雅苑餐廳 (已結業)

中午係灣仔做完野一條友，就周圍行下覓食。諗起金記冰室，但超多人，有啲餓唔想排隊，見隔離間餐廳好似都唔錯，就直接入去試試。坐低，午餐餐牌都冇，示意完都視而不見。終於要收銀個哥仔黎幫手落單，我輕輕問一句野，個態度語氣極為惡劣，好似得罪佢咁，傻的嗎？諗住直接起身走，不過呢度價錢真係幾平，午餐有湯有蒜蓉包有野飲，又費事出去再揾，硬住頭皮都試試啲野食。味道都叫正正常常，分量夠。係，明知平野冇好野，冇服務都可以接受，但主動串人真係難以接受。總之就冇下次。

說好的紫薯呢?窮小姐今早早早便到了灣仔,在回公司的路上被雅苑吸了進去.雅苑舒適的卡位,就算需要與他人同座一枱,也不減其舒適質量.最喜歡的是雅苑的熱奶茶,茶味比奶味輕微重一點點,十分香濃.其實窮小姐對他的熱奶茶百喝不厭,若非健康原因,窮小姐真的會天天也喝的! 雅苑員工十分貼心,每次窮小姐放了足夠金錢在抬面上,員工也會小心翼翼地收走,因而縮短了排隊付費的時間.窮小姐對食只有5大要求: 1. 舒適的座/企位 2. 好吃的食物 3. 不用/小人排隊 4. 合理的價位 5. 友善的員工.可是不太多的餐廳/食店能符合到窮小姐的要求.而雅苑就剛剛好符合到了窮小姐的要求,所以他也成為了窮小姐最喜愛的早餐飯堂之一.

又到星期五了,每逢星期五窮小姐也會食餐豐富的早餐開心一下!而每一次的首選當然是這里的行政早餐(開心).這兒的行政早餐有分兩個價錢,1種是選1種肉類($32),另1種是選2種肉類(好似係$34).由於早餐已包兩隻雞蛋,所以窮小姐一般只會選平的那種,不然太多肉!窮小姐最喜愛食牛,所以每次也是選薄牛扒,而這里的薄牛扒窮小姐食得很满足,因為是很大的一塊而煎剪得很香及有咬口.窮小姐很喜歡食多士(走牛油)的是候沾一點牛扒上的汁及雞蛋黃,脆脆軟軟的,很是好吃!

在灣仔工作多時,試過不小附近的餐廳,最喜歡的始終是雅苑餐廳. 今天又去了,食了最喜歡是牛扒餐飲熱奶茶. 牛扒很大份,所以自帶了環保食物袋帶走了一半做午餐. 早餐好味,大份,地方坐得舒適且員工態度依舊友善. 十分推介!!!

Coming here to have lunch with colleagues and they offers not much foods but the price is affordable. Lunch set only $38-$44 which included a soup, garlic bread and drink, but need to pay service charge. I order set C which is seafood cheese baked pasta($42), I'm really surprised that it is tasteless!!!! I'm not sure they forget to do seasoning or this is what it like.... and the shrimps also not fresh🤦🏻‍♀️Soup and bread is fine. And it very hot inside ...maybe the air conditioner is broken we gu

今晚去接老婆收工後，邊行邊傾邊搵食既情況下，見到開始閃電，可能會落雨既時候，就下定決心搵間餐廳走入去食晚飯繼續傾。呢間餐廳係港式的西餐廳，有從回細個食扒餐的回憶。餐廳偏暗，想是制造浪漫情調，不過舊式的餐廳只能給我懷舊的感覺而非浪漫。差不多八點鐘左右的時間，食飯的人也不算很多。是餐廳過戲了嗎？可能來吃的多數會是熟客吧！坐位算寬鬆，位與位之間也不會太貼切，但冷氣略為凍咗啲。今晚有點肚餓，我和老婆各自叫了個主食，一份羊架田螺套餐和一份什扒餐，先上了一個忌廉湯和蒜蓉包，忌廉湯普普通通也不會太稀，料就不算多，蒜蓉包硬而不鬆軟，蒜蓉味略少，本身包身就不好，所以也不在乎是否夠味了！主菜上來略嚴有啲慢，可能自己也有點肚餓了，田螺味道只算ok 薯蓉就幾香，整個田螺薯蓉都夠熱，而什扒餐方面竟然係上雞膇而非雞扒，仲要好細的，讓我好奇怪，不過就多了少有的煙肉，豬扒夠鬆軟可以容易咬開，味道也香，牛肉是薄切的，也有點難咬，不過還可以，整個扒餐算是中規中矩，與此同時，老婆也切了些羊肉給我，佢將啲羊肉放在我的鐵板餐上一會，可能咁樣變得肉質實了，難咬了，食唔到。之後老婆再切了些羊肉俾我，今次冇放鐵板上，就真的冇咁實了，

