雞翼山 (T.O.P This is Our Place)

营业中

休息中

雞翼山開店不久即闖出名堂，甚至開埋分店，每次經過都見到好多人，終於找了一個星期六去一探究竟。啊！果然名不虛傳，$38有四隻雞翼看似頗貴，但是雞翼都非常大隻，如果較小一點的雞翼，店員還會加送一隻，非常均真。-雞翼味道有不少選擇，全部都頗為新穎特別，幾吸引。和幾個朋友一齊點了四款來交換試試，全部都非常有質素！即點即炸，上手非常熱辣辣，即使用了附送的膠手套也拿不起來，我還是用了膠叉。-我最喜歡的是冬陰公雞翼！！超正，呢度嘅雞翼真係好入味，而且炸完之後再經過炒呢個步驟，落足配料，真係很好吃。-港式避風塘蒜香，真係有超多避風塘炸蒜，賣相和味道都不比一般大排檔的避風塘菜式遜色，惹味！-黑松露蒜香武士，是必食之選，面頭綴以大量紫菜絲，雞翼入味，香脆好食，不過個人覺得黑松露略為淡。-鹹檸七味道特別，甜甜的雞翼最好吃！也是一道吃得欲罷不能的菜色！！總結每款味都的確超班，難怪人流絡繹不絕！以後想吃雞翼便來這裡了。

雞翼真係冇乜邊個唔鍾意食, 最近就開左專食雞翼既小店餐廳既slogan就係 , 的確對於女仕黎講食雞翼真係幾難顧到儀態餐廳既slogan底下仲要用粉色加玫瑰金既裝飾, 非常少女心除此之後仲有好多關於船既裝飾同擺設, 影相打卡一流由於我去到都比較夜, 所以有d款式已經賣哂今次同朋友試左其3款, 因為$118/12件, 可以揀3款口味同埋有一杯飲品首先就係文青風玫瑰味, 炸香左既雞翼加上一層厚既玫瑰蜜, 上面仲少少花瓣碎雞翼個皮脆卜卜, 入面又滑又juicy第二款就係韓式皇蟹籽oppa, 夾左蟹籽同蟹棒絲, 食落去多左一層鮮味同口感第三款就係港式系列, 港呢d友情萬歲檸茶, 酸酸甜甜都幾好味飲品我揀左青蘋果伯爵茶，茶味香得黎帶青蘋果味，好清新既感覺下次要再約朋友黎試埋其他口味, 雞翼控必到呀!!

平日經過都冇咩人,但係今日去到逼滿曬成日舖頭,不過舖頭唔大而且冇坐位,天氣又咁熱所以個個都逼曬入舖頭等我係鹹檸七🍸🐔(4件) ($38)鹹檸七都算係香港其中一個特色飲品🥤fusion 左落雞翼度都幾有趣,不過都係偏甜,似搽左勁多蜜糖既燒雞翼咁,所以冇咩驚喜🙈港式避風塘蒜香雞翼🔥(4隻)($38)呢隻口味通常都係襯落蟹度🦀不過今次就襯落雞翼度,聽落好似幾吸引,食落就似LFC果d香辣雞翼不過多左少少蒜味🤔總括黎講係個食物名令到件事變得好吸引,不過味道都係普普通通🙈而且逼住最少叫4隻而且味道唔可以合拼,所以逼住要食4隻一樣味既雞翼🙄價錢又唔算平🙈唔會再encore

燒雞翼就應該個個都中意食啦❤️有無諗過成間舖都係賣唔同口味既雞翼呢～依家仲要旺角都有分店行行下街想食雞翼都可以即刻食到仲要即點即整 新鮮熱辣辣有手套🧤提供埋 可以不顧儀態好好吃雞翼啦～.同朋友2個人竟然可以一口氣食16隻雞翼😱仲要係食完西餐食完牛扒去食🤣👍🏻可想而知佢啲口味係幾咁吸引我地呀。ᴏʀᴅᴇʀ 完大約等10分鐘就食到啦～.4種口味我就最愛玫瑰口味甜甜地 玫瑰味幾出 仲有少少食用乾花係面頭～朋友最中意鹹檸七味 酸酸甜甜真係好似飲緊鹹檸七咁😂雞翼外脆內軟 入味‼️重點係全部雞翼都唔會ʜᴇᴀ你 大大隻架～.三重芝士會比較膩少少佢既芝士🧀唔會好易乾 係流質芝士慢慢食都唔怕～鹹蛋黃如果流沙感多啲會更好重口味既我地略嫌佢唔夠鹹🙈.當日既冬陰公口味同青檸ᴡᴀsᴀʙɪ已經賣曬下次經過要試埋先😋

