雞仔去骨海南雞專門店 (靄華大廈)

营业中

休息中

「雞仔。下午茶海南雞飯」紅雨過後。。。路過一間小店，因為接近3點加上大雨，店舖內唔算多人，員工都食緊飯。同朋友一人一set下午茶。呢到星期六日都有下午茶叫。好實惠！招牌海南雞飯（細） $34 包熱飲。凍飲加$3。雞肉好嫩滑，除咗雞翼，全部起哂骨。三款醬汁都好味。薑蓉正常。甜豉油比較甜，送飯好正。酸辣醬，少少辣、好惹味。油飯方面，色澤唔算太靚，但食落都有雞油香。下午茶份量比較少，食完覺得唔會太飽。見到隔離碟豬頸肉賣相唔差。下次試下其他菜式先。

又係長沙灣啦😂😂今次就發現左呢間名為雞仔去骨海南雞專門店————————————所以就一定試下呢度海南雞飯係咪真係咁有吸引力（A1.招牌海南雞飯$52）（日間時段11:00-17:30加凍飲+$3，夜市時段17:30-22:30加凍飲+$7）比我呢份咁啱係雞脾，你會食得出係厚肉地，雞肉滑嫩，而雞皮亦都好香唔太肥膩，因為平時我唔食雞皮都覺得呢個雞皮好好味😋😋另外仲配有三款醬，分別係薑蓉、甜豉油同埋甜酸醬，三種醬料配埋嗰招牌雞仔香油飯（或者揀絲苗白飯）真心好吸引，而且油飯粒粒分明，唔黏口👍👍呢個價錢食到呢種質素真係幾唔錯，overall嚟講真心值得

放工諗食咩晚餐，有時係一件好頭痛嘅事。今日喺深水埗放工之後，男友帶左我去呢間位於長沙灣嘅海南雞專門店。佢話平時都多人排隊，不過我地去到嗰陣都8點幾9點，雖然個場幾full，但就唔洗等位，搭枱就ok la😆。坐低左之後，我地都唔洗多諗，嗌左兩個海南雞飯、一杯凍柚子蜜同埋一杯凍奶茶。喺等野食嘅期間，店員先上左兩碗中式南瓜湯🤔，對於唔鐘意南瓜嘅我黎講，碗湯都算入到口嘅，有南瓜味但唔太濃，都唔錯👌🏻。野飲都好快上枱，凍奶茶味道正常，冇乜好評價，但係杯柚子蜜太甜喇😖！只能講水吧員工未免太俾貨，落得太多柚子蜜🤣，減少份量會更好！最值得一讚嘅係喺等野食嘅全程，鋪面員工都好好服務，隔5-10分鐘就請我地耐心等待野食，話因為油飯啱啱賣曬要等多陣，好有交帶，令我地覺得等多陣都冇所謂😆。大約等左20-25分鐘之後，終於有得食海南雞配油飯🥰，裝野食隻碟好cute，係隻腳板仔🤣。油飯啱啱煲起，所以好辣口，我個人覺得油飯味夠香濃，但男友認為可以再香啲。雞件就無可挑剔，雞肉好滑好香，點任何一隻醬都冇得輸👍🏻！雞、油飯加埋醬汁，真係令人食指大動🤤，所以我地兩個都清曬成個飯。呢間海南雞專門店好值得俾一個好評🥰，因為我地

呢間海南雞飯喺長沙灣開咗半年有多，中午平時好多人食自己都食過幾次係時候寫返個食評📝我多數嗌海南雞飯要雞胸，雞髀就要加$10。海南雞飯跟咗三個醬，包括薑蓉、豉油糕同埋辣椒醬！海南雞去晒骨，雞胸好滑，油飯都有薑葱味！三個醬之中我最愛辣椒醬🌶🌶！點雞十分惹味！連海南雞飯仲跟咗個例湯—南瓜雞骨湯！我都有食過佢哋嘅瑤柱煎肉餅，一大塊肉餅煎到好香脆😋呢個價錢食到海南雞飯，真係好抵食！推薦推薦👍🏻👍🏻

