘鹹蛋黃’：呢期咩都興撈鹹蛋黃，熱辣辣咁食係無敵嘅，千其唔可以放涼食呀。佢啲鹹蛋黃勁多，一啲都唔吝嗇。👏👏👏👏👏‘鹹檸七’：出奇地真係有鹹檸七味，不過唔算10分濃。👏👏👏‘避風塘’：好勁蒜味，

今日同朋友係旺角食完街，想食反一餐肉，做一晚食肉獸上網搵，發現呢間雞翼山最近好紅，出名食雞翼，以為係一間舊店，原來佢門面裝修得唔錯，可以企係度食，都可以坐係度食睇吓佢嘅餐牌，發現佢嘅款式極多，總共有九款雞翼價錢都唔貴，跟餐都只係50幾蚊我哋兩個總共叫咗四款雞翼，呢款係我最喜歡既黑松露蒜香武士雞翼，佢既黑松露味又濃又香，重熱辣辣而呢款檸香山葵蟹子雞翼充滿日式味道，食唔慣山葵既跟餐有埋野飲就最好啦所以我地跟餐要左一杯凍蜜桃茶，唔好以為得D冰，入面都好多果肉，夠曬有良心呢款文青風玫瑰雞翼真係女人最愛，充滿玫瑰味，果種青香既味道減少左雞翼既熱氣味最後一款鹹檸七雞翼都成為我最愛，如果一開始就食佢先，一定會好開胃今日真係好豐富，滿足晒我呢個食肉獸既慾望

經過旺角新商場TOP，見到一間排隊人數僅次於老x堂既小食店 雞翼山好多款簡！首先佢有得簡用叉定手套，用手食雞翼好食啲(個人認為姐)鼠尾草鹹蛋黃哥依家好多食物都加鹹蛋黃，想唔到雞翼加落去真係好食好多！第一次嘗試呢個組合 掂過蒜香雞翼呀檸檬茶味呢個味道啊同蜜糖雞翼嘅差不多，多了一份苦澀味增添左一份港式情懷玫瑰味甜度濃郁，但係又唔會搶咗雞翼原本嘅味道未食之前我覺得呢個應該唔好食，點知一試難忘！三重芝士雞翼望相都知好濃郁既芝士，唔係普通出面用既平價芝士！金銀花蜜糖特飲食完雞翼再飲一啖清熱解毒呀！總結，四款雞翼都好好食。如果要我只係揀一款嗌嘅話我一定係會揀鹹蛋黃味！實在太出位了

係香港以雞翼做賣點既餐廳印象唔多，就算有，佢都會有其他食物選擇去分散經營風險。而呢一間就淨係賣雞翼同咖啡茶，可以咁做，相信老闆係對佢地既出品好有信心先會揀係呢個都幾旺既商場開店，即管試下有幾好食。餐廳裝橫簡約得黎又帶點少女味，牆身用上雲石，配上粉紅色裝修點綴，吸引一眾少女黎食雞翼。另外餐廳行外賣形式，餐廳內只有一張細細既牆身枱，只可以企係度食。我點左「鼠尾草鹹蛋黃哥」純雞中翼，$38 有4隻。但唔知點解出到黎有5隻(係店員出錯定係Bonus?)雞中翼size大隻多肉。新鮮熱辣炸好再加上鹹蛋黃鼠尾草烹調後，每一隻雞翼外層都被鹹蛋黃包圍，非常香口濃郁。鹹蛋黃之中仲會見到一條條鼠尾草既蹤影，不過味道被鹹蛋黃遮蓋，只有淡淡的香草味。因為好味，所以我「損」到隻雞翼好乾淨，仲唔小心食到啜啜聲，今次真係好似佢句slogan 「不要儀態...只想吃雞翼」🙈有鹹蛋黃元素既野通常都唔差得去邊，我都幾鍾意佢既出品。而其他味都好創新吸引，下次有機會試埋其他。注意事項:由於雞翼係即叫即做，等得有D耐，我之前有4-5張order做緊，等左20分鐘左右，要食就要俾D耐性啦~

😋上星期食完今個星期又翻叮👍點左嘅口味係"港式避風塘蒜香", 炸到表皮脆卜卜😮，一咬開裏面好鮮嫩多汁🍗， 一個人食曬成份雞都冇覺得好油膩。~~~~~~~~~餐廳名： 雞翼山📍地點： 旺角彌敦道700號 T.O.P. 地下14號舖~~~~~~~~~😋味道: 9/10📸賣相: 9/10🛋️環境：7/10💁‍♂️服務: 7/10💎性價比: 8/10💲人均：$50⏪回頭率：90%