雞翼山 (T.O.P This is Our Place)

营业中

休息中

平時我都好鍾意食雞翼，近排喺旺角有間好興嘅雞翼，好多朋友都話好食叫我食。終於搵咗一日去飲咗老虎堂順便食埋雞翼山。店面嘅環境都幾靚，好似啲打卡嘅地方。又有我最鍾意嘅粉紅色。可以揀糖食或者拎走。雞翼方面我就同朋友揀咗四款味道。就最鍾意檸香山葵，唔好以為有Wasabi好辣佢都甜甜地㗎。另外朋友話黑松露蒜香唔錯，有淡淡的黑松露味，配埋雞翼都幾夾。仲有港式避風塘蒜香，鍾意食辣嘅人就一定要揀呢個啦，都相當之惹味，不過呢對我來講就有少少鹹。作為芝士紅當然都會揀三重芝士，真係好重好重嘅芝士味，不過係偏鹹嘅芝士多個甜嘅芝士。