今日老闆唔知點解做咩咁開心放全公司多一個鐘頭食飯時間，有成兩個幾鐘梗係佢都帶埋個女去撐吓枱腳先啦。就去咗附近成日經過都想去嘅海南雞飯店，我一點過嚟食坐滿晒人了，大概等左5分鐘就有位！店舖細細坐滿晒人，但坐得到可以嘅！他們是主打去骨海南雞飯，我哋當然都食呢個飯啦！價錢同出邊比較有名嘅海南雞飯差唔多，不過他們可以選擇湯或者嘢飲，唔飲湯的話會平幾蚊！雞有雞油嘅香味，夠滑，分量都可以接受，醬汁就同平時嘅差唔多冇太大分別！覺得唯一缺點嘅就係個飯，好硬，我個女完全唔鍾意食，油飯來說唔夠香唔夠熱，食完個飯都有啲銀胃！整體質素其實唔差，但係最基本個飯真係做得唔好，有待改善！特別為親子為主題設加分（五個👧🏻為滿分）店鋪對親子歡迎程度：👧🏻👧🏻👧🏻有小朋友最喜愛嘅卡位：親子設施：小朋友餐具：合適小朋友食物：👧🏻衛生情況：👧🏻👧🏻👧🏻

話說喺街口做完尖，呀sir話一定要食晚餐，不過要揀黎食，佢就介紹食呢間海南雞飯，講到明要去皮配白飯咁就ok🌝前幾日先食完天天，所以都唔好太大期望，點知真係有驚喜🥳🥳🥳見到個Menu，其實都幾細心，有正常大細嘅雞飯($52)，都有細嘅（$46），大家都有跟佢冇味精嘅住家湯。雞好滑，配白飯都好好味，佢跟嘅醬油，香，尤其是薑油，應該係自家製，我做完占都忍唔住食咗薑油配飯🌚 住家湯飲完唔頸渴，應該真係冇味精，一飲而盡👅到我要諗起要寫食評，已經食光光🙃本地海南雞飯來講，呢間係我唯一一間會回頭嘅🙆🏻‍♀️

已經嚟過多次食晚飯，2019年農歷新年假期後，放工想嚟食晚飯，幾次嚟到都冇位，雖則我一位，但都係唔想超級搭枱咁坐係度食野。今日放工後即刻行嚟睇睇彩數，有位喎，唔理三七廿一就入嚟坐底喇。叫開都係叫一人餐（新年後加左價）以往60蚊個餐，而家62蚊。B1一人餐包括住家湯，蠔油芥蘭（嚟咁多次都係芥蘭），有骨海南雞，香油飯，熱檸茶。佢果三款醬汁真係好正，油飯有香茅味，雞好滑，湯就比起我第一次嚟就淡左少少（第次嚟真係好濃架），成set清晒落肚喇。

一到晏就12點半 呢間店就會好多人排隊 所以今日12點就去試下 睇下佢既海南雞係咪真係咁正招牌海南雞飯配招牌雞仔醬油飯 無味精老母雞住家湯🥘住家湯 啖啖鮮甜粟米和蘿蔔味 亦有湯渣 紅蘿蔔和瓜 好健康 飲完成碗都唔會覺得口渴 果然無味精🐥好好運 咁岩係雞脾 厚肉地 啖啖肉好爽 雞肉滑嫩 雞皮香口好滑不肥膩 平時唔點食雞皮既我都食晒🧂仲有三款醬 薑蓉 甜豉油 甜酸醬 任均選擇 薑蓉好香口 我就最喜歡甜酸醬 甜甜酸酸更開胃🍚油飯份量好足 粒粒分明 但係就有啲唔夠香$50就有 呢間海南雞飯性價比真係幾高

