雞仔去骨海南雞專門店 (靄華大廈)

营业中

休息中

係香港一直都搵緊好食嘅海南雞飯，我嘅海南雞飯基本要求好簡單，無骨，油飯。 單醬都無問題，最緊要有醬！同男朋友咁岩行去長沙灣順便食埋飯，見到依間晚市$50一碟海南雞飯仲要包無味精湯一碗，抵到爛呀！一坐低就即刻送咗碗湯上嚟我唔記得咗咩湯 但入面有白蘿蔔、南瓜、雞腳（？） 味道似住家湯，清淡健康，味精我唔係好飲到，飲完唔口乾個海南雞飯上埋啦，完全達到我嘅要求。無骨，油飯，有醬！雞好滑唔嚡口，最緊要係無骨啖啖肉，大口吃肉個感覺爽到呢夾埋薑蔥食係正常普通油雞咁嘅味，甜豉油我一向都唔太喜歡，最左邊嘅醬酸酸甜甜又辣辣地，好惹味。油飯係有埋炸蒜係入面，成件事覺得好香口。$50晚市有咁嘅質素，真係抵到喊出嚟！

已經吃了無數次海南雞和豬頸肉，真心好味！海南雞/豬頸肉同油飯，混合埋d醬一齊食，好好食！加埋個湯係絕配。湯係非常足料，一定要襯熱飲！我好欣賞佢有新年的外賣套餐，非常抵食！希望下次/節日都會再出優惠套餐就好啦！反而我希望有下午茶嘅輕食版，作為肉餅，豬蹄等試食版為全日餐。如果可以選擇，堂食好d，雖然坐得比較迫，但我比較喜歡堂食，不過外賣亦唔差㗎！三個年輕人創業，十分支持，要繼續保持水準，希望你們擴店或開更多分店。加油！

朋友年尾出國四圍旅行⋯上個星期終於得閒見一見⋯羡煞旁人啦☹️我哋呢啲閏蜜都有著數既不過，佢每次去完都會買啲當地既零食俾我哋去試吓❤️今次我哋選擇咗喺雞仔食手信飯雞仔個menu好過癮⋯好多爛gag 🤣我哋叫咗嗰個係四隻雞仔埋晒位套餐⋯招牌海南雞一隻滷水元蹄/生煎瑤柱咸魚肉餅/泰國特色豬頸肉 三揀二招牌海南雞一隻 —海南雞有三個醬汁：酸辣醬，醬油，蔥油。雞肉十分嫩滑，雞胸肉也是滑滑的，剛好朋友們都好喜歡食雞胸，佢哋都好推薦（我魚人得利，俾我食晒兩隻雞脾）。油飯夠香但又唔會話太油膩，剛剛好。 鹹魚瑤柱肉餅-煎得香噴噴金黃色。好重既鹹魚味，從來都估唔到咁樣夾埋係咁好食，返去叫呀媽試一試🤣滷水元蹄—元蹄滷到淋晒，真係無牙既呀伯都食得。不過我建議如果你都係同我哋一樣四個人咁食，可能叫豬頸肉會好啲，可能海南雞做得太出色，呢個元蹄就馬上有比下去既感覺😅

想揾足料好食既海南雞飯真係愈來愈難早幾日經過見到佢lunch 勁多人排隊, 好似好好味咁, 一於試試佢. 今次早左大約12:15pm 去到唔洗排隊諗都唔洗諗就叫左個招牌海南雞飯 ($48) 包中湯或餐飲, 價錢合理~ 份量比想中多, D雞去哂骨, 雞肉好夠滑同有雞味, 配埋油飯同3色醬汁 good!!! 服務態度都好好, 難怪佢地咁多人排隊, 如果lunch time 唔想等, 叫外賣應該會係好選擇. 

忽然想食海南雞飯知道附近有這新店，試試看。餐牌中有另一食物向我招手，選擇困難症又來。結果。。海南雞飯餐 (包括湯) $48海南雞飯有一醬汁有三。 紅的味道少少酸少少辣，亦有微蒜香；黑的是不太濃的甜鼓油；綠色是葱油，葱切得很細味道不會太鹹；最右邊的是雲耳。這個沒死醋的酸，味道很好。下次會單點它。至於雞肉十分嫩滑，連雞胸肉也是滑滑的。沒雪味，吃出用心做。油飯偏硬不適合愛吃軟飯的食客。也點了煎小食鹹魚瑤柱肉餅 ($50)。想不到份量有如此大。它煎得乾身金黃，外表吸引。廚師細心把肉餅切係，方便進食。上: 很香枚香鹹魚味，味道頗鹹是合理的。“餸”飯很不錯。奇怪是上下兩塊肉餅味道不同。下面那塊肉毫無鹹魚味道，只有雪藏肉味。總括，價錢也算合理。產品也有心做，只是QC問題吧 (希望人是將貨就價)。

