雞仔去骨海南雞專門店 (靄華大廈)

营业中

休息中

去到先知原來係間小舖，勁驚坐得辛苦，好彩食物補求到啫，加返好多分，所以我覺得可以再去嘅湯： 唔係一般海南雞飯嘅冬瓜胡椒湯，而係有D似木瓜味嘅湯，好清甜，又唔油海南雞： 肉滑又香，雞皮爽脆，三款汁都唔錯，仲有配木耳，幾特別油飯： 自己比較中意勁多油，呢個就唔太油，幾香，沒爛飯，整體唔錯炭燒豬頸肉： 香、脆、多汁配埋辣汁就一流，辣汁唔算辣，小朋友都食到，因為有D甜嘅烚菜芯： 一般，沒乜特別，但加理可以清下沒咁油囉

$44繼續尋找好食嘅海南雞飯今次呢間好似係開咗無幾耐嘅🤣見間舖頭都靚靚仔仔咁就決定去試下😙講到隻雞其實都算幾滑而且唔會無味佢地仲會比齊雞胸雞脾同雞翼位☺️但係油飯嘅油膩感太重我唔係幾鍾意好彩有偏甜嘅黑豉油拉返高佢個分🤤

同想像中有差距，並唔係傳聞中咁好食。首先侍應講嘢唔清唔楚冇禮貌，舊雞又未熟得晒。餐牌價錢唔清唔楚有誤導性，我係叫下午茶嘅，咁我話要凍檸賓，佢話加＄9，我話唔係＄7咩？跟住佢話檸檬要再加錢，咁我咪問佢凍檸賓個檸係乜？跟住兩個侍應講左勁耐，先至話餐牌出錯。咁好啦我話要凍檸茶，餐牌寫住凍飲加＄3，跟住佢又加我＄7。我都費事同佢講，後尾我買單嘅時候同佢講聲，仲要黑我面！唔會再有第二次，呢個價錢我可以食到好食過佢嘅，我寧願俾貴啲

這間小社區的美味飯堂，最好味梗係海南雞飯啦。這間店鋪有三款的海南雞飯。第一款招牌海南雞飯，佢配以五個醬料。雞胸非常嫩滑而且有雞味，雞皮亦都有彈性爽滑。極之美味的一個飯，油飯亦好嘢未。秘製口水雞飯亦非常惹味，同招牌海南雞飯的雞肉亦有相同高的水準。金沙香蒜雞飯，同樣亦是高水準。真是可以媲美新加坡地道的美食，海南雞飯。

阿太:「蘋果話有間海南雞飯好正, D雞暖架, 話攞D湯浸住唔會凍, 我想去試下」於是, 上星期我們便走到長沙灣食雞. 19:30 門口大約要等位15分鐘...一走入店, 店員便端了兩碗湯來...阿太:「我哋未叫嘢喎...」 店員:「哦! 老火湯係送嘅, 一個飯送一碗」(佢又知SY細食...我哋只係叫兩個飯呢? 咁鬼醒) 招牌海南雞飯 ($50) 只有跟湯, 如果 飯餐價錢 ($60) 便可以有湯+熱飲+時菜...我當然加十元啦... 我:「個湯好正喎...真係似十足嫲嫲煲嘅住家湯」, 一邊飲湯一邊說的SY:「個湯真係好飲...」SY望著去骨雞飯說 :「又話無骨嘅? 」, 我:「你隻雞髀梗係有骨啦, 我隻雞翼都有骨, 除非佢哋個婆婆嚟"損"走D骨囉」(SY:你估係愛‧回家劇情咩) 雞肉非常滑, 有雞味又嫩, 只是並非除太說的"暖", 阿太:「個記者咁講, 我咁講你知咋...」(記者嚟食...梗係畀D正嘢出嚟啦) SY:「其實, 爸爸..我哋去食咁多間海南雞, 乜唔係間間都無骨嘅咩? 點解佢要專登話"去骨海南雞"呢?」(嘻~嘻~係囉)過了一回, 阿太的生煎瑤柱鹹魚肉餅飯 $48 , 阿太:

呢間雞店平時門口都幾多人架！但係唔駛嚇怕唔等位！原因係客人食完就走！好快轉枱！點解我會咁講原因唔係我係打手！而係荔枝角放飯冇咩好食 🤣🤣 食黎食去都係幾間！頭幾次都堅驚等好耐架！但當你等左一次！你之後都會等下！廿分鐘內一定有位！平時我地會每人一碟海南雞飯（$50左右）！今日決定豪一豪佢！叫4人餐（每人$75架）！其實係抵食既！一隻雞+3選2既餸（鹵水元蹄/燒豬頸肉/煎咸魚肉餅）+油菜+老火湯+熱飲！好很飽...我地覺得呢個餐可以5個人食！雞有雞味！仲好滑添！但豉油要俾少少意見佢...太浠！蔥蓉同辣醬都好食架！仲有酸既青瓜伴碟！都開心架！咸魚煎肉餅聞就聞到有咸魚味既！食落就唔太覺！味道整體都可以！唔太咸！好送飯！燒豬頸肉既評分高過肉餅，好爽口！點埋酸辣醬好野味下！味道亦唔會過咸！下次要試埋個元蹄！