I came here several times and tried several flavors of the wings. Surprisingly every flavor I had was really really good! The place is small and no AC, and you gotta wait for a bit, so that’s a down side. But other than that, the wings are tasty and I love it so much! Luckily I live close to the store, walking distance. I haven’t had every flavor on the menu yet, but I’ll try to do that. LolBtw I saw their summer special today, will definitely try them lolI just love this place so much!!!

朋友說旺角最近開了間專吃雞翼的小店。因為人多的關係，點了好幾款雞翼一起吃。文青風玫瑰淡淡的蜜糖味再加了點玫瑰香味，甜甜的好吃。港式避風塘蒜香 和 火辣泰仔仔冬陰這2款都是較熱氣之選，但整體好惹味!個人比較推薦冬陰公味，真的很濃郁！反而避風塘就不是太大驚喜，純粹多了大量乾蒜在上面。濃味三重芝士流芝士流的芝士是完全不簡單！味道濃郁！絕對可以邊吃雞翼邊沾芝士醬！最後還點了杯金銀花蜜糖特飲，吃完熱辣辣的雞翼後喝感覺很清熱潤喉！整體感覺很值門票價，開頭會在想好像有點貴，但食物一來到再吃入口後就知道不簡單！用料足，份量夠，又有心思，絕對的推介！

早前看過fb有blogge介紹過，有記憶，但紅磡太遠。然後今日同事講起，說是她朋友的店，旺角已有分店。就來試。雞亦大隻的，炸得香脆，咸蛋王很多，沾滿全隻雞亦。咸蛋王亦很香口，两者加起來，是配的。但一人吃，四隻太多，感覺很膩。適合和友人分享。出餐有點慢，但食物質素高上。下次試試花蜜。。。

燒雞翼～我自細鍾意食～琴日去左一間位於旺角嘅雞翼專賣店，享受一人雞翼盛宴！呢間舖頭一共提供9款雞翼，今次我就揀左其中4款試試，分別係文青風玫瑰雞翼、黑松露蒜香武士雞翼、鼠尾草鹹蛋黃哥雞翼同檸香山葵蟹籽雞翼。首先值得一讚嘅係每款雞翼嘅外皮都炸得非常香脆，而家雞翼係新鮮即整嘅，所以熱辣辣，肉汁豐富～文青風玫瑰雞翼係用左自家製玫瑰醬烹調，食落甜甜地，玫瑰花味好濃郁，仲有一塊塊玫瑰花瓣，就好似醬雞翼浸左落玫瑰浴一樣～黑松露蒜香武士雞翼就相當惹味，強烈蒜香之中散發淡淡黑松露香味，兩者味道好夾，雞翼上面仲加左紫菜絲，令雞翼更加惹味！鹹蛋黃雞翼食落好香口，鹹蛋黃醬一粒粒起沙，鹹鹹香香，同雞翼好夾！至於檸香山葵蟹籽雞翼嘅味道就好特別，雞翼上面放左酸酸甜甜略帶芥末味道嘅沙律醬同蟹籽，食落感覺幾清新！☺️呢間舖頭另外仲有提供幾款飲品，咁就唔驚口渴啦！總括黎講呢間舖頭啲雞翼真係幾好味～鍾意食雞翼嘅朋友切勿錯過哦！