本來係去金記冰室食lunch，點知家姐臨時話想食扒，我同阿sir後join既，一推門入去已經覺得唔對路，因為父親節無理由有咁多吉位剩架喎，咁人都已經坐底咗，就唯有一試啦！羅宋湯淡而無味又好浠，一d蕃茄同雜菜味都無架，淨係得茄膏顏色！香煎龍利柳拼牛扒 $68龍利面既蛋漿好厚，但龍利又薄又散又無味，好似食緊豆腐咁！牛扒又薄又un，根本唔知自己食緊乜囉！燒牛舌拼牛扒 $68牛舌雖然大塊，但燒到無晒水份又乾又un，好似咬橡筋咁，牛扒同上面果件一樣口感，唯獨薯條係最好味。芝士釀蟹蓋 (加$25)呢個超搵笨，蟹蓋迷你到呢。。。入面d餡又唔好味，點可能值原價$45！每人平均 $90，一定唔會再有下！

雅苑由細食到大, 以前成日食下午茶, 焗豬扒飯嗰d, 最近食返有驚喜, 發覺個西冷牛扒好正, 扒好厚身, 好香好有炭燒味無鬆肉粉, 五成啱啱好, 好過波xx 多多聲, 值得一試再試真係啱啱好唔成, 肉厚多汁, 味道濃郁, 肉質無乜鬆肉粉感覺嚟到就有一怎好香嘅香味, 抵食夾大件, $100 鬆d 簡值係sing價比高. 汁另上, 跟意粉.因為做完gym 嘅關係覺得未夠喉要加多個抵食套餐, 牛脷加豬扒,牛脷好好味, 超水準之作.雅苑夜晚唔算多人, 睇嚟波xx 金x 以後會多個勁敵了.

見到有吉列豬加牛扒先88蚊，仲有西湯加蒜蓉包同餐飲，仲有意粉/飯/蔬菜，咁抵就當然試下，食左都不差，值得再食男友的西冷都厚切，話8成熟不過中間還很多生的，下次再叫要留意生熟程度，108加15蚊就有套餐。本來想問店員拿茄汁，後來忘了，店員居然很醒目拿給我地，感覺貼心，男友說一定要寫出來。

諗住食地道茶餐廳來個快速醫肚，坐下看看餐牌才知道這不是普通茶餐廳！又要食勁餐廳得三枱有客，可能夜了，不過感覺是否經濟差了？餐廳就是直接反應既經濟指標？愛人抵受不住牛扒的引誘，依然叫鐵板黑椒牛柳扒餐，因為太肚餓原故，連相機食先都忘了，不過佢話都不錯，牛肉香濃多汁。餐湯是傳統忌廉湯加蒜蓉包，不過不失。我點了煎雞扒雜果沙律餐，原本諗住食多一點雜果沙律，誰知那個沙律九成是薯仔作主菜，生果只得數片，感覺極度失望。不過雞扒皮煎得非常香脆，雞肉嫩口。填肥了肚子，便回家去了。。。

今日中午我們去咗灣仔天樂里嘅「雅苑餐廳」食午飯！我們叫咗星洲炒米、椰香葡國鷄飯、招牌瑞士汁牛河同菠蘿鷄炒飯！餐湯：羅宋湯同火腿粟米忌廉湯！餐飲：凍青檸汁！星洲炒米炒得都幾乾身，但味道就比較淡！椰香葡國鷄飯嘅鷄肉都幾嫩軟滑，但醬汁嘅味道好淡，完全唔覺有椰汁嘅香味！招牌瑞士汁牛河嘅河粉麵質都幾滑身，牛肉嘅肉質都幾嫩滑，但瑞士醬汁比平日食開嘅較甜，感覺有啲怪！菠蘿鷄炒飯嘅炒都幾夠鑊氣，材料都幾豐富！餐湯：羅宋湯比較稀，唔係好濃郁！火腿粟米忌廉湯都幾香滑！

