雅苑餐廳 (已結業)

夾心，可以是指餅乾或是麵包內的餡，又可以是指中產階級，不窮不富，交最多稅但沒太多的福利，其實有時在想，唔上唔落，百般滋味在心頭。革新，當然就是除舊而開創新天地，而是日光顧的這西餐廳，就正正是剛裝修完畢，多年以來沒有光顧過，現在反正在附近上班，就來吃個午餐，小試牛刀也好。在上班日的午市時段，吃的都是午餐，當然你也可以選擇吃個八十多元的扒餐，但我可只是個普通的打工仔，最後點了本人愛吃的咖哩，至於喝的，沒有選擇喜歡的奶茶咖啡，因為是日有點不舒服，所以要了點檸檬茶好了。先來的是餐湯及餐包，餐包是一片類似蒜蓉包的東西，但可能是我誤會了吧，它一點蒜蓉也沒有，就似是只塗了點牛油，再焗過的一片法包，包部份位置香脆，但又佔大部份的麵包呈濕水軟腍象，吃起來只有薄薄牛油味，沒包香沒蒜蓉味，可惜！餐湯紅白兩款，通常本人會選紅湯，皆因開胃一點嘛！不過見餐牌上介紹這湯的名字為公主奶油湯，想不到我就此中伏了，其實不單只不過是普通不過的忌廉湯之外，這個湯稠得來不夠細滑，相信是加入生粉，再加少少忌廉充數的貨色，喝起來沒什麼奶油香，另外只有碎得不行的蘑菇，實在是老求得有點呆。咖哩牛筋腩飯作為主食，其份量真的是少了點，其實

中午，大家又是在一個沒有預先準備的情況下，出左街才去諗食乜野好。眾人行到出天樂里，停一停，諗一諗。手指直指對面馬路的雅苑餐廳，我們一於食港式西餐吧。沒有異議就過馬路入。未入去，就已經知道是老牌西餐廳的格局，而且價格是屬於大眾化果隻，中午時段，大眾化價錢的，吸引的除了是我們的上班族，店內其實是充滿了穿校服的中學生。午餐，$36再加一，穿校服者優惠更多。難怪半場都是學生仔女啦，我們就各至叫一樣，我就要了一個雞扒餐配洋蔥汁。食傳統的港式西餐，羅宋湯同忌廉湯是絕對的開場白。而我就永遠都喜歡濃濃的羅宋湯，這羅宋湯，味道是好，可是同花園一樣，油份很多。好的就是用料充足，一喝就知道是上一代的西餐味道。 雞扒，大大塊，而且配上了洋蔥汁，味道雖好但食落有點肥膩，連皮，連肉，連肥脂。連汁，連飯，連油的食，味道雖然是香口但真的非常滯肚。 同事分了少少咖喱雞飯給我，咖喱，充滿了南洋的味道，算是香濃的，這個雞肉，反而是比較瘦的，味道算做不錯。 味道還可以，不過是傳統帶著重重肥肉的西餐，太肥，味道太濃，是一個

週日在天樂里買燈飾，順道在同街的雅苑餐廳午膳。未知是否時間尚早(12:30)，店內空無一人。一人獨坐一卡位，邊吃邊看電視，固然寧靜舒適。午餐$75一客，可選兩款肉類主菜，如豬、牛、雞扒等。餐包餐湯(羅宋湯)水準合預期。主食豬扒拼珍寶腸，豬扒很小，珍寶腸亦很幼，份量略為少了一點噃！用上普通的食材用料，味道故然無什驚喜。餐後一杯熱咖啡，味道偏苦澀，個人覺得麻麻喇！

Attractive window displays however what awaits inside is very different. We went for afternoon tea, braised pepper steak on a hot plate with noodles, seafood udon on a hotplate and fried chicken/pineapple rice. The noodles were oozing with oil and something expected from a dai pai dong in an alleyway. The fried rice was done right.This restaurant's cleanliness can only be described as disgusting. The restrooms and the kitchens resembled a never washed abattoir. The carpets displayed the remnants

食晏時候路過灣仔，見餐廳門面企理，推門進入，吉座不少，老闆娘及侍應皆硬性指定客人座位，為方便後來的上班一族就餐也就算了，不到兩分鐘兩pair共處四人座，毫無私隱，不敢交談，只顧吃飯，或許有機會好好品嚐午餐，但只是普通，瑞士汁炒牛河汁太多濕冧冧，葡汁焗豬扒飯味不足，汁與扒皆淡味。服務霸道，還要加一，二毫進位當一元，已是加11.11%了。