光顧多次堂食，海南鷄味道尚可，湯的味道亦不錯。可是，之前曾經買外賣回家，發现很多飯焦，難以下咽。本以為是油飯的缘故。於是今次轉白飯，也是滿盒飯焦，白飯"一舊舊"，唯有只吃雞了。外賣的質素很低，都是堂食好得多。

十月開業的海南雞專門店沒有令一衆雞迷失望！在一碟例牌的套餐已看到店主的用心及誠意！1/首先說說用心的小前菜……酸青瓜白蘿蔔-酸甜度適中,入味濃郁,可見花了不少時間醃製及調配！2/另外有三種海南雞點醬也有其獨特的味道！3/到套餐付送的湯……南瓜青瓜雞腳湯(開業到十二月頭的湯)-煲了十小時無味精足料濃湯,更是回味無窮！4/雞油飯-香口的油飯，並沒有油膩膩感覺！剛好！5/主角海南雞了-味道芳香！難得的是肉質滑溜細嫩！6/除了海南雞外！還有元蹄飯也值90分呢！因為元蹄秘醬濃郁！沒有肥耶耶的肉糕！7/服務親切！態度認真！星级食府之定義就是烹調出衆！出品好評！服務態度認真吧！ 實至名歸吧！！

同朋友去元州街行過見到間舖頭個招牌隻雞仔個樣好得戚，見到門口有人食緊碟雞飯好大碟！行入去一坐低，見到個餐牌寫住＂兩隻雞仔好可愛＂咁搞笑，於是叫左個($158)2人海南雞套餐。2人餐已經有半隻雞！雞味正夠滑夠嫩，但我個人鐘意其醬汁加雞油飯超級好味！唔知點解D蔥油可以咁幼細同咁翠綠，個餐仲包左兩碗香油飯一碟油菜一個例牌，我叫左個滷水元蹄，元蹄夠味之餘仲入口即溶！而個湯，好濃好足料，而且飲得出無味精，唔怪之得佢個餐牌叫＂無味精老母雞住家湯＂啦！見到收銀哥哥仔企左響度，問佢點解D雞咁滑，D元蹄咁正！原來佢話老闆曾經響馬會會所做味部主廚多年，更曾任職不同酒店，以佢累積的多年經驗及秘方，研製左雞仔餐牌嘅食物！而且，平均晚上未夠10點就沽清，所以食物夠新鮮，先至咁好食！免收加一 值得一讚！

中午起身諗緊食咩好原本想食個間又準備中..見到對面有間海南雞！一於就試一試先我叫左個海南雞飯！老公叫左個豬頸肉飯！野食好快就到！個飯係好食既！豉油都好好味！唯一係d雞太肥，同有d淋反而老公個豬頸肉飯做得好好！d豬頸肉又薄又夠脆！個汁又好味！值得1讚係我叫左杯凍奶茶少甜..黎到甜到暈！同個員工講，佢即刻換個杯比我個甜度啱啱好！服務非常好！

係長沙灣返工有福了，今日又發掘到一間會回頭既新餐廳。間野叫「雞仔去骨海南雞專門店」，當然試下佢個招牌海南雞飯，雞肉好滑溜，唔肥，基本醬料既蔥油應該係自家製，切得非常幼細，令每舊雞都可以容易沾上蔥油。配料有幾粒微辣既青瓜粒。油飯就ok la，唔算好香。驚喜既係佢跟餐個湯，名叫「無味精老母雞住家湯」一望落去色水好似南瓜湯，果然佢係加左南瓜既紅青蘿蔔南瓜栗米湯，好甜好好飲，好似媽媽煲既湯咁，飲完想再encore，侍應姐姐話無味精，一飲就知佢無呃人，飲完唔會頸渴。個名真係無改錯😂佢個餐牌都好得意，一人餐個標題係「一隻雞仔有飯開」，二人餐「兩隻雞仔好可愛」😂令人睇完會會心微笑題外話，同行友人因爲唔肚餓，淨係單點左個豬頸肉小食，侍應姐姐竟然送左個湯俾佢飲。哇，咁窩心既舉動，真係好少見，呢d就係我鍾意小店既原因。總括，呢間野性價比高，值得一試。