老牌港式西餐買少見少, 路過見到此餐廳, 便進去試試.點了什扒餐加田螺,首先來法包及羅宋湯-包得不夠脆, 湯味道正常.法式焗田螺-精華永遠都是薯蓉, 好香! 田螺冇乜味.鐵板黑掓什扒, 豬扒最好食,唔硬, 雞鎚,牛扒雪味重, 腸仔煙肉味道正常(其實呢兩樣好難唔正常),粗身薯條要自己加鹽, 如果唔係冇味.總括黎講算滿意的一餐, 主要係懷舊環境同感覺, 百零蚊鋸扒不能要求太多.下次試下淨叫豬扒餐試下先.

今日午飯食左好少 所以一到五點幾個肚已經打咕嚕行過雅苑見唔係太多人 就即刻同友人入左去lu一早聽聞呢到嘅瑞士汁牛河係幾正 當然點左碟另外仲叫左個焗豬排飯同兩款小食：餃子雞翼同芝士焗蟹蓋 1.餃子雞翼整體呢講都唔錯 裏面有明太子等嘅料 細細隻咁作為小食都幾好2.瑞士汁牛河真係幾正 瑞士甜得黎唔會好膩 牛河亦得頗分明同時唔算好油 牛肉一的都唔un 比個like佢3.芝士焗蟹蓋呢一様就比較遜色啦 首先size比預期中細好多 食落完全唔覺得有芝士味 蟹肉似魚肉 真係有啲失望4.焗豬排飯呢個都幾好味 豬排好鬆軟又大塊 飯都炒得幾香同分明 有小小飯焦係佢出色嘅地方 汁係啱啱好足夠嘅 幾好 如果下次再經過會想試下午餐

前幾日路過, 同事話呢間餐廳開咗好多年! 所以今日 lunch 決定嚟試一試 ^^餐廳俾人一種懷舊嘅感覺, 而且有好多卡位, 坐得都幾舒服!! 而且呢度嘅午餐仲好經濟添 ^^我哋叫咗一個碳燒雞扒飯 & 兩個焗吞拿魚意粉跟餐有餐湯 & 蒜蓉多士, 我哋全部都叫咗羅宋湯羅宋湯好咸... 似醬汁多過湯  蒜蓉多士冇乜味... 不過點咗湯就啱啱好碳燒雞扒好大塊, 味道都唔錯!吞拿魚意粉就中規中矩啦!!因價錢平, 味道都 ok! 我諗我哋都會再幫襯嘅~

時光飛逝，很多東西正在轉變，從前人們沒有太多機會上西餐廳用膳，皆因在高級餐廳用餐的是非富則貴，一般平民百姓卻難以高攀，直到港式餐廳的出現，才有機會上西餐廳開餐。然而上西餐廳用餐的卻又隆之重之，穿上西裝才到西餐廳用餐。後來時而勢易，上西餐廳已成為了一種習慣了。還記得在下初初拍拖的時候，咱們已經前往雅苑餐廳共晉晚餐，進入餐廳已經被那浪漫情調所吸引。時光飛逝，此後在下與饞餵妹再沒有進入這餐廳用餐了，饞餵妹今天有事，不能陪伴在下，現在只有在下一人，只好在下雨天時間進入了這餐廳，獨自一人在這裡開餐好了。餐廳環境與昔日有所不同，依稀還記得當時餐廳兩邊有卡，中間沒有的，現在卻連餐廳的中間位置也放了卡座，不過沒有變的卻依舊是一所港式餐廳，洋溢著上世紀的風情；食物也是依舊的沒有太大分別，仍然是以扒類作為主打；性價比依然是平民化，比起高級餐仍然有一段距離。從餐牌中，沒有了平日的特價午餐，這也是港式餐廳的特點。雖然性價比較平日的貴了一點，但是仍然的可以接受。在下於午餐裨上點選了一客香煎龍利魚及豬扒，不過侍者依舊會問：「配飯，意粉抑或茨菜？」（餐牌上依然寫上這樣的茨菜，可見這是情懷不變），在下還是選擇了最愛的