係荔枝角番工既應該知道，附近好多都係D唔好味又貴既餐廳，呢間我覺得勝價比好高既一間餐廳，50 蚊一個食到好飽既海南雞飯加無味精老母雞住家湯/野飲一杯，再加呢個質素既海南雞，真係幾抵食，咁我就揀左住家湯，係碗南瓜湯，好甜。到主菜喇，雞都係好滑同有彈性，食雞翼連雞胸係會比雞脾位實，但都唔會痴牙。飯都好夠香，醬係重點，3個醬都好好味，我將所有醬都清乾淨，薑蓉好夠味，撈飯一流，但晏約左人既朋友就食少D，會口臭的，海南雞醬好野味，夠辣，但個辣味又好快散。重重點，呢度雖然細細間鋪，坐得唔係太舒服，但係呢到既服務，食物黎得好快，同埋所有員工同老闆都成日笑容滿面，令到我個人食飯都食得開心D，個人開心D食咩都好味D。係附近番工既，得閒黎試下啦。

Lunch同事提議食雞仔，又係要急急腳行去，唔係又有排排隊去到見到都fullhouse 左，好彩下一張就係我地。入到去，個個都係食雞～咁我就叫左個。秘制口水雞飯。唔洗等好耐就整好送到枱面食海南雞我唔會叫（中雞），因為我會食唔飽 第一次食呢到既口水雞飯，佢既飯係油飯，但比較干身，但同時我聞到浸辣味，好香醬汁好濃，上面重灑上粒花生碎。食第一啖雞肉好實在，唔柴，配埋醬汁好好味，重鍾意重口味又食到辣可以試佢。食海南雞，我一定會食埋皮精髓黎食完門口都重係好多人排緊

03/04/2018突然想食海南雞，所以就去了，想食就食呢間主打海南雞，仲要係無骨！餐牌啲名都改得好好笑嗌咗個招牌菜「雞仔招牌海南雞飯」同 「秘制口水雞飯」好！好！食！呀！而且一入座坐低侍應即刻放低兩碗「無味精老母雞住家湯」，勁足料！我會再來的

長沙灣最近多左好多野食，不過大部份都係大集團嘅野，所以都冇咩特別興趣。今次係長沙灣做野嘅朋友推介呢間海南雞飯，佢平時唔太鐘意食飯，但話好鐘意食。本身我又係一個愛雞之人，咁就試下啦！諗都唔諗我地就一人一個海南雞飯～野食幾分鐘就到，超級快！雞嘅份量都好多！雞又唔肥，肉都好滑，正呀個醬我最鐘意係紅色個個，唔會辣，味道又夾，食完成個飯之後岩岩好用晒～如果多多少少呢個醬嘅份量會開心D。油飯方面有少少失望。海南雞飯嘅重點從來都係個油飯。但係呢個油飯就唔係好油，雖然係健康D嘅，但味道就唔係咁重，口感有D乾，所以有少少傷心。但我個friend 就話覺得個飯好正，所以都係見仁見智啦。朋友叫左呢個老火湯飲，話好好飲。既然係咁我就偷左啖黎飲。真心高質，唔係味精湯，入面仲有好多料。雖然油飯唔夠出色，但其他方面都唔錯。值得支持嘅小店

今日聽家姐介紹，所以由沙田走出來試試，申報：本人同雞有仇，好鍾意食雞😍🐔。店仔細細，8點幾去到都有位坐，一坐底就先來兩碗湯先，睇緊有咩好食果時，見到小插曲，有位哥哥叫左外賣，外賣都出左，😤先要改呢樣改果樣，收銀的姐姐😢你也太好了，真係幫佢改，今時今日就係有咁嘅服務態度🤦講返間鋪其實真係主打海南雞🐔，種類不太多，先試飲左個南瓜湯🎃，好飲好有南瓜甜味，應該係雞湯底，因為好油。海南雞飯來了~三個無走雞的醬加酸青瓜，雞肉好滑滑，個飯出奇地不錯， 味道唔會太濃味，飯的口感亦煙煙韌韌。仲有個煎喊魚肉餅飯，一來到好香喊魚味，不過煎得有D過龍，好似炸咁~另外可能因為新開，店員都有D生疏，仲要俾D時間佢💪，整體唔錯的海南雞真係好少有，至少成餐飯都聽到廚房斬不停🙏，所以我係食曬嘅🙋🤣🤣

