雞仔去骨海南雞專門店 (靄華大廈)

营业中

休息中

朋友介紹長沙彎有間海南雞店好好食，咁啱今日喺附近收工，立即叫同事陪我去食啦！去到等咗15分鐘左右就有位，實在太好彩啦，之後門口就一直有人等位啦😓我地叫咗個四人餐，盛為$312🤪有一隻雞，兩款小菜，一碟油菜，四碗湯，四碗油飯，仲有四杯飲品，其實都幾抵食👍🏻主角到了～～海南雞一隻，唔算大隻，但碟醬油就好好味泰或豬頸肉，呢碟就份量十足，仲好香口，碟醬油😍鹵水豬腳，夠淋再追加～～肉鬆雞絲粉皮，麻醬十足，絕對唔姑寒油飯超香，原來有香蒜正常油菜一碟

今日同朋友行過元州街，離遠就見到一個大大個嘅黃色招牌，俾佢吸引左，最近食太多重口味嘅沾面同拉麵，係時候要食返啲冇咁heavy既餐廳！我哋兩個人就叫咗兩隻雞仔好可愛既兩人餐。除咗招牌海南雞半隻，仲揀咗泰國特色豬頸肉同埋加咗一碟菜心首先講吓個油飯啦，唔係特別香，個人認為普通。佢就送咗一碗雞湯。湯入面有粟米，一啲菜同埋有少少雞肉嘅。但係個味呢就比較似味精湯🙃可能因為我比較鍾意食煮得淋嘅菜，對我黎講麻麻哋，因為佢比較硬身而且食得落有啲老重頭戲來啦！呢個海南雞真係無令人失望，滑到用筷子都好難夾到平時食雞唔食雞皮既我都忍唔住食曬佢啲雞皮，雞肉同雞皮既比例岩岩好，香口得黎唔係太油。最重要要上面數落黎第三個醬，開胃又帶到海南雞既香味，推薦！最後係豬頸肉，半肥瘦既豬頸肉其實點煮都唔會難食㗎啦🤭 不過我嫌佢燒得有啲lone，頭尾兩塊有少少硬。Overall黎講，除左海南雞係值得一試外其他都無咩特別。

平日每當食lunch 時間，長期都有好多人等。等左幾次，等得太耐走左。今次係星期六突登過黎食宜家睇下係咪真係咁好食先。黎到緊係食去骨海南雞飯啦，包飲品或湯。個碟好似特制咁，幾特別！一碟海南雞飯，有幾個汁俾你，仲有涼伴青瓜。隻雞好嫩好滑，雞油飯都好香，份量亦都好足夠，係我食過咁多間海南雞，宜間絕對係頭個幾位。宜家餐廳會自稱「雞仔」好搞笑，餐廳唔算大，位唔多，唔怪得要排隊啦。侍應好好人，好有禮貌，服務好好。

返工附近有呢間「雞仔」，得閒就會去幫襯！已經唔係第1 次食，仲keep到水準！二人餐和四人餐最抵食， 包埋菜，小食和野飲，價錢比一人餐差唔遠，好抵食！ 最後兩條友當然叫左二人餐！一黎好快上左個湯， 係好入味ge南瓜湯！ 飲完唔口渴！食海南雞當然要配油飯啦！ 油飯粒粒分明唔黏口， 唔係間間都做得到！燒豬頸肉厚度適中，肉質彈牙，配埋個醬一流！最後當然係講個重點海南雞啦！肉質幼嫩，無骨，啖啖肉！皮肉分明，分量足！點埋個醬一流食完好滋味！ 會再來光顧！

從朋友口中得知呢間好好味喎啲飯好入味啲雞好滑好奇之下梗係立即要去試吓啦刻意三點先去避開午餐人群門面乾淨光猛乾淨俐落服務員友善又有禮而且非常有心落單唔使10分鐘有得食連隻碟都係雞仔形狀⋯雞冠分別有三種調味料同埋酸瓜好有心思薑蓉好香似自己整甜酸醬正吖頭抽相當香酸瓜爽脆味道剛剛好雞飯份量一大碗又香又入味海南雞夠滑值得推薦午餐$50再+$3凍飲下午茶少少地$32+$3凍飲準備走之前落大雨服務員話坐下先啦停雨才走吧！太窩心了⋯人情味爆燈