諗唔到想食乜就食呢度啦😜😋方便快靚正😎雖然今日係情人節都要等位嘅🤗🤣但係都唔需要等太耐一家三口簡簡單單飲埋 每人一個例牌嘅海南雞飯簡直好味到爆👍👍👍👍👍👍👍👍👍👍👍👍😙一個例湯南瓜湯超級飽😙食過無數咁多次😍今次特別再講係因為佢哋嘅服務員太有誠意同埋好在乎客人唔會好似情人節巴巴閉閉🙄😅所以一定要分享分享極力推薦👏👍👏👍食物質素都係重要但係服務態度係更加重要嘅喺我角度😎😁😎😁😎😁😎😁

一直有朋友住附近，但原來她一直也不知有間專門吃海南雞的小店 。招牌是隻顏色鮮明的小雞🐥  門內只有20-30多個位，這樣也阻擋愛吃雞的我！等位方面也快，兩位只等了不到5分鐘，就算是大枱也是等了10分鐘左右。👏🏻👏🏻    🐥🐤🐤吃雞當然是去骨最好！！上菜非常快，畢竟是小店，客人快吃快走就最好，如果要談天的人就不太適合。首先是住家湯，用了十分足，每一碗都有紅蘿蔔🥕和瓜，喝得出家的味道🏠🏠🧑🏻海南雞飯一放上枱就比餐碟吸引，設計剛好放了海南雞三種醬，還有一小處放青瓜粒🥒🥒，是貼心又方便的設計！海南雞淡淡都是肉，雞皮不肥，整塊吃下去，不會覺得肥膩，再配上油飯，帶出雞的鮮味秘製口水雞上的醬料，入口先有甜味，再是少許辣味，但絕對沒有奪走雞的鮮味，反而更突出！連朋友叫的海南雞也不禁點了我的醬料。

Ended up dining here because it was affordable and less expensive compared to other restaurants nearby.After looking at the menu, discovered that it was very similar to the Golden Chicken , they both serve the pumpkin soup, pork knuckle with gravy, meat patties but Chick n Rice has one item that Golden Chicken doesn't have which is the bak kut teh soup.Both have a very similar Chinese name if you compare the characters, the last 8 characters are the same ie 去骨海南雞專門店.As it was my first time here,

日日放饭时间都排队，都费事等甘耐，今日放假无事做同老婆终于去试食😆我就叫做个猪手饭同，我老婆吃海南鸡饭，上餐好快，不过份量有点少，吃不饱我老婆同我投诉话大部分都是胸肉，好鞋，不过d酱料都几好我个猪手饭，皮多过肉，可能呢只猪比较肥座位太窄，落单果阵有个阿姐挂住睇跑马，都听唔到我地叫。总结，名过其实，反正吃一次就够。

在香港稱得好吃的海南雞飯不是很多間，有些飯太油，有些鷄是「鞋」的，有些醬料仲是差些少。今天偶爾經過此間食店，因食量不大，就叫了一客細份的海南雞飯，仲包括一碗南瓜🎃青紅蘿蔔湯。鷄肉好滑，油飯不是太油，醬料也OK，南瓜🎃湯真料實料。總括來說，值得再去食

呢排開左好多餐廳 淨係睇個門面你未必會入去 但有附近嘅朋友介紹就一於去試下😎 招牌海南雞飯$48 送例湯 +$10可以要雞仔咬大脾🐥 （姐係淨脾）想啖啖肉嘅朋友可以豪下😂 另外仲試左泰式豬頸肉飯👍 不過個飯就有啲硬🤔 軟飯王就唔岩

海南鸡饭不错，鸡好滑，酱料也好吃，可是果d楼面阿姐，尤其那个爆炸头阿婶，落错单不但止仲要我地一吃完就立刻收晒碗碟，我地系度倾计全程啤住晒，差评，下次唔黎咯，费事背脊骨落