經過發現呢間海南雞飯，應該係新開，因為老闆娘係咁呼籲like Facebook ! Hahah .. 當然好味緊係寫個食評！ 由於星期六所以都排左陣隊，首先黎左兩碗湯，個湯好味夠曬料，標明無味精的，應該真係無，似主家湯啲雞好滑，油飯都好香，但我個人覺得比較油，元蹄都不錯，夠「林」當然能夠再入味更加好！這個質素加呢個價錢抵食認真難搵。一定會再去幫襯架老闆娘都好nice 有笑容有禮貌！ 希望繼續keep住 p.s 除了雞翼有骨 其他都無骨的！

附近返工既朋友話我知，呢間長沙灣既海南雞一到食飯時間就排哂隊！今日8點先收工，咁晏先食實無死啦！一睇餐牌笑左下！d名好得意啊！無味精老母雞住家湯仲以為係例湯，估唔到係南瓜湯，飲到沙沙地既南瓜蓉，飲飲下成碗飲哂！泰式無骨鳳爪有陣香茅味同檸檬葉味，好香口！可惜本身淨係食到bb辣，食左2隻已經係極限！豬頸肉豬頸肉醃到入哂味，但係點埋個醬又唔會搶左，唔怪得朋友話必試啦！鹵水元蹄元蹄煮到好淋，但係個肥位又唔會油膩！個汁撈飯好味啊！海南雞飯海南雞好嫩，老公就嫌唔夠熟，我就覺得啱啱好！上枱跟左3個醬汁，3個汁都唔會太濃味，每樣點少少+海南雞啱啱好！2個人眼闊肚窄叫得太多，食到飽飽地再食酸 青瓜同酸蘿蔔，又可以繼續食！再好食既海南雞一定有，但係呢個價錢，有呢個質素就好少有，下次食海南雞，除左去九龍城，又多個地方揀喇！

雖然不算是專程走過來，其實只是早放，然後就來長沙灣看看有沒有新的食店，結果就試試這間海南雞飯。原來長沙灣比起深水埗，午餐吃東西的時候可能更加麻煩，因為長沙灣、荔枝角，更加多辦公室一族，大家都出外午餐，人又多，位置又擠迫。人多的時候，四人座位，兩個搭一個搭一個，常常看見這種情況。落單點個招牌海南雞飯，不算等得太久，可以說是2分鐘之內便端來了。一盤四格，酸蘿蔔青瓜、辣醬、薑荵、豉油，酸蘿蔔挺酸可開胃。飯，看來不少，但體積還可能不到一碗。雖然好像有些食評讚頌這兒的油飯，但是我覺得油飯不算特別香🤔，而且內裏好像有些蒜片，其實蒜片爛硬掉了，中間難咬得開，不怎麼特別值得推介。海南雞亦都不太多，看圖好像不少，但其實有幾件雞胸肉，有些雞背、以及雞翼尖和一隻雞翼。無論相片📷有多麼吸引，到了現場，通常都會獲得雞胸肉，每隔一段時間，就會對雞肉建立會信心，然後再在餐廳叫雞肉，繼而又吃到不太好吃的雞胸肉，覺得沒有意義，隔一頭半個月才會再吃因為天氣回暖了不少，從深水埗走路過來，都已經有點炎熱，就加個凍檸茶，雖然餐牌上看不到能否跟餐，但是結果結帳的時候發現只是加了＄3 ，那就合理，因為凍檸茶奶茶味非常淡，光是看看相

我很喜歡吃海南雞同時亦很不喜歡吃海南雞飯，因為很多餐廳煮出來雞肉都比乾，若配上飯令口感乾上加乾。 前幾個月，小妹家附近發現又有新餐廳開張，其實在寫這寫評已經試過幾次，但前幾次都覺得不太完美(可能之前幾次都是買外賣)，今次第一次入店內吃！一坐下不久，侍應就很快端上熱騰騰的南瓜湯，之前買外賣亦有，不過當時開業不久而且可能回到家的途中湯涼了，那時覺得湯很鹹很不好喝; 但是今次喝起來十分和暖，鹹淡度適中，很有家的味道，所以很快就把湯喝光！由於晚上有點涼意想吃點辣的東西，所以今次我點了口水汁海南雞配油飯。這裡有兩大吸引人之處:一、 價格合理 (不過老闆說因為食材成本增加，所以會在3月加少少價，不過還是合理範圍內)二、 雞肉十分嫩滑！雖然飯上桌時是涼涼的(廢話！海南雞當然是涼！)，但雞肉還是很有彈性，再配上口水汁來吃飯，辣辣的十分好吃！另外我還點了燒豬頸肉(小吃)，雖然有點油，但香茅的味道深透在肉中，口感香脆很有咬口，十分適合當下酒菜(可惜沒有酒~)坐位距離雖然較為親密，但始終小本經營，實在無理由只付五十多元但要求五星級的用餐環境吧！環境乾淨，食物質素良好，就已經非常優秀！