呢間雞仔想試咗好耐，今日見到唔使排隊冇人龍即刻衝入去。$48至$52一個餐，算低食涷飲加$3招牌菜海南雞肉質嫩滑，雞皮爽到唔食唔得!啖啖肉好好味 食完呢餐先減肥喜歡豬手的我，覺得呢個豬手好淋好入味100分再加一碗無味精住家湯超級健康耶~

之前睇新聞有介紹過，我咁岩經過果頭，就入去試下最愛既海南雞飯，飯係雞油飯，好香口，雞肉都好嫩滑，醬汁有3種，甜豉油，辣醬，蔥油醬，我覺得辣醬比較好味，50蚊一碟，雖然不包飲品，但雞肉好食，性價比算唔差。

平日夜晚六點三去到，已經大半滿座，到六點半竟然要開始等位，真係好好生意啊。一坐底未叫嘢食，姐姐就已經每人比一碗南瓜湯。睇餐牌係冇落味精既，估唔到好足料好好飲，為左呢碗湯都想再黎食啊我地叫左個海南雞一人餐（$60），有一碟海南雞飯，一碟菜同一杯熱飲，都幾抵。碟海南雞好嫩滑，配果三款醬汁都非常好食，尤其係最左邊個紅色醬，又酸又甜又辣，好正喔呢碟滷水元蹄飯都好食，豬手燜得好淋又入味，唯一可惜係d油飯有d爛..

自己好鍾意食雞，尤好雞皮，貪佢夠滑。前兩個月朋友已經介紹雞仔，今日下晝終於試咗。店舖喺明愛醫院附近，唔算難搵，不過地方唔大，一到咗食飯時間就要排隊等位。午市有6個套餐揀，配湯或熱飲，價錢合理。我地點咗海南雞飯同埋豬頸肉飯。海南雞講到明係去骨既，所以都好方便。雞皮夠滑，肉質亦嫩，唯一美中不足既係未做到雞肉帶啫喱，食落欠缺層次。至於泰式豬頸肉飯，豬頸肉有d驚喜，肉質夠爽，而且夠入味，食落唔會好乾好“鞋”，唔錯~

老豆食過話好好食，啲雞好滑，湯又好飲，所以晚餐就外賣左個海南雞飯比我啦。首先隨餐附送既南瓜蘿蔔雞湯真材實料，好鮮甜，比起住家湯更有雞味，畢竟主打去骨海南雞，一煲湯都唔知落左幾多雞骨重點啲雞肉極嫩滑且剛好熟透，有小量血水但唔會食到有血味，忍唔住連皮食晒！（平時怕肥所以唔食雞皮的）😂隻雞應該用鹽腌過，餸飯一流睇圖都應該睇得出佢好滑，就算雞胸都唔會覺得鞋，我估要整到咁滑又岩岩好熟應該係用左慢煮先做到。飯比較乾但都有味，另外仲有甜豉油同薑蓉比你點，但佢本身有味，我覺得原汁原味更正總結，五十幾蚊同一般晚餐比係比較貴，但如果同其他海南雞飯比（e.g x潮 x國人海南雞）質素超班之餘份量充仲要平唔小，雖然位置較偏僻，但係我諗我已經唔會再食其他個啲海南雞了

呢間海南雞飯絕對會令人愛上佢暫時係我食過最好食既海南雞飯唔怪得之咁多人排隊佢既海南雞係去左骨🐔令到我呢啲懶人食得好方便你可以揀大同細既海南雞飯首先講下個雞先雞肉非常嫩滑，好新鮮軟熟你仲可要求全雞胸💁🏻‍♀️正除左雞翼，所有雞肉都起曬骨啲皮都蒸得好滑好有雞味🤩🤩🤩另外，油飯好香仲要冇爛飯相信食過海南雞飯既人都唔會對呢3個款陌生💁🏻‍♀️分別:秘製甜豉油，酸辣醬，薑蓉個甜豉油比起普通豉油傑身好味到可以就咁撈飯食個酸辣醬👍🏻👍🏻👍🏻非常推薦酸酸甜甜 有一種好清新既味道好惹味✨✨真心一定要試野飲你可以揀呢個南瓜湯呢個南瓜湯有清甜冇乜味精味同好重南瓜味仲要有好多青紅蘿蔔😋值得再次光臨😎😎