6月24日, 夜晚喺天樂里附近, 想食西餐, 門口見有好多野食咁, 就入咗黎呢間好有格調嘅西餐廳, 燈光微暗, 唔係好多人, 電視光比整間餐廳燈光都要光~::: 雙拼晚餐 (吉列豬扒拼薄牛扒) + 薯菜 + 凍奶茶 ::: $78首先, 服務真有夠差… 明明門口見到有呢個餐, 但係俾我地嘅餐牌又冇… 要問先俾, 咁樣有d唔老實wor… 先上餐湯同蒜蓉包, 火腿粟米忌廉湯好稀, 不過好鹹, 蒜蓉包好細件, 凍咗同好淋, 有d難咬… 吉列豬扒拼薄牛扒配薯菜, 上枱真係嚇一跳, 可以求其成咁嘅? 好似大家樂快餐咁, 將所有野求其擺上碟就算…薄牛扒極其差, 薄得黎完全冇牛味, 肉地乸到好淋, 同d快餐牛扒一樣… 吉列豬扒可以接受嘅, 不過肥肉都幾多… 另外薯條亦係唔熱嘅, 凍奶茶都係差差差… 一個咁嘅餐收咁嘅價錢完全受騙!::: 鮮茄焗牛脷意粉 ::: $58原本想試下佢d瑞士汁炒牛河, 但竟然喺啱啱先開始嘅晚市時段已經話賣晒… 唯有是但叫個焗意粉啦… 都等咗陣先有, 好亂囉兜野! d牛脷一大塊咁pat喺意粉上面, 求其淋個茄汁獻, d大大舊洋蔥番茄亂咁擺, d 芝士又周圍都係… 撇除個難睇嘅

睇完Toy's 3,然後行過來望下有咩好食啦~想据扒,於是就入去試下先點了炸魚柳+牛利+意粉餐, 黑椒牛柳餐:炸魚柳+牛利+意粉餐: 炸魚柳只得一件,而牛利又係得兩件咁大把......如果不是點了意粉,就真係唔夠飽了......牛利都ok,不過份量少了點呢....(60分)黑椒牛柳餐: 原來真的用黑椒醃製而成,反而更加入味!!!我就不會落汁係鐵板上,因為一來會整凍了鐵板,第二如果件扒中間位置不太熟,都可以切開煎一煎呢~我推介這個黑椒牛柳!!!(80分)還記得扒王之王嗎?我個人認為這裡的牛扒,比扒王的還好呢~

雅苑餐廳, 一間在灣仔很多年的港式西餐廳, 細個好多此類既西餐廳, 特色係卡位在兩邊, 夠寬敞, 中間是可動檯, 拍埋分開都得, 環鏡黑漆漆, 好聽是情調, 但其實周圍都超嘈, 主打賣鐵板扒餐, 甜品是雪糕, 這就是我的回憶午餐跟同事來了這裡, 不用等位, 但要搭檯。在是日午餐中選了招牌瑞士汁牛河, 配蒜蓉包忌廉湯, 餐飲則叫了青檸汁梳打, 後來才發覺這個午餐中有兩樣野很"特別"蒜蓉包白雪雪, 得個脆字, 蒜蓉味很淡, 跟早兩天吃的新森林不惶多讓, 忌廉湯是中規中矩, 也有點稀, 但能吃到粒粒粟米很高興青檸汁梳打在下單時已經留意到, 不是"青檸梳打", 而是"青檸汁梳打"。來到後也真是沒半顆青檸, 梳打水是溝出來的, 你可以話咁做既好處係保證到味道, 因為唔係粒粒青檸都有味的, 尤其係去到最後溶晒冰更加明顯, 但飲落又覺得奇怪, 因為好似飲緊d加工飲品咁招牌瑞士汁牛河來到, 看樣子好像很好味, 尤其係貌似即整既牛河, 總比去茶餐廳食整定午餐來得興奮, 但吃落就發覺問題所在, 就係無左個"炒"字。佢只係將熟左既河粉淋上瑞士汁、牛肉、菜心, 河粉還是一pat黐埋一齊的。在自己享受"撈河"既

去到灣仔唔知頭唔知路見佢個門面幾靚..就入去囉兩個位坐住等朋友..當時D卡位唔係已經坐人就係留位..咁侍應安排左一張四人檯(兩張二人檯合埋)坐低叫左白湯,同杏仁龍利柳(原來想叫焗什菌魚柳飯轉薯菜,佢話無得轉,但係佢個MEUN寫任何套餐飯可轉意粉或薯菜囉!!一問之下等三個餐可以轉勁搵笨)湯跟蒜蓉包湯一D忌廉味都無只可以話係稀D既白汁蒜蓉包硬而凍,好明顯係一早焗定曬杏仁龍利柳跟左個蒜蓉汁(佢無寫..不過睇色水應該係)個汁酸酸地既?又無蒜蓉味.魚唔可以話凍但又唔熱囉,(又整定?)薯菜得8條小得可憐..我唔想食太多先簡薯菜,但都唔係咁小麻!!!!!!又後黎左6個客..咁隔離卡位坐得四個都拉我一張兩人檯..後尾朋友帶多個人黎我要求轉檯佢唔比囉!!最後要問多個人又轉個卡位比我地..友人1叫左牛尾煲同(唔夠林)紅湯(佢話好淡)友人2叫左牛柳(佢話細塊)白湯(唔CREAMY)飲品都是................其差!!!價錢以港島區算係OK....