如果日日叫我食雞翼，我都願意🤣🤣搵到朋友同我一樣都係咁鍾意食雞翼，同佢一齊食晒四款嘅雞翼！.今次再點番上次既#玫瑰文青雞翼，雞翼好大隻🤤，新鮮炸起，賣相幾靚，上面有啲玫瑰花瓣，亦都有好香嘅玫瑰花味🌹，味道甜甜地，外皮仲有啲脆，雞肉多汁，我覺得係咁多款入面最好食個隻味！😆😆.#港式避風塘蒜香，🌟雞翼鋪滿炸蒜同少量辣椒，好香口同惹味呀，不過愈食愈辣，我食左一隻就頂唔順🤣 #黑松露蒜香武士，黑松露味幾濃郁🍄，同雞翼好夾，不過蒜味就唔係太特出，如果可以變成黑松露沙律醬唔知會唔會再好食啲呢💕🤤#濃味三重芝士，雞翼帶有芝士嘅鹹香，🧀唔會太膩，不過一定要趁熱食！因為凍左就冇咁好食😝呢度嘅雞翼每一隻都好大隻，咁啱見到有人有五隻雞翼，原來因為啲雞翼細隻咗，佢哋就會比多一隻比客人🤤🤤

雞翼山不愧係雞翼控嘅天堂！口味夠晒特別之餘，仲要即叫即整熱辣辣最推介就係呢款鼠尾草鹹蛋黃哥！鹹蛋起沙，又吾會太咸，咸味岩岩好，適合重口味嘅人士！而且雞翼炸得夠香脆，食落去卜卜聲又juicy!!可見雞肉嫩滑，又帶有肉汁，超惹味佢哋熱賣嘅款式有呢個文青風玫瑰！未食之前已經好igable~女神拎住黎打卡就岩哂食落去好似蜜糖雞翼咁！配上脆卜卜嘅雞翼超可口面頭灑上玫瑰花花瓣，如果食埋落去仲帶有淡淡玫瑰花香味！擰香山葵蟹籽就夠晒特別！沙律醬上加蟹籽，令到雞翼入口無咁乾身而且可以一消雞翼中嘅油膩感蟹籽爽脆令到口感增次更提升一級完美無違和感最後一款就試咗黑松露蒜香武士一上枱黑松露嘅香味已經湧入鼻食落似系日式口感咁雞翼入味加上紫菜同蒜香醃製，好惹味！同樣系重口味人士嘅至愛！

雞翼可以話係小食冠軍，基本上沒咩聽人講過話會唔鐘意食雞翼！但係要整到夠特別，夠出色，唔喺屋企食要出來特登食就唔係咁簡單，而呢間淨賣雞翼都可以賣到幾間分店就做到了！同朋友2個趕住去上堂，要喺一個鐘內完成晚餐，又唔想食飯，就決定試下食雞翼做晚餐！我們一共點左4款雞翼，2杯野飲，在舖頭入面食！我絕對推介大家堂食，因為嗰種熱辣辣，新鮮整起的味道係外賣無得比的雞翼好多款式，有選擇困難的我們都選左一段時間先選到首先上場的係黑松露蒜香雞翼！有得選用叉食定用膠手套，原本我們2個女仔都諗住顧下儀態用叉的🙈但發現都係用手套方便同爽好多！建議大家，去到就唔好顧儀態了！盡情食雞翼啦🤣🤣黑松露蒜香雞翼個蒜味好香！而且隻隻雞翼拎上手熱辣辣，脆卜卜，咬落也有雞油爆出，好新鮮然後係濃味三重芝士流！芝士真係好多好融化，食落有芝士粉，又有芝士醬，而且唔會好濟！建議呢個要趁熱食，凍左啲醬會結左，不過都另有一番風味，好似芝士啫喱咁，鐘唔鐘意就見人見智了！我個人就好鐘意呢個鼠尾草咸蛋黃哥！因為好脆好濃味！一盒正常有四舊的，而且舊舊都好大隻，呢盒有五舊，哥哥話因爲見呢幾隻稍為細隻！真是好君真呀！隻隻都好肥美飽滿的！壓軸登場的係避