今日 LUNCH 同事又話要黎呢道食抵食 4人餐 !! 今次我地試左豬手 / 豬頸肉 !! 當然仲有一隻海南雞啦 !! 每人一碗湯同一個野飲 ~~ 仲有碟油菜添 !! 312蚊/4人每人都唔駛 80蚊 !! 但如果你同行有人細食既話，我覺得你可以5個人黎 SHARE !!個海南雞好有雞味 ~~ 好滑 !! 個豬手反而 ... 失色 !! 皮唔多 ... 肉好乾 ... 最好食反而係個燒豬頸肉，我估計係炸 !! 好脆口 !! 同事話下次要叫2碟先得 !! 但唔知可唔可以咁叫 ~~ 哈哈 !! 個菜侍應姐姐話唔係用蠔油 !! 佢話係豬手個汁，但食落唔係好似 ... 不過都 OK 既 ~~ 個油飯好香 !! 油份平均 !! 大家都勁飽 ... 睇黎下次都係搵多個人黎 ... 叫多個飯先食得哂 !!

食到呢間餐廳其實都係純屬偶然，話說同同事工作需要黎到長沙灣，咁啱見到呢間海南雞飯專門店竟然星期六嘅午市時間都排長龍，於是覺得一定要試一試。點知誤打誤撞比我地搵到一間好好食嘅海南雞飯店！海南雞飯最緊要梗係啲飯啦，因為我唔係好肚餓所以嗌咗細飯，份量都唔錯，再加上我叫咗雞胸，雞肉就更加多。雞肉新鮮軟熟，點埋d汁好送飯👍🏼👍🏼 特別推薦中間個隻泰式辣汁，好特別，酸酸甜甜，有herbs嘅清新味道，唔知點解好岩夏天食🤣不過我食就會希望佢再辣小小，咁就更加惹味！飯可以揀雞油飯或者白飯，我揀左雞油飯係絕對正確！因為都好好味成個set跟埋湯或者野飲，好好彩揀左湯；因為碗湯堪稱一絕 南瓜味好出，仲有粟米同埋青紅蘿蔔好正，飲得出係用心煲出黎

男朋友食過，覺得幾好食就同我去食lunch 驟眼睇，食物選擇唔算多，主要同係食海南雞飯，咁我就要左一客招牌海南雞飯招牌海南雞飯 $50 雞件嫩滑啖啖肉，不怕有骨，份量適中，油飯油膩感唔太重，仲有啲蒜片在內，如果油飯再香啲會比較好，仲有3款醬汁，甜醬油同夏辣汁係最夾既😆滷水元蹄飯 $48 豬手整得好入味，同樣啖啖肉，唔會好靱，骨膠原豐富😝😝餐牌：雞仔去骨海南雞專門店地址：長沙灣元州街493號靄華大廈地下1號舖

前幾天晚上去到，入邊有三張四人枱每張坐左兩個人,叫我地兩個人喺門口等咁都冇所謂.點知20分鐘之後有個侍應叫我地入去坐,就係之前嗰三張枱其中一張,咁我問點解我要喺門口等20分鐘之前!佢話佢唔知道跟住問我咁你坐唔坐! 冇辦法我又好想食咁我咪坐低左囉! 但原本坐係隔離嗰個佢真係有好多野我哋張枱根本連一個飯都擺唔到.咁我見有人走咗問可唔可以掉位嗰張係四人枱佢話你得兩個人唔可以因為門口有五個人等緊！ 咁我解釋比佢聽張枱根本唔夠擺我哋嘅食物！佢話你可以等隔離食完先囉你坐下先啦！啲態度差到冇人有，我想講你幾好食都好! 但係你啲咁嘅服務我真係唔會再返轉頭囉!