今日下午約左2個好朋友食lunch, 因為其中一個是準媽媽, 所以我們相約到她家附近的雅苑餐廳食. 就是這樣, 我的惡夢開始了. 我點了一客$30的牛脷飯, 跟紅湯, 蒜蓉包及熱奶茶. 朋友她們點了咖哩雞飯及焗肉醬意粉.先來蒜蓉包, 我的朋友吃了一口, 馬上吐出來, 她說好大陣"縮"味, 叫我們不要吃. 以我們估計, 蒜蓉可能己經變壞左, 算吧, 反正個蒜蓉包外表看來不燶又不熱, 必定很硬的. 跟著我地開始飲湯, 湯的味道淡如水, 很不討好. 我的牛脷飯到來了, 飯面上有3塊牛脷, 樣子也蠻好看的. 朋友嚷著要試一口, 她說很耐也未曾吃過牛脷了. 切了半塊給她, 她吃了一口再沒有繼續食, 掛住傾計還沒開始進食的我就問她好吃嗎? 她說牛脷的"壓"味很重, 叫我也試一試, 我咬了一小口, 果然"壓"得很, 成個口都覺得好 "拿". 有無攪錯呀, 蒜蓉包唔食得, 現在連牛脷都差成咁. 唯有食白飯 朋友見我咁慘, 就把她的咖哩雞飯分給我吃, 味道ok, 絕沒有問題的. 另一位準媽媽胃口超好, 轉眼間己掃清成碟焗肉醬意粉了. 她說味道不錯. 後來伙記來執拾我們膳後的餐具,

師傅從來都未黎過呢度食野, 友人就話既然未黎過, 不如就入去試下, 於是兩個人就黎左呢度食午餐!入到去環境唔算太光猛, 好似好有情調咁, 好彩唔使等位, 於是乎坐底後睇下有咩食啦, 見到有set lunch, 有幾款都啱食喎, 於是就決定柯打兩個set lunch, 一個要咖哩牛筋腩飯, 一個要瑞士汁牛肉炒河!餐前有餐包同餐湯, 而餐湯要左一紅一白, 餐包就係蒜蓉包! 蒜蓉包都整得幾香脆, 蒜蓉份量亦啱啱好, 都幾好味; 紅湯係羅宋湯, 白湯係忌廉白菌湯, 羅宋湯唔酸唔辣, 料又唔多冇咩特別, 但係都幾好味; 忌廉白菌湯就幾忌廉, 唔會好水, 而白菌嘅份量都唔少, 可以喎; 咖哩牛筋腩飯係一碟上, 有牛筋, 牛腩同薯仔, 咖哩都幾香幾辣, 幾惹味, 而牛筋同牛腩都炆得好鬆好腍, 幾入味, 薯仔又係幾腍, 唔錯; 瑞士汁牛肉炒河嘅瑞士汁都幾多, 所以都有d咸, 而牛肉就好鬆, 不過就落左好多鬆肉粉, 口感麻麻, 而河粉都炒得幾好, 可以啦!總括黎講食物質素唔算差, 師傅覺得可以接受, 環境都算舒服, 服務一般, 價錢都算相宜, 喺呢一區黎講一個午餐都係三十至四十蚊, 有湯有飯有茶, 絕對

前幾日同女友嘗試食呢間,入面好暗. 坐底之後我叫咗過焗燒三文魚長通粉, 我女友叫焗海鮮菠菜面. 等咗好耐先黎,不過等耐都值得.因為都幾好味.反而我女友叫果個焗海鮮菠菜面就有D..... 味唔夠特出,海鮮有些少異味...服務上: 其實都無咩服務可言,因為你要點餐\&買單先見到人.

2007年12月18日其實都見佢開左好多年, 之前不繼轉名, 今日老闆出聲話試下呢間, 都好喎, 未試過.我叫左個牛利飯lunch set, 牛利唔錯, 好香, 數量亦多. 飲品麻麻.LUNCH不錯之選

到此午膳好幾次﹐中午時段在12:40分以後便多滿座。服務一般﹐繁忙起來可能會有侍應態度不耐。食物質素也是一般﹐不是難吃也沒感覺特別回味﹐有時想不到吃什麼﹐隨便只吃頓港式西餐填個肚﹐這裡是可以的。地方像花園餐廳般﹐少許暗暗的﹐卡座如果坐四人則稍微嫌窄小。

同老公仔拍拖,老公想食扒.但扒王好貴又麻麻,黎到呢處,望下個牌好多扒餐,老公仲意.$68 雞扒炸魚配飯,我要龍脷珍寶腸配薯菜.羅宋湯好夠濃.餐前送一隻芝士焗生蠔,凍0茶夠大杯.人吾多.幾舒服.