今日在旺角行街，甘啱見到”雞 翼 山”!! 之前在紅磡已經久仰大名，但未有機會試，依家開到嚟旺角T.O.P商場地下，簡直極方便！唔食都對唔住自己啦🤤🤤為左滿足我既味蕾，唔使多諗，直接選擇左set餐$118/12隻 (一次過試3隻味 + 一杯飲品)😙 食之前先聞一聞個味，嘩 已經非常吸引，令人食指大動。•文青風玫瑰: 果然是店內no.1，用食用玫瑰花瓣作裝飾，感覺又文青又浪漫，食落是甜甜的蜜糖味同清新的玫瑰花香味，無論外表還是味道都完全擊中少女心💕•避風塘蒜香: 地道港式風味，將蒜粒炸得勁香，再加上少少辣，辣得好過癮呢😆•港式鹹檸七: 一開始會諗呢隻味會唔會有少少伏呢？但估吾到雞翼同鹹檸七意外地夾，酸酸咸咸好開胃。我最欣賞就係即叫即炸，然後再兜一兜醬料，完全做到外脆內軟👍🏻肉質夠晒juicy。我已經諗定下次試咩味嚕......

平時係旺角行開見到呢間雞翼山都一直好想食下，今日同朋友終於有時間黎食，好多款口味都想揀，心多多今次食左4款～我一直好鐘意食雞翼，平時餐廳小食都會order雞翼！呢間雞翼山係一間專賣多款唔同口味既雞翼，款款雞翼都係即叫即炸，食好野都要等一陣～先黎呢款玫瑰雞翼，我最like呢隻口味，蜜糖味甜甜地好滋味，玫瑰又帶有好fresh既味道，清新之選，亦係店長推介！再黎黑松露蒜香雞翼，真係有黑松露味，好濃味，蒜香重口味得黎都好夾！仲有呢款芝士控必食，三重芝士流心得黎又creamy!原來鹹蛋黃炸雞翼都係一個唔錯既配搭，濃烈既鹹香味，濃味愛好者一定唔可以錯過！我飲既呢杯水蜜桃粒粒甜果茶，唔會太甜，好解渴，陣陣水果香味！

今天8.03分落單，職員話單比較多，要等十五分鐘；咁我咪去行下，十五分鐘之後先回來，但仍然未有，最後我等了廿五分鐘之後，問職員去到幾多號，佢哋話有一張大單，要等耐D，足足最後等了40分鐘先有。期間喺D職員身上，一D都唔會因爲好多客等緊而著急，只係繼續慢慢做。另外見佢哋又亂，做左幾多隻又唔清楚；同D職員反映等左好耐，佢話即刻幫我做，點知又做其他order，而收銀的職員資訊又錯，如果係30分鐘，真係唔會等，希望店主有D同理心，所有人的時間都寶貴的。以後幫襯都要三思，因為時間不是這樣浪費的，因為如果又有大單，又係唔知等到幾時！

每個人都有自己嘅comfort food! 我都唔例外,當壓力爆煲嘅時候雞翼就會係我減壓嘅最佳選擇! 今日同朋友嚟咗旺角嘅雞翼山,我哋兩個本身都係雞翼控,什麼雞翼放題都唔能夠滿足我的慾望!!我哋見到個餐牌基本上每一款我哋都想點!但最後我哋揀咗以下呢四種味道:玫瑰蜜糖雞翼:呢個係我第一最愛,必點! 淡淡的玫瑰香配埋蜜糖嘅甜味,唔會好漏但係咬落去每一啖都有幸福嘅感覺!鹹蛋黃味: 最近基本每個餐廳都有鹹蛋黃嘅產品,每隻雞翼都係新鮮炸出嚟,外面有淡淡的蛋黃香,裏面嘅肉汁好juicy! 三重芝士味:我本人都好喜歡食芝士,雞翼上面蓋住厚厚嘅芝士,以為會好漏但係其實又唔會,相當唔錯! 避風塘雞翼: 呢份雞翼香脆得來帶少少微辣! 帶有少少蒜頭嘅口感! 不得不提! 食雞翼真係要帶手套食先有嗰種風味! 餐廳亦都會主動問究竟我哋想用叉定係手套! 相當貼心!