雞仔去骨海南雞專門店 (靄華大廈)

营业中

休息中

「雞仔。下午茶海南雞飯」紅雨過後。。。路過一間小店，因為接近3點加上大雨，店舖內唔算多人，員工都食緊飯。同朋友一人一set下午茶。呢到星期六日都有下午茶叫。好實惠！招牌海南雞飯（細） $34 包熱飲。凍飲加$3。雞肉好嫩滑，除咗雞翼，全部起哂骨。三款醬汁都好味。薑蓉正常。甜豉油比較甜，送飯好正。酸辣醬，少少辣、好惹味。油飯方面，色澤唔算太靚，但食落都有雞油香。下午茶份量比較少，食完覺得唔會太飽。見到隔離碟豬頸肉賣相唔差。下次試下其他菜式先。